السبع بنات

الحكايه السابعه

سبع ..بنات
                الكاتبه ايه عبده(ورد)
             الحكايه السابعه
             ـــــــــــــــــــــــــــــــــــــــــ

في احدي محافظات الصعيد وتحديدا في محافظه سوهاج وصلت احلام في المحطه ومعها اسيل..

اردفت احلام بتعب فور نزولها من القطار:يالهوي كل دي مسافه

اسيل: معلش ياماما عشان انتي مش متعوده علي السغر

احلام: وانتي حتسافري المسافة دي كلها

اسيل: اه مفهاش حاجه احنا شباب ولازم نتعب

احلام:تتعبي ايه بس يلا نطلع من المحطة دي ونشوف حنروح فين...

اثناء خروجهم من المحطه شاهدوا تجمع فوضوي، والمشاجرات بين مجموعه من الرجال

احلام: ايه ده كمان ناس بتتخانق دي

اسيل: ملناش دعوه ياماما ياحبيبتي

احلام: حلو اول القصيده كفي

اسيل: ليه التشائم ده ما في القاهره ناس بتتخانق كتير

احلام: بس مش صعايده انا اسمع انهم صاعبين ودماغهم ناشفه

اسيل: ياحبيبي ملناش دعوه يلا بينا علي الجامعة نقدم الورق

احلام باستسلام: طيب قدامي

وصلوا الي الحامعة وقدمت اوراقها وحجزت في سكن الجامعة.....

اردفت اسيل بايتسامه وهي تمسك قبضه والدتها: خلاص اطمنتي اهو سكن جوه الجامعه نفسها وفي حراس

احلام: اطمنت شويه لو سكن خارجي كنت حقلق عليكي

اسيل: تفرق في ايه داخلي ولا خارجي مش سكن والسلام

احلام: لا طبعا سكن الجامعة اامن علي بره.

اسيل: لا الحمدلله اهو سكن جامعة وكله تمام نروح بقي

احلام: يلا نرجع في نفس اليوم عشان اخواتك

اسيل: يلا

            ـــــــــــــــــــــــــــــــــ

في الشركة
في مكتب المدير

تكلم محمد بغضب وهو يعقد حاجبيه: ايه الكلام ده

ذكريا: انا اسف ياباش مهندس بس هي مصممه اني مشتغلش معاها فممكن تنقلني مع حد غيرها

محمد: حنقلك طبعا وحعلمها درس

ذكريا: ارجوك بلاش انا مش ناقص

محمد بغضب: انا كلامي يتسمع

ذكريا: معلش

محمد: تعالي ورايا

خبط علي باب مكتبها ثم دخل مباشره