زهرة السلطان

الحلقة الأخيرة

زهرة السلطان
زينب الشمري
الحلقة الأخيرة ......

مشتاگلك…
گد غيبتك
بس خايف آنه بشوفتك
تلچم اجروحي الغافيه
مشتاگلك… يالنظرتك
مدري تزيدلي العلل
مدري تردلي العافيه
مشتاگلك… شوگ الذي
جاسه البرد ليل الشته
وحن السوالف دافيه
مشتاگلك اي مشتاگلك
بس گلي انته بيا درب
رووحي تجيلك حافيه
............................

غرست راسي بكتفة اشتم عطرة ادية ملتفة على قفصة الصدري بقوة وهوة حاضني بقوة اكثر
نزلت دموعي على خدي من الحنين والاشتياق

زهرة...... وين جنت

مجاوبني واستمر ضل متمسك بية استسلمت الة ورجعت راسي لموضعه اتنفس منه كأن صار هواي ممشتمة الهوة و جانت الدنيا ملامتني هسة لمتني بحضنها ورجعته من جديد لحياتي

ابتعد عني ببطء وصار وجهي مقابل وجهة صفنت بملامحه المتعبة وكأن الدنيا ماخذة حيفها منه

رفعت ايدي اتلمس بوجها وعيوني متروسة دموع ابتسم ابتسامته الحلوة ضليت مركزة بملامح وجها وعبالك مراح اشوفة بعد

عيوني متشبع من التأمل بوجها دنكت راسي ورجعتة على صدرة

زهرة......وين جنت شصارلك ليش هلكد غبت

ربت على متني وكال

سلطان...... كلشي احجيلج بعدين بس منو بلبيت

زهرة...... محد طالعين بس بيبي

سلطان...... سويلي طريق خل افوت

عبرته ومشيت واني كلساع اتلفت اريد استوعب حقيقة وجودة وصلت يم الباب فتحتها ورجعت اركض كمشته من ايدة خاف يختفي

ضحك على تصرفي وتمسك بأيدي عصرها بقوة

طببته للصالة وضليت كاعدة يمة وصافنة علي

زهرة...... شصار وياك وليش هلكد اختفيت

سلطان...... بعدين نسولف بهيج مواضيع أول شي خل يجي احد من عمامج حتة ارجعج وياي بحضورهم وبعدين نسولف كولشي

زهرة......من يمته انت راجع

سلطان...... من البارحه رجعت واليوم يلا كدت اجيج

زهرة......اكول ادك على خالة من البارحه لليوم متجاوب

تنقل بعيونه علية وركزها على بطني

دمعت عينه بفرح ومد ايدة يمسد على بطني

سلطان...... هذا ابني

زهرة......لعد منين حملت من الجيران طبعا ابنك

سلطان...... والله وكبران وطايل لسانج ويا

زهرة...... عذاب بعدك خلق مني انسانه غير زهرة

ابتسم بوجهي وحطيت راسي على جتفة وضلينه منتضرين عمامي يرجعون لشوية انفتحت الباب ضل هوة كاعد بلاستقبال واني كمت طلعت من الاستقبال