السبع بنات

82

السبع بنات الحكايه 82
للكاتبه ايه عبده
-------------------
استيقظت بابتسامه تفتح جفنيها برفق تتحسس بكفيها فراشها لتفتح جفنيه بغضب تتفقده لتردف بغضب:
ماشي يامحمود بتتهرب مني وتاخدني علي قد عقلي بس لما اشوفك....

___________

وصلت عربه الاسعاف و رجال الشرطه،

رجل: لو سمحت بعد اذنك عاوزين ناخد الجثه

امسك كف شقيقه برفق مقبله بحنان، لتسيل عبراته حزنا، ثم ترك كفيه مودعه الوداع الاخير..

ظابط: لو سمحت حضرتك تقربلوا

قصي: أنا اخوه

ظابط: طيب احنا حنحتاجك ناخد اقوالك

قصي: اتفضل

ظابط: احكيلنا ايه حصل بالظبط

اخد نفس عميق متذكر كلمات أخيه الاخيره قبل أن يموت(قصي: فهد فوق انت حتبقي كويس ليه عملت كده في نفسك..
فهد بصوت متهدح: قصي سامحني أنا مكنش قصدي عشان خاطري امسح دموعك دي ومتزعلش عليا
قصي: عملت كده ليه
فهد: حياتي ملهاش لازمه طولي عمري تاعبكم وكتر خيركم مستحمليني حتي اسيل زهقت مني
قصي بغضب: اسيل هي السبب هي زعلتك مش كده قول
فهد: اسيل هي .....
قصي: فهد فوق متمتش)

ظابط: يافندم انت معايا

قصي: ايوه

ظابط: طيب ايه حصل

قصي بجمود: محصلش هو كان مستعجل وماشي بسرعه فخبط في الشجره

ظابط: طيب وانت كنت وراه بعربيتك

قصي: اه كنا ورا بعض فهو حب يسبقني

ظابط: يعني دي حادثه صدفه مش بتتهم حد

قصي: لا مش بتهم حد

ظابط: ماشي بعد اذنك

قصي بغضب: أنا هعرف ازاي اخد حق اخويا

____________

في احد المستشفيات:

تقف بقلق لا تعلم ماذا تفعل تفكيرهاا انقسم نصين، نص قلقان وخائف علي فاطمه والنص الآخر قلق علي زوجها فهد

محمود: انشالله خير ياست اسيل اطمني دي خبطه بسيطه الحمدلله انها ملحقتش تطلع بيها بره الفله

اسيل: عندك حق الحمدلله

خرج الدكتور من غرفه العمليات:

اسيل: خير يادكتور طمني علي خالتي

دكتور: مش عارف اقولكم ايه بس هي دخلت في غيبوبه

اسيل ببكاء: لا مش معقول

دكتور: أنا اسف. بس الخبطه الي اتخبطتها في دماغها كانت في منطقه حساسه جدا ودي اتسببلها في غيبوبه علي العموم أنا طلبت دكتور مخ واعصاب يتابع معاها تقتروا تعرفوا منه الحاله الي هيا فيها وكيفيه العلاج بعد اذنكم