لم ارتكب ذنباً

1

لاتيأس من الحياة فسيأتي يوم يغنيك عن جميع الايام السوداء التي مرت عليك واتعبتك فقط يجب ان يكون ايمانك قويأ بالله

لم ارتكب ذنباً..1

احدى مناطق العاصمة بغداد
الساعة 6 الصبح كاعدة مثل كل يوم منتظرة الخط يجي حتى اروح لجامعة بقيت منتظرة لحد مسمعت صوت هورن السيارة طلعت
_صباح الخير عمو ابو هيثم
_هلا صباح النور بنيتي
كعدت وبقيت اباوع من الجام عالطريق لحد موصلت لجامعة دخلت للماحاضرة لحد ال10 ونص طلعنا استراحة دك موبايلي طلعتة من الجنطة ابتسمت my love يتصل فتحت
_صباح الخير
_اخ كون واحد يصبح بوجهج وعلى صوتج
_محمددد
عيوني
سمعت صوت وراي
_عيون محمد
لكيتة واكف وراي ومبتسم
قبس...هههههههه شجابك
محمد....مشتاقلج صار يومين مشايف هالخلقة  مو زين عايش ما متت ههه
قبس.... لا اسم الله شبيك انت
محمد....تعاي نكعد
كعدنا على مسطبة
جنت احجي وياه صافن بوجهي ويباوعلي
قبس.. شبيك صافن متحجي
محمد....احبج يمتى نزوج قبس
دنكت سكتت رفعت راسي
قبس... مو متفقين اخلص دراسة
محمد... خوش عاد بس خلي نخطب حتى احجزج الي وتصيرين الي ...ابتسم
قبس.... اوك لعد بس خليها بعطله نصف السنة لان هسه مكاعد الحك لشي
ابتسم محمد....تدللين
بقينا نسولف شوي
باوعت للوقت
قبس.... يلة لازم اروح انت هم امشي  لاتبقة هنا
محمد  ....ها تغارين وغمزلي
خزرتة وكتلة امشي
محمد.... يابة رايح
رحت اني هم دخلت المحاضرة صحيح جان عندي زميلات وحتى زملاء  بس جانت مريم صديقتي المقربة واختي جانت تعرف كلشي عني كعدت بصفها غمزتلي
كتلها ها
مريم.... شفتج انتي والحب
ضربتها على حتفها بخفة ...اشش فضحتينا
دخل الدكتور وسكتنا وهو يشرح لحد ل1 خلصنا متت تعب
رجعت للبيت دخلت سلمت لكيتهم كاعدين يتغدون
امي.. يمه غسلي بسرعة وتعالي اكلي لكمة مو كبل تنامين وجوعانة
هزيت راسي بمعنى اي رغم اريد انام من التعب بس خطية هي الوحيدة شايلتي هم وتخاف علية
رحت بدلت وغسلت ادية اجيت كعدت بصفها بستها بخدها ما اكدر اتخيل حياتي بدون امي امي كلشي بدنيتي ما اكدر بدونها تعرفني من اضوج ومن اريد شي قبل لا احجي تجيبة الي وما اضم كلشي عليها تعرف بعلاقتي بمحمد ابن خالتي بس هي وامه اخته
قدمت الاكل كدامي
امي...اكلي شوفي شصاير بيج شو بس تتريكين وتبقين لليل يلا تاكلين
بسام... متبطل وتكعد بلبيت اذا هيج تعبانة محد ما كللها
تدرس
باوعت علية صفح ما اكدر احجي وابوي مناك كاعد ويسمع الحجي وساكت ادري بس احجي يردون زلة حتى اكعد بس امي ردت عليه
امي... ليش تكعد بعدلها سنتين وتتخرج  احسن منك لا قراية ولا شي تعرف
امي حجت هيج وهذا عصب
عاط بسام .... قبببس احسن مني وشمر الخاشوكة علي قوي
امي صاحت على ابوي متحاجي
ابوي بكل برود كللها.... ترة ما عدنا بنات يكملن بس علمودج خليتها تكمل فسدي حلكج احسن
لزمت ايد امي قوي حتى تسكت لان اذا ردت ادري راح يصير شي أكبر ويبطلوني فإني متحملة الحجي بس حتى اكمل
سكتت وكامت للمطبخ رحت وراها لكيتها تغسل ودموعها تنزل مسحت دموعها وبست راسها
وكتلها... لاتبجين خليهم يحجون اكمل دراستي وان شاء لله اتعين واليوم محمد كلي بنصف السنة اخطبج ونطلع اني وياج ونضو وحدنا بس اصبري
امي... صبرت هواي اخخخ لو من البداية عايفتة الناس كلها نبهتني بس اخخخ جنت احبة بس ويين شفادني الحب وهو اصلا لهسه لا يحبني ولا يحترمني وهسه قوة اخوج علينا صاير مثلة.. جانت تحجي تعض اصبعها من الندم
هديتها غسلت الاماعين وديتلهم الجاي ورجعت عالسريع امي راحت بالغرفة تمددت
صعدت للغرفة ذبيت روحي عالفراش
اه يمتى اخلص من المشاكل
رجعت اذكر
ابوي ازوج امي جبرتة امه لان جان يحب بت جيرانهم من جان صغير لحد ما كبر وخطبها وقبل ليزوجون بأسبوع يكولون جانت تحضر لجهاز العرس رايحة  للسوك فاتحة باب السيارة اول منزلت عالشارع اجت سيارة تمشي سريع دعمتها ومن قوة الضربة بسرعة توفت
ابوي اول مسمع الخبر تخبل ما صدك
اذكر من جنت صغيرة عمتي حجت كلشي لامي عن ابوي واني سمعتها حتى ابوي رفض يزوج بقة 4سنوات ورة وفاتها امه تلح الا ان مل من لح امة وافق وازوج امي بس امي صارت ضحيةحبهم لا مرتاحة بحياتها ولاهو يعاملها زين .....يتبع