زهرة السلطان

الحلقة الرابعة والعشرون

زهرة السلطان
زينب الشمري
الحلقة الرابعه والعشرون

ياقميص اليرهم گدار لجفاك وما اشمه ؟
يا عمر ماردته طشرته لك خرزات گهرب
وأنتَ لمه ، يا درب ياخذني ليك وما مشيته

چان حتى ترابه أشيله وبجرحي اضمه
حيرتني وتعبت حتى الحدايق من گثر مابفيهن عفتني

املتني من الگالك احتام واشمك بس مشيت
بلا وداع وغربتني سنين
ادلل بالشجر واگتب عليهن

هنا احبك
هنا عفتني ، هنا لمتني
هنا گعدنه ووداعدتني
هنا مشيت بلايه موعد ياحبيبي وغربتني

سلطان...... شنو ماكدر احميهن اني

منذر..... يي متكدر تحميهن خلي مرتك يمك وامي تروح وياي

ام سلطان......هاي الفترة بس اطلع من البيت روحو لبغداد يم اهل زهرة بس تصفى الامور وارجع شجاك هاي مو سالفة سباع مالنه حيل هبطات

سلطان...... يمه والله ماكو شي شكو تخافون اني اعرف احلها اذا صار شي عود تعالو ولوموني

ام سلطان...... واحنه ننتضر يصير شي يلا نجي نلومك شتفيد ملامتك

منذر...... مو صار ساعه افهمة بس ميفهم

ام سلطان...... شلون طلعو هذولة من السجن وهمة تجار مخدرات مستحيل

سلطان...... اني هم راح يخبلني هذا الشي صارت محكمتهم والقاضي عفى عن ابو بسمه عساس هوة مو وياهم ليش هيج صار مادري البقية بقو بلسجن منين جابو الادلة الي تبرأ ابو بسمه مادري

منذر..... واضحه مثل عين الشمس همة متفقين بيناتهم يطلعون ابو بسمه حتة يوكعك بمشاكل ويكتلك

سلطان...... ليش تفاول هيج ماكو شي والله

ام سلطان...... يمه بداعتي عدك بس هلفترة طلعو خل يستقر الوضع وارجع

سلطان...... خل زهرة تكعد من الدوام بين ميفض الوضع وضلو هنا لتطلعون ومنذر خل عائلتك تخفف طلعاتها هلفترة وانت هم

منذر...... لعد انت صفيت العالم ومانتبهت لنفسك

سلطان......اني ماعندي شي اكدر ادافع عن نفسي

منذر..... همة مستهدفيك انت

سلطان...... خلص بوية ماكو شي البيت ماطلع منه وزهرة متروح للدوام وخففو من طلعاتكم اني هم بس لشغلي وارجع لتخافون يمه اذا تريدين روحي ويا منذر أأمنلج هناك

ام سلطان......لا اني اضل يم زهرة خاف واحد يجفت عليها هاي متكدر وحدها

منذر..... هذا اخر كلام عندك

سلطان......يي اخر كلام من البيت مااطلع

منذر.... لعد اترخص اني اكوم اخوك الجبير ومفروض تاخذ بحجايتي الة بعدين يوكع الفاس بلراس