كنت اظن انها النهاية (قيد التعديل)

💞الفصل الحادي عشر💞

كنت اظن انها النهاية
الفصل الحادي عشر
💞 يارب يعجبكم 💞
واشرقت شمس يوم جديد على ابطالنا ، عند ادهم كان يستعد للمهمة وهو فى طريقه للخروج قابل ولده.
ادهم: صباح الخير يا بابا
ماجد: صباح النور يا ابنى صاحى بدرى كده
ليه لسه الساعة ٥:ونص
ادهم: عندي شغل مهم جدا وهغيب فيه فتره كده
ماجد: ترجع بالسلامه يا ابني خلي بالك من نفسك
ادهم: حاضر يا بابا انا امشي دلوقتي عايز اي حاجه مني
ماجد: لا يا ابني ربنا معك بس انت مش هتقول لامك
ادهم: ما انت عارف يا بابا كل مره بطلع مهمه هي بتعمل ايه في انا هاسيب الموضوع ده عليك
ماجد: ماشي يا ادهم بتحطني في وش المدفع ماشي يا ادهم
ادهم بضحك: معلش يا بابا خليها عليك المره دى
يلا استاذن انا دلوقتي
ماجد: ماشي يا ابني في حفظ الله
وخرج ادهم وتوجه للفريق الخاص به حتى يجتمع معهم قبل الذهاب الى الفيلا الخاصة بحامد.
••••••••••••••••••••••••••••••••••••••••••••••
على جانب اخر في المنزل عند جميلة استيقظت وابدلت ملابسها ونزلت إلى الأسفل  وجدت ولدتها فقط.
جميلة: صباح الخير يا حنون
حنان: صباح النور يا حبيبتي
جميلة: امال فين بابا هو لسه نايم
حنان:لا باباك راح الشركه بيقولوا عنده شغل مهم يلا عشان تفطري قبل ما تروحي المستشفى
جميلة: لا يا ماما انا هافطر مع دكتور عبد الله
حنان: امم دكتور عبدالله
جميلة: لا دماغك ما تروحش لبعيد انا وهو مجرد اصحاب و زمايل في الشغل هو انسان محترم جدا معايا مش اكثر من كده
حنان: لسه بتفكري فيه يا جميلة دى فاتت سنين كثير
جميلة: انا عمري ما نسيتو ابدا يا ماما انتى عارفه ان انا بحبه هو انتى متعرفيش عنهم اي حاجة
حنان: لا يا بنتي بس السؤال ده ممكن باباكى يجاوب علية
جميلة: اول ما ارجع من المستشفى اكيد اساله انا هامشي دلوقتي عشان متاخره يا ماما يلا سلام.
وخرجت جميلة وذهبت إلى المشفى وقابلت دكتور عبدالله.
جميلة: صباح الخير يا عبد الله عامل ايه النهارده
عبدالله: صباح النور يا جميلة انا الحمد لله كويس انتى عامله ايه النهارده
جميلة:انا الحمد لله تمام على فكره انا ما رضيتش افطر زي ما انت قلت لي عشان نفطر النهارده سوا يلا بقى ناوي تفطرني اي
عبدالله:بما ان فاضل ساعه لسه على معاد اول عمليه في انا هاخدك في مكان تحفه هيعجبك
جميلة: ماشي يلا بينا.
•••••••••••••••••••••••••••••••••••••••••••••••••
فى ناحية أخرى وصل سيف اسفل المبنى واتصل على شهد وبعد دقائق نزلت شهد إلى الاسفل.
شهد: صباح الخير
سيف بابتسامه: صباح النور انتى عامله ايه النهارده
شهد: انا الحمد لله تمام واخبار حضرتك ايه
سيف: انا تمام بس بلاش الرسميات بيننا حضرتك والكلام ده
شهد: حاضر بس في الشركه هاقول ايه
سيف: في شركه قولي باشمهندس اتفقنا
شهد: ماشي اتفقنا
سيف: عملت ايه مع نهى امبارح كله تمام
شهد: اه هى فهمتني كل حاجه وعرفت اتعامل كويس لو في حاجه هاقول لها.
سيف: تمام بس لو في اي حاجه انا موجود
شهد بتسامه: مش عارفه اشكرك ازاي يا سيف
سيف:قلت لك قبل كده ما تشكرنيش اي حد مكاني كان هيعمل كده.
وصل سيف وشهد إلى الشركة وصعدو تحت انظار الجميع المتعجبة
••••••••••••••••••••••••••••••••••••
عند ادهم في الفيلا الخاصة بحامد
حامد: ها يا ادهم امنت الفيلا كويس انا مش عايز اي غلطه فاهم.
ادهم: فاهم يا فندم ما تقلقش كله تمام.
حامد: انا عايزك تختار حد كويس يكون محل ثقه من رجالتك عشان بنتى ميرا يكون معها خطوه بخطوه ماشي.
ادهم: تمام يا باشا.
حامد: ودلوقتي انا اتحرك على الشركه ثواني هاجيب ورق من مكتب لحد ما تجهز انت والرجاله.
ادهم: ماشي يا باشا
دخل حامد المكتب وادهم فى طريق خروجه قابل ميرا.
ميرا: انت بتعمل ايه هنا
ادهم: انا الحارس الشخصي لحامد باشا
ميرا: اه اهلا بيك اناميرا السيوفي
ادهم بكل غرور :تشرفنا يا هانم بعد اذنك لازم امشي دلوقت
ميراب بنظرات اعجاب :طب مش هتقول لي اسمك
ادهم بكل غرور اسمي ادهم بعد اذن حضرتك
••••••••••••••••••••••••
خلص الفصل اشوفكم على خير يارب يكون عجبكم عاوزه تفاعل