لم ارتكب ذنباً

4

- يـَ๛ـألونـك ۶ـن ﺂلفـހاق öـل ـබـވ ﺂöـتلاع ހވح ۶ـن جـَ๛ـد
#لم ارتكب ذنبا
..............
الكاتبة ام ليان
..................
كعدت بغرفتي الي شهدت على حزني وقهري ومخدتي الي لمت دموعي كعدت ابجي مو لان راح ازوج هذا قهر وحد بس ابجي على الخنجر الي ضربني بي محمد بكلبي لهسه كلامة بأذني من يكول ما الي نفس بيج جنتي بحضنهم ازيد من البجي  يعني انت القريب علية وتعرفني احبك هيج تحجي لعد الناس شتحجي؟
بقيت بغرفتي الليل كلة ابجي يعني ليش هيج صار بية
سمعت اذان الفجر واني لهسه كاعدة تعوذت الشيطان ومسحت دموعي وكلت بعد على الله
نزلت شفت بيبي بالهول كاعد تصلي رحت توضيت ورجعت ردت اصعد الدرج سمعتها تصيحلي دخلت للهول بس  هي موجودة وعمامي بالاستقبال
قبس... ها بيبي
-تعالي بيبي
رحت كعدت يمها بس خايفة منها كلش
لزمت ايدي وكالت
-ادري المر عليج صعب بس احسن حل تزوحين انه من سمعت كتلهم لحد يحجي ويوصل الخبر للعشيرة لان كتلج يصير بفلس  فزوجي ابن عمج وارضي بقسمتج  والله ياسر يسوة ديوان انتي تدرين بية من ازوج
هزيت راسي بمعنى اي ودموعي تنزل
-وبقى 5سنوات يريدلة طفل وبعد ما  حملت مرتة وفرحنا بحملها بس يا فرحة ما تمت من ولدت توفت مرتة الله يرحمها وهسة  بس بنية عندة عمرها سنة
-كتلها ادري بيبي حتى حضرت اني بعرسة
ضحكت
وكالت لاتخافين اني يمج هناك وهسه صعدي صلي وارتاحي ترة باجر ورة الغدا نطلع
سكتت
كمت بستها من راسهة
كالت الله يحفظج
رحت صعدت اصلي ومن بديت الصلاة لحد ما خلصت دموعي موكفن خلصت بقيت كاعدة وبعدين سجدت وكمت ادعي واشكي همي لربي كمت اشهك بقيت نص ساعة رفعت راسي من التربة مسحت دموعي وسلمت امري لربي ميخيبني اني عبدك الذليل
رحت مددت بفرشي ونضو فارش فراشة بصفي بستة وغطيتة وكلت كون ميصير مثل بسام شكد كرهتهة من ضربني كدامهم حقدت علية
غفيت كعدت الصبح ادعي يصير شي الساعة ب8 نزلت جوة سمعتهم  يتريكون بلاستقبال رحت للمطبخ لكيت امي طابخة الغدا تعجبت لان بعد وكت صبحت عليها وغسلت وجهي
_بعد وكت ليش طابخة هسه الغدا
كالت... كعدت وره الاذان وحضرت الريوك والغدا لان اريد اروح للسوك
رحت صبيتلي جاي وكعدت اشرب وصافنة
كطعت صفنتي امي تكلي اكلي هاي الفة
لفة جبن اخذتها وكعدت اكل
كمت كملت باوعت طلعوا عمامي يغسلون فتت صبحت على بيبي وشلت الاماعين بسرعة ما اريدهم يشوفوني
غسلتهن مع انو امي ما قبلت بس كلت الهي روحي بيهن لان تعبت من التفكير
صارت الساعة 10 الا عشرة اجتي امي لابسة عبايتها
وكالت اكعدي يم بيبيتج وحدها بالهول ما تقبل تروح بالاستقبال
هزيت راسي بمعنى اي
طلعت امي عزلت المطبخ ورحت يم بيبي
كعدت تحجيلي عن عاداتهم وتقاليدهم واطباعهم
كالت.. باجر نعقدلكم هناك
بقيت ساكتة
كالت لا تخلين الرجال يروح منج والله هناك بس يتمنن نظرة منة وانتي هسه عدهن اجيتي على الحاضر اخذتي
كتلها.. يا بيبي هسه علساس مزوجة منو
كالت بحدية... رجال ما ينعاب وشايل العائلة هو ولا عندة مكسرات ولا شي بعد شبي لو تردينة مايع من ذولة المايعين ها!؟
اني خفت من حجت بس من كالت مايعين صدك ضحكت
كتلها لا بيبي ... بعدني كاعد احجي جان اسمع بيبي تكول هلا تعال كاعدة احجي وية مريتك
رفعت راسي ياسر اجت عيني بعينة بسرعة دنكت
كالت... تعال اكعد يمي عندي حجي وياك
اني ردت اطلع انسحب شوي شوي
صاحت بيبي... كعدي بمكانج لا اكسر العوجية عليج
رفعت راسي باوعتلهم بيبي خازرتني حتى اكعد وهو مبتسم على حجيها
رجعت كعدت بمكاني خجلت ما ادري استحيت هيج احساس
كالت .... دامكم كاعدين ثنينكم عدكم اعتراض
هو كال لا حشا بيبي شتردين نسوي
باوعتلي
كتلها لا بيبي ما عندي اعتراض شتفصلين نلبس
عفتها وكمت بسرعة
بقيت بالمطبخ
صارت بًـ11 ونص طبت امي من السوك شايلة هواي علاليك كعـدت بالمطبخ انطيتها مي تشرب لان اجتي فحطانة
كتلها ليش رحتي للسوك
كالت شلون اليوم عقدج وترحين وماعندج شي
ولله بعت محبسي وكلادتي وشتريتلج جهاز العرس حالج حال البنات تمنيت اشوفج ببدلة العرس ... تحجي بحركة ودموعها تنزل
رحت بستها
قبس... يله الله كاتبلي هيج حظي شسوي
امي ... شيليهن وصعدي فوك شوفيهن
شلتهن وصعدتهن ونزلت حتى نصب غدا لان صارت الساعة بـ12 حظرنا الغدا ووديناه كالت امي امشي بين ميتغدون احظر جنطتج
صعدت جابت امي جنطة شوية جبيرة حطيت غرضي والي جابتهن امي بعلاكتهن حطيتهن حتى ما شفتهن
طلعت امي
بدلت
طبت امي علية بيدها علاكة سودة كالت خليهن جوه ايدج فلوس
قبس..  لا يمة والله ما اريد وانتي ما عندج ما اخذهن
كالت ..معليج اخذيهن
اخذتهن واني هم صادف عندي اجمع من مصرف الجامعة
حظرت نفسي لان كالو بس نكمل غدا نطلع
نزلت ونزلت جنطتي وياي لبست بنطرون وفوكاتة قميص للركبة ولبست فوكهن جبة لان امي كالت ميقبلون بهالبس كعدت
خلصوا غدا وشربوا جاي كالو يلا نروح وهناك نعقدلهم
من كالوا يله كمت ارجف ودموعي نزلن ما اريد اروح
اجتي امي شبكتني وتبوس بية وتكلي ديري بالج على نفسج سلمت عليها رحت النضو بستة وكتلة دير بالك على امي وهو لازم ايدي يكلي لا ترحين جنت احجي وياه اتقرب ياسر اخذ الجنطة يم الباب حتى يصعدها
رحت بست راس امي. وطلعت ما سلمت بس على امي و نضو
صعدت بالسيارة ليورة بيبي يمي وياسر يسوق وعمي ابو ياسر
وعمامي الـ2 الباقين بسيارة ثانية
مشينا وعيوني على الشوارع وعلى المنطقة مالتنا اباوع من الجام ودموعي تنزل والطريق طويييل والصمت سيد الموقف
ومن هنا راح تبدي معاناة وحياة جديدة ....يتـبــع
......
فضلاً وليس امراً الضغط على الـ★