🔥🔞"لعبة إنتقام"🔞🔥

الحلقة 55

- ﻣﺎﻫﻮﺵ ﺻﺤﻴﺢ ﺍﻧﺎ ﻣﻨﻜﺮﻫﻜﺶ ﻭﻋﻤﺮﻱ ﻻ ﻛﺮﻫﺘﻚ ﻭﻻ ﻋﻤﺮﻱ ﺑﺎﺵ ﻧﻜﺮﻫﻚ .. ﺍﻧﺎ ﻣﻜﺮﻫﺘﻜﺶ ﻭﻗﺖ ﺍﻟﻲ ﻋﺎﻳﺸﺔ ﻓﻲ ﺍﻟﺸﺎﺭﻉ ﻟﻠﺒﺮﺩ ﻭﺍﻟﺠﻮﻉ ﺑﺎﺵ ﻧﻜﺮﻫﻚ ﺗﻮﺍ ﻭﻗﺖ ﺍﻟﻲ ﺍﻧﺖ ﻧﺎﺩﻡ ﻛﻨﺖ ﺩﻳﻤﺎ ﻓﻲ ﻗﻠﺒﻲ ﻭﻋﻘﻠﻲ . ﻛﻨﺖ ﻧﺸﺮﻱ ﻣﺠﻼﺕ ﺍﻟﻲ ﻓﻴﻬﻢ ﺗﺼﺎﻭﺭﻙ ﻧﺘﻔﺮﺝ ﻓﻴﻬﻢ ﻧﺤﻜﻴﻠﻚ ﻧﻌﺎﺗﺒﻚ ﻛﺎﻧﻚ ﻗﺪﺍﻣﻲ .. ﻛﻨﺖ ﻓﻲ ﻋﺰ ﺍﻟﺒﺮﺩ ﻧﺤﻤﻞ ﺗﺼﻮﻳﺮﺗﻚ ﺑﺎﺵ ﻧﺪﻓﻰ .. ﻛﻨﺖ ﺩﻳﻤﺎ ﻣﻌﺎﻳﺎ ﻻﻧﺠﻤﺖ ﻧﻨﺴﺎﻙ ﻭﻻ ﻧﻜﺮﻫﻚ .. ﺍﺣﺴﺎﺳﻲ ﺑﺎﻟﻐﻴﺮﺓ ﺧﻼﻧﻲ ﻧﻘﻮﻝ ﻫﻜﺎ .. ﻛﻲ ﺷﻔﺖ ﺳﻴﺎﻏﺘﻲ ﻋﻨﺪ ﻋﺸﻴﻘﺎﺗﻚ ﺟﻨﻴﺖ ﻣﻨﺠﻤﺘﺶ ﻧﺘﺤﻤﻞ ﻓﻜﺮﺓ ﺍﻧﻚ ﻣﻊ ﻭﺣﺪﺓ ﻏﻴﺮﻱ ﻛﻞ ﺍﻟﻲ ﻋﻤﻠﺘﻮ ﻓﻴﺎ ﻧﺴﻴﺘﻮ ﺍﻭﻝ ﻣﺮﻳﺘﻚ ﻭﺣﻀﻨﺘﻨﻲ ﻟﻜﻦ ﺍﻟﻲ ﺷﻌﻠﻲ ﻧﺎﺭﻱ ﺍﻧﻲ ﺗﺨﻴﻠﺘﻬﻢ ﻓﻲ ﺣﻀﻨﻚ ﻳﺴﻤﻌﻮ ﺩﻗﺎﺕ ﻗﻠﺒﻚ ﺷﻔﺎﻳﻔﻚ ﺗﻤﺲ ﺷﻔﺎﻳﻔﻬﻢ ﻳﺪﻙ ﺗﻌﺪﻳﻬﺎ ﻋﻠﻰ ﺑﺪﻭﻧﺎﺗﻬﻢ .. ﺍﻧﺖ ﻣﻠﻜﻲ ﺍﻧﺎ ﻭﺣﺪﻱ ﺣﺘﻰ ﻧﻬﺎﺭﺕ ﺍﻟﻲ ﻗﺘﻠﻚ ﻣﻌﺎﺩﺵ ﻧﺤﺐ ﻧﺸﻮﻓﻚ ﻗﺪﺍﻣﻲ ﻣﺶ ﻣﻦ ﻗﻠﺒﻲ ﻭﺍﻟﻠﻪ ﻛﻲ ﺷﻔﺖ ﻛﻠﻴﻮﻧﺎﺕ ﻳﺤﻜﻴﻮ ﻋﻠﻴﻚ ﻭﻣﻴﺘﻴﻦ ﻓﻴﻚ ﺣﺒﻴﺖ ﻧﺒﻌﺪﻙ ﻣﻦ ﻗﺪﺍﻣﻬﻢ ﺧﺎﻃﺮﻧﻲ ﻧﺤﺒﻚ ﻭﻋﻤﺮﻱ ﻣﺤﺒﻴﺖ ﺣﺪ ﻗﺪﻙ ﻭﻣﻨﺴﺘﺤﻤﻠﺶ ﻧﺮﻯ ﻭﺣﺪﺓ ﺗﺨﺰﺭﻟﻚ .. ﺻﺤﻴﺢ ﻣﻮﺟﻮﻋﺔ ﻣﻨﻚ ﻭﻗﺮﺑﻚ ﻳﻌﺬﺑﻨﻲ ﻟﻜﻦ ﻣﺴﺎﻣﺤﺘﻚ ﻭﻧﺤﺒﻚ .. ﻛﺬﺑﺖ ﻋﻠﻴﻚ ﻛﻲ ﻗﺘﻠﻚ ﺍﻏﺘﺼﺒﻮﻧﻲ ﺣﺒﻴﺖ ﻧﺸﻮﻳﻚ ﺑﻨﺎﺭ ﻏﻴﺮﺓ ﻛﻴﻤﺎ ﺷﻮﻳﺘﻨﻲ .. ﺻﺤﻴﺢ ﻓﻤﺎ ﺷﻜﻮﻥ ﺣﺎﻭﻝ ﻳﻐﺘﺼﺒﻨﻲ ﺍﻣﺎ ﺍﻟﺤﻤﺪﻟﻠﻪ ﺟﺎﺀ ﺷﻜﻮﻥ ﺍﻧﻘﺬﻧﻲ .. ﻣﻌﺎﺩﺵ ﺗﻌﺬﺏ ﺭﻭﺣﻚ ﻳﺎﺭﻭﺣﻲ ﻋﺮﻓﺖ ﻧﺤﺎﻓﻆ ﻋﻠﻰ ﺷﺮﻓﻲ ﻭﻣﺨﻠﻴﺖ ﺣﺪ ﻳﺘﻌﺪﻯ ﻋﻠﻲ .. ﻣﺶ ﻭﺣﺪﻙ ﻏﻠﻂ
ﺍﻧﺎ ﻭﺍﻧﺖ ﻭﻣﺎ ﻏﻠﻄﻨﺎ ﻭﻛﻞ ﻭﺍﺣﺪ ﺩﻓﻊ ﺛﻤﻦ ﻏﻠﻄﺘﻮ ﻣﺎ ﺧﺎﻧﺖ ﺑﺎ ﻭﻛﺎﻧﺖ ﺳﺒﺐ ﻓﻲ ﻣﻮﺗﻮ ﻭﺩﺧﻠﺖ ﻟﻠﺤﺒﺲ .. ﺍﻧﺎ ﺟﺮﻳﺖ ﻭﺭﺍﺀ ﺍﻻﻧﺘﻘﺎﻡ ﻭ ﻓﻜﻴﺘﻚ ﻻﻣﻲ ﻧﻜﺬﺏ ﻟﻮ ﻧﻘﻮﻝ ﻓﻜﻴﺘﻚ ﻻﻣﻲ ﺧﺎﻃﺮ ﺣﺒﻴﺖ ﻧﻨﺘﻘﻢ ﻣﻨﻬﺎ ﻛﻬﻮ .. ﺣﺘﻰ ﻟﻮ ﻣﺠﺎﺵ ﺍﻧﺘﻘﺎﻡ ﻣﻤﻜﻦ ﻛﻨﺖ ﺑﺎﺵ ﻧﺤﺎﻭﻝ ﻧﻔﻜﻚ ﻣﻨﻬﺎ ﺧﺎﻃﺮ ﺣﺒﻴﺘﻚ ﻭﻛﻞ ﻣﺎﻳﺎﻧﺒﻨﻲ ﺿﻤﻴﺮﻱ ﻧﻘﻮﻝ ﺧﺎﻃﺮ ﻧﺤﺐ ﻧﻨﺘﻘﻢ ﻣﻦ ﻣﺎ ﺍﻧﺎ ﺯﺩﺍ ﺧﻠﺼﺖ ﺛﻤﻦ ﺍﻧﺎﻧﻴﺘﻲ ﻭﺗﺸﺮﺩﺕ ﻭﺻﺎﺭ ﻓﻴﺎ .. ﺍﻧﺖ ﺯﺩﺍ ﺧﻠﺼﺖ ﺛﻤﻦ ﺗﺤﻴﻞ ﻭﻓﻠﻮﺱ ﺣﺮﺍﻡ ﻭﺧﺴﺮﺕ ﺍﻣﻚ ﻭﺧﺴﺮﺗﻨﻲ ﻭﻗﺎﻋﺪ ﺗﺘﻌﺬﺏ ﻭﺿﻤﻴﺮﻙ ﻣﺎﺍﻧﺒﻚ .. ﻣﻌﺎﺩﺵ ﺗﻘﺴﻰ ﻋﻠﻰ ﺭﻭﺣﻚ ﻭﺍﻧﺴﻰ ﻭﺍﺑﺪﻯ ﺣﻴﺎﺗﻚ ﻣﻦ ﺟﺪﻳﺪ .. ﺑﻮﺳﺔ ﻣﻬﺮﺍﻥ ﻣﺤﺴﻴﺘﻬﺎﺵ ﻣﺤﺮﻛﺖ ﻓﻴﺎ ﺷﻲﺀ ﻛﻨﺖ ﻣﺠﺒﻮﺭﺓ ﻣﻨﺠﻤﺘﺶ ﻧﺒﻌﺪﻭ ﻗﺪﺍﻡ ﺍﻟﻨﺎﺱ
- ﻛﻲ ﻣﺘﺤﺒﻮﺵ ﺍﺭﺟﻌﻠﻲ ﺗﺎﻟﻴﻦ ﺧﻠﻴﻨﺎ ﻧﺒﺪﺍﻭ ﻣﻦ ﺟﺪﻳﺪ ﻭﻧﻌﻮﺿﻚ ﻋﻠﻲ ﻓﺎﺕ
- ﻳﺎﺭﻳﻴﻴﺖ ﺍﻣﺎ ﻣﻨﺠﻤﺶ ﻳﺰﻱ ﻣﺎﻛﻨﺎ ﺍﻧﺎﻧﻴﻴﻦ ﻭﻧﺨﻤﻤﻮ ﻛﺎﻥ ﻓﻲ ﺭﻭﺍﺣﻨﺎ .. ﻣﻬﺮﺍﻥ ﻋﻤﻞ ﺍﻟﻤﺴﺘﺤﻴﻞ ﻫﺎﻯ ﺧﺎﻃﺮﻱ ﺣﺒﻨﻲ ﺩﻟﻠﻨﻲ ﻣﺴﺤﻠﻲ ﺩﻣﻮﻋﻲ ﻣﻨﺠﻤﺶ ﻧﻜﻮﻥ ﺍﻧﺎﻧﻴﺔ ﻭﻧﺠﺎﺯﻳﻪ ﺑﺎﻟﺨﺎﻳﺐ ﺑﻌﺪ ﺍﻟﻲ ﻋﻤﻠﻮ ﻣﻌﺎﻳﺎ ﻭﻧﺒﻌﺪ ﻋﻠﻴﻪ ﻭﻧﻜﺴﺮﻟﻮ ﻗﻠﺒﻮ .. ﻣﻜﺘﻮﺑﻨﺎ ﻭﻓﺎ ﺣﻴﺪﺭ ﻻﺯﻣﻨﺎ ﻧﺮﺿﺎﻭ ﺑﻠﻲ ﺗﻜﺘﺒﻠﻨﺎ ﺍﺑﺪﺍ ﺣﻴﺎﺓ ﺟﺪﻳﺪﺓ ﻭﺍﻧﺴﺎﻧﻲ
ﺣﻴﺪﺭ ﻫﺒﻄﺖ ﺩﻣﻮﻋﻮ
- ﻗﻠﻲ ﻛﻴﻔﺎﺵ ﻧﻨﺴﺎﻙ ﻛﻴﻔﺎﺵ ﻧﺨﺮﺟﻚ ﻣﻦ ﻫﻨﺎ ﻣﻦ ﻗﻠﺒﻲ .. ﻛﻴﻔﺎﺵ ﻣﻌﺪﺵ ﻧﻔﻜﺮ ﻓﻴﻚ .. ﻛﻴﻔﺎﺵ ﻣﻌﺪﺵ ﻧﺘﻮﺣﺸﻚ .. ﻛﻴﻔﺎﺵ ﻛﻲ ﻧﻐﻤﺾ ﻋﻴﻨﻲ ﻣﺎﻧﺸﻮﻓﺶ ﺻﻮﺭﺗﻚ ﻗﺪﺍﻣﻲ .. ﻗﻠﻲ ﻛﻴﻔﺎﺵ ﻧﺠﻢ ﻧﻌﻴﺶ ﺣﻴﺎﺗﻲ ﻭﺍﻧﺎ ﻧﻌﺮﻑ ﺍﻟﻲ ﺍﻧﺖ ﻓﻲ ﺣﻀﻦ ﺭﺍﺟﻞ ﺍﺧﺮ .. ﺍﻧﻮ ﺑﺪﻧﻚ ﻣﺘﻤﺘﻊ ﺑﻴﻪ ﺣﺪ ﺍﺧﺮ ﻗﻠﻲ ﻛﻴﻔﺎﻩ ﻧﻨﺴﺎﻙ ﺗﻮ ﻧﻨﺴﺎﻙ
ﺷﺪﺗﻮ ﻣﻦ ﻳﺪﻭ ﺗﺒﻜﻲ