جبروت الشيخ هذال

الحلقة 10

#جبروة_الشيخ_هذال

للكاتب علي الفتلاوي

،،،،،،،،،،،،،،،،،،،،،،،،،،،،،،،

عمي انعل الشيطان من فتحة الزيج

من شفته ماضل حيل گوة ابلع الريج

،،،،،،،،،،،،،،،،،،،،،،،،،،،،،،،

هذال،،من سمعت بيها اتبات يم اهلها ضجت مدري ليش ماردتها اتبات احساس ابداخلي يگلي بديت تحبها وتتعلق بيها ماكو غير تفسير العصبيتي
وارجع واگول لا انه مااحبها بس بقائها بدون علمي وشوري هو اليخليني ماخذ منها موقف ولو يمي اطلع قهري بيها

جدي ماقصر طول الطريج يحمد بيها وانه ادري شنو غايته بس مسوي روحي مغلس

اتحلفت من اترد اعاقبها بطريقتي الخاصه حتئ ماتتجرئ مرة الثانيه وتبقئ عند اهلها بدون مااتگلي

الشيخ مگصد،،بويه ابو الاكبر شبيك وجهك مايگصئ الطبر ?

هذال،،ماكو شي جدي شويه تعبان

الشيخ، ،اهااا چا خوش

هند،،روحي تايها بقيت افتر بمچاني اروح وارد واتمنئ لو رايحه وياه گلبي بدة يخفگ للشيخ من سمعت كلام امه عن موت مرته مشاعري اتغيرة من ناحيته

سلوئ،،والله صرعتيني چنج وحدة تطلگ خايبه اركدي ام البلاوي
والله لو من زلمتج انه اشبعج كتل ولج اكو وحدة صارلها اليوم ثامن يم رجلها وهي بعدها بت ?

هند،،هو انه فگر وحضي فگر

انتي سامعه الشعر الي يگول

مصاحبني الفگر لازم دليلي وگال
والعباس افضحك بس تفارگني
من تطلع اريد وياك
ومن تگعد اريد وياك
احبك مااريد انساك من تگعد تگابلني

ولج خييييه مگابلني الفگر مگابل

سلوئ،،چا وانه ?
الله وكيلج عندي حض الططوة نفسها حضها احسن من حضي

اسمعي السالفه الردت احجيها الج بيوم السبعه مالتج
هند،،احجي يخيه احجي اطربيني عبن الدخان طلع من خشمي

سلوئ،،تدرين قبل شچم يوم اجوني خطابه

هند،،اي بيها الخير

سلوئ،،ياخير ولج ياخيرررر?

هند،،ياا اشبيج ??

سلوئ،،اجن اثنين نسوان يخطبني وطول ماهنه گاعدات نفخن ابنهن نفخ
ياابنه ضابط ويا ماكو منه ويا يخبل والنسوان كاتله روحها اعلي

انه من سمعت كلامهن عدلت قولتي (الياخه)
وكلت انفتحلي باب السعد واخيرا اجه فارس احلامي الراكب الحصان والرمح بيدة

هند،،اي تالي شطلع??

سلوئ،،ووولج خييه طلع جايني بس الرمح لا الفارس ولا الحصان