لم ارتكب ذنباً

3

مساء الخير
#لم ارتكب ذنبا
....................
الكاتبة ام ليان
...................

الم براسي قوي سمعت امي تصرخ وتجر بية
امي....يمة ماتت بتي وتضرب بخدها
جرتني دخلتني بغرفتها وقفلت الباب باوعت لكيت مرتضى يباوع علينا خايف ويبجي ميدري شصاير
كالتله امي راح اطلع اقفل الباب وراي طلعت وقفلت الباب وراها
كعدت ابجي وجع براسي من الضربة وجسمي كله اون من الالم
اجة نضو كعد يمي يباوعلي مسح دموعي وخايف
شبكني عاد اني نفجرت بجي وخطية هو هم يبجي
مرتضى.... اسكتي والله بعد ما اخليهم يضربوج
اندك الباب لزمت بنضو حيل وكانو احتمي بية وهو عمرة 7سنواات
صاح منو
امي .... افتح نضو
كام فتح باب طبت امي وقفلتة جابتلي مي ودوا
كعدت يمي ودموعها تنزل
امي .... كعدي شربي دوا
كعدت شربت دوا
كتلها يمة شحيصير؟
كامت تشهك وتبجي كالت
امي...خابرو عمامج بالبصرة وارح يجون واني خايفة يكتلوج لان تعتبرين عار
كمت اهز براسي لا لا وابجي
اندك الباب بقوة واسمع ابوي يصيح افتحي الباب لا اكسرة
امي.... عوفها الله يخليك
كام يندفر الباب بقوة
كممت ابجي وامي محتارة شسوي
انكسر السركي مالت الباب ونفتح دخل ابوي
امي وكفت كدامة تتوسل بية يطلع بس هو عصبي
كام وضرب امي راشدي ويملها كلةةةة من وراااج انتي خليتيهااا تكمل وتدخل الكلية اني تخبلت من ضربها كمت اريد اشوفها جرني من شعري وكال
_احجيييييي منوووو هذوللل هاااااا
_والله ما اعرفهممم احجي وابجي
-هسسسسه شسوي سودتيييييي وجهييييييي شكوووول لعماامممج شكول للللنااااس هاااا منو ياخذذذج سود الله وجهج الا اكتلج واغسل عارنا والله احط طلقة براسج واخلص منج
امي تجر بية
كال اصبري خلي بس خلي يجون
عافنا وطلع
امي كعدت تدك وتلطم وتصيح اللله لايوفق الي سوه هيج بتي راحت مني شسوي ياللهي اريد بتي منك
اني كعدت ابجي وجسمي يرجف وخايفةةةةة حيييييل ما ادري شنو مصيري الموت يعني ها هيه راح اموت

باوعتلي كالت كومي صعدي لغرفتج واقفلي الباب لايجي المخبل الثاني محد يلمس شعرة منج والله اهددهم اشتكي عليهم يلا صعدي واني اصعدلج اكل
وكفت كلت نضو تعال وياي
كمز لزم ايدي وصعدنا قفلت الباب تمددت بفرشي جسمي يون من الالم نومت نضو بصفي ولازمة ايدة حيل
اريد انام تعبانة وانعاد كلشي كدامي تخيلتهم من جروني وصعدوني ومن اتقرب من عندي غمضت عيوني حيل وكمت اشهك احس غصة قهر ما اكدر اطلعها شوي وغفيت
احس روحي اختنك من فزيت لكيت نضو بصفي نايم والباب يندك كمت رحت يم الباب كلت منو
امي.. اني فتحي
فتحت الباب لامي طبت شايله بيدها صينية قفلت الباب
امي... تعالي اكلي
قبس... ما اشتهي
امي... يمة لا تهدين حيلي والله من البارحة لليوم ضغطي صاعد وراسي طك من الوجع
باوعت عليها كسرت خاطري شكلها واتذكرت من ابوي ضربها
كعدت بصفها بستها بكصتها وكتلها
قبس..تاكلين وياي لخاطري
هزت راسها
رحت كعدت نضو خطية مماكل من الخوف
اجه كعدنا ناكل بس بالكوة احط الكمة بحلكي نفسي مسدودة وافكر واباوع لامي احسها شايلة هموم الدنيا

كالت عمامج باليل يوصلون متطلعين من الغرفة لو تصير مذابح الباب تقفلينة وتكعدين يمج نضوري خوش
هزيت راسي بمعنى اي وخوفني كلامها احس باجر الصبح ميصبح علية لان حنقتل كامت دموعي تنزل من الخوف باوعتلي دموعها تنزل وكالت الله لاينطي السوة هيج ان شالله حركت كلبي وحيرتي شسوي كلها بية
كمت اشهك وابجي
كالت لاتخافين والله محد يجيسج حتى لو يكتلوج اخليهم كلهم بالسجن حتى لو يدخل ابوج واخوج
بس احجيلي كلشي ولاتضمين عني شي حتى من يجون اكدر اتصرف
باوعت على نضو لان كاعد وهو صغير ما اريد يسمع
امي فتهمت كالت نضوري روح انزل جيب موبايلي وتعال العب بيه
كعدت احجي لامي كلشي احجي وابجي حجيتلها كلشي من الالف للياء كلت بلكت يصير شي واخلص
لليل اجتي امي تركض كالت اقفلي الباب اجوي
قفلت الباب وجسمي يرجف كعدت ادعي ودموعي تنزل يارب احميني ارحمني رحمتك يا اللهي
مرت ساعة ماكو
نص ساعة وسمعت الباب يندك كمت وكفت كلت منو
امي..فتحي
فتحت الباب وطبت
كتلها ها شصار
كالت عمامج جوة وبيبيتج هم اجت تكول خلي تجي تريد تشوفج حطي شال على راسج ونزل منتظرتج اني
خفت حييل بيبي من نوع القاسية بس حقانية وكلمتها مسموعة لان جدي متوفي
اخذت شال وكفت كدام المراية وجهي اصفر شاحب وعيوني حمر
اباوع لنفسي جنت اخبل اني بيضة وعيوني زرك فاتح على امي حلوة وهسه شصرت
لفيت الشال ونزلت اباوع ادية ترجف وجسمي ينفض حتى احس روحي عركت رغم جان الحو شهر 1 بارد الجو وحلو
وكفت يم امي كالت امشينا رحنا للاستقبال اول ما فتحت الباب امي اجت عيني بعين ابن عمي الجبير خزرني خزة متت جان لابس دشداشة جوزي غامق ولاف جفية على راسة وبيدة سبحة فتت اباوع كلهم يردون ياكلوني بس وجود بيبي لازمهم عمي الجبير صاح فوتي بنيتي فتت سلمت على بيبي وبوست ايدها بس احسها مو راضية امي اشرتلي اكعد بصفها كعدت بصفها ولازمة بدشداشتها حيل ومدنكة ارجف لان الكل موجود اريد اطلع اهمس لامي امي كالت بيبيتج متخلي احد يلمسج وحلفتلي فلا تخافين سكتت
بس اني وين ارجف رجف
بيبي بدت تحجي
شوية شوية وصارت هوسة وصياح عمامي وابوي وبيبي امي جرتني وكالت صعدي فوك بسرعة وكفت كمز بسام جرني ضربني راشدي كدامهم كمت ابجي وفشلت لان كدامهم عمي صاح بية وبيبي كامت تضرب بالعوجية بالكاع وكالت الكل يرجع لمكانة كعدو كعدت بصف امي ودموعي تنزل
حجت بيبي...البنية ناخذها ويانه
عمي الجبير ابو ياسر.... ليش ناخذها؟!
بيبي... ياخذها يعقد علية ياسر ويستر عليها بت عمة
اني هنا نصدمت ازوج اني ولا وين بالبصرة اروح لا يربي خلي يكتلوني ولا اروح بسرعة تذكرت محمد اي محمد يزوجني يقبل هم مو يردن يسترون علية خلي محمد يزوجني ولا اروح البصرة انشمر هالشمرة
ابو ياسر سكت ياسر جان كاعد كال ...بس بيبي
بيبي... لا بس ولا شي كلمتي ماتنكسر وتصير ثنين وضربت الكاع بالعوجية
رفعت راسي لكيتة يباوعلي ويخزر
بسرعة ندست امي نطلع
كمت طلعت
رحنا للمطبخ طكيت بجي كمت اشهك ومجلبة بدشاشة امي اتوسل بيها
يمةةةة عليج الله لتخليهم يزوجوني خلي يكتلوني
امي.... يمة اتزوجي احسن من يموتوج والله اموت وراج سكتت
عفتها اخذت موبايل امي وصعدت
دورت رقم محمد دست اتصال وحطيتة على اذني
رن رن
-الو
اني اول ما سمعتة كال الو كمت ابجي
_محمد يردون يزوجوني لابن عمي من البصرة مو تريد تزوجني
جاوب بس ياريت ما جاوب عبالك حط سجين بكلبي
كال... اي ازوج ابن عمج احسن الج واستري على نفسج
-وانت؟
-مالي نفس بيج جنتي بحضنهم وسلمتي نفسج وهسه جايتني روحي ازوجي مالي نفس بيج بعد
وسد الخط ....يتبع