لم ارتكب ذنباً

مشهد

#لم_ارتكب_ذنباً؟

الكاتبة زهراء

...........مشهد

واكفة اغسل اماعين الغدا وزينب واكفة تحظر الاستكاين الجاي
وشوية واجت فطومة لامها
-حسوني يبجي ماما
زينب..هسه بس يكمل الجاي حطيلة الملهيه
-تعالي انتي ما احطلة اني
قبس..روحي زينب خلصت الاماعين بس يكمل الجاي اني اودي
زينب..يي صبي ومن تودي بس دكي الباب الديوان من برة وكرار يطلع ياخذة منج
قبس..خوش روحي لابنج خطية لتسويله فطومة شي
زينب..يي رايحة فدوة لكلبج
ابتسمتلها راحت صعدت تركض لابنها لان تخاف من بتها تغار منه فتضربة
كملت الغسل رحت صبيت الجاي عدلت حجابي خاف طالع شعري ويكلبون الدنيا على راسي شلت الصينية وطلعت من باب المطبخ على الكراج ورحت وصلت لباب الديوان بعدني أريد ادك الباب انفتح الباب بوجهي رفعت راسي كرار وواحد وياه من شافني كرار خزرني واخذ الصينية من ايدي وهمس
-اني اعلمج
عفتة ما رديت فتت جوة بسرعة عابت عبالك ادري راح يطلع رحت للمطبخ عزلتة وانتظرت الاستكاين الجاي اغسلهن لان سميرة بس تريد حجة علية وتكعد تحجي
شوي وسمعت باب البرة انفتح باوعت من شباك المطبخ دخل ياسر مبين من وجهة عصبي درت وجهي ما اريد اشوفة طب باوع صفح لا سلام ولا شي حجيت
-اصبلك غدا؟
ياسر...ما اريد متزقنب عافني وفات
هسه ذولة شحجي وياهم
كعدت بالمطبخ لان هو فوك بالغرفة وبيبي بالعرس قافلة غرفتها نص ساعة وطلعوا جاب الاستكاين غسلتهن طبيت شفت ياسر نزل وصاح على كرار مدري شيحجي وياه على الشغل كلت خلي اصعد اخذ ملابسي واسبح وانام قبل ليجون صعدت فاتحة الكنتور حسيت باب الغرفة انفتح الباب
باوعت ياسر وعيونة حمررر شوية وينفجرن كال
-ان كم مرة منبهج الكراج متطلعية
-اي بس
-لااااا بس ولااااا شي شكد صلفةةةة هاااا كم مرةةةة تقرب من عند لزمني من شعري كتلة
-مو محد موجود يوديهن هد شعري وجعتني
لزم شعري حيل وكال
-لو البيت بس انتي موجودة وكالولج ودهين متوديهن
-وماسويت شي غلط عوووفني
احجي وادفع اريد يهد شعري اني حجيت هيج ما حسيت الا ضربني راشدي
-حيوووانة لا ترفعين صوتج بت الكلب وفوك ما اجت ***** ما راضية
دفعتة وضليت اعيط بوجهة واضرب بية
-وخرررر عنيييي ملللليت منكككك كلماااا سويتتت شي تضرررب وخرررر
كام يضرب بية سحلني من شعري نزلي ويغلط ويسب افتح باب المخزن صغير نهاية جوة الدرج فتح الباب دفعني بالكاع وكال
- اني اعلمج خلي يجي ابوي اذا ما اخلي مثل ماجابج **** اخلي باجر يرجعج لابوج ويربيج
طلع وقفل الباب
كعدت بالكاع من دفعني وكعت على ظهري وبطني موتتني من الوجع تلمست بطني وكلت
-انت هم ما مكتوبلك تعيش
بقيت كاعدة ومحد اجة وبطني مووووتتتي وجع كمت ابجي من الوجع ... وكلت مات الطفل

...........قريباً
رواية جديدة
فضلا وليس امرا ضغط النجمة 🌟⭐