زهرة السلطان

الحلقه الثالثة

زهرة السلطان
زينب الشمري
الحلقة الثالثة

حال لسان زهرة :

طبع السما للگاع تمطر اذا تشتاگ
وعيني اعله راحة بال
هل طولت الفراگ؟؟
آنه راحة بالي ولفي الخان بيه
وخلني آنه بلايه بال
واستند انه بضمير وطاحت
ضمايرهم بلمحة خيال
گلت اتوچه اعله غِير
وغيره ماعدهم ابد
وگلت اتأمل النخوة
ونخوة ماظلت بعد

الشعر للمبدعه ayaatoo تابعوها وكتبولها من طرفي

بارت طويل لعيونكم

قرائة ممتعة

بغداد
الساعه..... 12:15 دقيقة صباحا

رفعت ايدي بلدعاء ويا صوت الأذان الي رج الجامع رج السكينه الي تدخل للكلوب بكل دعاء واذان يرن بي الجامع لأول مرة بحياتي احس بلرحمه والامان

غمضت عيوني مشتاقة لأمي لكن الضروف محتاجة البعد الضروف تجبرني اشرد من واقعي ومن الدنيا كولها لأشخاص غرب وجدد بحياتي

ممكن يكونون اكثر رحمة من المقربين علية

حسيت بأيد تربت عل متني بادلت حزني بأبتسامه يأس

امكن هية الوحيدة الي افتهمتني بحياتي
رجعت بذاكرتي لقبل ثلاث اسابيع

طلعت مستنفرة من البيت ومستنفرة من نفسي اتجول بلشوارع ومادري وين رايدة وين وصلت المهم ابتعد عن واقعي المر الي عايشة بي 

غروب الشمس صار يضاهي السماء وبياض السماء بدة يختفي بلتدريج حتة يحل محلة
الضلام صوت الجامع بدة يرن بأذني وكأن ديصحيني لمنقذ قريب

اتبعت اثر الصوت وملفلفة نفسي بلعباية مانعه اي شي يضهر مني خوفا من التحرش وجسمي لسة بي رجفة الصبح

ويا كل خطوة يقترب الصوت اكثر ويتقدم الأذان اكثر لحد ما واجهني مسجد جبير كولش

اتقربت بحذر و خوف من الموجودين و كعدت قريب من المسجد منتضرة تنتهي الصلاة

الي بدت بعد مانتهة الأذان وكلبي يدك بخوف ويا كل رنت ساعه

رجعت للخلف اكثر بعد ماشفت الزلم بدو يطلعون حتى اخفي نفسي من الرؤيا

بدو يطلعون جماعات جماعات ويأما يوكفون كدام المسجد يتداولون بمواضيع لو يطلعون كبل للبيت

بعد نص ساعه تقريبا فضت العالم وراح كلمن لبيتة تقربت بحذر لباب المسجد جانت مفتوحه عل حيلها طبيت اتعثر بعباتي

تلكاني بوجهي رجل جبير بلعمر باينة عل وجها علامات الكبر والشيب غازي راسة والشعر الاسود صاير قليل براسة

بانت عل وجها ملامح الاستغراب لمن شافني ضن كأن اني انسانة فقيرة وجاية اطلب المساعدة بكم فلس