جبروت الشيخ هذال

الحلقة 18/19/20

#جبروت_الشيخ_هذال_ج٢

علي الفتلاوي

١٨_______٢٠ هدية صبركم ❤❤😘😘😘😘

#بارت١٨

ﺻﺮﺕ ﺍﻟﻬﻢ ﻣﻨﺎﺭﺓ ﺭﻭﺡ
ﻣﺤﺪ ﺟﺎﺱ ﻣﺤﺮﺍﺑﻲ ﻭﮔﻌﺪ ﺻﻠﺊ 💔
،،،،،،،،،،
ﺟﺒﺮﻭﺕ ﺍﻟﺸﻴﺦ ﻫﺬﺍﻝ
ﻟﻠﻜﺎﺗﺐ ﻋﻠﻲ ﺍﻟﻔﺘﻼﻭﻱ
،،،،،،،،،،،،،،،،
ﻫﻨﺪ،،ﻧﺰﻟﺖ ﻭﺍﻧﻪ ﻓﺮﺣﺎﻧﻪ ﻭﻛﻞ ﺷﻮﻳﻪ ﺍﺗﻠﻤﺲ ﮔﺼﺘﻲ ﻣﺎﺍﻣﺼﺪﮔﻪ ﻭﺍﺭﺟﻊ ﻭﺍﮔﻮﻝ ﺧﺎﻑ ﺣﻠﻤﺎﻥ ﻻﻥ ﻣﺎﻳﺴﻮﻳﻬﺎ
ﻏﺴﻠﺖ ﻭﺻﻠﻴﺖ ﻣﺘﺎﺧﺮﺓ ﺻﻼﺗﻲ ﻳﻮﻣﻴﻪ ﺍﮔﻌﺪ ﻣﻦ ﺍﻟﻔﺠﺮ ﺍﻟﻴﻮﻡ ﻻﻥ ﺷﺎﺑﮕﺘﻪ ﺗﻴﻬﺖ ﺣﺘﺊ ﺍﻟﺪﻳﻦ
ﺩﻳﻦ ﻭﻣﻦ ﻋﻨﺪﻱ ﻣﺎﻳﻨﺮﺍﺩ
ﺣﻄﻴﺖ ﺍﻟﻐﻮﺭﻱ ﻉ ﺍﻟﻨﺎﺭ ﺳﻮﻳﺖ ﺟﺎﻱ ﻭﺍﻧﺘﻀﺮﺗﻪ ﻳﻬﺪﺭ
ﻃﻠﻌﺖ ﺑﻴﺾ ﺳﻠﮕﺖ ﻭﻗﺸﻄﻪ ﺣﻄﻴﺘﻬﺎ ﺑﻤﺎﻋﻮﻥ
ﻃﻠﻌﺖ ﻋﻤﺘﻲ ﺻﺒﺤﺖ ﻭﻏﺴﻠﺖ ﺍﺟﺖ ﮔﻌﺪﺕ ﺍﻧﻔﺘﺢ ﺍﻟﺒﺎﺏ ﻭﺩﺧﻞ ﻫﺬﺍﻝ ﻭﻣﺎﺟﺪ ﻭﺭﺍﻩ ﻣﻦ ﺷﻔﺖ ﻣﺎﺟﺪ ﺣﻄﻴﺖ ﺣﺠﺎﺑﻲ ﻉ ﺭﺍﺳﻲ ﺍﺳﺘﺤﻲ ﻣﻨﻪ ﻭﺛﺎﻧﻲ ﺷﻲ ﺣﺮﺍﻡ
ﻫﺬﺍﻝ ﺷﺎﻳﻞ ﻋﻼﮔﺘﻴﻦ ﺍﻧﻄﺎﻧﻴﺎﻫﻦ ﻭﺣﺪﺓ ﺻﻤﻮﻥ ﺣﺎﺭ ﻭﺍﻟﺜﺎﻧﻴﻪ ﻓﺘﺤﺘﻬﺎ ﺑﻴﻬﺎ ﮔﻴﻤﺮ ﻋﺮﺏ
ﺣﻄﻴﺘﻬﻦ ﻉ ﺍﻟﻤﻴﺰ ﻭﺧﻠﻴﺖ ﺍﻟﺼﻤﻮﻥ ﺑﺎﻟﺴﻠﻪ ﻭﺍﻧﻄﻴﺘﻪ ﺍﻟﻬﻢ ﮔﻌﺪﺕ ﺍﺗﺮﻳﮓ ﻭﻳﺎﻫﻢ ﻭﻛﻞ ﺷﻮﻳﻪ ﺍﺭﻓﻊ ﻋﻴﻨﻲ ﺗﺠﻲ ﻋﻴﻮﻧﻪ ﺑﻌﻴﻮﻧﻲ
ﺍﺩﻧﮓ ﺍﻛﻞ ﻻﻥ ﺍﺳﺘﺤﻲ ﺍﺭﻓﻊ ﻋﻴﻨﻲ ﺑﻌﻴﻨﻪ
ﻣﺎﺟﺪ ﻛﻞ ﻣﺎﻳﺤﺠﻲ ﻭﻳﺎﻱ ﻭﻳﺘﺸﺎﻗﻪ ﺑﺲ ﺍﺑﺘﺴﻢ ﻻﻥ ﻗﺒﺎﺽ ﺍﻻﺭﻭﺍﺡ ﻳﺨﺰﺭﻧﻲ ﻣﺎﻳﻘﺒﻞ ﻭﻫﻮ ﺍﻣﺲ ﻧﺒﻬﻨﻲ ﻣﺎﺍﺗﺸﺎﻗﻪ ﻭﻳﻪ ﺍﻱ ﻭﺍﺣﺪ
ﻣﺎﺟﺪ ﻫﻢ ﺣﺲ ﻭﺳﻜﺖ ﻣﺎﺣﺠﻪ ﺷﻲ
ﺍﺧﺮ ﺷﻲ ﻛﻤﻠﻨﻪ ﻭﺷﻠﺖ ﺍﻟﻤﻮﺍﻋﻴﻦ ﻏﺴﻠﺘﻬﻦ ﻭﻫﻤﻪ ﺑﻌﺪﻫﻢ . ﮔﺎﻋﺪﻳﻦ ﻳﺴﻮﻟﻔﻮﻥ
ﺳﻤﻌﺖ ﺻﻮﺕ ﻣﻮﺑﺎﻳﻞ ﻫﺬﺍﻝ ﺛﻮﺍﻧﻲ ﻭﺻﺎﺡ ﺑﺎﺍﺳﻤﻲ
ﺍﻟﺘﻔﺘﺖ ﺷﻔﺘﻪ ﻣﻮﺟﻬﻠﻲ ﺍﻟﻤﻮﺑﺎﻳﻞ ﺑﻤﻌﻨﺊ ﺍﺧﺬﻱ
ﻣﺪﻳﺖ ﺍﻳﺪﻱ ﻋﻠﺊ ﻛﻴﻒ ﻣﺘﺮﺩﺩﺓ
ﻫﺬﺍﻝ،،ﺍﻣﺞ ﻉ ﺍﻟﺨﻂ
ﻫﻨﺪ،،ﻃﺎﺭ ﮔﻠﺒﻲ ﻣﻦ ﮔﺎﻝ ﺍﻣﺞ ﻭﺑﻠﺤﻀﻪ ﺳﺤﺒﺖ ﺍﻟﻤﻮﺑﺎﻳﻞ ﻣﻦ ﺍﻳﺪﺓ ﺑﻠﻬﻔﻪ
ﺍﻟﻮﻭﻭ ﻳﻤﻤﻪ ﺣﺒﻴﺒﺘﻲ
ﺍﻡ ﻫﻨﺪ،،ﻫﻠﻠﻪ ﻳﺒﻌﺪ ﺍﻣﺞ ﺑﻨﻴﺘﻲ ﺍﺷﻠﻮﻧﺞ ﺷﺨﺒﺎﺭﺝ
ﻫﻨﺪ،،ﺍﻧﻪ ﺯﻳﻨﻪ ﻳﺎﻟﻐﺎﻟﻴﻪ ﺍﺑﻮﻱ ﺍﺷﻠﻮﻧﻪ ﻭﺣﺒﻮﺑﺘﻲ ﻭﺍﺧﻮﺍﺗﻲ ﻭﻋﺒﻮﺩﻱ
ﺑﻘﻴﺖ ﺍﺣﺠﻲ ﻭﺍﻟﺪﻣﻮﻉ ﻣﻨﺠﻤﻌﻪ ﺑﻌﻴﻮﻧﻲ ﺍﺳﺎﻟﻬﺎ ﻋﻠﺊ ﺍﺣﻮﺍﻟﻬﻢ ﻭﻋﻠﺊ ﺳﻠﻮﺉ ﺭﻓﻴﺠﺖ ﻋﻤﺮﻱ ﻭﺑﻨﺖ ﺧﺎﻟﺘﻲ
ﻣﺸﺘﺎﻏﺘﻠﻬﻢ ﻛﻠﻬﻢ
ﺍﻡ ﻫﻨﺪ،،ﻭﻟﺞ ﻳﻤﻪ ﻭﺍﻟﻠﻪ ﺍﻧﻪ ﻭﺍﺑﻮﺝ ﻭﺣﺘﺊ ﺣﺒﻮﺑﺘﺞ ﻃﺎﮔﻪ ﮔﻠﻮﺑﻨﻪ ﻋﻠﻴﺞ ﺷﻮﻛﺖ ﺗﺠﻴﻦ ?
ﻫﻨﺪ،،ﺍﻧﻪ ﻣﺎﺍﻋﺮﻑ ﺍﺣﺠﻲ ﺑﺼﻮﺕ ﻧﺎﺻﻲ ﺍﺫﺍ ﺍﺧﺎﺑﺮ ﺣﺘﺊ ﺍﻟﺠﻴﺮﺍﻥ ﺗﺴﻤﻊ ﺻﻮﺗﻲ ﻋﺒﺎﻟﻬﻢ ﻋﺮﻛﻪ ﺍﺑﺎﻭﻉ ﺍﻟﻤﺎﺟﺪ ﮔﻮﺓ ﻛﺎﺗﻢ ﺿﺤﻜﺘﻪ ﻭﻳﺎﺷﺮﻟﻲ ﺑﻴﺪﺓ ﻳﺴﻮﻱ ﺣﺮﻛﻪ ﺑﻤﻌﻨﺊ ﻧﺼﻲ ﺻﻮﺗﺞ
ﮔﺘﻠﻬﺎ ﻳﻤﻪ ﻣﻮ ﻫﺴﻪ ﺍﺟﻲ ﺷﻜﻢ ﻳﻮﻡ ﻭﺍﺟﻴﻜﻢ
ﺍﻡ ﻫﺬﺍﻝ،،ﺣﺒﻮﺑﺘﺞ ﻣﺎﻫﻲ ﻃﻴﺒﻪ ﻭﺍﺗﺮﻳﺪ ﺗﺸﻮﻓﺞ
ﻫﻨﺪ،،ﻧﻐﺰﻧﻲ ﮔﻠﺒﻲ ﮔﺘﻠﻬﺎ ﺍﺷﺒﻴﻬﺎ ﺣﺒﻮﺗﻲ ﻭﺷﺘﻬﻴﺲ ? ‏( ﺷﺘﺤﺲ ‏)
ﺍﻡ ﻫﻨﺪ،،ﺑﻨﻴﺘﻲ ﺍﺫﺍ ﺍﺗﻜﺪﺭﻳﻦ ﺗﻌﺎﻱ ﻻﻥ ﺩﻭﻡ ﺗﺴﺎﻝ ﻋﻨﺞ ﻭﺍﻧﺘﻲ ﺑﻄﻴﺘﻲ ﻣﻦ ﺯﻣﺎﻥ ﻣﺎﺟﺎﻳﻪ
ﻫﻨﺪ،،ﺑﻘﻴﺖ ﺍﺑﺎﻭﻉ ﺍﻟﻬﺬﺍﻝ ﻭﺍﺣﺠﻲ ﻭﻳﺎﻫﺎ ﻭﺍﻧﻲ ﻭﺍﮔﻔﻪ
ﺍﺧﺮ ﺷﻲ ﻧﻬﻴﻨﻪ ﺍﻟﻤﻜﺎﻟﻤﻪ ﻭﻋﻤﺘﻲ ﺳﺎﻟﺘﻨﻲ ﻋﻠﺊ ﺣﺒﻮﺑﺘﻲ ﻛﺘﻠﻬﺎ ﻣﺮﻳﻀﻪ ﻭﺗﺮﻳﺪ ﺗﺸﻮﻓﻨﻲ
ﺍﻡ ﻫﺬﺍﻝ،،ﻳﻤﻪ ﺍﺧﺬ ﻣﺮﺗﻚ ﻟﻬﻠﻬﺎ ﻟﻮ ﺍﺧﻮﻙ ﻳﻮﺩﻳﻬﺎ ﻓﺸﻠﻪ ﻣﻦ ﺯﻣﺎﻥ ﻣﺎﺭﺍﻳﺤﻪ ﻻﻥ ﻣﻦ ﺳﺎﻟﻔﻪ ﺍﻟﺴﺎﻟﻔﻪ ﻣﺎﻓﺮﻏﻨﻪ ﻣﻦ ﻭﻛﻌﺖ ﺿﺎﺭﻱ ﻭﺍﻟﻤﺼﺎﻳﺐ ﻭﺣﺪﺓ ﻭﺭﺓ ﺍﻻﺧﺮﺓ ﻭﻫﺴﻪ ﺍﻟﺤﻤﺪﺍﻟﻠﻪ ﻛﻠﺸﻲ ﻣﺎﻛﻮ
ﻭﺩﻳﻬﺎ ﻟﻬﻠﻬﺎ ﺗﺎﺧﺬﻟﻬﺎ ﺍﺳﺒﻮﻉ ﻳﻤﻬﻢ
ﻫﺬﺍﻝ،،ﻭﺷﻌﺪﻫﺎ ﺍﺳﺒﻮﻉ ﺍﻭﺩﻳﻬﺎ ﺍﻟﻴﻮﻡ ﻭﺑﺎﺟﺮ ﺍﻟﺼﺒﺢ ﺍﺟﻲ ﺍﺧﺬﻫﺎ
ﻫﻨﺪ،،ﺯﺑﮕﺖ ﻣﻦ ﻣﭽﺎﺍﻧﻲ ﻭﮔﻔﺖ ﻭﺍﺗﺨﺼﺮﺕ
ﮔﺘﻠﻪ ﻭﺷﻌﻨﺪﺩﻱ ﺭﺍﺍﻳﺤﻪ ﺍﺫﺍ ﺗﺠﻴﻨﻲ ﺑﺎﺟﺮ
ﻧﻬﺾ ﻣﻦ ﻣﻜﺎﻧﻪ ﺧﺰﺭﻧﻲ ﺧﺰﺭﺓ ﺭﺩﺕ ﺍﻭﮔﻊ ﻣﻦ ﺍﻟﺨﻮﻑ
ﺍﺧﺬ ﺑﺎﻛﻴﺖ ﺍﻟﺠﻜﺎﻳﺮ ﻭﺍﻟﻤﻮﺑﺎﻳﻞ ﺩﺍﺭ ﻭﺟﻬﺎ ﻭﮔﺎﻝ
ﻫﺬﺍﻝ،،ﻣﺎﻛﻮ ﺭﻭﺣﻪ
ﻫﻨﺪ،،ﺍﻡ ﻫﺬﺍﻝ ﻫﻢ ﺧﺰﺭﺗﻨﻲ ﻣﺎﻋﺠﺒﻬﺎ ﻃﺮﻳﻘﺔ ﻛﻼﻣﻲ
ﺍﺗﻼﺣﮕﺖ ﺭﻭﺣﻲ ﮔﺘﻠﻪ ﻣﻴﺨﺎﻟﻒ ﻣﻴﺨﺎﻟﻒ ﺗﻌﺎﻝ ﺍﺧﺬﻧﻲ ﺑﺎﺟﺮ
ﻣﺎﺟﺪ،،ﺿﺤﻚ ﻭﮔﺎﻝ ﺍﻟﻪ ﺑﺎﻟﻌﻴﻦ ﺍﻟﺤﻤﺮﺓ ﻳﻠﻪ ﺗﺴﺘﻌﺪﻝ
ﻫﺬﺍﻝ،،ﺭﺍﺡ ﺍﺑﺪﻝ ﻭﻧﺺ ﺳﺎﻋﻪ ﺍﻟﮕﺎﺝ ﺟﺎﻫﺰﺓ
ﺻﻌﺪ ﻛﺪﺍﻣﻲ ﻭﺍﻧﻪ ﺻﻌﺪﺕ ﻭﺭﺍﻩ ﺍﺧﺬﺕ ﻣﻼﺑﺴﻲ ﻭﻃﻠﻌﺖ ﺑﺪﻟﺖ ﺑﺎﻟﻐﺮﻓﻪ ﺍﻟﺜﺎﻧﻴﻪ
ﻟﺒﺴﺖ ﺗﻨﻮﺭﺓ ﺣﺼﺮ ﻉ ﺍﻟﺠﺴﻢ ﺳﻮﺩﺓ ﻭﻗﻤﻴﺺ ﻣﺎﺭﻭﻧﻲ ﺍﺭﺩﺍﻧﻪ ﻣﻦ ﺍﻻﻃﺮﻑ ﻛﻠﻮﺷﻪ ﺣﻠﻮ ﻭﻣﺮﺗﺐ
ﻃﻠﻌﺖ ﺭﺣﺖ ﺍﻟﻐﺮﻓﺘﻲ ﺍﻭﻝ ﻣﺎﺷﺎﻓﻨﻲ ﻃﻠﻊ ﺑﺎﻛﻴﺖ ﺍﻟﺠﻜﺎﻳﺮ ﺳﺤﺐ ﻣﻨﻪ ﺟﻜﺎﺭﺓ ﺣﻄﻬﺎ ﺑﺤﻠﮕﻪ ﻭﺭﺛﻬﺎ ﻭﺳﺤﺐ ﻧﻔﺲ ﻭﻧﻔﺚ ﺍﻟﺪﺧﺎﻥ ﻟﻔﻮﮒ
ﺿﻴﮓ ﻋﻴﻮﻧﻪ ﻭﺭﻓﻊ ﺣﺎﺟﺒﻪ
ﻫﺬﺍﻝ،،ﻏﻀﺐ ﺍﻟﻠﻪ
ﻫﻨﺪ،،ﻫﺎﺍ
ﻫﺬﺍﻝ،،ﺍﻭﺟﻌﺎ ﻫﻴﺞ ﺗﺮﺣﻴﻦ ?
ﻫﻨﺪ،،ﻣﻮﻻﺑﺴﻪ ﻋﺒﺎﻳﻪ ﻭﻳﺼﻴﺮﻥ ﺟﻮﺍﻫﺎ ﻳﻌﻨﻲ ﻣﺤﺪ ﻳﺸﻮﻑ ﻭﺍﻧﻲ ﺷﻮ ﺍﺻﻌﺪ ﺑﺎﺳﻴﺎﺭﺓ ﻭﺍﻧﺰﻝ ﻳﻢ ﺍﻫﻠﻲ ﻳﻌﻨﻲ ﻣﻨﻮ ﻳﺸﻮﻓﻨﻲ
ﻫﺬﺍﻝ،،ﻣﻦ ﺍﺣﺠﻲ ﮔﻮﻟﻲ ﻧﻌﻢ ﻣﻮ ﻫﺎﺍ
ﻭﺛﺎﻧﻲ ﺷﻲ ﺗﺮﺣﻴﻦ ﺗﻐﻴﺮﻳﻦ ﻫﺪﻭﻣﺞ ﻣﻮﺣﺎﺻﺮﺓ ﺧﻠﻔﻴﺘﺞ ﻭﺟﺎﻳﺘﻨﻲ ﺗﺮﺩﻳﻦ ﻫﻴﺞ ﺗﻤﺸﻴﻦ ﻭﺍﺫﺍ ﻻﺑﺴﻪ ﺍﻧﻌﺎﻝ ﻋﺒﺎﻳﻴﻴﻪ
ﺍﻣﺸﺸﺸﻲ ﻏﻴﺮﺭﺭﻳﻬﻦ
ﻫﻨﺪ،،ﻏﺼﻪ ﺍﺑﻠﻌﻮﻣﻲ ﺻﺎﺭﺭﺕ ﺑﻠﻌﺘﻬﺎ ﻣﺨﺘﻨﮕﻪ ﻣﻦ ﺍﻟﻔﺸﻠﻪ
ﺻﺪﮒ ﺭﺩﺕ ﺍﺷﺮﺩ ﻟﻬﻠﻲ ﺍﻟﺼﺒﺢ ﺷﻤﺤﻼﻩ ﻭﻫﺴﻪ ﻳﺼﻴﺢ
ﺍﺧﺬﺕ ﺛﻮﺏ ﻛﻠﻮﺷﻪ ﺑﻴﺠﻲ ﻭﺣﺠﺎﺏ ﺑﻠﻮﻧﻪ ﻭﻫﻢ ﺭﺣﺖ ﺑﺪﻟﺖ ﺑﺎﻟﻐﺮﻓﻪ
ﻭﺭﺟﻌﺖ ﻭﻫﻮ ﮔﺎﻋﺪ ﻳﻨﺘﻀﺮﻧﻲ ﻭﮔﻔﺖ ﮔﺪﺍﻣﻪ ﮔﺘﻠﻪ ﻫﺎﺍﺍ ﺍﻧﺸﺎﺀﺍﻟﻠﻪ ﻫﻢ ﻣﺎﻳﻌﺠﺒﻨﻚ
ﻃﻔﺮ ﻣﻦ ﻣﻜﺎﻧﻪ ﻭﺍﻧﻪ ﺭﺩﻳﺖ ﻟﻮﺭﺓ ﻣﻦ ﺷﺎﻓﺘﻪ ﻋﮕﺪ ﺣﻮﺍﺟﺒﻪ ﮔﻠﺖ ﺍﺟﺎﻙ ﺍﻟﻤﻮﺕ ﻳﺎﺗﺎﺭﻙ ﺍﻟﺼﻼﻩ
ﻫﺬﺍﻝ،،ﺍﺣﺠﻲ ﻋﺪﻝ ﻻﺍﻓﺮﺭ ﺣﻠﮕﺞ
ﻣﺴﺎﻉ ﺗﺘﺨﻮﺻﺮﻳﻦ ﮔﺪﺍﻡ ﺍﻣﻲ ﻭﺍﺧﻮﻱ ﻭﻫﺴﻪ ﻣﺎﻋﺎﺟﺒﺞ ﻋﺪﻟﻲ ﺍﺳﻠﻮﺑﺞ ﺗﺮﺓ ﺍﺗﺸﻮﻓﻴﻦ ﻣﻨﻲ ﻭﺟﻪ ﻣﺎﺷﺎﻳﻔﺘﻪ
ﻫﻨﺪ،،ﻋﺎﻓﻨﻲ ﻭﻃﻠﻊ ﺭﮔﻊ ﺍﻟﺒﺎﺏ ﻭﺭﺍﻩ ﻣﺨﺘﻨﮕﻪ ﺍﺭﻳﺪ ﺑﺲ ﺍﺑﺠﻲ ﺩﺧﻞ ﺍﺭﻭﺡ ﻟﻬﻠﻲ ﻭﻋﻮﺩ ﺑﺎﺟﺮ ﺍﺟﻴﻚ ﺭﻛﺾ ﺍﺫﺍ ﻣﺎﺑﻘﻴﺖ ﺍﺳﺒﻮﻉ ﻣﺎﺍﻛﻮﻥ ﻫﻨﺪ
ﺍﺧﺬﺕ ﺟﻨﻄﻪ ﻭﺣﺠﻴﺖ ﺑﻴﻬﺎ ﻛﻢ ﻟﺒﺴﻪ ﺍﺑﺪﻝ ﺑﻴﻬﻦ ﺍﻫﻨﺎﻙ ﺣﻄﻴﺖ ﺍﻟﺠﻨﻄﻪ ﺑﻴﺪﻱ ﻟﺒﺴﺖ ﻋﺒﺎﺗﻲ ﻭﻧﺰﻟﺖ ﺳﻠﻤﺖ ﻋﻠﺊ ﻋﻤﺘﻲ ﻭﻃﻠﻌﺖ ﻟﮕﻴﺘﻪ ﻳﻨﺘﻀﺮﻧﻲ ﺑﺎﻟﺴﻴﺎﺭﺓ ﻻﺑﺲ ﺍﻟﻨﻀﺎﺭﺍﺕ ﻭﺷﺎﻣﺮ ﺟﻬﺎ ﻣﻦ ﺍﻟﺸﻤﺎﻍ ﻟﻮﺭﺓ
ﺻﻌﺪﺕ ﻳﻤﻪ ﻭﺣﺮﻙ ﺍﻟﺴﻴﺎﺭﺓ ﺑﻘﻴﻨﻪ ﺳﺎﻛﺘﻴﻦ ﻃﻮﻝ ﺍﻟﻄﺮﻳﻖ ﻭﻫﻮ ﻳﺠﺮ ﺣﺴﺮﺍﺕ ﻣﺪﺭﻱ ﺍﺷﺒﻲ
ﺍﺧﺮ ﺷﻲ ﺷﻐﻞ ﺍﻏﻨﻴﺔ
ﺳﺤﺐ ﻧﻔﺲ ﻗﻮﻱ ﻭﮔﺎﻝ ﺣﻦ ﻭﺍﻧﻪ ﺍﺣﻦ
ﺍﻧﺘﺒﻬﺖ ﻟﻼﻏﻨﻴﻪ
ﺣﻦ ﻭﺍﻧﻲ ﺍﺣﻦ
ﻳﻞ ﺗﻤﺸﻲ ﺑﻴﻪ ﻭﻳﻪ ﺍﻟﻨﻔﺲ
ﺭﻭﺣﻲ ﻭﻳﻪ ﺭﻭﺣﻚ ﺗﻨﺴﻪ ﺣﻦ
ﻭﺍﻧﻪ ﺍﺣﻦ
ﺑﻌﺪﻫﺎ ﮔﺎﻝ
ﺟﻔﻨﻚ ﺟﻨﺢ ﻓﺮﺍﺷﻪ ﻏﺾ
ﻭﺍﺣﺠﺎﺭﺓ ﺭﻣﺸﻲ ﻭﻣﺎﻏﻤﺾ ﺣﻦ
ﻭﺍﻧﻲ ﺍﺣﻦ
ﺑﻌﺪﻫﺎ ﻃﻔﻪ ﺍﻻﻏﻨﻴﻪ ﻻﻥ ﺻﺎﺭ ﻭﻗﺖ ﺍﺫﺍ ﺍﻟﻀﻬﺮ
ﻧﺺ ﺳﺎﻋﻪ ﺍﻭﺻﻠﻨﻪ ﻟﻬﻠﻲ ﻣﺎﻗﺒﻞ ﻳﻨﺰﻝ ﺍﻧﺘﻀﺮﻧﻲ ﻟﻤﻦ ﺩﺧﻠﺖ ﻳﻠﻪ ﺭﺍﺡ ﻭﮔﺎﻝ ﺑﺎﺟﺮ ﺍﻟﺼﺒﺢ ﺍﺟﻲ ﺍﺧﺬﺝ
ﻋﺎﻓﻨﻲ ﻭﺭﺍﺡ ﺍﺗﻠﮕﺘﻨﻲ ﻫﺪﻳﻞ ﻭﻫﺎﻟﻪ ﺣﻀﻨﻨﻲ ﻭﺩﮒ ﻣﺒﺎﻭﺱ ﻋﺒﻦ ﻣﺸﺘﺎﻏﺘﻠﻬﻦ ﺩﺧﻠﻨﻪ ﻟﻠﺒﻴﺖ ﻭﻫﻨﻪ ﻳﺴﺄﻟﻦ ﻣﻨﻮ ﺟﺎﺑﺞ ﻭﺷﻌﺠﺐ ﺍﺟﻴﺘﻲ
ﺷﻔﺖ ﺍﻣﻲ ﻭﺍﺧﻮﺗﻲ ﺑﻮﺳﺘﻬﻢ ﻓﺪﻭﺓ ﻣﻴﺘﻪ ﺍﻋﻠﻪ ﺷﻮﻓﺘﻬﻢ
ﺑﻌﺪﻫﺎ ﺩﺧﻠﺖ ﺍﻟﺤﺠﺮﺓ ﺣﺒﻮﺑﺘﻲ
ﺍﻡ ﺣﻤﻴﺪ،،ﻫﻠﻪ ﻭﺍﻟﻠﻪ ﺑﻨﺖ ﺣﺎﻛﻢ ﺯﻳﻦ ﺫﻛﺮﺗﻲ ﻋﻨﺪﺝ ﺍﻫﻞ ﺣﮕﻬﻢ ﺍﻋﻠﻴﺞ
ﻫﻨﺪ،،ﺣﺒﻴﺘﻬﺎ ﻭﺣﺒﻴﺖ ﺍﻳﺪﻫﺎ ﻭﺭﺍﺳﻬﺎ ﻭﻫﻲ ﺗﺴﺤﺐ ﺍﻳﺪﻫﺎ ﺯﻋﻼﻧﻪ ﺍﻋﻠﻴﻪ
ﮔﺘﻠﻬﺎ ﻭﺍﻟﻠﻪ ﻳﺤﺒﻮﺑﻪ ﻣﻮﺑﻴﺪﻱ ﺗﺪﺭﻳﻦ ﺑﻄﻼﺑﺔ ﺍﻧﻮﺭ ﻭﻳﻪ ﺍﻋﻴﺎﻟﻲ ﻭﺍﻟﻮﺍﺩﻡ ﺭﺍﻳﺤﺔ ﺭﺍﺩﺓ ﺧﻄﺎﺭ ﻭﻣﻠﺘﻬﻴﻦ
ﻭﻓﺸﻠﻪ ﺍﻟﻮﺍﺩﻡ ﻣﺎﺷﺎﻳﻔﻪ ﺩﺭﺑﻬﺎ ﺍﺟﻲ ﺍﻧﻲ ﺍﮔﻠﻬﻢ ﻭﺩﻭﻧﻲ ﻟﻬﻠﻲ
ﺍﻡ ﺣﻤﻴﺪ،،ﻋﻔﻴﻪ ﺑﻨﺖ ﺣﺎﻛﻢ ﻣﻌﺪﻟﻪ ﻣﺜﻞ ﺍﺑﻮﺝ ﺑﺲ ﺍﻧﻪ ﻣﺸﺘﺎﻏﺔ ﺍﺩﺍﻫﺮﺝ ﻋﺒﻦ ﺍﻟﺤﻮﺵ ﺑﻠﻴﺎﺝ ﻭﺣﺸﻪ
ﺍﻡ ﻫﻨﺪ،،ﺍﺑﻨﺘﻲ ﺍﺷﻠﻮﻧﻬﻢ ﻭﻳﺎﺝ ﺧﻮ ﻣﺎﺳﻤﻌﺘﻲ ﺣﺠﻲ ﻣﻨﻬﻢ ﺑﺴﺒﺐ ﺍﻧﻮﺭ ﺍﻻﺩﺏ ﺳﺰ
ﻫﻨﺪ،،ﻻﻳﻤﻪ ﻣﺤﺪ ﺳﻤﻌﻨﻲ ﻛﻠﻤﻪ ﻭﻻﺟﺎﺑﻮ ﻃﺎﺭﻱ ﻟﻠﺴﺎﻟﻔﻪ ﻭﺣﺘﺊ ﻣﻦ ﻳﺤﺠﻮﻥ ﻳﺤﺠﻮﻥ ﻭﺣﺪﻫﻢ ﻣﻮﺟﺪﺍﻣﻲ
ﺍﻡ ﻫﻨﺪ،،ﻭﻫﺬﺍﻝ ?
ﻫﻨﺪ،،ﻫﺬﺍﻝ ﺷﻴﺦ ﺍﻟﺸﺒﺎﺏ ﻭﻣﻌﺪﻝ ﻭﺧﻮﺵ ﺯﻟﻤﻪ ﺯﻳﻦ ﻭﻳﺎﻱ ﻭﻣﺪﺍﺭﻳﻨﻲ ﻣﺜﻞ ﺍﻟﻤﺎﻱ ﺍﻟﺒﺼﻴﻨﻴﻪ
ﺑﺲ ﻫﻮ ﺣﺰﺕ ﺑﺨﺎﻃﺮﺓ ﻻﻥ ﺍﺑﻮﻱ ﻣﺎﺟﺎﻳﺒﻠﻪ ﻃﺎﺭﻱ ﻋﻦ ﺧﻄﺒﺘﻲ ﻣﻦ ﺣﻴﺪﺭ ﻫﻮ ﻣﺎﺯﻋﻼﻥ ﻻﻥ ﺟﻨﺖ ﻣﺨﻄﻮﺑﻪ ﻫﻮ ﺯﻋﻼﻥ ﻻﻥ ﻣﺎﻋﻨﺪﺓ ﻋﻠﻢ ﻭﻫﺬﺍ ﺣﮕﻪ
ﺍﻡ ﺣﻤﻴﺪ،،ﺍﻟﻤﻬﻢ ﺑﻨﻴﺘﻲ ﻫﻮ ﺯﻳﻦ ﻭﻳﺎﺝ ??
ﻫﻨﺪ،،ﺍﻛﺜﺮ ﻣﻦ ﺯﻳﻦ ﺣﺒﻮﺑﻪ
ﺭﺩﺕ ﺍﻛﻤﻞ ﺩﺷﺖ ﺳﻠﻮﺉ ﺍﻟﻀﺤﺠﻪ ﺗﺎﺭﺳﻪ ﺍﻟﺤﻠﮓ ﻧﻬﻀﺖ ﻣﻦ ﻣﺠﺎﻧﻲ ﺣﻀﻨﺘﻬﺎ ﻭﺑﻮﺳﺘﻬﺎ
ﺳﻠﻮﺉ،،ﻭﻟﺞ ﻣﺸﺘﺎﻏﺘﻠﺞ ﻳﺒﺬﺍﺗﻪ ﺩﻭﻡ ﺍﺫﻛﺮ ﺳﻮﺍﻟﻔﺞ ﻭﺍﺿﺤﻚ
ﻭﻫﺴﻪ ﺍﺟﻴﺖ ﺍﺳﻤﻌﺞ ﺗﺤﺠﻴﻦ ﺑﻬﺬﻳﻞ ﻫﻬﻬﻬﻬﻪ
ﻣﺎﻛﻮ ﺯﻳﻦ ﻣﺜﻠﻪ ﻣﻨﺎ ﻣﻨﺎ
ﻫﻨﺪ،،ﺍﻣﻲ ﻭﺣﺒﻮﺑﺘﻲ ﻃﮕﻨﻬﺎ ﺿﺤﻜﻪ ﻭﺳﻠﻮﺉ ﺟﺮﺗﻨﻲ ﻫﻤﺴﺖ ﻳﻢ ﺍﺫﻧﻲ
ﺳﻠﻮﺉ، ،ﺍﻧﻪ ﺍﺫﻛﺮ ﺍﺧﺮ ﭼﻠﻤﻪ ﺑﻴﻨﺎﺗﻨﻪ ﺑﺬﻳﺞ ﺟﻴﺘﺞ ﮔﻠﺘﻲ ﻣﺨﺒﻞ ﻣﻌﻘﻮﻟﻪ ﻋﻘﻞ ﺍﻟﺨﺒﻞ ﻣﺎﻟﺘﺞ ??
ﻫﻨﺪ،ﻋﻀﻴﺘﻠﻬﺎ ﺷﻔﻪ ﮔﺘﻠﻬﺎ ﻭﻟﺞ ﺍﺳﻜﺘﻲ ﻓﻀﺤﺘﻴﻨﻪ ﺷﺎﻳﻔﺘﻠﺞ ﺧﺒﻞ ﻳﻌﻘﻞ ?
ﺑﻌﺪﻫﺎ ﺍﻣﻲ ﮔﺎﻣﺖ ﻫﻲ ﻭﺍﺧﻮﺍﺗﻲ ﻳﺴﻮﻥ ﻋﺸﻪ
ﻭﺣﺒﻮﺑﺘﻲ ﻧﺎﻣﺖ ﻋﻔﻨﺎﻫﺎ ﻭﻃﻠﻌﻨﻪ ﺫﺑﻴﺖ ﻋﺒﺎﺗﻲ ﻭﻟﺒﺴﺖ ﺩﺷﺪﺍﺷﻪ ﻭﺧﻠﻴﺖ ﺣﺠﺎﺑﻲ ﻉ ﺭﺍﺳﻲ ﻭﻃﻠﻌﺖ ﻭﺭﺓ ﺍﻟﺒﻴﺖ ﺑﺎﻟﺤﺪﻳﻘﻪ ﻭﻳﻪ ﺳﻠﻮﺉ
ﺳﻠﻮﺉ،،ﻭﻟﺞ ﺑﺸﺮﻳﺘﻲ ﺍﺷﻠﻮﻧﻪ ﻭﻳﺎﺝ ﺻﺪﮒ ﺯﻳﻦ ?بيج قصص عراقيه حقيقيه من واقعنا.روعه الطائي
ﻫﻨﺪ،،ﻭﺍﻟﻠﻪ ﻳﺎﺳﻠﻴﻮﺍﻥ ﻧﺺ ﻭﻧﺺ ﺳﺎﻋﻪ ﺍﺗﺸﻮﻓﻲ ﺷﻤﺤﻼﻩ ﻭﺳﺎﻋﻪ ﻳﻨﺘﻞ ﻧﺘﻞ
ﺳﻠﻮﺉ،،ﻫﻬﻬﻬﻬﻬﻬﻪ
ﻋﻤﻲ ﺣﻘﻪ ﺍﮔﻠﺞ ﻣﺎﻳﻤﻜﻢ ﻭﺣﺪﺓ ﺗﺤﻒ ﺍﺷﻮﺍﺭﺑﺞ ﺻﺎﻳﺮﺍﺕ ﻣﺜﻞ ﺷﻮﺍﺭﺏ ﻫﺘﻠﺮ
ﻫﻨﺪ،،ﻻ ﺍﻧﻪ ﻣﺘﻐﺼﺪﺓ ﺍﺧﻠﻴﻬﻦ ﻋﺒﻦ ﺍﺭﻳﺪ ﺍﺣﻠﻒ ﺑﻴﻬﻦ ﻣﻦ ﻳﺤﻠﻔﻮﻧﻲ ﺍﮔﻠﻬﻢ ﺍﺧﺬﻭ ﺍﻟﺴﺎﻟﻔﻪ ﻣﻦ ﺷﺎﺭﺑﻲ ﻫﻬﻬﻬﻬﻬﻪ
ﺳﻠﻮﺉ،،ﻫﻬﻬﻬﻬﻬﻪ ﻭﺟﻌﺔ ﺍﺑﻮﻱ ﺑﺎﺟﺮ ﺍﺣﻔﻠﺞ ﺧﻞ ﺍﻟﺰﻟﻤﻪ ﻳﺘﻬﻨﺊ ﺷﻮﻳﻪ ﻣﻮﻋﺒﺎﻟﻚ ﺍﺧﻮ ﻣﺎﺟﺪ ﻧﺎﻳﻢ ﻳﻤﻪ
ﻫﻨﺪ،،ﻣﺎﺍﻟﺤﮓ ﻻﻥ ﺑﺎﺟﺮ ﺍﻟﺼﺒﺢ ﻳﺠﻲ ﻳﺎﺧﺬﻧﻲ
ﺳﻠﻮﺉ،ﺷﻌﻨﺪﺝ ﺍﺟﻴﺘﻲ ﺍﺫﺍ ﺑﺎﺟﺮ ﺍﺗﺮﺩﻳﻦ ﺷﻨﻠﺤﮓ ﺍﻧﺸﻮﻑ ﻣﻨﺞ ?
ﻫﻨﺪ،،ﻣﺎﻳﻘﺒﻞ ﮔﺎﻝ ﺑﺎﺟﺮ ﺍﺟﻴﺞ
ﺳﻠﻮﺉ،،ﺧﺎﺑﺮﻱ ﺍﻟﺼﺒﺢ ﻭﮔﻠﻴﻠﻪ ﺣﺒﻮﺑﺘﻲ ﻣﻮﺍﺗﻪ ﻭﻣﺎﺍﮔﺪﺭ ﺍﻋﻮﻓﻬﺎ
ﻫﻨﺪ،،ﮔﺒﺮ ﻟﻴﺶ ﻣﻔﺎﻭﻟﻪ ﺍﻟﺤﺒﻮﺑﺘﻲ ﺑﻴﺶ ﻃﺎﻟﺒﺘﻬﺎ
ﺳﻠﻮﺉ،،ﻭﻟﺞ ﻏﺎﺑﻞ ﺻﺪﮒ ﺣﺒﻮﺑﺘﺞ ﺍﻏﻮﺉ ﻣﻨﻲ ﺍﺫﺍ ﻧﺘﻼﻭﺓ ﺍﻧﻲ ﻭﻳﺎﻫﺎ ﺗﺤﻄﻨﻲ ﺟﻮﺍﻫﺎ ﻭﺗﻨﻌﻞ ﺳﻠﻔﻪ ﺳﻠﻔﺎﻱ ﻻﺗﺨﺎﻓﻴﻦ ﻛﻠﺸﻲ ﻣﺎﻳﺼﻴﺮ ﺑﻴﻬﺎ
ﻫﻨﺪ،،ﺍﺫﺍ ﺍﮔﻠﻪ ﺍﺑﻘﻪ ﺧﺎﻑ ﻳﺰﻋﻞ ﻭﻳﺴﻮﻳﻠﻲ ﻣﺸﻜﻠﻪ
ﺳﻠﻮﺉ،،ﻭﻟﺞ ﻣﺸﻜﻠﺘﻴﺶ ?
ﻣﻦ ﺯﻣﺎﻥ ﻣﺎﺟﺎﻳﻪ ﻭﺍﻧﺮﻳﺪ ﺍﻧﺸﻮﻓﺞ ﻭﻫﻢ ﺑﺎﺟﺮ ﺍﻟﻤﻠﭽﻪ ﻋﻘﺪ ﻗﺮﺍﻥ ﺣﻴﺪﺭ ﻭﺑﺖ ﺧﺎﻟﻪ ﺧﻞ ﻧﻠﺒﺲ ﻭﻧﺮﻭﺡ ﻧﺘﻮﻧﺲ
ﻫﻨﺪ،،ﻭﺍﻟﻠﻪ ﻣﺎﺍﺭﻭﺡ ﻟﻮ ﺷﻴﺼﻴﺮ
ﺍﻧﻮﺭ ﺍﻟﻄﻌﻨﻲ ﺑﺸﺮﻓﻲ ﻭﺷﻮﻩ ﺳﻤﻌﺘﻲ ﺟﺪﺍﻡ ﺯﻟﻤﺘﻲ ﺍﻃﺐ ﺑﻴﺘﻪ ﻟﻮ ﺍﻣﻮﺕ ﻣﺎﺍﻭﺻﻠﻬﻢ
ﺳﻠﻮﺉ،،ﺑﻜﻴﻔﺞ ﺣﺘﺊ ﺍﻧﻪ ﻣﺎﺍﺭﻭﺡ ﻋﺒﻦ ﻣﺮﺓ ﻋﻤﺞ ﻣﺎﺗﺘﮕﺎﺑﻞ ﭼﻨﻬﺎ ﻣﺴﻌﻮﺩﺓ ﺍﻟﺨﺒﻠﻪ
ﻫﻨﺪ،،ﻫﻬﻬﻬﻬﻬﻬﻬﻪ ﻭﺍﻧﻪ ﺍﮔﻮﻝ ﺗﺸﺒﻬﻤﻦ
ﺳﻠﻮﺉ،ﻳﺎﻟﻠﻪ ﺳﻮﻟﻔﻴﻠﻲ ﺷﺼﺎﺭ ﻣﺎﺻﺎﺭ ﺍﻧﻪ ﻣﻮﺍﻣﺞ ﻭﺣﺒﻮﺑﺘﺞ ﺣﺘﺊ ﺍﺻﺪﮒ ﺑﺠﺬﺑﺞ
ﻫﻨﺪ،،ﮔﻌﺪﺕ ﺍﺣﺠﻴﻠﻬﺎ ﻣﻦ ﺳﻤﻌﻨﻲ ﺍﮔﻮﻝ ﻋﻨﻪ ﺧﺒﻞ ﻭﻣﻦ ﺍﺗﻘﺮﺑﻠﻲ ﺑﻮﺣﺸﻴﻪ ﻭﺑﺪﻭﻥ ﺭﺣﻤﻪ ﻭﺳﺎﻟﻔﺔ ﺍﻧﻮﺭ ﺍﻟﺘﻤﻤﺖ ﺍﻟﺴﺒﺤﻪ
ﻣﺎﺧﻠﻴﺖ ﺷﻲ ﻣﺎﺣﺠﻴﺘﻪ ﻋﺒﻨﻬﺎ ﺗﻌﺮﻓﻨﻲ ﻭﻣﻮﻣﺎﻝ ﺍﺿﻢ ﻋﻨﻬﺎ
ﺳﻠﻮﺉ،،ﻭﺟﻌﺖ ﺟﺪﻱ ﻟﻠﺨﺒﻞ . ﻳﻌﻤﻲ ﺻﺪﮒ ﺧﺒﻞ ﻭﻣﺮﻭﺫﻥ ﻭﺍﻧﺘﻲ ﺻﺎﺭ ﺳﺎﻋﻪ ﺍﺗﻨﻔﺨﻴﻦ ﺑﻲ ﻭﺯﻳﻦ ﻭﺯﻳﻦ ﻭﻣﺎﻛﻮ ﻣﻨﻪ ﻃﻠﻊ ﻣﺼﻴﺒﻪ ﻫﺬﺍﻟﺞ
ﻫﻨﺪ،،ﺑﺲ ﺍﻟﻴﻮﻡ ﺯﻳﻦ ﻣﺪﺭﻱ ﺷﻤﺎﻟﻪ
ﺳﻠﻮﺉ،،ﻧﺎﺯﻝ ﻋﻠﻲ ﺍﻟﻮﺣﻲ
ﻫﻨﺪ،،ﮔﻠﻴﻠﻲ ﺷﺴﻮﻱ ﻻﻥ ﺗﻌﺒﺖ ﺻﺎﺭ ﺷﻬﺮ ﻭﻧﺺ ﻋﻠﺊ ﻣﻮﺿﻮﻋﻨﻪ ﺍﻧﻪ ﻭﻳﺎﻩ ﻭﺧﺎﻳﻔﻪ ﺍﺫﺍ ﺍﺗﻐﺮﺑﻠﻲ ﻣﺮﺓ ﺍﻟﺜﺎﻧﻴﻪ ﻫﻢ ﻳﺼﻴﺮ ﺑﻴﻨﺎﺗﻨﻪ ﻣﺸﻜﻠﻪ ﻻﻥ ﺍﻭﻝ ﻣﺮﺓ ﺧﻠﺼﻨﺎﻫﺎ ﻣﺮﺍﻓﺲ ﺷﺒﻊ ﺭﻓﺲ ﻣﻦ ﻋﻨﺪﻱ
ﺳﻠﻮﺉ،،ﺗﻌﻠﻤﻴﻨﻲ ﺑﺮﻓﺴﺎﺗﺞ ﺍﻟﻠﻪ ﻳﺴﺎﻋﺪﺓ ﻟﻠﺰﻟﻤﻪ
ﺍﻧﺘﻲ ﺧﺎﺑﺮﻱ ﻭﮔﻠﻴﻠﻪ ﺑﺲ ﺑﺎﺟﺮ ﺍﺑﻘﻲ ﻳﻤﻲ ﺣﺘﺊ ﺍﺧﺬﺝ ﺍﻧﻲ ﻭﺍﻣﺞ ﻝ ﺍﻡ ﺍﺣﻤﺪ ﻓﺎﺗﺤﻪ ﺻﺎﻟﻮﻥ ﻳﺨﺒﻞ ﺍﻟﻪ ﺍﺧﻠﻴﻬﺎ ﺗﮕﻠﺐ ﺧﻠﻘﺘﺞ ﻭﺧﻞ ﺍﻧﺸﻮﻑ ﻫﺬﺍﻟﺞ ﺷﻠﻮﻥ ﻳﺘﺤﻤﻞ
ﻫﻨﺪ،،ﻏﺼﺪﺝ ﻫﻮﻻﻛﻮ ﻫﻬﻬﻬﻬﻬﻬﻪ
ﺳﻠﻮﺉ،،ﺍﮔﻠﺞ ﺻﺪﮒ ﻣﺎﺷﻔﺘﻴﻠﻲ ﻋﻠﺊ ﻣﻌﺮﻓﺘﺞ ﻣﻨﺎﻣﻨﺎ ﻭﻟﺞ ﻃﮕﻨﻲ ﺍﻟﺠﻔﺎﻑ ﻭﺍﻟﺘﺼﺤﺮ
ﺍﺫﺍ ﻋﺮﺳﺖ ﻭﺍﻧﻲ ﺟﺒﻴﺮﺓ ﺑﺎﻟﻌﻤﺮ ﺑﻌﺪ ﻣﺎﺑﻴﻪ ﻏﻮﻣﺎﻧﺴﻴﻪ ﻳﻤﻜﻦ ﺣﺘﺊ ﺫﻳﺞ ﺍﻟﺴﺎﻟﻔﻪ ﺍﺩﺯﻫﺎ ﺍﻟﻪ ﺑﺮﺳﺎﻟﻪ ﻭﻳﻨﻲ ﻭﻳﻦ ﺍﻟﺤﺒﭽﻴﺎﺕ
ﻫﻨﺪ،،ﻫﻬﻬﻬﻬﻬﻬﻬﻪ ﺍﺗﺨﻴﻠﺞ ﺍﺗﻌﺮﺳﻴﻦ ﻭﺍﻧﺘﻲ ﻋﺠﻮﺯ ﻭﺣﺎﻃﻪ ﺗﺨﻢ ﺳﻨﻮﻥ ﻣﻦ ﺗﺒﻮﺳﻴﻦ ﺯﻟﻤﺘﺞ ﺍﻟﻔﭻ ﻣﺎﻟﺘﺞ ﻳﻠﺰﮒ ﺑﺨﺪﺓ
ﺳﻠﻮﺉ،،ﮔﻮﻣﻲ ﻣﺎﻝ ﺍﻟﺒﻼ ﺑﻮﺵ ﺍﻱ ﻭﺍﻟﻠﻪ ﺍﺗﺨﻴﻠﺖ ﺭﻭﺣﻲ ﻭﻛﺮﻫﺘﺞ ﻭﻛﺮﻫﺖ ﺍﻟﻌﺮﺱ
ﻋﺪﻛﻢ ﺯﻟﻢ ﺗﺎﺭﺳﻪ ﺍﻻﻭﻫﺎﺩ ﺻﻴﺪﻳﻠﻲ ﻭﺍﺣﺪ . ﻣﻨﻬﻢ ﻭﻳﻨﻮﻟﺞ ﺛﻮﺍﺏ ﻭﺍﺟﺮ
ﻫﻨﺪ،،ﻭﺍﻟﻠﻪ ﺍﺗﻤﻨﺊ ﺍﺧﺬﺝ ﺍﻝ ﻣﺎﺟﺪ ﻭﻧﺼﻴﺮ ﺍﻧﻪ ﻭﻳﺎﺝ ﻭﺣﺪﺓ ﮔﺮﻳﺒﻪ ﻉ ﺍﻻﺧﺮﺓ ﺍﺗﻮﻧﺲ ﻳﻤﺞ
ﺳﻠﻮﺉ،،ﺑﺮﺭﺭﻭﺡ ﺍﺑﻮﻱ ﻻﺗﻨﺴﻴﻦ ﺧﻠﻴﻨﻲ ﻋﻠﺊ ﺑﺎﻟﺞ ﺣﺘﺊ ﻟﻮ ﺍﻟﺤﺎﺭﺱ ﻣﺎﻟﺘﻜﻢ ﻏﺎﺑﻠﻪ
ﻫﻨﺪ،،ﻧﺤﺠﻲ ﻭﺧﺮﺑﺎﻧﻴﻦ ﺿﺤﻚ ﻫﺬﺍ ﻃﺒﻊ ﺳﻠﻮﺉ ﻣﺜﻞ ﻃﺒﻌﻲ ﺍﻟﺸﺨﺺ ﺍﻟﻤﺎﻳﻌﺮﻓﻬﺎ ﻋﺒﺎﻟﻪ ﺗﺤﺠﻲ ﺻﺪﮒ ﺑﺲ ﻫﻲ ﻛﻼﻣﻬﺎ ﻛﻠﻪ ﺷﻘﻪ
ﻳﺘﺘﺘﺘﺘﺘﺒﻊ