🔥🔞"لعبة إنتقام"🔞🔥

الحلقة 51

- ﺳﺎﻣﺤﻨﻲ ﻣﺶ ﻗﺼﺪﻱ ﺍﻣﺎ ﻣﻮﺟﻮﻉ ﻭﺟﻴﻌﺔ ﻗﺘﻠﺘﻨﻲ ﻣﻨﺠﻤﺶ ﻧﺘﺤﻤﻞ ﺧﺴﺎﺭﺗﻚ ﻭﺑﻌﺪﻙ ﻋﻠﻲ ﺍﻣﺎ ﻣﻜﺘﻮﺏ ﻻﺯﻣﻨﻲ ﻧﺮﺿﻰ ﺑﻴﻪ ﺍﻧﺎ ﺿﻴﻌﺘﻚ ﻣﻦ ﻳﺪﻱ ﻭﻓﻘﺖ ﻣﺨﺮ .. ﻟﻮ ﻛﺎﻥ ﻗﺎﺩﺭ ﻧﻌﻤﻞ ﺣﺎﺟﺔ ﺗﺨﻠﻴﻚ ﺗﺴﺎﻣﺤﻨﻲ ﻣﻨﺘﺮﺩﺩﺵ ﻟﺤﻈﺔ ﻭﻧﻌﻤﻠﻬﺎ ﺣﺘﻰ ﻟﻮ ﻛﺎﻥ ﻓﻴﻬﺎ ﻣﻮﺗﻲ .. ﻧﺤﺒﻚ ﺗﻌﺮﻑ ﺣﺎﺟﺔ ﻭﺣﺪﺓ ﺍﻟﻲ ﺍﻧﺎ ﻧﺤﺒﻚ ﻭﻧﺎﺩﻡ ﻭﻋﻤﺮﻱ ﻣﺎﻧﻲ ﺑﺎﺵ ﻧﺴﺎﻣﺢ ﺭﻭﺣﻲ ﻋﻠﻲ ﻋﻤﻠﺘﻮ ﻓﻴﻚ ﻭﻋﻤﺮﻱ ﻣﺎﻧﻲ ﺑﺎﺵ ﻧﻨﺴﺎﻙ ﺍﺳﻤﻚ ﻣﺤﻔﻮﺭ ﻓﻲ ﻗﻠﺒﻲ ﺭﺩ ﺑﺎﻟﻚ ﻋﻠﻰ ﺭﻭﺣﻚ ﻛﻮﻥ ﻗﻮﻳﺔ ﻣﺘﺨﻠﻲ ﺣﺪ ﻳﻌﺪﻳﻬﺎ ﻋﻠﻴﻚ ﻧﺤﺒﻚ ﺩﻳﻤﺎ ﻓﺎﻳﻘﺔ ﻭﻓﻲ ﺍﻱ ﻟﺤﻈﺔ ﺗﺴﺘﺤﻘﻨﻲ ﻓﻴﻬﺎ ﺗﻠﻘﺎﻧﻲ ﻣﻮﺟﻮﺩ ﻧﻔﺪﻳﻚ ﺑﺤﻴﺎﺗﻲ
ﺑﺎﺳﻬﺎ ﻣﻦ ﺭﺍﺳﻬﺎ ﻣﺴﺢ ﺩﻣﻌﺘﻮ ﻫﺰ ﺭﻭﺣﻮ ﻭﻣﺸﻰ .. ﺗﺮﻯ ﻓﻴﻪ ﻣﺎﺷﻲ ﻭﻳﺒﻌﺪ ﻋﻠﻴﻬﺎ ﻛﻞ ﻣﺮﺓ ﻳﻬﺰ ﻓﻲ ﻳﺪﻭ ﻳﻤﺴﺢ ﻓﻲ ﻭﺟﻬﻮ ﻭﻣﺒﻌﺪ ﻏﺎﺏ ﻋﻠﻴﻬﺎ ﻭﺧﺮﺝ ﻣﻦ ﺑﺎﺏ ﻣﻦ ﻏﻴﺮ ﻣﺎﻳﺘﻠﻔﺖ
ﺗﺎﻟﻴﻦ ﺩﺧﻠﺖ ﻓﻲ dépression ﻓﻜﺮﺓ ﺑﻌﺪﻫﺎ ﻋﻠﻴﻪ ﻭﺍﻧﻬﺎ ﻣﻌﺎﺩﺵ ﺗﺮﺍﻩ ﺟﻤﻼ ﺧﻼﺗﻬﺎ ﺗﻨﻬﺎﺭ ﻭﺗﻜﺖﺀﺏ ﻭﺗﺴﻜﺮ ﻋﻠﻰ ﺭﻭﺣﻬﺎ ﺍﻟﺒﺎﺏ ﺣﺴﺖ ﺍﻟﺤﺐ ﻫﺪﻫﺎ ﻭﺗﻌﺒﻬﺎ ﻭﻣﻌﺎﺩﺵ ﺗﻨﺠﻢ ﺗﻘﺎﻭﻡ ﻫﻤﻮﻡ ﺩﻧﻴﺎ ﻭﺗﻌﺒﻬﺎ ﻟﻜﻦ ﺭﺅﻯ ﺻﺎﺣﺒﺘﻬﺎ ﻣﺨﻠﺘﻬﺎﺵ ﻟﺤﻈﺔ ﻭﻧﺠﻤﺖ ﺗﺨﺮﺟﻬﺎ ﻣﻦ ﻋﺰﻟﺘﻬﺎ ﺑﻤﺴﺎﻋﺪﺓ ﺭﺍﺟﻠﻬﺎ ﻭﺧﻮﻩ ﻣﻬﺮﺍﻥ ﺍﻟﻲ période ﺍﻟﻲ ﺗﻌﺪﺍﺕ ﻛﻞ ﻭﺍﻗﻒ ﻣﻌﺎﻫﺎ ﻣﺨﻠﻬﺎﺵ ﻟﺤﻈﺔ .. ﻗﻮﺍﺕ ﻋﻼﻗﺘﻬﻢ ﻭﻻﻭ ﺻﺤﺎﺏ ﻭﻣﻘﺮﺑﻴﻦ ﻣﻦ ﺑﻌﻀﻬﻢ ﺑﺮﺷﺎ ﺩﻳﻤﺎ ﻳﺨﺮﺟﻮ ﻭﻳﻔﺪﻟﻜﻮ ﻭﻳﺤﻜﻴﻮ ﺍﺳﺮﺍﺭﻫﻢ ﻭﻣﺸﺎﻛﻠﻬﻢ ﻟﺒﻌﻀﻬﻢ .. ﻣﻬﺮﺍﻥ ﻗﺮﺭ ﺍﻧﻮ ﻳﺘﻘﺮﺏ ﻣﻨﻬﺎ ﺍﻛﺜﺮ ﻭﻳﺼﺎﺭﺣﻬﺎ ﺑﺤﺒﻮ
_ﺍﻟﻮ ﺍﻫﻼ ﻣﻬﺮﺍﻥ ﻭﻳﻨﻚ ﺳﺎﻓﺎ
- ﺳﺎﻓﺎ ﻧﺴﺎﻟﻚ ﻋﻠﻰ ﺍﺣﻮﺍﻟﻚ ﻳﺎﺧﻲ ﻛﺎﻥ ﻣﻨﻄﻠﺒﻜﺶ ﺍﻧﺎ ﺍﻧﺖ ﻣﺘﻄﻠﺒﺶ
- ﻋﻨﺪﻙ ﺣﻖ dsl ﻧﻌﺮﻑ ﻣﻘﺼﺮﺓ ﻣﻌﺎﻙ ﺍﻧﺖ ﺩﻳﻤﺎ ﺗﻄﻠﺐ ﻭﺗﺴﺎﻝ ﻭﺍﻧﺎ ﻻ
- ﻣﻄﻠﺒﺘﻜﺶ ﺑﺎﺵ ﻧﻠﻮﻣﻚ ﺍﺣﻜﻴﻠﻲ ﺷﻌﺎﻣﻠﺔ
- ﻫﺎﻧﻲ ﺳﺎﻓﺎ ﻋﺎﻣﻠﺔ vernis ﻓﻲ ﻳﺪﻱ ﻭﺳﺎﻗﻲ ﻭﻗﺎﻋﺪﺓ ﻧﻤﺮﻭﺡ ﻧﺴﺘﻨﻰ ﻓﻴﻬﻢ ﻳﺸﻴﺤﻮ ﻭﺍﻧﺖ
- ﻫﻬﻬﻪ ﺻﺤﺎ ﺻﺤﺎ ﺍﻧﺎ ﻳﺎﻟﻼ ﻛﻨﺖ ﻧﺸﺮﻱ ﻓﻲ ﺯﻭﺯ ﺗﻜﻴﺎﺕ ﻟﻌﺮﺽ ﺑﺎﻟﻴﻪ ﺗﺤﻔﻮﻥ ﺑﺮﺷﺎ ﻭﻃﻠﺒﺘﻚ ﺗﻮﺍ ﺑﺎﺵ ﻧﻘﻠﻚ ﺣﻀﺮ ﺭﻭﺣﻚ ﺑﺎﺵ ﺗﻤﺸﻲ ﻣﻌﺎﻳﺎ
- ﺭﺑﻲ ﻳﺨﻠﻴﻚ ﻟﻴﺎ ﻣﻬﺮﺍﻥ ﺩﻳﻤﺎ ﺗﺨﻤﻢ ﻓﻴﺎ .. ﻛﺎﻥ ﻣﺠﻴﺘﺶ ﺍﻧﺖ ﻣﻌﺎﻳﺎ ﻣﻨﻌﺮﺵ ﺍﺵ ﺑﺎﺵ ﻳﺼﻴﺮ ﻓﻴﺎ
- ﻣﺎﻳﺼﻴﺮ ﻓﻴﻚ ﺷﻲﺀ ﻧﻌﺮﻓﻚ ﻗﻮﻳﺔ .. ﺍﻳﺎ ﻓﻴﺴﻊ ﺣﻀﺮ ﺭﻭﺣﻚ ﺳﺎﻋﺘﻴﻦ ﻭﻧﻜﻮﻥ ﻋﻨﺪﻙ
- ﺍﻭﻛﻴﻴﻲ ﻫﺎﻧﻲ ﺑﺎﺵ ﻧﻘﻮﻡ
ﺣﻀﺮﺕ ﺗﺎﻟﻴﻦ ﺭﻭﺣﻬﺎ ﻟﺒﺴﺖ ﻭﻣﻜﻴﺠﺖ .. ﺗﺴﻤﻊ ﻓﻲ ﺣﺲ ﻛﺮﻫﺒﺔ ﻣﻬﺮﺍﻥ ﻫﺒﻄﺘﻠﻮ
- ﻭﺍﻭ ﻣﺤﻼﻙ ﻳﺎﺧﻲ ﻛﻞ ﻳﻮﻡ ﺗﺰﻳﺪ ﺗﺤﻠﻰ ﻳﺎﻃﻔﻠﺔ ﻭﺍﻻ ﺷﻨﻴﺎ ﺣﻜﺎﻳﺘﻚ
- ﻫﻬﻬﻪ ﺩﻳﻤﺎ ﺑﺒﻼﺩﺗﻚ .. ﺍﻃﻠﻊ ﺍﻃﻠﻊ ﺧﻠﻴﻨﺎ ﻧﻤﺸﻴﻮ ﻗﺒﻞ ﻣﺎﻳﻔﻮﺗﻨﺎ ﻋﺮﺽ
ﺣﻀﺮﺕ ﺗﺎﻟﻴﻦ ﻋﺮﺽ ﻛﺎﻧﺖ ﻓﺮﺣﺎﻧﺔ ﺑﺮﺷﺎ ﻣﻦ ﺍﻟﻲ ﻫﻲ ﺻﻐﻴﺮﺓ ﺗﺤﺐ ﺑﺎﻟﻴﻪ ﻭﺩﻳﻤﺎ ﺗﻤﺸﻲ ﺗﺘﻔﺮﺝ ﻓﻴﻬﻢ ﻳﺎﺳﺮ ﻣﻐﺮﻭﻣﺔ ﺑﻴﻬﻢ .. ﺧﺮﺟﺖ ﻣﻦ ﻋﺮﺽ ﺷﺎﻳﺨﺔ ﻭﻋﺎﻣﻠﺔ ﺟﻮ
- ﻣﺮﺳﻲ ﺗﻌﺪﺍﺕ ﺳﻬﺮﻳﺔ ﻫﺒﺎﻝ ﻣﻌﻨﺪﻛﺶ ﻓﻜﺮﺓ ﻗﺪﺍﻩ ﻧﺤﺐ ﺑﺎﻟﻴﻪ ﻭﻣﻨﻔﻠﺘﺶ ﺣﺘﻰ ﻋﺮﺽ ﻛﻨﺖ ﺩﻳﻤﺎ ﻧﻤﺸﻴﻠﻬﻢ ﻣﻊ ﺑﺎ
- ﻧﻔﺮﺡ ﺑﺮﺷﺎ ﻛﻲ ﻧﺸﻮﻓﻚ ﻓﺮﺣﺎﻧﺔ ﻣﻌﻨﺪﻛﺶ ﻓﻜﺮﺓ ﻗﺪﺍﻩ ﺿﺤﻜﺘﻚ ﻣﺤﻼﻫﺎ .. ﺧﻠﻴﻚ ﺩﻳﻤﺎ ﻫﻜﺎ ﺷﺎﻳﺨﺔ ﻭﺗﻀﺤﻚ ﻭﺍﻧﺎ ﻧﻮﻋﺪﻙ ﺑﺎﺵ ﺩﻳﻤﺎ ﻧﻌﻤﻞ ﻣﺎﻛﺲ ﺑﺎﺵ ﻧﺴﻴﻚ ﻓﻠﻲ ﻋﺸﺘﻮ ﻭﺍﻟﻲ ﺗﻌﺪﻯ ﻋﻠﻴﻚ
ﻭﻗﻒ ﻣﻬﺮﺍﻥ ﻛﺮﻫﺒﺔ ﻭﺩﺍﺭﻟﻬﺎ
- ﺗﺎﻟﻴﻦ ﻧﺤﺐ ﻧﺤﻜﻲ ﻣﻌﺎﻙ ﻓﻲ ﻣﻮﺿﻮﻉ ﻋﻨﺪﻱ ﻗﺪﺍﻩ ﺍﻣﺎ ﻣﺘﺮﺩﺩ
- ﺍﻧﺸﺎﺀﺍﻟﻠﻪ ﺧﻴﺮ ﺍﺣﻜﻲ ﻣﻬﺮﺍﻥ ﺷﻔﻤﺎ
- ﻣﻨﻌﺮﺵ ﺍﺫﺍ ﻛﺎﻥ ﺍﻟﻮﻗﺖ ﻣﻨﺎﺳﺐ ﻭﺍﻻ ﻻ ﺍﻣﺎ ﺍﻧﺎ ﺣﺎﺳﺲ ﺭﻭﺣﻲ ﻣﻌﺎﺩﺵ ﻧﺠﻢ ﻧﺨﺒﻲ ﺍﻛﺜﺮ ﻣﻦ ﻫﻜﺎ
- ﺗﻜﻠﻢ ﺍﻣﺎﻧﻚ ﻣﺘﻔﺠﻌﻨﻴﺶ
- ﻟﺒﺎﺱ ﻣﺘﺘﻔﺠﻌﺶ ﻣﻔﻤﺎ ﻛﺎﻥ ﺧﻴﺮ .. ﺗﺎﻟﻴﻦ ﺍﻧﺎ ﻧﺤﺐ ﻧﺼﺎﺭﺣﻚ ﺑﺤﺒﻲ ﻣﻤﻜﻦ ﻣﺶ ﻭﻗﺘﻮ ﻛﻴﻤﺎ ﻗﺘﻠﻚ ﻭﻧﻌﺮﻑ ﺍﻟﻲ ﺍﻧﺖ ﻣﺎﺯﻟﺖ ﻣﺠﺮﻭﺣﺔ ﻭﻣﻮﺟﻮﻋﺔ ﻭﻃﻼﻗﻚ ﻣﻌﻨﺪﻭﺵ ﺑﺮﺷﺎ .. ﻟﻜﻦ ﺍﻧﺎ ﺯﺩﺍ ﻗﺎﻋﺪ ﻧﺘﻌﺬﺏ .. ﺗﺎﻟﻴﻦ ﺍﻧﺎ ﻧﺤﺒﻚ ﻭﻧﺤﺐ ﻧﻜﻤﻞ ﺣﻴﺎﺗﻲ ﻣﻌﺎﻙ .. ﻧﺘﻤﻨﻰ ﺗﻌﻄﻴﻨﻲ ﻭﺗﻌﻄﻲ ﻟﺮﻭﺣﻚ ﻓﺮﺻﺔ .. ﻧﻮﻋﺪﻙ ﻧﻌﺎﻭﻧﻚ ﺗﻨﺴﻰ ﻭﺗﺒﺪﺍ ﻣﻦ ﺟﺪﻳﺪ .. ﻧﺴﻴﻚ ﻓﻲ ﺍﻟﻤﺎﺿﻲ ﻭﺍﻟﻲ ﺗﻌﺪﻯ ﻋﻠﻴﻚ ﻛﻞ
- ﻣﻬﺮﺍﻥ ﻣﺘﺘﻐﺸﺶ ﻣﻨﻲ ﺍﻣﺎ ﺍﻧﺎ ﻣﻨﺠﻤﺶ ﻣﺎﺯﻟﺖ ﺗﺎﻋﺒﺔ ﻭﻣﺎﺯﻟﺖ ﻧﻔﺮﻛﺲ ﻋﻠﻰ équilibre ﻣﺘﺎﻋﻲ ﻣﻨﺘﺼﻮﺭﺵ ﻧﺠﻢ ﻧﺪﺧﻞ ﻟﺤﻴﺎﺗﻲ ﻭﻗﻠﺒﻲ ﺣﺪ ﺍﺧﺮ ﺗﻮﺍ
- ﺗﺎﻟﻴﻦ ﻻﺯﻣﻚ ﺗﺤﺎﻭﻝ ﺑﺎﺵ ﺗﻨﺴﻰ ﻭﻣﺘﺒﻘﺎﺵ ﻋﺎﻳﺸﺔ ﻋﻠﻰ ﺍﻻﻃﻼﻝ .. ﺍﻋﻄﻴﻨﻲ ﻓﺮﺻﺔ ﻧﻌﺎﻭﻧﻚ ﻧﺨﺮﺟﻚ ﻣﻦ ﺣﺎﻟﺔ ﺍﻟﻲ ﺍﻧﺖ ﻓﻴﻬﺎ .. ﺣﻠﻲ ﻗﻠﺒﻚ ﻣﺘﺨﺎﻓﺶ ﺍﻧﺎ ﻣﺶ ﻛﻴﻔﻮ . ﻋﻤﺮﻱ ﻣﻨﻀﺮﻙ ﺍﻧﺎ ﻧﺤﺒﻚ ﺑﺎﻟﺤﻖ ﻭﻧﺤﺒﻚ ﺗﻮﻟﻲ ﺣﻼﻟﻲ .. ﺍﺑﺪﺍ ﺻﻔﺤﺔ ﺟﺪﻳﺪﺓ ﻭﺍﻧﺎ ﻣﻌﺎﻙ ﻋﻤﺮﻱ ﻣﻨﺘﺨﻼ ﻋﻠﻴﻚ .. ﺍﻋﻄﻴﻨﻲ ﻓﺮﺻﺔ ﻭﺣﺪﺓ ﻭﻧﻮﻋﺪﻙ ﻣﺘﻨﺪﻣﺶ
- ﻣﻨﻌﺮﺵ ﻣﻬﺮﺍﻥ ﻣﺎﺯﻟﺖ ﺩﺍﺧﻠﺔ ﺑﻌﻀﻲ ﻣﻨﺠﻢ ﻧﻮﻋﺪﻙ