زهرة السلطان

الحلقة الرابعه عشر

زهرة السلطان
زينب الشمري
الحلقة الرابعه عشر

لسان حال زهرة

بشرني
بتوالي الليل وين تروح
هم تهيج بيك جروح
هم تگضيها بس تنوح
هم بيك النفس مخنوك
هم جرحك يظل مفتوح
هم شوفك يظل مشبوح
هم گلبك تحس مجروح
هم تذكرني لومره وجع داسك
هم اتشوف وجهي بعين كل ناسك
هم الشيب مالي ازلوفك وراسك
هم مكسور بيك الشوك واحساسك
هم مهدوم بيك من الحزن ساسك
هم تشتاگ ... هم مخنوك... هم بيك الگلب محروك
ذني البيه صارن شنهو البيك يصير ؟؟

فتحت عيوني على الستوري يسواد وجهج يزهرة وين ترحين هسة

دكيت على وجهي حيل يبووو شسوي هسة شسوي ليش هيج سويتي نوووورة

كمت على حيلي اريد اروح لنورة لكن وقفني صوت الجهاز وهوة يدك رجعت ركضت علي وشلته سلطان سلطان ديدك

حطيت ايدي على حلكي واني كامشة الجهاز وكلبي يدك سريع اجاوب لو لا صوت المكالمه ديعلى اكثر واكثر لحد ماشوش بالي

وفتحت المكالمه حطيتة على اذني بحذر

........ ياكلبة ياحقيرة منو هذا الشابكه ايدة اليوم اشوي على اذانج بصل لج اسبوع من عفتج ولج خنتيني حتة بعدنه ماتطلكنه ولج ماطلكنه ياحقيرة

لججج احجي ليش ساكته

جان يحجي وصوته مبحوح من العصبية وانني ساكته واطك سن بسن شسوي شحجي ماكدر اتقارش ويا عصبيته شكول عليج ينورة على هاي الورطه

صحاني من صفنتي صوته

لجججج احجيي لو اكولج سدي الجهاز وهسة اني يمج اريد اشوف يامرة تلعب بذيلها من وراي اريد اطلع عيدج من عينج

سد الجهاز بسرعه  واني على سكتي ورجفتي شسوي شلون اواجها هسة

قفل المكالمه واني لسة حاطة الجهاز على اذني لحد منززتني نورة من ورة

نورة..... ها بشري ولج شصار

درت وجهي عليها واني بصدمتي

زهرة...... راح يجي

نورة..... وج شبيج صافنة هيج

انتبهت الها شهكت وهجمت عليها

زهرة...... وج ياحقيرة شلون تسوين هيج وهيج تورطيني

نورة..... لج وخري اوووي اذيتيني تعاي كعدي خل افهمج ثولة

زهرة...... لج شتفهميني سلطان راح يذبحني راح يذبحني

نورة...... تعاي بس كعدي وخل افهمج الي راح يصير

زهرة...... ماكعد ولج ماطلعلة لو اموت ماطلعلة

نورة..... لج ثولة بس افهمي سلطان بهاي الحالة راح يرجعج حتة ميفقدج راح يرجعج لمن حس هسة بفقدانج هية كتلة اتحمليها وبعدها ترجعين لسلطان