🔥🔞"لعبة إنتقام"🔞🔥

الحلقة 60

ﻣﻦ ﻏﺪﻭﺓ ﻗﺎﻡ ﻣﻬﺮﺍﻥ ﺩﻭﺵ ﻭﻟﺒﺲ ﺣﻮﺍﻳﺠﻮ ﻭﻣﺸﻰ ﻟﺨﺪﻣﺔ ﺗﺎﻟﻴﻦ .. ﺩﻕ ﻋﻠﻴﻬﺎ ﺍﻟﺒﺎﺏ ﻭﺩﺧﻞ
- ﺻﺒﺎﺡ ﺍﻟﺨﻴﺮ
- ﺻﺒﺎﺡ ﺍﻟﻨﻮﺭ
- ﻟﺒﺎﺱ ﺷﺒﻴﻪ ﻭﺟﻬﻚ ﺗﺎﻋﺐ ﻭﻋﻴﻨﻴﻚ ﻣﻨﻔﻮﺧﺔ
- ﺷﻲﺀ juste ﺗﺎﻋﺒﺔ ﻣﻦ ﺗﺤﻀﻴﺮ ﻟﻠﻌﺮﺱ ﻭﺍﻟﺨﺪﻣﺔ ﻣﻌﺎﺩﺵ ﻻﻗﻴﺔ ﻭﻗﺖ ﻭﺗﺠﻮﺟﻤﺖ ﺑﻴﻦ ﻫﺬﺍ ﻭﻫﺬﺍ
- ﻣﻤﻢ ﺑﺎﻫﻲ ﺗﻌﺮﻑ ﺍﻟﻲ ﺍﻧﺎ ﺷﻔﺖ ﺣﻴﺪﺭ ﻟﺒﺎﺭﺡ ﻓﻲ ﺍﻟﺒﺎﺭ
ﺗﺎﻟﻴﻦ ﻋﻴﻨﻴﻬﺎ ﻟﻤﻌﺖ ﺍﻭﻝ ﻣﺴﻤﻌﺖ ﺍﺳﻢ ﺣﻴﺪﺭ ﻭﺩﺧﻠﺖ ﺑﻌﻀﻬﺎ ﺗﺴﺘﻨﻰ ﻓﻲ ﻣﻬﺮﺍﻥ ﻳﻜﻤﻞ ﻳﺤﻜﻲ ﻋﻠﻴﻪ ﻭﺗﺴﻤﻊ ﺍﺧﺒﺎﺭﻭ ﻟﻜﻦ ﺣﺴﺒﺖ ﺭﻭﺣﻬﺎ ﻣﺶ ﻣﻬﺘﻤﺔ
- ﺍﺧﻄﺎﻧﺎ ﻣﻦ ﺳﻴﺮﺗﻮ ﻣﻦ ﻏﻴﺮ ﻣﻨﺤﻜﻴﻮ ﻋﻠﻴﻪ ﺧﻴﺮ
- ﻫﻬﻬﻪ ﺗﻌﺮﻑ ﺣﻜﺎﻟﻲ ﻋﻠﻴﻚ ﺑﺎﺭﺡ ﻭﻛﻼﻣﻮ ﺍﻟﻜﻞ ﻃﻠﻊ ﺻﺤﻴﺢ ﺍﻧﺖ ﻣﺘﻌﺮﻓﺶ ﺗﻜﺬﺏ ﻣﺘﻌﺮﺵ ﺗﺨﺒﻲ ﻋﻴﻨﻴﻚ ﻭﺗﺼﺮﻓﺎﺗﻚ ﻓﺎﺿﺤﻴﻨﻚ .. ﻗﻠﻲ ﺯﺩﺍ ﺍﻧﺖ ﻛﺘﺎﺏ ﻣﻔﺘﻮﺡ ﻭﺗﻨﺠﻢ ﺗﻘﺮﻯ ﺍﻻﺳﻄﺮﺓ ﺍﻟﻲ ﻓﻴﻪ .. ﻣﺸﻜﻠﺘﻚ ﺗﺎﻟﻴﻦ ﻣﺘﻌﺮﺵ ﺗﺨﺒﻲ ﺍﻟﻲ ﻓﻲ ﻗﻠﺒﻚ ﺍﻧﺖ ﺗﺘﻤﻨﻰ ﺗﺴﻤﻊ ﺍﺧﺒﺎﺭﻭ ﻭﻧﺤﻜﻴﻠﻚ ﻋﻠﻴﻪ .. ﺍﻧﺖ ﺗﺤﺒﻮ ﻭﻣﺘﻨﺠﻤﺶ ﺗﻨﺴﺎﻩ ﺭﻏﻢ ﺍﻟﻲ ﻋﺬﺑﻚ .. ﺗﺎﻟﻴﻦ ﻣﻨﻘﻌﺪﻭﺵ ﻧﻜﺬﺑﻮ ﻋﻠﻰ ﺑﻌﻀﻨﺎ ﺑﺮﺷﺎ ﺍﻧﺖ ﻣﺎﺯﻟﺘﻮ ﺗﺤﺒﻮ ﻭﻣﺎﻛﺶ ﻓﺮﺣﺎﻧﺔ ﺑﺎﻟﻌﺮﺱ ﻭﻣﺠﺒﻮﺭﺓ ﺗﻌﺮﺱ ﺑﻴﺎ ﺧﺎﻃﺮ ﺧﺎﻳﻔﺔ ﺗﺠﺮﺣﻨﻲ ﻭﺍﻧﺎ ﻫﺬﺍ ﺍﻟﻜﻞ ﻧﻌﺮﻓﻮ ﻭﻗﺎﻋﺪ ﻧﺤﺎﻭﻝ ﺍﻧﻲ ﻧﺨﺒﻴﻪ .. ﻟﻜﻦ ﺗﻮﺍ ﻳﺰﻱ ﻫﻜﺎ ﺑﺶ ﻧﻌﺬﺑﻚ ﻭﻧﻌﺬﺏ ﺭﻭﺣﻲ ﻻﺍﻧﺖ ﺗﻨﺠﻢ ﺗﺤﺒﻨﻲ ﻭﺗﻜﻮﻥ ﺳﻌﻴﺪﺓ ﻣﻌﺎﻳﺎ ﻭﻻ ﺍﻧﺎ ﻧﺠﻢ ﻧﻜﻮﻥ ﻓﺮﺣﺎﻥ ﻭﺍﻧﺎ ﻧﻌﺮﻑ ﺍﻟﻲ ﻗﻠﺒﻚ ﻭﻋﻘﻠﻚ ﻣﻊ ﻏﻴﺮﻱ .. ﺗﺎﻟﻴﻦ ﺧﻠﻴﻨﺎ ﻧﻨﻬﻴﻮ ﻫﺎ ﺍﻟﻤﺴﺮﺣﻴﺔ ﻭﻧﺒﻄﻠﻮ ﻋﺮﺳﻨﺎ ﻭﺧﻠﻴﻨﺎ ﻧﺮﺟﻌﻮ ﺻﺤﺎﺏ ﻛﻴﻤﺎ ﻛﻨﺎ
- ﻣﺎﺗﻘﻮﻟﺶ ﻫﻜﺎ ﻧﻌﺮﻑ ﺍﻟﻲ ﺍﻧﺎ ﺗﻌﺒﺘﻚ ﻣﻌﺎﻳﺎ ﻭ ﻣﻨﺠﻤﺘﺶ ﻧﺒﺎﺩﻟﻚ ﻧﻔﺲ ﺍﻟﻤﺸﺎﻋﺮ ﺍﻣﺎ ﻧﻮﻋﺪﻙ ﻣﻊ ﺍﻟﻮﻗﺖ ﻧﺘﺒﺪﻝ
- ﻻ ﺗﺎﻟﻴﻦ ﺻﻌﻴﺐ ﺑﺮﺷﺎ ﺗﺘﺒﺪﻝ ﻭﺗﻨﺴﻰ .. ﺧﻠﻴﻨﺎ ﻧﺒﻌﺪﻭ ﺧﻴﺮ ﻭﺍﺭﺟﻊ ﻟﺤﻴﺪﺭ ﻫﻮ ﺑﺎﻟﺤﻖ ﻳﺤﺒﻚ ﻭﻧﺎﺩﻡ ﺑﺮﺷﺎ .. ﻫﻮ ﺍﻟﻲ ﺑﺎﺵ ﻳﻨﺠﻢ ﻳﺪﺍﻭﻳﻠﻚ ﺟﺮﻭﺣﻚ .. ﺍﻟﻲ ﺟﺮﺣﻚ ﻫﻮ ﺍﻟﻲ ﻳﻨﺠﻢ ﻳﺪﺍﻭﻳﻚ ﻭﻳﻌﻮﺿﻚ ﻋﻠﻲ ﻏﻠﻄﻮ ﻓﻲ ﺣﻘﻚ .. ﺍﻧﺖ ﻧﺼﻮ ﻭﻫﻮ ﻧﺼﻚ ﻭﻻﺯﻣﻜﻢ ﺗﺮﺟﻌﻮ ﻟﺒﻌﻀﻜﻢ ﺍﻋﻄﻴﻪ ﻓﺮﺻﺔ ﻳﻨﺴﻴﻚ ﻓﻲ ﻛﻞ ﺷﻲﺀ .. ﺗﺴﺘﺤﻘﻮ ﻓﺮﺻﺔ ﺍﺧﺮﻯ ﺗﺪﺍﻭﻳﻮ ﺟﺮﻭﺡ ﺑﻌﻀﻜﻢ ﻭﺗﻌﻴﺸﻮ ﺳﻌﺎﺩﺓ ﻭﺍﻧﺎ ﻣﺘﺨﻤﻤﺶ ﻓﻴﺎ .. ﺍﻧﺎ ﻗﻮﻱ ﻭﺑﺎﺵ ﻧﺠﻢ ﻧﻨﺴﺎﻙ ﻓﻴﺴﻊ ﻣﻨﺤﺒﻜﺶ ﺗﺤﺲ ﺑﺎﻟﺬﻧﺐ ﺗﺠﺎﻫﻲ
ﻣﺸﺎﺕ ﺗﺎﻟﻴﻦ ﻋﻨﻘﺘﻮ ﻭﻫﻮ ﻛﺎﻥ ﻳﺤﺎﻭﻝ ﻳﻘﻮﻱ ﺭﻭﺣﻮ ﻭﻣﺎﻳﻀﻌﻔﺶ ﻗﺪﺍﻣﻬﺎ ﻭﺗﻬﺒﻂ ﺩﻣﻮﻋﻮ
- ﻋﻴﺸﻚ ﻣﻬﺮﺍﻥ ﺍﻧﺖ ﺍﺣﻠﻰ ﺻﺪﻳﻖ ﻣﻦ ﻧﻬﺎﺭﺕ ﺍﻟﻲ ﻋﺮﻓﺘﻚ ﻭﺍﻧﺖ ﻣﺴﺎﻧﺪﻧﻲ ﻭﻣﻔﺮﺣﻨﻲ ﻋﻴﺸﻚ
- ﺍﻧﺎ ﻭﻋﺪﺗﻚ ﻧﺨﻠﻴﻚ ﺩﻳﻤﺎ ﻓﺮﺣﺎﻧﺔ ﻭﻛﻨﺖ ﻋﻨﺪ ﻭﻋﺪﻱ ﺍﻳﺎ ﺍﻣﺴﺢ ﺩﻣﻮﻋﻚ ﻳﺎﺑﻜﺎﻳﺔ ﻭﺧﻠﻴﻨﻲ ﻧﻤﺸﻲ ﻧﺨﺪﻡ ﻋﻠﻰ ﺭﻭﺣﻲ
ﺧﺮﺝ ﻣﻬﺮﺍﻥ ﻣﻦ ﺑﻴﺮﻭ ﺗﺎﻟﻴﻦ ﻃﻠﻊ ﻓﻲ ﻛﺮﻫﺒﺘﻮ ﻣﺴﺢ ﺩﻣﻮﻋﻮ ﺗﻤﺎﻟﻚ ﺭﻭﺣﻮ ﻫﺰ ﺗﺎﻟﻴﻔﻮﻥ ﻭﻛﻠﻢ ﺭﺅﻯ
- ﺍﻫﻼ ﺭﺅﻯ ﺳﺎﻓﺎ
- ﺍﻫﻼ ﻣﻬﺮﺍﻥ ﻭﻳﻨﻚ ﺷﻌﺎﻣﻞ
- ﺳﺎﻓﺎ ﻃﻠﺒﺘﻚ ﺣﺎﺟﺘﻲ ﺑﻴﻚ ﻓﻲ ﻣﻮﺿﻮﻉ
ﺗﺎﻟﻴﻦ ﺭﺍﻗﺪﺓ ﻓﻲ ﺑﻴﺘﻬﺎ .. ﺟﺎﺗﻬﺎ ﺭﺅﻯ ﻓﻴﻘﺘﻬﺎ
- ﻗﻮﻡ ﻣﻦ ﻧﻮﻡ ﻳﺎﻣﺸﻌﻄﺔ
- ﺷﻤﺠﻴﺒﻚ ﺗﻮﺍ ﺯﺡ ﻻﺗﺨﻠﻲ ﺷﻜﻮﻥ ﻳﺮﻗﺪ ﻭﻻﺷﻜﻮﻥ ﻳﺮﺗﺎﺡ ﺑﺮﺍ ﺷﺪ ﺩﺍﺭﻙ ﻫﻢ ﻫﺬﻩ