زهرة السلطان

الحلقة الثالثة والعشرون

زهرة السلطان
زينب الشمري
الحلقة الثالثة والعشرون.....

تكدر ع الصبر تكدر؟
وبزنودك تشد الكون ومتخلي الارض تفتر
تكدر ع السهر تكدر؟
ومتخلي العيون تنام واتاني سنه وسنتين هم اكثر
تكدر ع العطش تكدر؟
شفتك بالجفاف تكوم تتطفر
تكدر ع الوجع تكدر؟
تصبر ماتكول الاه وبدمك غفه الخنجر
تكدر تجمع الي راح لو عمرك خرز بالليل يتطشر
تكدر ماتشوف الي تموت عليه
والخد التلمسه وبيه تتعطر
تكدر تنشر وتنباع؟
واعصابك ثلج ساكت متتأثر
تكدر تلبس الوجهين ويوميه بوجه تظهر
ماتكدر
ماتكدر
الرهن معروف وادريه الرهن يخسر

زهرة...... سلطان بلدوام شتريدين منه

منى...... بداعت سلطان عندج طببيني اريد احجي ويا كلمه وحدة واروح

زهرة...... منى شتريدين من الاخير

منى...... اريد احجي كلمه ويا سلطان وبعدها متشوفون وجهي

زهرة...... يلا تعاي طبي

طببتها ليجوة شافتها خالة

ام سلطان......ها شعندج جاية

منى...... هلو خالة شلونج اجيت بس احجي ويا سلطان كلمه واروح

ام سلطان...... مو تدرين بسلطان مايقبل تطبين لعتبة الباب

منى...... بس كلمه وحدة واروح

ام سلطان...... تفضلي الله يصلحج انشالله

طبت منى للهول واني صعدت ليفوك وبدلت ملابسي ونزلت كعدت كبالها مدنكه راسها وتفرك بأيدها متوترة وترجف

ضلت كاعدة منتضرة سلطان كمت حضرت العشة صار المغرب يلا اجه طب للمطبخ

زهرة...... الله يساعدك حبيبي

سلطان...... ويساعدج شلونج بلدوام

زهرة...... زينه الحمدالله سهلة

سلطان......راح اصعد اسبح بين متحضرين العشة

زهرة...... هوة شسمه منى هنا تريد تحجي

نكلب وجها

زهرة...... بس شوفها شتريد وخل تروح لتتعصب حباب

سلطان......انشالله بوية انشالله

طلع للهول ومشيت ورا من شافته كامت سلمت علي

سلطان...... ها منى شكو

منى...... نحجي على انفراد

سلطان...... احجي ماكو احد غريب

منى...... لا نحجي لوحدنه احسن

ام سلطان...... روحو بلصالة احجو

منى...... ماشي

كامت قبل سلطان للصالة وطب هوة وراها سدو الباب ركضت حطيت اذني على الباب دوية وكولشي ممفهوم شهكات بجي بس وصوت ناصي خالة تصيح علية حتة اجي وماسمع حجيهم بس لازم اسمع شيحجون