زهرة السلطان

الحلقة الثانية

زهرة السلطان
زينب الشمري
الحلقة الثانية

تعرف غلاتك لو بعد؟؟
محتاج أبينها اكثر..
يل بيك لهاني العمر ماركزت بي من مر
يمكن اذا كتلي شكثر تهواني راح اتحير
الليلة اعد محبتك بس باجر تزود اكثر
الأدري بي من تبتعد مدري شحس بحيرتي
صدري حفر بي خنجر...
مكطوع شريان ابهر...
يندفع شباج الجفة وبلروح شي يتكسر...

قرائة ممتعة

بغداد
الشعب
الساعه.... 10:00 صباحا

طلعت للطارمة واني اسحب بجنط السفر مالتنه ومال بابا بروحي هم والم محد يتوقعه ومحد يعرف سببه...

طلع بابا من البيت وقفل الباب بوسني وحضني واني منزلة ايدي ماريد ابادلة اريد اشرد منة وصح راح اتخلص منة هلمرة ومثل كلمرة ماعرف شوكت يرجع...

بس بلحالتين افتقد للأمان احتاج الة واتمنى اشعر بي لكن الاقدار مكتوبة من الصغر ولا اعتراض على حكمة الرب....

صعدنا بلسيارة ووصلنا بابا لبيت خالي وذبنا ودعنا وانطانه مصروف قليل نمشي امرنا بي وراح جريت نفس وكمشت بأيد ماما وطبينة ليجوة

شافتنه مرت خالو عوجت حلكها وخفت انزعاجها واجت سلمت علينه وتلكتنة بلأحضان

جرينا الجنط وطببناهن لغرفتنه الي مخصصها النة خالي كلما يروح ابوية ويختفي نجي يمهم وهذا الشي تعودنة علي احنة وهمة...

الغرفة جانت عبارة عن سرير ابو نفرين وكنتور ابو بابين وميز مراية ....

طلعت امي تعاون مرت خالي وضليت اني ارتب بغراضنة بلكنتور وعزلت الغرفة...

طلعت تراكسود مستور ونزعت ملابسي ولبستة ولميت شعري ليفوك وطلعت من الغرفة..

شفت خالي كاعد عل التخم سلمت علي وكعدت يمة عل التخم جنت ملتهية العب بلكوشة مال التخم وارتب الشعر مالتها

سمعت حمحمة كزيت سنوني ورجفت جانت ردة فعل لا ارادية ضليت مدنكة عيوني وماريد ارفعها

سمعت صوته كال .... شلونج زهرة

رفعت راسي وصدت عيوني باعيونه وكلعادة ماشوف غير النضرة الشهوانية الحقيرة

همست بصوت خافت... ايهم

....................

تكريت
حي الجامعه السكني
الساعه... 11:00 ليلا

سحبت المفتاح من جيب سترتي وفتحت قفل الباب وطبينه اني وامي وطببت الغراض والمسواك البيت جان صغير مساحته ١٠٠ متر مصار شهرين من كملت بنائو

مابي شي بس تراب امي تعبانه وماعدنة احد ينضفلنا عندي ٣ خوات وكلهن متزوجات وعندي اخ واحد ومتزوج طالع بيت وحدو وابوي الله يحرمو مات من خمس سنوات وتحملنا المسؤولية بعدو اني واخوية والحمدالله العيشة عل الله..