حطت يدها على فمها تكتم في شهقتها وهي تسمع في امها تقول
-اشمزال حبيبي ايامات و يموت ونرتاحو منو هل علة و نعيش انا و حبي احلى عيشة
تالين هزت روحها و مشات تكركر في ساقيها مش مصدقة كابوس الي عايشة فيه بوها قاعد يموت امها تخون في بوها حست روحها ضايعة تاعبة مش عارفة شتعمل تذكرت بوها الموجوع و المريض الي يستنى دواه
شربتو دواه وقعدت تمسحلو على شعرو بوها قوي الي يتعملو الف حساب يصير فيه هذا كل ولا كيف طفل صغير ينسى برشا ذاكرتو ضعيفة برشا سعات مايتذكرهاش بدنو ضعيف و مهدود معدش ينجم يتحرك بقات تتفرج فيه تحاول اكثر ماتقدر تملى عينها منو تبوسلو في وجهو و و حاسة بوجيعة قوية في قلبها
قامت صباح مشات تقرى ومبعد روحت كانت كل يوم تروح تجري باش تقعد اكثر وقت معاه تتلهى بيه دخلتلو لبيتو لقاتو راقد تبسمت جبتلو ورد الي يحبو جطتهم في فاز قربتلو باستو تلقاه بارد مش كيف عادة تفجعت حاولت تفيقو محبش يفيق ولات تصيح و تبكي
-فيق يا با فيق ياروحي يزي بلا نوم قوم نهزك لجنينة بحذا ورداتك الي تحبهم قوم نشربك دواك قوم نحكيلك شعملت ليوم
هي كانت عارفة الي بوها مشى الي بوها مات لكن كان عندها امل صغير انو يفيق شدتلو يدو تلقاهم باردين قربتهم لفمها دفي فيهم و تبوس فيهم دموعها هابطين مشات جابتلو غطاء تغطي فيه دفي فيه
أنت تقرأ
🔥🔞"لعبة إنتقام"🔞🔥
Romanceهاااي حبيباتي🙋 أنا جيييت🏃♀️ و تعرفوني أنا كيف نجي☺❤ ما نجيش يدي فارغة😁✌ لازم نجيبلكم كروو 🔥🔞و بالسيف بش تعجبكم 😍❤ جبتلكم كرونيك نااااار يا حبيبي نااارر🔥🔞 🔥🔞منغير ما نحكيلكم عااد😁✌ إنتوما تعرفوو كرونيكاتي🔞🔥 كرونيك بعنوان 🔞🔥"لعبة...
