🔥🔞"لعبة إنتقام"🔞🔥

الحلقة 57

ﺗﺎﻟﻴﻦ ﻛﺎﻧﺖ ﻣﻀﻄﺮﺓ ﺗﻮﺍﻓﻖ ﻋﻠﻰ ﻛﻼﻡ ﻣﻬﺮﺍﻥ .. ﻫﻲ ﺗﺼﺮﻓﺖ ﺑﻄﻴﺶ ﻭﻣﺮﻋﺎﺗﺶ ﻣﺸﺎﻋﺮﻭ .. ﻟﻮﻛﺎﻥ ﺟﺎﺀ ﺣﺪ ﺍﺧﺮ ﻛﺎﻥ ﻓﺴﺦ ﺧﻄﻮﺑﺘﻮ ﻣﻨﻬﺎ ﻭﺧﻼﻫﺎ ﻭﻣﺸﻰ .. ﺍﺗﺎﻛﺪﺕ ﺍﻧﻮ ﻫﻮ ﺍﻟﺸﺨﺺ ﺍﻟﻤﻨﺎﺳﺐ ﺍﻟﻲ ﻳﺤﺒﻬﺎ ﻭﻳﻘﺪﺭﻫﺎ ﻭﻳﻔﻬﻤﻬﺎ
ﺑﺪﺍﺕ ﺗﺤﻀﻴﺮﺍﺕ ﺍﻟﻌﺮﺱ .. ﻣﺸﺎﺕ ﺗﺎﻟﻴﻦ ﻭﺻﺎﺣﺒﺘﻬﺎ ﺭﺅﻯ ﺑﺎﺵ ﻳﺸﺮﻳﻮ .. robe ﺗﺎﻟﻴﻦ ﻛﺎﻧﺖ ﺗﻘﻴﺲ ﻓﻲ les robes ﻟﻜﻦ ﻣﻜﻨﺘﺶ ﻓﺮﺣﺎﻧﺔ .. ﻋﻤﺮﻫﺎ ﻣﺘﻤﻨﺎﺕ ﺗﻠﺒﺲ ﺭﻭﺑﺔ ﺑﻴﻀﺎﺀ ﻟﻮﺍﺣﺪ ﺍﺧﺮ ﻏﻴﺮ ﺣﻴﺪﺭ
ﺭﺅﻯ ﻛﺎﻧﺖ ﺗﺮﻯ ﻓﻲ ﺻﺎﺣﺒﺘﻬﺎ ﺣﺰﻳﻨﺔ ﻭﺟﻬﺎ ﺍﺻﻔﺮ ﻭﺗﺎﻋﺐ ﻭﺷﺎﺩﺓ ﺑﻜﻴﺘﻬﺎ ﺑﺴﻴﻒ
- ﺗﺎﻟﻴﻦ ﻋﺰﻳﺰﺗﻲ .. ﺷﺒﻴﻚ ﺍﻓﺮﺡ ﻋﺮﺳﻚ ﻗﺮﻳﺐ ﻭﺍﻧﺖ ﺗﻘﻮﻝ ﻣﻜﺶ ﺗﺤﻀﺮ ﻟﻌﺮﺳﻚ ﻭﻗﺎﻋﺪﺓ ﺗﺤﻀﺮ ﻟﺠﻨﺎﺯﺗﻚ
- ﻣﺎﻧﻴﺶ ﻣﻨﺠﻤﺔ ﻧﻔﺮﺡ .. ﻗﺪ ﻣﺤﺎﻭﻟﺖ ﻣﻨﺠﻤﺘﺶ .. ﺳﺎﻋﺎﺕ ﻧﺤﺲ ﺭﻭﺣﻲ ﺗﺴﺮﻋﺖ ﻛﻴﻒ ﻭﺍﻓﻘﺖ ﻋﻠﻰ ﻣﻬﺮﺍﻥ ﻣﻨﺠﻤﺘﺶ ﻧﻨﺴﻰ ﺣﻴﺪﺭ ﻟﺤﻈﺔ ﻧﺤﺒﻮ ﻭﻣﺶ ﻣﻨﺠﻤﺔ ﻧﺨﺮﺟﻮ ﻣﻦ ﻣﺨﻲ ﻭﻗﻠﺒﻲ
- ﺍﻧﺴﺎﻩ ﺗﺎﻟﻴﻦ ﻭﻓﻜﺮ ﻓﻲ ﻣﻬﺮﺍﻥ ﺷﻮﻑ ﻗﺪﺍﻩ ﻳﺤﺒﻚ ﻭﻣﻀﺤﻲ ﻋﻠﻰ ﺧﺎﻃﺮﻙ
- ﻧﻌﺮﻑ ﺍﻟﻲ ﻫﻮ ﻳﺤﺒﻨﻲ ﻭﺍﻧﺎ ﺯﺩﺍ ﻧﻌﺰﻭ ﺑﺮﺷﺎ ﺍﻣﺎ ﻣﻨﺠﻤﺘﺶ ﻧﺤﺒﻮ .. ﺍﻧﺎ ﻧﺮﻯ ﻓﻴﻪ ﺻﺪﻳﻖ ﺧﻮ ﻟﻜﻦ ﺍﻧﻲ ﻧﺤﺒﻮ ﻛﺮﺍﺟﻞ ﻣﻨﺠﻤﺘﺶ .. ﻣﻨﺠﻤﺶ ﻧﻌﻄﻴﻪ ﺍﻟﺤﺐ ﺍﻟﻲ ﺗﻌﻄﻴﻪ ﻣﺮﺍﺓ ﻟﺮﺍﺟﻞ .. ﻣﺶ ﻋﺎﺭﻓﺔ ﻛﻴﻔﺎﻩ ﺑﺎﺵ ﻧﺠﻢ ﻧﺴﻠﻤﻠﻮ ﻓﻲ ﺑﺪﻧﻲ ﻭﻧﺮﻗﺪ ﻣﻌﺎﻩ ﻓﻲ ﻓﺮﺵ ﻭﺍﺣﺪ .. ﻓﻜﺮﺓ ﺍﻧﻮ ﺣﺪ ﺍﺧﺮ ﻏﻴﺮ ﺣﻴﺪﺭ ﻳﻤﺴﻨﻲ ﺗﻘﺘﻠﻨﻲ .. ﻟﻤﺴﺔ ﻭﺣﺪﺓ ﻣﻦ ﺣﻴﺪﺭ ﺗﻬﺰﻧﻲ ﻟﻌﺎﻟﻢ ﺍﺧﺮ .. ﻣﻨﺠﻤﺘﺶ ﻧﺤﺲ ﺑﺸﻲﺀ ﻣﻊ ﻣﻬﺮﺍﻥ ﺣﺘﻰ ﺑﻮﺳﺘﻮ ﻧﻬﺎﺭﺕ ﺍﻟﺨﻄﺒﺔ ﻣﺤﺴﻴﺘﻬﺎﺵ .. ﻛﻨﺖ ﻭﻗﺘﻬﺎ ﻣﻐﻤﻀﺔ ﻋﻴﻨﻲ ﻧﺮﻯ ﻓﻲ ﺣﻴﺪﺭ ﻗﺪﺍﻣﻲ .. ﺻﺤﻴﺢ ﻫﻮ ﻣﺮﻣﺪﻧﻲ ﻭﻋﺬﺑﻨﻲ ﺍﻣﺎ ﺍﻟﻠﻪ ﻏﺎﻟﺐ ﻣﻨﺠﻤﺘﺶ ﻧﻨﺴﺎﻩ .. ﻧﻌﺮﻑ ﺍﻟﻲ ﻣﻬﺮﺍﻥ ﻛﺎﻥ ﻧﻄﻠﺐ ﻧﺠﻮﻡ ﻳﺠﻴﺒﻬﻤﻠﻲ ﻭﻣﺎﻫﻮﺵ ﻣﻘﺼﺮ ﻣﻌﺎﻳﺎ ﻓﻲ ﺷﻲﺀ ﺍﻣﺎ ﻗﻠﻮﺑﻨﺎ ﻣﻨﺠﻤﻮﺵ ﻧﺘﺤﻜﻤﻮ ﻓﻴﻬﺎ ﻣﻨﺠﻤﻮﺵ ﻧﻘﻠﻮﻟﻬﺎ ﻟﺸﻜﻮﻥ ﺩﻕ ..
ﺭﺅﻯ ﻋﻨﻘﺖ ﺗﺎﻟﻴﻦ ﻭﻣﺴﺤﺘﻠﻬﺎ ﺩﻣﻮﻋﻬﺎ ﺍﻟﻲ ﻫﺒﻄﺖ
- ﻫﺬﺍ ﺍﻟﻜﻞ ﻣﺨﺒﻴﺘﻮ ﻓﻲ ﻗﻠﺒﻚ ﻣﻜﻨﺘﺶ ﻧﺘﺼﻮﺭ ﺍﻟﻲ ﺍﻧﺖ ﺗﺤﺲ ﻫﻜﺎ .. ﺍﺫﺍ ﻛﻨﺖ ﻣﺎﻛﺶ ﻓﺮﺣﺎﻧﺔ ﺑﻬﺎ ﺍﻟﻌﺮﺱ ﺍﺣﻜﻲ ﻣﻊ ﻣﻬﺮﺍﻥ ﻭﺑﻄﻞ
- ﺻﺤﻴﺢ ﺍﻧﺎ ﺗﻌﻴﺴﺔ ﺍﻣﺎ ﻣﻨﺠﻤﺶ ﻧﺒﻄﻞ ﻣﻨﺠﻤﺶ ﻧﻜﻮﻥ ﺍﻧﺎﻧﻴﺔ ﻭﻧﻜﺴﺮﻟﻮ ﻗﻠﺒﻮ ﻣﺒﻌﺪ ﺍﻟﻲ ﻋﻤﻠﻮ ﻣﻌﺎﻳﺎ ﻭﺿﺤﺎﻩ ﻋﻠﻰ ﺧﺎﻃﺮﻱ .. ﻧﻌﺮﻑ ﻛﺎﻥ ﻧﺒﻌﺪ ﻋﻠﻴﻪ ﺑﺎﺵ ﻳﺘﻌﺬﺏ ﺑﺮﺷﺎ ﻭﻧﻜﻮﻥ ﺳﺒﺐ ﻓﻲ ﺣﺰﻧﻮ .. ﻣﻬﺮﺍﻥ ﻣﺎﻳﺴﺘﺎﻫﻠﺶ ﻣﻨﻲ ﻫﺬﺍ ﺍﻟﻜﻞ .. ﺍﻧﺎ ﺑﺎﺵ ﻧﻌﻤﻞ max ﺑﺎﺵ ﻧﺨﻠﻴﻪ ﻓﺮﺣﺎﻥ ﺭﻏﻢ ﺗﻌﺎﺳﺘﻲ .. ﻫﻮ ﻳﺴﺘﺤﻖ ﺍﻧﻲ ﻧﻀﺤﻲ ﻋﻠﻰ ﺧﺎﻃﺮﻭ .. ﻭﺑﺎﺵ ﻧﺤﺎﻭﻝ ﻧﻜﺘﻢ ﻣﺸﺎﻋﺮﻱ ﻓﻲ ﻗﻠﺒﻲ ﻭﻧﺤﺎﻭﻝ ﻧﻨﺴﻰ ﺣﻴﺪﺭ ﺭﻏﻢ ﺍﻟﻲ ﺍﻧﺎ ﻧﻌﺮﻑ ﺍﻟﻲ ﻫﺬﻩ ﺻﻌﻴﺒﺔ ﺑﺮﺷﺎ ﺍﺫﺍ ﻣﺎﻛﻨﺘﺶ ﻣﺴﺘﺤﻴﻠﺔ