#الوجه_الأخر_للقمر
#فريده_احمد_فريد
الفصل الخامس عشر.......
ماهيتاب حاولت تعليم نور السير وطريقه الاكل والشرب،لكن نور فشلت.
ماهي صرخت ف محمود
(كفايه يا مستر محمود... بجد كفايه... دي مفيش منها امل... انا آسفه لحضرتك بس... بس انا همشي... شوف لك واحده غيري... انا آسفه)
نور نظرت لها ببرود وهيه تغادر ... قالت لمحمود
(مالها دي... راحه فين يا أبله... تعالي بس أقولك)
محمود مسك يد نور بعنف وهزها بقوه وهوه يقول
(انتي إيه... واخده كل حاجه هزار... فاكره ان الموضوع ده لعبه.... دي حياتي... دا مستقبلي يا نور... انا خلاص اتدبست فيكي واتجوزتك... لو مكنش ليكي مزاج من الأول كنتي قلتي لي... وانا كنت اشتريت واحده تمثل الدور وخلاص... إنما تضيعي وقتي وتحرقي دمي لييييه.... انا قرفت منك)
ترك يدها بعنف... وخرج من الفيلا.
نظرت لنفسها ف المرآه... لم تري سوي رجل... رجل فقط... لا وجود لامرأه داخلها
نظرت ع مخرج الفيلا... وقالت بصوت عالي
(انا آسف أوي يا محمود.... مكنتش عايز أزعلك... انا بس... انا مش عارف اتصرف زي البنات... انا مش عارف وربنا... انا مش بستعبط عليك... انا عايز أساعدك... لو طلبت نور عيني مش هتأخر عليك... بس انا كاره نفسي... كارهه أوي ... و خايف... خايف ابقي ست... مش عارف ممكن اعمل إيه... انا آسف أوي)
انهمرت دموعها بحرقه...
مسح دموعها وقال بصدق
(انا اللي اسف اني انفعلت عليكي... انا عارف انكي بتحاولي.... وعارف انه صعب... بس خلاص... انا اللي هعلمك من هنا ورايح...)
نور بصدمه(انت... حضرتك اقصد)
محمود بضحك (آه حضرتي... بس عايز أحذرك... انا معلم ممتاز... ولما احب اعلم حد... لازم ينجح بأمتياز... فاهم يا نور... ولا اقول فاهمه يا نور الهدي)
ابتسمت له بخجل... ضحك كثيرآ... وقال بسعادة
(دي اول نقطه ليا... اهوه دا الكلام... دا خجل البنات... و دا اللي هنعمله ... هنشتغل ع الحاجات البسيطه الأول ايه رأيك)
عادت تبتسم بخجل وسعاده اؤمت له موافقه... ربت ع كتفها... و دفعها أمامه للداخل
*****************
ف الجزيرة.......
نسرين تجلس أمام النار وهيه شارده
فجأه سمعت صوت ..نظرت ع اليخت الذي يقترب
وقف بعيد عن الجزيرة.... و ظهر قارب مطاطي ... و عليه خمس رجال... لكنهم لم يكونوا اي رجال
