جبروت الشيخ هذال

الحلقة 6

ﻟﻢ ﺗﻜﻦ ﺗﺤﺒﻪ
ﻭﻟﻢ ﺗﻘﺘﻨﻊ ﺑﻪ ﻣﻦ ﻗﻠﺒﻬﺎ ﻣﻨﺬ ﺍﻟﺒﺪﺍﻳﻪ
ﻭﻟﻜﻨﻬﺎ ﻛﺎﻧﺖ ﺗﺨﺸﺊ ﻛﻠﻤﺔ ﻋﺎﻧﺲ ﻓﺘﺰﻭﺟﺘﻪ
ﻭﻟﻢ ﺗﻌﺪ ﺗﻄﻴﻘﻪ ﻭﻟﻜﻨﻬﺎ ﻛﺎﻧﺖ ﺗﺨﺸﺊ ﻛﻠﻤﺔ ﻣﻄﻠﻘﻪ
ﻓﺎﺍﺳﺘﻤﺮﺕ ﻣﻌﻪ ﻓﻲ ﺟﺤﻴﻢ ﺍﻟﺤﻴﺎﺓ
،،،،،،،،،،،،،،،،،،،،،،،،،،،،

ﺑﻮﻳﻪ ﺗﺪﺭﻭﻥ ﺍﻟﻤﺸﺎﻫﺪﺍﺕ ﻧﻌﻤﻪ ﻭﺍﻟﺘﺼﻮﻳﺖ ﻧﻘﻤﻪ
😂
ﻟﻴﺶ ﻣﺎﺍﺩﻭﺳﻮﻥ ﻫﺎﻱ 🌟👈
ﺗﺮﺓ ﺍﻟﻠﻪ ﻭﻛﻴﻠﻜﻢ ﻻﺭﺍﺑﻂ ﺑﻴﻬﺎ ﻛﻬﺮﺑﺎﺀ ﻭﻻﭼﻠﺐ
ﻳﻌﻨﻲ ﻻﺗﻜﻬﺮﺏ ﻭﻻﺗﻌﺾ ﺩﻭﻭﺳﻮﻭﻫﺎﺍﺍ ﺭﺣﻤﻪ ﻟﻠﺤﻤﺰﺓ
ﻭﺷﻐﻠﻪ ﺛﺎﻧﻴﻪ ﻣﺎﻋﻠﻴﻜﻢ ﺑﻨﻘﻤﻪ ﺗﺮﺓ ﻧﻘﻤﺔ ﺣﺒﻮﺑﺘﻲ 😂😂
ﺷﻔﺘﻮ ﺣﺘﺊ ﺍﺳﻤﻬﺎ ﻣﻐﺜﻪ 😂😂😂
،،،،،،،،،،،،،،،،،،،،،،،،،،،،،،،،،
ﻫﺬﺍﻝ،،ﺣﺠﻴﺖ ﻫﺬﺍ ﺍﻟﺸﻲ ﺣﺘﺊ ﺍﺗﺨﻠﻲ ﺍﺑﺎﻟﻬﺎ ﺑﺲ ﺍﺭﺗﺎﺡ ﻛﻢ ﻳﻮﻡ ﺭﺍﺡ ﺍﺗﻤﻢ ﺍﻟﺰﻭﺍﺝ ﺑﺲ ﺍﻟﻔﻜﺮﺓ ﺍﻟﻲ ﻛﻨﺖ ﺭﺍﺳﻤﻠﻬﺎ ﺍﻧﻮ ﺍﺑﺘﻌﺪ ﻋﻨﻬﺎ ﻛﻢ ﺷﻬﺮ ﻭﺑﻌﺪﻳﻦ ﺍﻃﻠﮕﻬﺎ ﻣﺎﻟﻲ ﻧﻔﺲ ﺍﺗﻘﺮﺏ ﻣﻦ ﺍﻱ ﻣﺮﺓ
ﺑﺲ ﺑﻘﺖ ﺻﻮﺭﺗﻬﺎ ﻭﺷﻜﻠﻬﺎ ﻭﻛﻼﻣﻬﺎ ﺍﺑﺎﻟﻲ
ﺭﻏﻢ ﺛﺒﺘﺖ ﺑﺮﺍﺋﺘﻲ ﺑﻤﻮﺕ ﻧﻀﺎﻝ ﺑﺲ ﺍﻟﺴﺎﻟﻔﻪ ﺗﺒﻘﻪ ﻣﻼﺣﮕﺘﻨﻲ
ﻣﺪﺩﺕ ﺑﻔﺮﺍﺷﻲ ﻏﻤﻀﺖ ﻋﻴﻮﻧﻲ ﻭﺗﺮﻛﺘﻬﺎ ﺑﺲ ﻣﺎﻧﺎﻳﻢ
ﻓﺘﺤﺖ ﻋﻴﻮﻧﻲ ﺍﺑﺎﻭﻋﻠﻬﺎ ﺍﺗﺤﻮﺹ ﺑﺎﻟﺒﺪﻟﻪ
ﻫﻨﺪ،،ﻣﻦ ﺳﻤﻌﺖ ﻛﻼﻣﻪ ﺍﻣﻨﺖ ﻣﺎﺭﺍﺡ ﻳﻐﺘﺮﺏ ‏( ﻳﻘﺘﺮﺏ ‏) ﻣﻨﻲ ﮔﻤﺖ ﺍﺭﻳﺪ ﺍﺑﺪﻝ ﺑﺲ ﺍﻟﺴﺤﺎﺏ ﺑﻌﻴﺪ ﻣﺎﻟﻮﺣﻪ ﻭﺳﺎﻟﻔﻪ ﺍﮔﻌﺪ ﻫﺬﺍ ﺍﻟﺨﺒﻞ ﻣﺎﺻﺎﺭﺕ ﺍﺑﺪ ﻋﻨﺪﻱ ﺍﻧﺎﻡ ﺍﺑﺪﻟﺘﻲ ﻭﻻﺍﮔﻌﺪﻧﻪ
ﻣﺪﻳﺖ ﺍﺩﻳﻪ ﺍﻻﺛﻨﻴﻦ ﻭﻓﺘﺤﺘﻬﺎ ﺑﻜﻞ ﻗﻮﺗﻲ ﻟﻤﻦ ﺍﻧﮕﻄﻊ ﺍﻟﺴﺤﺎﺏ
ﺧﻞ ﺍﺑﻮﻱ ﻳﺘﻜﺮﺑﺲ ﺑﻔﻠﻮﺱ ﺗﺨﺮﻳﺒﻲ ﻟﻠﺒﺪﻟﻪ ﻣﺜﻞ ﻣﺎﻛﺮﺑﺴﻨﻲ ﻭﻳﻪ ﻫﻮﻻﻛﻮ ﺍﻟﻨﺎﻳﻢ ﺟﺪﺍﻣﻲ
ﺷﻠﺖ ﺍﻃﺮﺍﻑ ﺍﻟﺒﺪﻟﻪ ﻭﺧﺘﻠﺖ ﺑﺴﺪ ﺍﻟﻜﻨﺘﻮﺭ ﺟﺮﻳﺖ ﺍﻟﺠﻨﻄﻪ ﻣﺎﻝ ﺍﻟﻤﻼﺑﺲ ﺑﻌﺪﻫﻦ ﻣﺎﻣﺨﻠﻴﻬﻦ ﺑﺎﻟﻜﻨﺘﻮﺭبيج قصص عراقيه حقيقيه من واقعنا.روعه الطائي
ﺍﺑﺎﻭﻉ ﺧﺮﺭﺭﺏ ﺑﺤﻀﻲ ﻛﻠﻬﻦ ﺍﺗﺮﺍﻛﺎﺕ ﻭﺍﻟﻠﻪ ﺣﺘﺊ ﺍﺫﺍ ﺍﻓﻜﺮ ﺍﻟﺒﺲ ﺍﺗﺮﺍﻙ ﻣﺴﺘﺤﻴﻞ ﺍﻣﺸﻲ ﺑﻲ ﻛﺪﺍﻣﻪ ﻳﻤﻜﻦ ﺍﻟﺒﺲ ﺍﻟﺒﺪﻟﻪ ﻓﻮﮔﺎ ﺷﻨﻮ ﻏﺎﺑﻞ ﺍﻧﻪ ﻣﺎﺭﺍﻳﺪﺓ ﺭﻭﺣﻲ
ﻭﻫﻮ ﻣﺮﺗﻪ ﺍﻻﻭﻟﺊ ﻓﻄﺴﻬﺎ ﺑﻴﻮﻡ ﻋﺮﺳﻬﺎ ﺍﻟﻤﺴﻴﭽﻴﻨﻪ
ﻧﻔﺸﺖ ﺍﻟﺠﻨﻄﻪ ﻧﻔﺶ ﺍﺧﺮ ﺷﻲ ﻟﮕﻴﺖ ﺩﺷﺪﺍﺷﻪ ﻃﻮﻳﻠﺔ ﻭﺍﺭﺩﺍﻧﺎﺗﻬﺎ ﺍﻃﻮﺍﻝ ﺍﺍﺍﺍﺍﻱ ﻣﻨﻴﻦ ﺍﻟﻠﻪ ﺟﺎﺑﺞ ﺍﻟﻲ ﻧﻐﺬﺗﻴﻨﻲ ‏( ﻧﻘﺬﺗﻴﻨﻲ ‏)
ﻟﺒﺴﺘﻬﺎ ﻭﻋﻠﮕﺖ ﺍﻟﺒﺪﻟﻪ ﺳﻤﻌﺖ ﺍﻟﺒﺎﺏ ﺍﻧﺪﮒ ﻭﺍﺷﻮﻓﻠﻚ ﺍﻻﺥ ﻃﻔﺮ ﻣﻦ ﻣﻜﺎﻧﻪ ﻭﺍﺟﻪ ﻳﻤﻲ ﺩﻓﻌﻨﻲ ﻉ ﺍﻟﺤﺎﻳﻂ ﻣﺪ ﺍﺻﺒﻌﻪ ﻋﻠﺊ ﺷﻔﺎﻳﻔﻲ ﻣﺴﺢ ﺍﻟﺤﻤﺮﺓ ﻭﺍﻻﻳﺪ ﺍﻟﺜﺎﻧﻴﻪ ﺧﺮﺑﻂ ﺗﺴﺮﻳﺤﺘﻲ
ﺍﻗﺘﺮﺏ ﻳﻢ ﺍﺫﻧﻲ ﻭﻫﻤﺲ ﺑﺼﻮﺕ ﻧﺎﺻﻲ
ﻫﺬﺍﻝ،،ﻫﺎﻱ ﺍﻣﻲ ﺍﻛﻴﺪ ﺍﺫﺍ ﺳﺄﻟﺘﺞ ﮔﻠﻬﺎ ﻛﻠﺸﻲ ﺗﻤﺎﻡ ﻓﻬﻤﺘﻲ ??
ﻫﻨﺪ،،ﻓﺎﺗﺤﻪ ﻋﻴﻮﻧﻲ ﻋﻠﺊ ﻭﺳﻌﻬﻦ ﻣﺘﻔﺎﺟﺌﻪ ﺑﺘﺼﺮﻓﻪ
ﺑﮕﻠﺒﻲ ﺍﮔﻮﻝ ﻳﻌﻤﻴﻴﻲ ﺧﺒﻠﻠﻠﻞ ﻭﺣﮓ ﺍﻟﻠﻪ ﺧﺒﻠﻠﻞ
ﻫﺰﻳﺖ ﺭﺍﺳﻲ ﺑﺎﻟﻤﻮﺍﻓﻘﻪ ﻳﺎﻣﻦ ﺍﻳﺨﻠﺺ ﻫﻠﻴﻠﻪ ﺍﻟﺮﺍﺡ ﺗﺨﻠﺺ ﻋﻤﺮﻱ ﻭﻳﺎﻫﺎ ﻣﻦ ﺍﻟﺨﻮﻑ
ﻫﻮ ﻟﺒﺲ ﺩﺷﺪﺍﺷﺘﻪ ﺍﻟﺒﻴﻀﻪ ﻭﻓﺘﺢ ﺍﻟﺒﺎﺏ ﺩﺧﻠﺖ ﺍﻣﻪ ﺑﻴﺪﻫﺎ ﺻﻴﻨﻴﻪ ﺍﻛﻞ ﺑﺎﺳﻬﺎ ﺑﺮﺍﺳﻬﺎ ﻭﺑﺎﺱ ﺍﻳﺪﻫﺎ
ﻫﺬﺍﻝ،،ﺗﺴﻠﻤﻴﻦ ﻳﺎﻟﻐﺎﻟﻴﻪ ﻟﻴﺶ ﺗﻌﺒﺘﻲ ﺭﻭﺣﺞ ﻭﺻﻌﺪﺗﻲ ﻟﻬﻨﺎ
ﺍﻡ ﻫﺬﺍﻝ،،ﺗﻌﺒﻚ ﺭﺍﺡ ﺍﻭﻟﻴﺪﻱ ﺟﺒﺘﻠﻚ ﻋﺸﻪ ﺍﻧﺘﻪ ﻭﻣﺮﻳﺘﻚ
بيج قصص عراقيه حقيقيه من واقعنا.روعه الطائي
ﻫﺬﺍﻝ،،ﺍﺩﺭﻱ ﺍﻣﻲ ﮔﻠﺒﻬﺎ ﻳﻠﻮﺏ ﺧﺎﻳﻔﻪ ﻣﺎﺍﺧﺬ ﺍﻟﺒﺖ
ﻭﭼﻤﺎﻟﻪ ﺍﻟﺒﺖ ﻻﺑﺴﻪ ﺩﺷﺪﺍﺷﻪ ﻭﻣﻘﻔﻠﻪ ﻣﻦ ﻓﻮﮒ ﻟﺠﻮﺓ ﻣﺰﻧﺠﻠﻪ ﺭﻭﺣﻬﺎ ﺣﺘﺊ ﺍﻻﺛﻮﻝ ﺭﺍﺡ ﻳﻔﻬﻢ ﻣﻦ ﻳﺸﻮﻓﻬﺎ ﻻﺑﺴﻪ ﺩﺭﻉ ﺍﻻﻣﺎﻥ
ﺍﻣﻲ ﻣﻦ ﻭﺟﻬﺎ ﻣﺒﻴﻦ ﻋﺪﻫﺎ ﺳﻮﻳﻠﻔﻪ ﺍﺗﺮﺧﺼﺖ ﻣﻨﻬﺎ ﺑﺤﺠﺔ ﺍﺭﻭﺡ ﻟﻠﺤﻤﺎﻡ ﺍﻟﻄﺎﺑﻖ ﺍﻟﻔﻮﮒ ﺧﺎﺹ ﺑﺲ ﺍﻟﻲ ﺑﻲ ﻏﺮﻓﺘﻴﻦ ﻭﺻﺎﻟﻪ ﻭﻣﻄﺒﺦ ﻭﺻﺤﻴﺎﺕ
ﻭﺍﻟﻄﺎﺑﻖ ﺍﻟﺠﻮﺓ ﻝ ﺍﻣﻲ ﻭﻣﺎﺟﺪ ﻳﺠﻲ ﻳﺒﺎﺕ ﻳﻤﻨﻪ ﺑﻠﻴﻞ ﻭﺗﺎﺭﻙ ﺑﻴﺘﻪ
ﻫﻨﺪ،،ﺍﺗﻘﺮﺑﺖ ﺍﺧﺬﺕ ﺍﻟﺼﻴﻨﻴﻪ ﻣﻦ ﺍﻟﻤﺮﺓ ﺣﻄﻴﺘﻬﺎ ﺑﺎﻟﮕﺎﻉ ﺍﺷﻮﻓﻬﺎ ﻭﺟﻬﺎ ﺑﻲ ﺳﺎﻟﻔﻪ ﺑﺲ ﺧﺠﻼﻧﻪ ﺍﺧﺮ ﺷﻲ ﻣﺎﺍﺗﺤﻤﻠﺖ ﺍﺩﻧﺖ ﻳﻤﻲ ﻭﺣﺠﺖ ﺑﺼﻮﺕ ﻧﺎﺻﻲ
ﺍﻡ ﻫﺬﺍﻝ،،ﻫﺎ . ﻋﻤﻪ ﺑﺸﺮﻱ ﺗﻤﺖ ﺳﺎﻟﻔﺘﻜﻢ ﻟﻮ ﻻ
ﻫﻨﺪ،،ﻳﺎﺳﺎﻟﻔﻪ ﻋﻤﻪ ?
ﺍﻡ ﻫﺬﺍﻝ،،ﺍﺑﻨﻴﺘﻲ ﺍﺧﺬﺝ ﻫﺬﺍﻝ ﻟﻮ ﻻ
ﻫﻨﺪ،،ﺫﻛﺮﺕ ﻛﻼﻣﻪ ﻭﻫﻮ ﺣﺬﺭﻧﻲ ﺍﺣﺠﻲ ﻓﮕﺘﻠﻬﺎ ﺍﻱ ﻭﺩﻧﮕﺖ
ﺍﻡ ﻫﻨﺪ،،ﻭﻳﻦ ﻧﻴﺸﺎﻧﺞ ?
ﻫﻨﺪ،،ﻫﺎ ?
ﺍﻡ ﻫﺬﺍﻝ،،ﻧﻴﺸﺎﻧﺞ ﻭﻳﻨﻪ ?
ﻫﻨﺪ، ،ﻣﺎﺍﺩﺭﻱ ﺷﮕﻠﻬﺎ ﻭﻫﻲ ﻣﻦ ﺷﺎﻓﺘﻨﻲ ﺍﻣﺘﻤﺖ ﻣﺎﺍﻋﺮﻑ ﺍﺟﺎﻭﺑﻬﺎ ﻋﺮﻓﺖ ﺍﻟﺴﺎﻟﻔﻪ ﺟﺬﺏ ﻭﺍﻧﻮ ﺍﺑﻨﻬﺎ ﻣﺎﺍﺗﻐﺮﺏ ﻟﻲ ‏( ﺍﺗﻘﺮﺑﻠﻲ ‏)
ﺍﻡ ﻫﺬﺍﻝ،،ﻭﺍﻟﻠﻪ ﮔﻠﺒﻲ ﺣﺲ
ﺍﮔﻠﺞ ﻳﻤﻪ ﺍﻧﺘﻲ ﻫﻢ ﺷﻨﻮ ﻫﺬﺍ ﺍﻻﺑﺴﺘﻪ ﺍﻛﻮ ﻋﺮﻭﺱ ﺑﻴﻮﻡ ﺩﺧﻠﺘﻬﺎ ﺗﻠﺒﺲ ﺩﺷﺪﺍﺷﻪ ﻣﺜﻠﺞ ?
ﻫﻨﺪ،،ﭼﺎ ﺷﻠﺒﺲ ﻋﻤﻪ
ﺣﺠﻴﺘﻬﺎ ﻭﺩﻧﮕﺖ ﻣﺴﺘﺤﻴﻪ
ﺍﻡ ﻫﺬﺍﻝ،،ﻭﻳﻦ ﺳﻴﺖ ﺍﻟﻨﻮﻡ ﺍﻻﺑﻴﺾ ?
ﻫﻨﺪ،،ﺩﺧﻴﻠﻚ ﺭﺑﻲ ﺍﻋﻠﻴﻤﻦ ﻧﺎﻭﻳﻪ ﻫﺎﻱ ﺍﻟﻤﺮﺓ
ﺍﻟﻀﺎﻫﺮ ﺍﻟﺠﻤﺎﻋﻪ ﻧﺎﻭﻳﻦ ﻳﻤﻮﺗﻨﻲ ﺍﻟﻴﻮﻡ ﻭﺍﻧﻪ ﻣﺎﺻﺪﮔﺖ ﺍﺑﻨﻬﺎ ﻓﻚ ﻣﻨﻲ ﻳﺎﺧﻪ ﻭﻋﺎﻓﻨﻲ ﻻ ﺍﻟﺤﮓ ﺍﻟﻤﺮﺣﻮﻣﻪ
ﺑﻠﻌﺖ ﺭﻳﮕﻲ ﻭﮔﺘﻠﻬﺎ ﺑﺎﻟﺠﻨﻄﻪ
ﺍﻡ ﻫﺬﺍﻝ،،ﺭﻭﺣﻲ ﻃﻠﻌﻲ
ﻫﻨﺪ،،ﺭﺣﺖ ﻭﺍﻧﻪ ﺭﺟﻞ ﺍﻃﮓ ﺑﺮﺟﻞ ﻓﺘﺤﺖ ﺍﻟﺠﻨﻄﻪ ﻃﻠﻌﺘﻪ ﻫﻮ ﺍﻧﻪ ﺣﻀﻲ ﻣﻦ ﻳﻮﻡ ﻳﻮﻣﻪ ﻓﮕﺮ
ﺍﺑﺎﻭﻉ ﻟﻠﺴﻴﺖ ﻫﺬﺍ ﺍﺷﻠﻮﻥ ﻳﻨﻠﺒﺲ ?
ﺍﻡ ﻫﺬﺍﻝ،،ﺍﻟﺒﺴﻲ ﺑﻨﺘﻲ
ﻫﻨﺪ،،ﻋﻤﻪ ﻣﻔﻀﻮﺡ
ﺍﻡ ﻫﺬﺍﻝ،،ﺍﺩﺭﻱ ﺑﻨﻴﺘﻲ ﻏﻴﺮ ﻋﺮﻭﺱ ﺍﻟﺒﺴﻲ ﺧﻞ ﺍﺷﻮﻓﺞ ﺑﻲ
ﻫﻨﺪ،،ﺭﺣﺖ ﻓﺘﺤﺖ ﺑﺎﺏ ﺍﻟﻜﻨﺘﻮﺭ ﺍﺳﺘﺤﻲ ﺍﺑﺪﻝ ﺟﺪﺍﻣﻬﺎ
ﻧﺰﻋﺖ ﺍﻟﺪﺷﺪﺍﺷﻪ ﺑﻘﻴﺖ ﺑﺎﻟﺪﺍﺧﻠﻴﺎﺕ ﻟﻮﻧﻬﻦ ﺍﺑﻴﺾ ﻫﻮ ﺍﻧﻪ ﻋﺮﻓﺖ ﺍﻟﻴﻮﻡ ﺍﻭﺩﻉ ﻟﺬﺍﻟﻚ ﻟﺒﺴﺖ ﻛﻠﻪ ﺍﺑﻴﺾ ﺣﺘﺊ ﺑﺲ ﻳﺪﻓﻮﻧﻲ ﻣﺎﻳﺤﺘﺎﺝ ﺗﻐﺴﻴﻞ
ﻟﺒﺴﺖ ﺍﻟﺴﻴﺖ ﺑﺲ ﺳﻴﺘﻴﺶ ﻣﺎﻟﻪ ﺭﺍﺱ ﻭﻻﻟﻪ ﺍﺩﻳﻦ
ﻓﻀﻴﻴﻴﺤﻪ ﺍﻟﺰﺭﻭﺭ ﻃﺎﻟﻌﻪ ﻛﻠﻬﻦ ﻭﺍﻟﻔﺘﺤﻪ ﺍﻟﺠﺎﻧﺒﻴﻪ ﺣﺪﺙ ﻭﻻﺣﺮﺝ
ﺍﻟﺼﺪﺭ ﻛﻠﻪ ﻃﺎﻟﻊ ﻭﺍﻟﻀﻬﺮ ﺑﺲ ﺧﻮﺍﻳﻄﺎﺕ ﻧﺎﻋﻤﻪ ﺑﻲ
ﻭﺍﻟﻠﻪ ﺩﻣﻌﺖ ﻋﻴﻮﻧﻲ ﺭﺩﺕ ﺍﺑﺠﻲ
ﺍﺟﺖ ﻳﻤﻲ ﺍﻣﻪ ﻓﺘﺤﺖ ﺷﻌﺮﻱ ﻭﻫﻲ ﺗﺼﻠﻲ ﻋﻠﺊ ﻣﺤﻤﺪ
ﺍﻡ ﻫﺬﺍﻝ، ،ﺍﺗﺮﻛﻲ ﻣﻔﺘﻮﺡ ﻳﻤﻪ ﻫﻴﺞ ﺍﺣﻠﺊ ﻭﺍﻧﺘﻲ ﻫﻢ ﻟﺘﺼﻴﺮﻳﻦ ﺑﺎﺭﺩﺓ ﻭﺧﻠﻮ ﻟﻴﻠﺘﻜﻢ ﺍﺗﻢ ﻋﻠﺊ ﺧﻴﺮ
ﻫﻨﺪ،،ﺷﺠﺎﻭﺑﻬﺎ ﺑﻠﻪ ﻫﺎﻱ ﻭﺍﻧﻪ ﺳﻤﻌﺖ ﺍﺧﺖ ﻣﺮﺗﻪ ﺍﺗﮕﻮﻝ ﻓﻄﺲ ﺍﺧﺘﻲ ﻭﺍﺗﺮﻳﺪﻧﻲ ﺍﺭﻭﺡ ﻟﻠﻤﻮﺕ ﺑﺮﺟﻠﻴﻪ
ﻭﺍﻟﻠﻪ ﺭﺩﺕ ﺍﮔﻠﻬﺎ ﺍﺑﻨﺞ ﻏﻤﺒﻠﻪ ﻭﺣﻠﻮ ﺑﺲ ﺍﻟﻔﻴﻮﺯﺍﺕ ﺍﻟﻀﺎﺭﺑﻪ ﺑﻌﻘﻠﻪ ﻋﺎﻣﻪ ﺍﻋﻠﻲ
ﻭﺍﻟﻠﻪ ﻣﺎﻝ ﻫﺴﻪ ﺍﮔﻌﺪ ﺍﻟﻄﻢ ﻋﻠﺊ ﺣﻀﻲ
ﻭﺍﻗﺮﺓ ﻟﻄﻤﻴﺔ
ﻫﻠﻲ
ﻳﺎﻫﻠﻲ ﻳﺎﻣﻦ ﺿﻴﻌﻮﻧﻲ
ﻫﻠﻲ ﻟﻠﻤﺴﻮﺩﻥ ﻫﺪﻭﻧﻲ
ﺭﺩﺕ ﺍﺣﺠﻲ ﺳﻤﻌﻨﻪ ﺻﻮﺕ ﺧﻄﻮﺍﺗﻪ ﻳﻢ ﺍﻟﺒﺎﺏ ﺍﻣﻪ ﺗﺮﻛﺘﻨﻲ ﻭﺭﺍﺣﺖ ﻭﻋﻴﻮﻧﻬﺎ ﺗﺘﻮﺳﻞ
ﺍﻧﻲ ﻣﺎﻭﺍﮔﻔﻪ ﻉ ﺍﻟﮕﺎﻉ ﺍﺣﺲ ﺭﺟﻠﻴﻪ ﻃﺎﻳﺮﺓ ﻣﻦ ﺍﻟﺨﻮﻑ
ﺍﻣﻪ ﻃﻠﻌﺖ ﻭﻫﻮ ﻣﻦ ﺭﺍﺩ ﻳﺪﺧﻞ ﺳﻤﻌﺘﻪ ﻣﺎﺍﺩﺭﻱ ﺷﺤﺠﻪ ﻭﻳﺎﻫﺎ ﻭﺩﺧﻞ
ﺍﻧﻪ ﺍﺗﻠﻔﺘﺖ ﻳﻤﻨﻪ ﻳﺴﺮﺓ ﻭﻳﻦ ﺍﺧﺘﻞ ﻭﻳﻦ ﺍﺧﺘﻞ ?
ﺧﺮﺭﺏ ﺑﺤﻀﻲ ﺍﻻﺳﻮﺩ
ﻣﺎﻟﺤﮕﺖ ﺍﻧﻬﺰﻡ ﻻﻥ ﺩﺧﻞ ﻭﺷﺎﻓﻨﻲ ﮔﺪﺍﻣﻪ ﺷﺒﻪ ﻋﺮﻳﺎﻧﻪ ﺿﻞ ﻓﺎﺗﺢ ﻋﻴﻮﻧﻪ
ﺳﺪ ﺍﻟﺒﺎﺏ ﺑﻬﺪﻭﺉ ﻭﻗﻔﻠﻪ ﻭﺭﺍﻩ ﺍﺗﻘﺮﺏ ﻣﻨﻲ ﻭﺍﻧﻪ ﻣﻦ ﺧﻮﻓﻲ ﺭﺩﺕ ﺍﮔﻠﻪ ﺗﺮﺓ ﻭﺭﻭﺡ ﺟﺪﻱ ﻣﻮ ﺍﻧﻪ ﺍﻣﻚ ﻟﺒﺴﺘﻨﻲ
ﻫﺬﺍﻝ،،ﺷﻨﻮ ﻫﺬﺍ ﺍﻻﺑﺴﺘﻪ ?
ﻫﻨﺪ،،ﻩ ﻫﺎ ﻡ ﻣﻮ ﻣﻮ ﺍﻡ
ﻫﺬﺍﻝ،،ﻋﺮﻓﺖ ﺍﻣﻲ ﻣﻔﻬﻤﺘﻬﺎ ﺗﻠﺒﺲ ﻫﻴﺞبيج قصص عراقيه حقيقيه من واقعنا.روعه الطائي
ﺩﺭﺕ ﻭﺟﻬﻲ ﻋﻨﻬﺎ ﻭﺣﺠﻴﺖ
ﺍﺭﺟﻌﻲ ﺍﻟﺒﺴﻲ ﺩﺷﺪﺍﺷﺘﺞ ﺍﺣﺴﻦ ﺍﻟﻲ ﻭﺍﻟﺞ ﺍﺫﺍ ﺗﺮﺩﻳﻦ ﺗﺴﻠﻤﻴﻦ ﻋﻠﺊ ﺭﻭﺣﺞ ﻏﻴﺮﻱ ﻫﺬﺍ ﻟﺒﺴﺞ
ﻫﻨﺪ،،ﺍﻧﻪ ﻣﻦ ﺳﻤﻌﺘﻪ ﺣﺠﻪ ﻫﻴﺞ ﺭﻛﻀﺖ ﺍﻟﺪﺷﺪﺍﺷﺘﻲ ﺍﻟﻌﺰﻳﺰﺓ ﺭﺩﺕ ﺍﺣﻀﻨﻬﺎ ﻣﻦ ﺍﻟﻔﺮﺣﻪ
ﻣﺎﺑﺪﻟﺖ ﺍﻟﺴﻴﺖ ﻟﺒﺴﺖ ﺍﻟﺪﺷﺪﺍﺷﻪ ﻓﻮﮔﺎﻩ ﻭﺭﺩﺕ ﺍﻟﺒﺲ ﺣﺘﺊ ﺑﺠﺎﻣﻪ ﻭﺟﻮﺍﺭﻳﺐ
ﻫﻮ ﺭﺍﺡ ﮔﻌﺪ ﻳﻢ ﺍﻟﺼﻴﻨﻴﻪ ﻭﺍﻧﻪ ﺳﻮﻳﺖ ﺭﻭﺣﻲ ﺍﻃﻠﻊ ﺍﻟﻤﻼﺑﺲ ﻣﻦ ﺍﻟﺠﻨﻂ
ﻫﺬﺍﻝ،،ﺗﻌﺎﻱ ﺍﻛﻠﻲ ﻟﻮ ﻳﺮﺍﺩﻟﺞ ﻋﺰﻳﻤﻪ ??
ﻫﻨﺪﺩ،،ﺍﺷﺒﻲ ﻫﺎﺫ ﻭﺍﺷﻠﻮﻥ ﺍﮔﺎﺑﻠﻪ ﻭﺍﮔﻌﺪ ??
ﺭﺣﺖ ﻳﻤﻪ ﻭﮔﻔﺖ ﺍﺳﺘﺤﻲ ﺍﮔﻌﺪ
ﻫﺬﺍﻝ،ﻛﻌﺪﺕ ﻛﺪﺍﻣﻲ ﻣﺪﺕ ﺍﻳﺪﻫﺎ ﺍﺧﺬﺕ ﺍﻟﺨﺎﺷﻮﮔﻪ ﻣﺮﺗﻴﻦ ﺗﻮﮔﻊ ﻭﺗﺸﻴﻠﻬﺎ ﺍﻳﺪﻫﺎ ﺗﺮﻋﺶ
ﺗﺮﻛﺘﻬﺎ ﻭﮔﻤﺖ ﺍﺩﺭﻱ ﺑﻴﻬﺎ ﺧﺎﻳﻔﻪ
ﻃﻠﻌﺖ ﻛﻌﺪﺕ ﺑﺎﻟﻐﺮﻓﻪ ﺍﻟﺜﺎﻧﻴﻪ ﻭﺍﺧﺬﺕ ﻣﻮﺑﺎﻳﻠﻲ ﻭﻳﺎﻱ
ﺍﺗﺼﻔﺢ ﺑﻲ ﻫﻮﺍﻱ ﺗﺒﺮﻳﻜﺎﺕ ﺩﺍﺯﻳﻠﻲ ﻉ ﺍﻟﻔﻴﺲ
ﮔﻌﺪﺕ ﺍﻗﺮﺓ ﺑﻴﻬﻦ
ﺷﻮﻳﻪ ﻭﺍﺗﺼﻞ ﻣﺎﺟﺪ
ﻣﺎﺟﺪ، ،ﻫﺎ ﻳﺨﻮﻱ ﺑﺸﺮ ﻣﺎﺗﻤﺖ ﺳﺎﻟﻔﺘﻜﻢ ??
ﻫﺬﺍﻝ، ،ﻟﻴﺶ ﺍﻧﺘﻪ ﺷﻌﻠﻴﻚ ﺑﻴﻨﻪ
ﻣﺎﺟﺪ،،ﺟﺪﻱ ﺧﺒﺼﻨﻪ ﺧﺒﺺ ﻣﻨﺘﻀﺮﻙ ﻭﻃﻠﺐ ﻣﻨﻲ ﺍﻧﻪ ﻭﺿﺎﺭﻱ ﻧﻠﺰﻡ ﺍﺳﻼﺣﻨﻪ ﻭﻧﻨﺘﻀﺮﻙ ﺣﺘﺊ ﺍﺫﺍ ﺗﻤﺖ ﺍﻟﻤﻬﻤﻪ ﻧﺮﻣﻴﻠﻚ
ﺑﺲ ﺍﮔﻠﻚ ﺧﻮﻳﻪ ﺗﺮﻳﺪﻧﻲ ﺍﺭﻣﻴﻠﻚ ﻟﻮ ﺍﺭﻭﺡ ﺍﺟﻴﺐ ﺗﺎﺑﻮﺕ ﻟﻠﻔﺮﺧﻪ ﺧﺎﻑ ﻓﻄﺴﺘﻬﺎ
ﻫﺬﺍﻝ،،ﻫﻬﻬﻬﻬﻬﻪ ﺍﻳﺎ ﻃﺎﻳﺢ ﺍﻟﺤﺾ ﻃﺎﺣﻀﻚ ﻭﺣﺾ ﺍﺧﻼﻗﻚ
ﺍﻱ ﺑﻮﻳﻪ ﺗﻤﺖ ﺍﻟﻤﻬﻤﻪ ﻭﺑﻨﺠﺎﺡ ﺑﺲ ﺟﻔﻮﻧﻲ ﺷﺮﻛﻢ
ﻣﺎﺟﺪ،،ﻣﺪﺭﻱ ﻟﻴﺶ ﻻﺯﻡ ﮔﻠﺒﻲ ﻣﻨﻚ ﺑﺲ ﻣﺎﻋﻠﻴﻨﻪ ﺍﻧﻪ ﺭﺍﺡ ﺍﺭﻣﻲ ﻻﻥ ﻧﻌﺴﺖ ﺧﻮ ﻣﺎﺍﻛﻌﺪ ﺍﻟﺰﻣﻠﻚ ﺍﻟﺒﺎﺏ
ﻋﻮﺩ ﺍﻟﺼﺒﺢ ﻧﺘﺎﻛﺪ ﻣﻦ ﺍﻟﻔﺮﺧﻪ ﺧﺎﻑ ﻧﺎﻗﺼﻪ ﺍﻳﺪ ﺭﺟﻞ
ﻫﺬﺍﻝ . ﻫﻬﻬﻬﻪ ﺍﻧﺠﺐ ﻭﻟﻚ ﻳﻠﻪ ﻭﻟﻲ
ﻣﺎﺟﺪ،،ﺭﺍﻳﺢ ﺑﻮﻳﻪ ﺭﺍﻳﺢ ﺑﺲ ﻻﺍﺩﻓﻊ
ﻫﻨﺪ،،ﺗﺮﻛﻨﻲ ﻭﺭﺍﺡ ﻣﺎﺻﺪﮔﺖ ﻳﮕﻮﻡ ﻛﻠﺘﻠﻲ ﻟﮕﻤﺘﻴﻦ ﻣﻴﺘﻪ ﻣﻦ ﺍﻟﺠﻮﻉ ﺑﻌﺪﻧﻲ ﺟﻮﻋﺎﻧﻪ ﺑﺲ ﻓﺸﻠﻪ ﺍﻛﻞ
ﮔﻤﺖ ﻣﻦ ﻣﻜﺎﻧﻲ ﻓﺘﺤﺖ ﺍﻟﺜﻼﺟﻪ ﻣﺎﻣﺨﻠﻲ ﺷﻲ ﻣﺎﺟﺎﻳﺒﻪ ﺍﺧﺬﺕ ﻣﻮﺯﻩ ﺍﻛﻠﺘﻬﺎ ﺷﻮﻳﻪ ﺗﺴﺪ ﺟﻮﻋﺘﻲ
ﻫﺬﺍﻝ،،ﺑﻌﺪ ﻧﺺ ﺳﺎﻋﻪ ﺭﺟﻌﺖ ﻟﻠﻐﺮﻓﻪ ﻭﺍﻧﻪ ﺷﺎﻳﻞ ﻫﻢ ﺑﺎﻻﺧﻴﺮ ﺍﻧﻪ ﻫﻢ ﺑﺸﺮ ﻭﻫﺎﻱ ﺍﺷﻠﻮﻥ ﺭﺍﺡ ﺍﺗﻨﺎﻡ ﺑﺼﻔﻲ ﻭﻗﺒﻞ ﺷﻮﻳﻪ ﺷﻔﺘﻬﺎ ﺷﻼﺑﺴﻪ ﺧﺎﻳﻒ ﺍﺟﺮﻡ ﺑﻴﻬﺎ
ﺑﺪﺍﺧﻠﻲ ﺧﻮﻓﻪ ﻭﺣﺎﺟﺰ ﻣﺎﺍﮔﺪﺭ ﺍﺗﺠﺎﻭﺯﺓ
ﺩﺧﻠﺖ ﻟﻜﻴﺘﻬﺎ ﺗﻌﻠﮓ ﺑﻤﻼﺑﺴﻬﺎ ﺑﺎﻟﻜﻨﺘﻮﺭ ﺷﻌﺮﻫﺎ ﻭﺍﺻﻞ ﺍﻟﻨﻬﺎﻳﺔ ﺭﻛﺒﺔ ﺭﺟﻠﻬﺎ
ﺩﺧﻠﺖ ﻧﺰﻋﺖ ﺩﺷﺪﺍﺷﺘﻲ ﻭﺍﺗﻤﺪﺩﺕ ﺑﻔﺮﺍﺷﻲ ﻭﻋﻴﻨﻲ ﺑﻤﻮﺑﺎﻳﻠﻲ
ﺑﺲ ﻣﺎﺍﻋﺮﻑ ﻟﻴﺶ ﻛﻞ ﺷﻮﻳﻪ ﺍﺑﺎﻭﻉ ﺍﻟﺤﺮﻛﺎﺗﻬﺎ ﻭﻣﺸﻴﺘﻬﺎ ﻭﺑﻴﻦ ﻟﺤﻀﻪ ﻭﻟﺤﻀﻪ ﺗﺒﻴﻦ ﺭﺻﻌﺔ ﺧﺪﻭﻫﺎ
ﺩﺭﺕ ﻭﺟﻬﻲ ﻋﻨﻬﺎ ﻭﺍﻧﻪ ﺍﮔﻮﻝ ﺍﺷﺒﻴﻪ ﻭﺍﺷﻌﻨﺪﻱ ﻣﺮﻛﺰ ﺑﻮﺟﻬﺎ
ﻫﻨﺪ،،ﻣﺎﺻﺪﮔﺖ ﺍﻛﻤﻞ ﺗﻌﻠﻴﮓ ﺍﻟﻬﺪﻭﻡ ﺑﺲ ﺳﺎﻟﻔﻪ ﺗﻔﺘﺮ ﺍﺑﺮﺍﺳﻲ ﺍﻧﻪ ﻭﻳﻦ ﺍﻧﺎﻡ ?
ﻓﺘﺤﺖ ﺑﺎﺏ ﺍﻟﻜﻨﺘﻮﺭ ﻟﮕﻴﺖ ﺩﻭﺷﮓ ﻭﺩﻳﺒﺎﺝ ﻭﻣﺨﺪﺓ ﺑﻮﻳﻪ ﻣﺎﺻﺪﮔﺖ
ﺍﺧﺬﺗﻬﻦ ﻣﺪﻳﺘﻬﻦ ﺑﺎﻟﮕﺎﻉ ﺭﺩﺕ ﺍﻧﺎﻡ ﻣﺎﺍﺣﺲ ﻏﻴﺮ ﺍﻧﻌﺘﺖ ﺍﻳﺪﻱ
ﻫﺬﺍﻝ،،ﺷﺠﺎﻱ ﺗﺴﻮﻳﻦ ?
ﻫﻨﺪ،،ﺍ ﺍ ﺍﺭﻳﺪ ﺍﻧﺎﻡ ?
ﻫﺬﺍﻝ،،ﺑﺎﻟﮕﺎﻉ ?
ﻫﻨﺪ،،ﺍ ﺍﻱ
ﻫﺬﺍﻝ،،ﻟﻤﻲ ﺍﻓﺮﺍﺷﺞ ﻭﻧﺎﻣﻲ ﻓﻮﮒ ﻉ ﺍﻟﭽﺮﺑﺎﻳﻪ
ﻫﻨﺪ،،ﺏ ﺑﺲ ﺍﺍﻧﺘﻪ ﮒ ﮔﻠﺖ ﻣﺎ ﻣﺎﻟﻤﺴﺞ
ﻫﺬﺍﻝ،،ﺍﻣﻢ ﻭﻧﻮﻣﺘﺞ ﺑﺎﻟﮕﺎﻉ ﺗﻤﻨﻌﻨﻲ ﻋﻨﺞ ?
ﻫﻨﺪ،،ﻓﺘﺤﺖ ﺣﻠﮕﻲ ﻫﺎﺍ
ﻫﺬﺍﻝ،،ﻧﺎﻣﻲ ﻓﻮﮒ ﻟﺘﺨﺎﻓﻴﻦ ﮔﺘﻠﺞ ﻣﺎﻟﻲ ﺭﻏﺒﻪ ﺍﺗﻘﺮﺏ ﻣﻨﺞ
ﺍﻧﻄﻴﺘﺞ ﻭﻗﺖ ﻣﻦ ﻳﻨﺘﻬﻲ ﺭﺍﺡ ﻳﺘﻢ ﻛﻠﺸﻲبيج قصص عراقيه حقيقيه من واقعنا.روعه الطائي
ﻫﻨﺪ،،ﻳﺒﻮﻭ ﻋﻠﺊ ﺣﻀﻲ ﻳﻌﻨﻲ ﺍﻟﺴﺎﻟﻔﻪ ﻭﺭﺍﻱ ﻭﺭﺍﻱ
ﺍﺣﺠﻲ ﺑﮕﻠﺒﻲ ﻭﻫﻮ ﺗﺮﻛﻨﻲ ﻭﺭﺟﻊ ﻣﺪﺩ ﻉ ﺍﻟﺠﺮﺑﺎﻳﻪ
ﻟﻤﻴﺖ ﺍﻓﺮﺍﺷﻲ ﻣﺜﻞ ﺍﻟﺨﻮﺵ ﺍﺩﻣﻴﻪ ﻭﺭﺣﺖ ﻟﻠﭽﺮﺑﺎﻳﻪ ﻣﺘﺮﺩﺩﺓ ﺍﺷﻠﻮﻥ ﺍﻧﺎﻡ ﺑﺼﻔﻪ ?
ﺍﺧﺮ ﺷﻲ ﺭﻓﻌﺖ ﺍﻟﻐﻄﻪ ﻭﻧﻤﺖ ﺑﻄﺮﻑ ﺍﻟﻔﺮﺍﺵ ﺍﻟﻴﻨﻔﺦ ﺍﻋﻠﻴﻪ ﺍﻭﮔﻊ ﻋﻠﺊ ﻭﺟﻬﻲ ﺑﺎﻟﮕﺎﻉ
ﻫﺬﺍﻝ،،ﺩﺍﻳﺮ ﻭﺟﻬﺎ ﻋﻨﻬﺎ ﻣﻨﻄﻴﻬﺎ ﺿﻬﺮﻱ ﺑﺲ ﻣﺎﺍﻧﻜﺮ ﺍﺣﺲ ﺭﻭﺣﻲ ﻣﺘﺸﻨﺞ ﻳﻤﻬﺎ ﻣﺎﺍﺭﻳﺪﻫﺎ ﺍﺗﻨﺎﻡ ﺑﻠﮕﺎﻉ ﺣﺘﺊ ﺍﻣﻲ ﻣﺎﺗﺸﻚ ﺑﺎﻟﻤﻮﺿﻮﻉ ﺑﺲ ﺍﻟﻀﺎﻫﺮ ﻫﺎﻱ ﻛﺘﺖ ﺍﻻﻭﻝ ﻭﺍﻟﺘﺎﻟﻲ ﻻﻥ ﺍﻣﻲ ﻣﻦ ﻃﻠﻌﺖ ﻣﻦ ﺍﻟﻐﺮﻓﻪ ﻭﺟﻬﺎ ﻣﺎﻣﺮﺗﺎﺡ ﺣﺎﺟﻴﺘﻬﺎ ﻭﻣﺎﺟﺎﻭﺑﺘﻨﻲ
ﻃﺮ ﺍﻟﻔﺠﺮ ﻭﺍﻧﻪ ﻣﺎﻧﺎﻳﻢ ﺍﺗﮕﻠﺐ ﺑﻔﺮﺍﺷﻲ ﻭﻣﺎﺍﮔﺪﺭ ﺍﻟﺘﻔﺘﺖ ﺍﻟﺠﻬﺘﻬﺎ
ﺍﺧﺮ ﺷﻲ ﺍﻟﺘﻔﺘﺖ ﻭﻣﺎﺍﻋﺮﻑ ﻟﻴﺶ ﺑﻘﻴﺖ ﺩﻗﺎﻳﻖ ﻣﺮﻛﺰ ﺑﻴﻬﺎ ﻛﻞ ﺷﻲ ﺑﻮﺟﻬﺎ ﻗﺎﺭﻧﺘﻪ ﻭﻳﻪ ﻧﻀﺎﻝ ﻣﺎﻛﻮ ﺷﻲ ﻳﺸﺒﻪ ﺣﺒﻴﺒﺘﻲ ﺷﻮﻛﺖ ﺍﮔﺪﺭ ﺍﻃﻠﻌﻬﺎ ﻣﻦ ﮔﻠﺒﻲ ﻭﺍﺗﺠﺎﻭﺯ ﺍﻟﺼﺎﺭ ﻣﺎﺍﺩﺭﻱ
ﻫﻨﺪ،،ﻭﻳﻪ ﻣﺎﺣﻄﻴﺖ ﺭﺍﺳﻲ ﻉ ﺍﻟﻤﺨﺪﺓ ﻏﻔﻴﺖ ﻳﻤﻜﻦ ﻻﻥ ﺗﻌﺒﺎﻧﻪ ﮔﻌﺪﺕ ﺍﻟﻔﺠﺮ ﻭﺟﺎﻥ ﺍﺷﻮﻓﻪ ﺑﻮﺟﻬﻲ ﻣﻠﺘﻔﺖ ﺍﻟﻜﺘﺮﻱ ﺑﻘﻴﺖ ﺍﺑﺎﻭﻉ ﺑﻮﺟﻬﺎ ﺳﺒﺤﺎﻥ ﺍﻟﻠﻪ ﻣﻨﻄﻲ ﻭﺳﺎﻣﻪ ﻭﺷﺨﺼﻴﻪ ﺑﺸﺮﺗﻪ ﺳﻤﺮﺓ ﻋﻠﺊ ﺣﻨﻄﻴﻪ ﺣﻮﺍﺟﺒﻪ ﺍﺛﺨﺎﻥ ﻭﻣﺮﺳﻮﻣﺎﺕ ﻟﺤﻴﺘﻪ ﻣﺤﺪﺩﺓ ﻭﻋﻴﻮﻧﻪ ﻣﺠﺮﻭﺭﺍﺕ
ﻳﺎﺍ ﺍﻧﻪ ﺷﻤﺎﻟﻨﻲ ﺍﺑﺎﻭﻉ ﺑﻮﺟﻬﺎ ?
ﮔﻤﺖ ﻋﻠﺊ ﻛﻴﻒ ﻃﻠﻌﺖ ﻣﻦ ﺍﻟﻐﺮﻓﻪ ﺍﻓﺘﺮﻳﺖ ﺑﺎﻟﻄﺎﺑﻖ ﺍﻟﺜﺎﻧﻲ ﺷﻮﻳﻪ ﻟﺤﺪ ﻣﺎﻟﮕﻴﺖ ﺍﻟﺤﻤﺎﻡ ﺩﺧﻠﺖ ﻏﺴﻠﺖ ﻭﺗﻮﺿﻴﺖ ﻭﺭﺟﻌﺖ ﻟﻠﻐﺮﻓﻪ ﺍﺧﺬﺕ ﺍﻟﺴﺠﺎﺩﺓ ﻣﻦ ﺍﻟﻤﻴﺰ ﻓﺮﺷﺘﻬﺎ ﻭﺍﺗﻮﺟﻬﺖ ﻟﻠﺼﻼﺓ
ﺻﻠﻴﺖ ﻭﺭﺩﻳﺖ ﻣﺪﺩﺕ ﻣﺎﺍﺟﺎﻧﻲ ﻧﻮﻡ ﺑﻌﺪ ﺍﻧﺘﻀﺮﺕ ﺍﻟﺼﺒﺢ ﻳﺠﻲ ﺣﺘﺊ ﺍﮔﻮﻡ ﻣﺎﺍﻋﺮﻑ ﺍﻧﺎﻡ ﻣﺘﻌﻮﺩﺓ ﻋﺪ ﺍﻫﻠﻲ ﻧﮕﻌﺪ ﻭﻳﻪ ﺍﻟﺼﻼﻩ ﺍﺫﺍ ﻣﺎﮔﻌﺪﻧﻪ ﺣﺒﻮﺑﺘﻲ ﺍﺗﮕﻮﻡ ﺗﻮﺫﻥ ﻣﻦ ﻳﻤﻬﺎ ﺍﺗﮕﻮﻝ ﻧﻮﻡ ﺍﻟﻀﻬﺎﺭﻱ ﻓﮕﺮ ﻭﻣﺎﻳﺠﻴﺐ ﺍﻟﺮﺯﻕ ﻻﻥ ﺍﻟﻤﻼﻳﻜﻪ ﺗﻮﺯﻉ ﺍﻻﺭﺯﺍﻕ ﺍﻟﻔﺠﺮ
ﺑﺎﻭﻋﺖ ﻟﻠﺴﺎﻋﻪ ﻣﻌﻠﮕﻪ ﺻﺎﻳﺮﺓ ﺍﻟﺴﺎﻋﻪ 7
ﮔﻤﺖ ﻣﻦ ﻣﻜﺎﻧﻲ ﻟﺒﺴﺖ ﺷﺎﻟﻲ ﻭﻃﻠﻌﺖ ﻧﺰﻟﺖ ﻟﻠﻄﺎﺑﻖ ﺍﻟﺠﻮﺓ ﺑﻴﺖ ﻛﻠﺶ ﺭﺍﻗﻲ ﺑﻨﺎﺋﻪ ﻭﺍﺛﺎﺛﻪ ﺣﻠﻮ
ﺩﺧﻠﺖ ﻟﻠﻤﻄﺒﺦ ﺍﻟﺠﻮ ﺑﺪﺓ ﻳﺒﺮﺩ ﺍﻟﺼﺒﺢ ﻋﻠﺊ ﺍﺑﻮﺍﺏ ﺷﺘﺎ
ﻓﺘﺤﺖ ﺍﻟﻜﺎﻭﻧﺘﺮ ﻃﻠﻌﺖ ﺍﻟﻘﻮﺭﻱ ﺗﺮﺳﺘﻪ ﻣﺎﻱ ﻭﺣﻄﻴﺘﻪ ﻉ ﺍﻟﻄﺒﺎﺥ ﺷﻐﻼﺕ ﺍﻟﻤﻄﺒﺦ ﻛﻠﻬﻦ ﮔﺪﺍﻣﻲ ﻣﺎﻳﺤﺘﺎﺝ ﺍﺩﻭﺭبيج قصص عراقيه حقيقيه من واقعنا.روعه الطائي
ﺧﺪﺭﺕ ﺍﻟﺠﺎﻱ ﻭﺧﻠﻴﺘﻪ ﻋﻠﺊ ﻃﺮﻑ ﻃﻠﻌﺖ ﺑﻴﺾ ﺳﻠﮕﺖ ﻭﺧﻠﻴﺖ ﻉ ﺍﻟﻤﻴﺰ ﺷﻮﻳﻪ ﻭﺩﺧﻠﺖ ﺍﻡ ﻫﺬﺍﻝ
ﺍﻡ ﻫﺬﺍﻝ، ،ﻳﺼﺒﺎﺡ ﺍﻟﺨﻴﺮ ﻳﻤﻪ
ﻫﻨﺪ،،ﺭﺩﻳﺖ ﻋﻠﻴﻬﺎ ﺍﻟﺼﺒﺎﺡ
ﺍﻡ ﻫﺬﺍﻝ،،ﻟﻴﺶ ﻧﺰﻟﺘﻲ ﺑﻨﻴﺘﻲ ﺑﻌﺪﺝ ﻋﺮﻭﺱ ﺍﻧﻪ ﺍﺳﻮﻱ ﺭﻳﻮﮒ
ﻫﻨﺪ،،ﻻ ﻋﻤﻪ ﻣﺎﻟﺞ ﺷﻐﻞ ﺑﻌﺪ ﺑﺎﻟﻤﻄﺒﺦ ﺍﻧﻪ ﺍﻃﺒﺦ ﻭﺍﻧﻄﻴﺞ ﺍﻟﻤﻦ ﺟﺎﻳﺒﺘﻨﻲ ﺟﻨﻪ ﺍﻛﻞ ﻭﺍﻧﺎﻡ
ﺍﻟﻤﺮﺓ ﺍﺑﺘﺴﻤﺖ ﻋﻠﺊ ﺳﻮﺍﻟﻔﻲ ﮔﺘﻠﻬﺎ ﺍﻧﻪ ﻣﺘﻌﻮﺩﺓ ﺍﻛﻌﺪ ﺍﻟﻔﺠﺮ ﻣﺎﺍﻧﺎﻡ ﺑﻌﺪ
ﺑﻘﻴﻨﻪ ﺷﻮﻳﻪ ﻛﺎﻋﺪﻳﻦ ﻧﺸﺮﺏ ﺟﺎﻱ ﻭﻧﺘﺮﻳﻚ ﻧﺰﻝ ﻫﺬﺍﻝ ﻭﻣﺒﻴﻦ ﺳﺎﺑﺢ ﻭﻣﺘﻌﻄﺮ ﻭﻻﺑﺲ ﺍﻟﺪﺷﺪﺍﺷﻪ ﺍﻟﺒﻴﻀﻪ ﻭﺍﻟﺴﺒﺤﻪ ﺑﻴﺪﺓ ﻣﺪﺭﻱ ﻟﻴﺶ ﺳﻨﺤﺖ ﻣﻦ ﺷﻔﺘﻪ ﺣﺘﺊ ﺍﻟﻠﮕﻤﻪ ﺭﺍﺩﺕ ﺗﺨﺮﻁ ﻣﻦ ﺣﻠﮕﻲ
ﺍﻧﺘﺒﻬﺖ ﻋﻠﺊ ﺭﻭﺣﻲ ﻋﺪﻟﺖ ﮔﻌﺪﺗﻲ ﺍﺷﺒﻴﻪ ﻓﻘﺪﺕ ?
ﻭﺍﻟﻠﻪ ﻟﻮ ﻣﺎﻫﺎﻱ ﺍﻻﺳﻤﻬﺎ ﻧﺴﺮﻳﻦ ﺟﺎﻥ ﻣﺎﺧﻔﺖ ﻣﻨﻪ ﺑﺲ ﺷﺴﻮﻱ ﻛﻼﻣﻬﺎ ﺧﻮﻓﻨﻲ
ﻫﺬﺍﻝ،،ﺻﺒﺎﺡ ﺍﻟﺨﻴﺮ
ﻫﻨﺪ،،ﺭﺩﻳﺖ ﻋﻠﻲ ﻭﺩﻧﮕﺖ ﺑﺲ ﺍﻣﻪ ﺑﻘﺖ ﻋﻠﺊ ﮔﻌﺪﺗﻬﺎ ﻣﺎﺟﺎﻭﺑﺘﻪ
ﻛﻤﺖ ﺻﺒﻴﺘﻠﻪ ﺍﺳﺘﻜﺎﻥ ﻭﺣﻄﻴﺘﻪ ﻛﺪﺍﻣﻪ ﻣﺎﺑﺎﻭﻋﻠﻲ ﺍﺑﺪ
ﻳﺘﺘﺘﺘﺘﺒﻊ