السبع بنات

81

روايه السبع بنات

الحكايه 81
__________

حل المساء، استعد قصي لرجوع فلته رتب شنطته ثم نزل للاسفل:

قصي: المفتاح اهو ياعم عبده خليه معاك زي كل مره

عبده: ما لسه بدري ياسعاده البيه منتا منورنا

قصي بابتسامه: معلش حنبقي نيجي كلنا بقي

عبده: ياريت مع السلامه

قصي: الله يسلمك

____________

في بيت يحيي:

علي السفره..

يحيي بابتسامه: تسلم ايدك يااروي

اروي بابتسامه: الف هنا ياعمي

وجهه انظاره لذكريا ليقول: مفيش تسلمي ياحبيبتي

ذكريا: لا

يحيي: مش عارف جايب البرود ده منين

اروي: اه صحيح محدش في عيلتكم كده ياعمو

يحيي: أنا عارف يلي سفره دايمه حدخل انام

ذكريا: متنساش دواك ياحج

يحيي: ماشي

ذكريا: وانا شبعت الحمدلله

أنهي جملته الاخيره ثم دخل غرفته بدون كلام، ظلت تنظر له بحزن...

__________

في بيت دكلام:

فاطمه: لسه مرجعش

اسيل: لا وكمان مبيردش علي الموبيل

فاطمه: أنا بدأت اقلق

اسيل: والنبي ياخالتي اهدي متقلقنيش معاكي

فاطمه: أنا حتصل بقصي

لحقتها اسيل قبل أن تمسك الموبيل

اسيل: بلاش تقلقيه

فاطمه: لازم يعرف هو حيعرف يجيبه وكمان لازم نقوله علي موضوع مرضه ده

اسيل: لا مينفعش قصي يعرف

فاطمه: ليه

اسيل: ياخالتي هو اضايق لما قولتلك انتي وقال عني بفشي أسراره مبالك بقي لو عرف اني قلت لقصي مش هيسامحني ابدا

فاطمه: اسيل انتي بتحبي فهد

اسيل ..

فاطمه: طيب حسالك سوال تأتي عاوزه تكملي معاه ولا هتسيبيه عشان مرضه

اسيل: لا ياخالتي مش أنا الي ابيع حد عشان مرضه وانا وافقت من الاول ايه الجديد

فاطمه: الجديد أنك كنتي تعرفي أن فهد بتجيله حاله بس مش حاجه تانيه

اسيل بحزن: باذن الله هيخف واحنا كلنا جنبه

فاطمه: يارب روحي يابنتي ارتاحي وهو زمانه جاي