كنت اظن انها النهاية (قيد التعديل)

الفصل الثامن عشر

كنت اظن انها النهايه
الفصل الثامن عشر
💞 يارب يعجبكم 💞
في بيت عائلة الشرقاوى وصلوا كلهم من المستشفى بعد يوم مرهق جدا ودخل كل واحد اوضته عشان يرتاح .
دخل سيف الاوضه على عمر وكان واقف فى التراس بيشرب سجاير هنا سيف اتكلم بغضب وقال: هو ده الى انت فالح فيه سجاير وشرب وسفر مع اصحابك انما تشيل مسؤولية لا
انت هتفضل لحد امته مستهتر وفاشل كده ها
عجبك حياتك كده رد عليا.
عمر بكل برود: واللهى حياتي وانا حر فيها اعمل الى انا عوزه مش محتاج نصيحه من حد
انا مش صغير
سيف: ماهى المشكلة انك مش صغير بس الوضع ده مش هيستمر كتير وانا هعرف ازاى اوقفك عند حدك كويس
عمر ببعض الخوف: يعني هتعمل ايه
سيف بغموض: متخفش قريب اوى هتعرف كل حاجه . وخرج سيف وساب عمر فى حيره وخوف من كلامه الى قاله
#######################
اما عند ادهم وجميله فى المستشفى
ادهم مش مصدق الى شايفه هى جميله حبيته
بقت جميله فعلا نفس البرائه الى وشها وسحر عينيها .
ادهم: جميلتى انا مش بحلم صح
جميله هي كمان مش مصدقة ان ادهم قصادها
وبعدين اتكلمت: ادهم انت ادهم هو بجد صح
ادهم بسعادة: ايوه يا جميلتى وحشتيني اوي
وبعدين اخدها في حضنه وبيشم ريحتها الى كانت وحشه بجنون .
جميله: وانت كمان وحشتيني اوي يا ادهم
ليه سبتنى كل السنين دى كلها
ادهم: جميلتى صدقيني كان غصب عني انا دورت عليكى كتير عمرى ما نسيتك ابدا
انا طول السنين دى عايش في شوق ووجع
جميله رمت نفسها في حضنه وقالت: عشان خاطري اوعى تسبنى تانى يا ادهم
ادهم عدلها وبيمسح دموعها وقال: مش عايز اشوف دموعك تانى يا جملتى متخفيش يا قلبي احنا روحنا اختلطت ببعض يا جميله انا خلاص ما صدقت لقيتك عمرى ما هسيبك ابدا
جميله خرجت من حضنه وقالت: طيب تعالى أشوف الجرح بتاعك قبل ما امشي
ادهم: انا خلاص خفيت اول ما شوفتك قدامى يا جميله وبعدين تمشي فين انتى هتفضلى جمبى .
جميله: لزم اروح البيت عشان اتاخرت اوى ومن بكره الصبح بدرى هكون موجوده جمبك
ادهم: ماشي بس متاخريش عليا فاهمه
جميله: عمرى ما هتاخر أبدا متخفش
وابتدت جميله تشوف الجرج لادهم واطمنت عليها وراحت بيتها وهى فى قمه السعاده
#########################
في صباح يوم جديد على ابطالنا استيقظت بطلتنا بنشاط وسعاده كبيرة وابدلت ملابسها ونزلت للفطار مع العائلة .
جميله: صباح الخير جميعا
حنان: صباح النور يا حبيبتي
محمود: صباح النور يا بنتى اى محدش بقى بيعرف يشوفك المستشفى وخداكى مننا
جميله: واللهى يا بابا الشغل كتير عمليات كل
يوم وكمان لزم اشرف على التعديلات الى بنعملها في المستشفى.
محمود: ربنا معاكي يا حبيبتي
جميله: انا بقى عندى ليك خبر بمليون جنيه
محمود: اى هو الخبر الى بمليون جنيه
جميله:مش هتصدقوا انا شفت مين امبارح
حنان: مين؟!
جميله: شفت ادهم الشرقاوي
محمود بفرحه: بجد يا بنتى اخيرا لقينهم مش مصدق نفسي
جميله: ادهم اتصاب وهو في مهمه وانا الى عملته العملية
حنان: حبيبي طب وحالته اى دلوقتى يا جميله
جميله: لا الحمد لله بقى تمام جدا
محمود: انا لزم اجى معاكى المستشفى عشان اشوفه واشوف ماجد وحشنى اووي
حنان: وانا كمان لزم اجى معاكم
جميله: تمام انا هروح المستشفى وانتو حصلونى على هناك يلا سلام
محمود: سلام يا بنتى
#######################
استيقظ سيف وذهب إلى الشركه لمتابعه عمله
دخلت نهى السكرتيرة : بشمهندس سيف صباح الخير
سيف: صباح النور يا نهى
نهى: حمد لله على سلامه ادهم باشا
سيف: الله يسلمك يا نهى ها عندنا اى انهارده
نهى: حضرتك انهارده عندنا اجتماع مع شركة الأنصارى
سيف: ماشي تمام جهزى الورق وكل حاجه
نهى: تحت امرك يا فندم بعد اذنك
ذهبت نهى لتنفيذ ما أمرها بها اما سيف
اتصل على شهد عشان يطمن عليها
سيف: السلام عليكم ورحمه الله وبركاته
شهد: وعليكم السلام ورحمه الله وبركاته
سيف: عامله ايه النهارده
شهد: الحمد لله بخير وانت اخبارك ايه
سيف: الحمد لله تمام
شهد: اخوك اخباره اى دلوقتى
سيف: الحمد لله فاق امبارح ويومين ويخرج
من المستشفى ان شاء الله
شهد: حمد لله على سلامته
سيف: الله يسلمك . وبعدين حس ان صوتها متغير .
سيف: شهد انتى كويسه
شهد : ايوه يا سيف انا كويسه
سيف: شهد انا كنت عايز اتكلم معاكى في حاجه مهمه.ولسه هيتكلم دخل ماجد المكتب
سيف: طيب هقفل معاكى وهكلمك بعدين
وقفل سيف مع شهد
ماجد: السلام عليكم يا ابنى
سيف: وعليكم السلام يا يابا
ماجد: ها يا ابنى اخبار الشغل اى.
سيف: كله تمام متقلقش والقرية السياحة قربت تخلص وكمان الصفقة الاخيره كسبنها
ماجد: كويس جدا معلش يا سيف انا عارفه ان الحمل تقيل عليك بس انت شايف ادهم ملوش في شغل الشركات وعمر ربنا يهديه بقى
سيف: متقلقش يا بابا انا جمبك دايما
ماجد: ربنا يخليك ليا انت واخواتك
انا رايح المستشفى عند ادهم مش هتروح
سيف: انا كنت هخلص شويه شغل وبعدين اروح المستشفى عشان عندى اجتماع مع شركة الانصارى
ماجد: طيب تمام انا هروح وانت لما تخلص حصلنى
#####################
عند جميله فى المستشفى اول ما وصلت دخلت عند ادهم على طول عشان تتطمن عليه
جميله بابتسامة: صباح الخير يا ادهم عامل اى
دلوقتى.
ادهم: صباح النور على احلى جميله خطفت قلبي ⁦❤️⁩ انا بقيت كويس لما شوفتك
جميله وشها كله بقى احمر
جميله: بس يا ادهم بطل تكسفنى بكلامك ده
ادهم: لسه زى ما انتي يا جميله متغيرتيش
نفس البرائه وجمالك زاد عن الاول و حبى ليكى بيزيد يا جميلتى
جميله: على فكره بابا وماما جاين انهارده عشان يشفوك ويطمنو عليك
ادهم: بجد عمى محمود جاي وحشني اوي بجد هو وحنون .
جميله بابتسامة:لسه فاكر دلعها
ادهم: أنا عمري ما نسيت اى حاجه تخصك
ادهم : عاوزة بقا اعرف كل الي حصل من ساعت مسبتيني واكمل بحذر وتوتر احم هو انتي اتخطبتي يا جميلة
جميلة ابتسمت : لا يا دومي متخطبتش
ادهم براحة : طيب كويس
جميلة : تعالي بقا اشوف الجرح عشان اروح اشوف شغلي
جميلة قربت تشوف شغلها وهو قال : جميلة شوفى الجرح وبعد كده شوفى شغلك بسرعة ومتاخريش
جميلة : حاضر والله هاجي علي طول
الباب خبط ودخل اللوا عدلي وقال: حمد لله على سلامتك يا بطل ايه ياواد شد حيلك كدا الداخليه منتظراك
ادهم بهزار :مستنية ايه مني ايه هو انا بقيت نافع يا سياده اللواء
عدلي ابتسم وبص لجميلة : هو حالته ايه يا بنتي
جميلة : و اللهى يا انكل دوله هو كويس مسألة وقت بس ويرتاح
عدلي بذهول انكل دوله .... جميلة جميلة محمود صح
جميلة ابتسمت : ايون انا ايه رائيك فيا بقا لما كبرت
عدلي بابتسامة: زي القمر يا حبيبتي بقيتي عروسة حلوة اخيرا رجعتى من السفر حمد لله على سلامتك يا بنتى
جميلة ابتسمت بخجل وقالت: الله يسلمك يا انكل طيب استاذن انا بقا يا عمو هروح شغلي
#########################
في المستشفى كان ماشي بسرعة وفاجاه خبط في حد
عبدالله: انا اسف جدا اسف وبيرفع عينه لقى ايمان
ايمان : لا ابدا محصلش حاجه يا دكتور
عبدالله: انسه ازاى حضرتك انا اسف جدا ماخدتش بالى
أيمان: انا الحمد لله بخير وحضرتك اخبارك ايه
عبدالله : حضرتى كويس جدا لما شافك بس هتقضيها حضرتك كده كتير . خليها بعد كده عبدالله وايمان
ايمان بابتسامة: حاضر يا عبدالله
عبدالله بابتسامة هو الاخر: ايوه كده الكلام اتظبط
ها بقى كنتى جايه ليه
ايمان: جيت عشان اطمن على ادهم انا وماما بس
هى سبقتتى ليه
عبدالله: اخ انا نسيت موضوع أدهم ده خلاص على العموم هو حالته اتحسنت جدا وتقدرى تسالى دكتوره جميله هى الى متابعة حالته الصحية
أيمان: اه اكيد هسالها عشان اعرف ممكن يخرج امته
متشكره جدآ يا عبدالله
عبدالله: لا ابدا مفيش حاجه بس لو اجتاجتى حاجه انا موجود .
ايمان: ميرسي جدا عبدالله يلا أستاذن انا
عبدالله: اتفضلى وفرصه سعيده انى شفتك يا ايمان
ايمان ابتسمت وراحت على اوضه ادهم
اما عبدالله مستغرب الشعور الى حاسه تجاه إيمان
#########################
في الاوضه عند ادهم كانت مامته موجوده وبعد كده
دخلت ايمان وسلمت على ادهم واطمنت عليه
كريمه: ادهم حبيبي انت كويس انهارده
ادهم مسك ايد مامته وباسها وقال: الحمد لله انا كويس يا ست الكل وكمان خلاص بكره باذن الله هخرج
كريمه: الحمد لله يا حبيبي ربنا يقومك بالسلامه
دخل ماجد الشرقاوى الاوضه عند ادهم
ماجد: السلام عليكم
كلهم ردو: وعليكم السلام ورحمه الله وبركاته
ماجد: ازيك يا ابنى انهارده
ادهم: الحمد لله تمام يا بابا
ماجد: الحمد لله يا ابنى
ادهم: انا عندى ليكم خبر هيفرحكم جدا انتو مش هتصدقوا انا شفت مين.
ايمان بفضول: مين مين يا ادهم .
ادهم بضحك على اخته: اهدى يا بت هقولك أنا شفت جميله بنت عمي محمود
ماجد: بجد يا ادهم انا مش مصدق اخيرا
كريمه باهتمام: وشفتها فين يا ادهم
ادهم: هى الدكتورة الى بتعلجنى وعملت ليا العمليه
وكمان عمى محمود وطنط حنان جاين انهارده .
ماجد: اخيرا بعد السنين دى كلها هشوف محمود
#######################
عند سيف فى الشركة كان بيستعد لاجتماع مع
شركه الانصارى .
دخل سيف هو ونهى السكرتيرة غرفه الميتنج روم
وقال : السلام عليكم
زين الانصارى : وعليكم السلام ورحمه الله وبركاته
########################
خلص الفصل اشوفكم على خير ويارب يكون عجبكم وعاوزه تفاعل