#الوجه_الأخر_للقمر
#فريده_احمد_فريد
الفصل التاسع عشر............
ف فيلا أكتوبر
نور ف غرفتها ترقص ع ألحان عذبه...
لم تشعر انها مراقبة... رأته بطرف عيناها... وقفت فجأه وهيه توليه ظهرها
استدارت فجأة... محمود أبتسم بسرعه ليداري خجله من مراقبتها....
اقتربت منه بغضب وقالت
(بتراقبني)
محمود(آه)
نور(ليه أن شاء الله)
محمود بسخريه(انا استاذك... لازم اتابعك من بعيد لبعيد)
نور بتملق وسخريه(استاذي... حلوه الكلمه.. طب يا استاذ يا استاذ لو سمحت... انا جعانه... هنقضيها رقص وغنا... ولا ف أكل وخروج من السجن ده وكده بقا)
برق لها بعيناه... شعر انه لن يفهم تلك الفتاه ابدا... قالت تمازحه
(ايه يا باشا انت زعلت ولا إيه... خلاص هصوم مش هأكل.... تحب ارقص لك عشان تفك)
تمايلت بسخريه... وحركت جسدها ف رقص شرقي ع ألحان الموسيقى الغربيه
محمود انفجر من الضحك ع هيائتها الساخره..... ضحكت بدورها... وأخذت يده تشده للرقص معها
لم يتمالك نفسه من الضحك عليها... ضربها بخفه ع كتفها... أعادت له الضربه بقوه ع كتفه... كشر بمزاح ونظر لها بغضب مصطنع
خافت منه.... و قالت بسرعه
(انا نازله احضر الفطار)
ابتسم محمود بعد خروجها... وسأل نفسه لأول مره
(غريبه انتي يا نور... ف لحظه تضحكيني وف لحظه تعصبيني... بت لكن بميه راجل... شجاعه وانتي وسط أربعين راجل... و جبانه وانتي لواحدك معايا.... عمرك ما طلبتي مني حاجه زي باقيه الحرس اللي شغلتهم عندي.... ما فكرتيش مره تستغليني... حتي بعد ما اتجوزتك... اي واحده مكانك كانت هتستغل الموقف ده... وهتطلب كتير... ااقل حاجه كانت هتطلب مني أأمن لها مستقبلها بقرشين ... إنما انتي.. ما بتطلبيش... بتحاول ترضيني طول الوقت.. ولما بتعصب عليكي بتضحكيني عشان ما افضلش متضايق منك... مفيش مره شفتيني زعلان او مهموم... غير و سألتيني مالك... واقترحتي عليا حلول عشان احل مشاكلي... غريبه اوي أنتي... بس.. بس ياخوفي من اللي جاي... مين عارف ممكن ايه اللي يحصل... اكتر حاجه مخوفاني منك... هوه اني اتعلق بيكي.. او الأسوء اني..... أحبك)
سمعها تنادي عليه بأسلوبها الرجولي من الطابق السفلي
(الفطار هيبرد يا باشا.... انزل بقا ... لأحسن لو اتاخرت مش هتلاقي حاجه تأكلها)
