#الوجه_الأخر_للقمر
#فريده_احمد_فريد
الفصل الواحد والثلاثون والأخير
ف البلد... ف الاستراحه
عمار(ما تخافيش يا نورهان.... ما تخافيش... انتي ف أمان دلوقتي... الحمد لله عدت ع خير)
نورهان بشرود
(عمار... عمار انا كنت هموت... كنت هموت يا عمار.. بس.... بس انا اتكتب لي عمر جديد بسببك... انت... انت أنقذت حياتي.... ليه يا عمار... ليه خاطرت بنفسك عشاني... ليه، انت اتحرقت يالهوي يا عمار طب انت كويس)
عمار
(نورهان ممكن أسألك سؤال.... هوه لو انا اللي كنت اتحبست ف الحريق... والنار كانت محصراني... كنتي هتتخلي عني... كنت هتسبيني اموت)
نورهان (لأ طبعاً... كنت حاربت النار عشان اوصل لك وانقذك)
ابتسم لها بآمل وقال
عمار (طب إزاي بتسأليني سؤال زي ده... نورهان... هوه... هوه ينفع نبتدي مع بعض صفحه جديده... تعالي نعتبر كل اللي فات من حياتك وحياتي ده... ماضي... ماضي قاسي... ماضي ظلمنا... ظلمك انتي باللي عشتيه وشفتيه... و ظلمني لما بعدني عنك... انا عارف اني غلطان... واني زي الناس والدنيا ظلمتك... بس.. انا كنت مضغوط اوي... وبرضو كنت أناني... طول الوقت كنت بحاول اثبت نفسي... بحاول اعيش دور مش دوري... حياه مش حياتي... بس خلاص... خلاص يا نورهان... صدقيني بعد كل اللي مريت بيه وعشته وعانيته ... مبقتش عايز حاجه من الدنيا غير... غيرك انتي... نورهان الحياه قصيره اوي... حرام نضيعها ف عتاب وبعاد و عناد بينا.... عارف انه مكنش قصدك تخدعيني ولا انا كنت حابب اذلك واهينك... بس... بس عشان خاطر ربنا اعتبري اللي فات من عمرنا... مرحله وعدت... وتعالي انا وانتي وبس نبدأ مرحله جديده ف حياتنا سوا... ايه رأيك يا نورهان)
قالت له
(عمار انا ليا شروط .... أولا تسيب تجارتك.. ايا كانت... وثانياً توعدني ان عمرك ما هتعايرني تاني بأمي... ثالثاً تأخدني بعيد اوي عن هنا... رابعاً.... رابعاً.... تقولي الحقيقه... تقولي انا إيه بالنسبه لك يا عمار)
عمار أبتسم بسعادة لا مثيل لها... جذبها من خصرها وحضنها بقوه وقال لها
(وانا موافق ع كل شروطك.... عايزه تعرفي انتي ايه بالنسبه لي انا.... نورهان... انتي حبيبتي وروحي وعمري وحياتي... نورهان انا بحبك.... بحبك اوي... معرفتش غير اني أحبك... انا كنت عارف الحقيقه دي من زمن... بس... بس حصلت حاجات كتير خلتني مش عارف اقولك.. دا غير اصرارك اني اطلقك... انا من زمن مبقاش فارق معايا ورثك ولا امك ولا اي حاجه... كنت عايزك انتي وبس... بس كل مادا كنت احبك اكتر وانتي تكرهيني اكتر... مبقتش عارف المفروض اعمل ايه... كرامتي وغروري كانوا منعني اني اصارحك بحبي ليكي... بس... بس امبارح بعد ما لقيتك هتضيعي مني... بعد ما كان الموت بينه وبينك خطوه... لقيت نفسي مش قادر اخبي بعد كده... طظ ف غروري وكبريائي... طظ ف اي حاجه تبعدني عنك تاني يا حبيبتي... ووعد مني يا نورهان... وعد مني لأحبك واحميكي وأسعدك لآخر يوم ف عمري... وهحاول ... هفضل احاول من غير ما ايئس ابدا... هحاول اخليكي تسامحيني وتحبيني كمان... إيه رأيك)
