امسيت منقذي......(السدم)
الكاتبة:زينب الشمري
امسيت سراجاً ينير عتمتي
امسيت روحاً تتولج داخلي
امسيت قرباناً تفدي نفسك من اجلي
فخذني من هذا العالم الضالم
الى احضانك الدافئة
الى عشقك المهووس
الى روحك الطيبة
الى عيناك الجميلة
لاتتركني مهما حاولت تركك
ضمني بشدة نحو قلبك
حتى وان اضطر الامر
اغلق قلبك علي ولاتخرجني
زينب الشمري
ملت رقبتي اتمعن بجمال الي كدامي وعلامات الذهول مجتاحه عيوني اعض بشفتي كمزت من الفرحة وصفكت ايدي درت وجهي علي وعيونة تترقب حركات الفرحة الي باينة علية
زهرة.... شكرا عمو لان جبتني لهيج محلات ملابس حلوة شكرا شكرا شكرا
كررت الكلمة واني اصفك بيدي
لزم ايدي وعصرها حيل
همس....شدسوين عيون الشباب كلها عليج دنكي لا احركج واحرك روحي وراج
زهرة...... اااا ماشي راح اسكت بس هد ايدي
هد ايدي بعد مارمقني نضرة عشق يتخللها خوف وغيرة دنكت راسي وتجاوزته تاركة نضرة العشق وراية امكن ماجنت اهرب بس من عيونة جنت اهرب من مشاعري اهرب من نفسي
وحتة دكات كلبي الفضحتني
كلبت الملابس شي احلة من شي بس مدااقتنع اخذ هذا لو هذا عوجت حلكي ومركزة عل الملابس وهوة واكف بعيد بباب المحل لان المحل متروس نسوان
رجعت البيدي واخذت القميصين المحطوطات وراهن انهمس بأذني
اروح فدوة لهلخدود الكطن ممكن تاخذين الرقم
التفتت حته اشوف شنو وراي
رافع حاجبة ويلعب بشورابة لعبت نفسي من النضرة المقززة مالحكت افتهم شي ماحس الة عاصفة سحبتني وكعن القمصان من ايدي وتعثرت بيهن بس هوة جان عاصفة محد يكدر يتناقش ويا بكلمة
شمرني بلسيارة وصعد وشغلها بدون اي كلام بس الاعصاب باينة عل ملامح وجهة تراوحت عيوني بين الجامة وبين وجهة وكلبي خايف يرجف بلسكتة وكأن فقدت كل الامان بعد ماجنت احس الامان بس يمة
مشيت ايدي الي ترجف كمشت ايدة وهمست بصوت يرجف
زهرة....عمو سلطان خفف السرعه راح اتقيئ
التفتت عيونة علية بخوف وكأن جملتي فصلتة عن عالم الغضب بلل شفايفة ووكف السيارة
سلطان.... هاج شربي مي
انطاني البطل وفتح الجامات رجع النفس يتخلل بريتي حطيت ايدي عل عيوني وكمت اتنفس
التفتت شفتة منطي وجهة للشارع ويمرر ايدة برفق عل لحيتة وبالة مشغول
كتلة بصوت تعبان..... عمو سلطان ليش هيج سويت خوفتني ترا
التفت علية وعيونة تتجول بين عيوني كال بنبرة البحة الي تميز صوتة
سلطان..... اااه يازهرتي يمتة تفتحين ترا الكلب بدا صبرو يخلص.....
☆☆☆☆☆☆☆☆☆☆☆☆☆☆☆☆
اهلا حبايبي اسفة عل الانقطاع الطويل ركزولي هنا شوية
اول شي شلونكم انشالله بخير ثاني شي القصة مراح انشرها هسة لان دنمر بفترة ضروف من ناحية الامتحانات والدراسة الي صارت متراكمة علينة فحتة ماتأخر عليكم بلتنزيل بين بارت وبارت راح اكتبها كولها يلا انزلها لتسألوني شوكت لان نفسي ماعرف شوكت اذا تخبون تكملوها احفضوها بمكاتبكم واول متنزل راح يوصلكم الاشعار
وشغلة ثالثة اسم القصة تغير
من امسيت منقذي (السدم)
الى زهرة السلطان
نظرا لاحداث القصة الي حسيتها متلائم مع الاسم الاول والقصة كولش كولش حلوة واكيد راح تعجبكم
مع تحياتي اختكم....زينب الشمري
أنت تقرأ
زهرة السلطان
Romanceليس لي من يحميني من سندي ليس لي من ينقذني من طغيانه اقترب من الجميع بعفوية فأجد الجميع ميقن ان التحرش سمة الحياة ابتعد فأجد نفسي بشباك الغابات الوحشية دلني على طريق تصبح به لاقرب الى قلبي دلني على طريق اجد نفسي به تحت جناحيك تسطو فوقي كلشمس...
