#جبروت_الشيخ_هذال
علي الفتلاوي
#بارت٢
ﻃﻮﻳﺴﺔ ﻣﺎﻱ ﺷﻤﺮﻭﻧﻲ ﺍﻋﻠﻪ ﻣﮕﻔﺔ ﺍﻟﺮﻳﻞ
ﺷﻤﺲ ﺿﻬﺮﻳﺔ ﭼﺎﻧﺖ ﻭﺍﻟﺴﭽﭻ ﺗﻠﺴﻊ 💔
،،،،،،،،،،،،،،،،،
ﻗﺼﺔ ﺟﺒﺮﻭﺕ ﺍﻟﺸﻴﺦ ﻫﺬﺍﻝ
ﻟﻠﻜﺎﺗﺐ ﻋﻠﻲ ﺍﻟﻔﺘﻼﻭﻱ
،،،،،، ،،،،،،،،،،،،،،،،،
ﻭﻫﺬﺍ ﺍﻟﺒﺎﺭﺕ ﺍﻟﺜﺎﻧﻲ ﻭﺍﻟﺒﺎﺭﺕ ﺍﻟﺜﺎﻟﺚ ﻣﺎﺍﻧﺸﺮﺓ ﺍﺫﺍ ﻣﺎﺍﺷﻮﻑ ﻋﺸﺮﺓ ﺍﻟﻒ ﺻﻮﺕ ﺣﺘﺊ ﺗﺮﺗﻔﻊ ﺍﻟﻘﺼﺔ
ﺑﻌﺪ ﺑﻘﺖ ﻳﻤﻜﻢ ﺍﻧﺘﻮ ﻭﺍﻣﺮﻭﺗﻜﻢ 🌷🌷🌷
ﻫﻨﺪ،،ﻣﺮ ﺍﺳﺒﻮﻉ ﻋﻠﺊ ﺭﻭﺣﺔ ﺣﻴﺪﺭ ﺍﻟﺒﻐﺪﺍﺩ
ﺩﺧﻠﺖ ﻣﻦ ﺍﻟﺤﺪﻳﻘﻪ ﻟﻠﺒﻴﺖ ﻭﺍﻧﻪ ﺑﻴﺪﻱ ﺍﻫﺪﻭﻡ ﺣﺒﻮﺑﺘﻲ ﺟﺎﻧﻦ ﻣﺸﺮﻭﺭﺍﺕ ﻉ ﺍﻟﺤﺒﻞ ﺩﺷﻴﺖ ﺣﺠﺮﺗﻬﺎ ﺷﻔﺘﻬﺎ ﺟﺎﻋﺪﺓ ﻫﻲ ﻭﺍﺑﻮﻱ ﻳﺴﻮﻟﻔﻮﻥ ﻣﻦ ﺷﺎﻓﺘﻨﻲ ﻛﻤﻠﺖ ﻛﻼﻣﻬﺎ
ﺍﻡ ﺣﻤﻴﺪ،،ﻳﻤﻪ ﺣﺎﻛﻢ ﺷﻮﻓﺖ ﻋﻴﻨﻚ ﺍﺑﻨﻴﺘﻚ ﻛﺒﺮﺕ ﻭﻫﻲ ﻣﻦ ﺯﻏﺮﻫﺎ ﻣﺤﺠﻮﺯﺓ ﻟﺒﻦ ﺍﺧﻮﻙ
ﺍﻟﻴﻮﻡ ﺍﮔﻌﺪ ﻭﻳﻪ ﺍﺧﻴﻚ ﻭﻓﺾ ﺍﻟﺴﺎﻟﻔﻪ ﻭﻋﺮﺳﻮ ﺍﻭﻻﺩﻛﻢ ﻻﺗﺨﻠﻮﻥ ﺍﻟﻨﺎﺱ ﺗﺴﻮﻟﻒ ﺑﻴﻨﻪ
ﺍﺑﻮ ﻫﻨﺪ،،ﺻﺎﺭ ﻳﻤﻪ ﻣﻦ ﻳﺮﺩ ﺍﻟﻮﻟﺪ ﻧﻔﺘﺢ ﻭﻳﺎﻩ ﺍﻟﻤﻮﺿﻮﻉ ﺣﺘﺊ ﻧﺤﺪﺩ ﻣﻮﻋﺪ ﺍﻟﻌﺮﺱ
ﻫﻨﺪ،،ﻓﺎﺗﺤﻪ ﻛﻨﺘﻮﺭ ﺣﺒﻮﺑﺘﻲ ﺍﺣﻂ ﺑﻬﺪﻭﻣﻬﺎ ﻭﺍﺫﻧﻲ ﻳﻤﻬﻢ ﻣﺪﺭﻱ ﺍﺷﺒﻴﻪ ﺻﺎﺭ ﺑﻴﻪ ﺧﻮﻑ ﻋﻠﺊ ﺍﺭﺗﺒﺎﻙ ﻋﻔﺘﻬﻢ ﻭﻃﻠﻌﺖ ﺍﺭﻛﺾ ﺩﺧﻠﺖ ﺍﻟﺤﺠﺮﺗﻲ ﻭﺳﺪﻳﺖ ﺍﻟﺒﺎﺏ ﻭﮔﻠﺒﻲ ﻋﺒﺎﻟﻚ ﻭﺍﺣﺪ ﻳﺮﻛﺾ ﻭﺭﺍﻩ ﺩﻛﺎﺗﻪ ﺳﺮﻳﻌﻪ
ﺧﺮﺏ ﺣﻀﻲ ﭼﺎ ﺍﻧﻪ ﻣﻮ ﺟﻨﺖ ﻫﺎﻭﻳﻪ ﺍﻟﻌﺮﺱ ﺍﺷﺒﻴﻪ ﻣﻦ ﺻﺎﺭﺕ ﺻﺪﮒ ﺻﺮﺕ ﺟﺒﺎﻧﻪ ﻭﺧﻔﺖ ?
ﻟﻠﻌﺼﺮ ﺍﺟﺖ ﺳﻠﻮﺉ ﻭﺍﻟﻀﺤﻜﻪ ﻣﻦ ﺍﻻﺫﻥ ﻟﻼﺫﻥ
ﺳﻠﻮﺉ،،ﺑﺎﺍﺍﺍﺭﻛﻴﻠﻲ
ﻫﻨﺪ،،ﻣﺒﺮﻭﻙ ﻣﻐﺪﻣﺎ ﺑﺲ ﻭﻟﺞ ﺍﻋﻠﻴﻤﻦ ﺍﺑﺎﺭﻛﻠﺞ
ﺳﻠﻮﺉ،،ﺭﺭﺍﺍﺍﺡ ﺍﻋﺮﺭﺭﺭﺱ
ﻫﻨﺪ،،ﻻ ﺑﺮﻭﺡ ﺍﺑﻮﺝ ﺻﺪﻙ ﺗﺤﺠﻴﻦ ﻟﻮ ﺗﺸﺎﻏﻴﻦ ?
ﺳﻠﻮﺉ،،ﻭﺭﻭﺡ ﺍﺑﻮﻱ ﺻﺪﮒ ﺧﺎﻟﺘﻲ ﻧﺎﺯﻙ ﺟﺎﻧﺖ ﻳﻤﻨﻪ ﺍﻟﻀﻬﺮ ﻭﻛﺎﻟﺖ ﺣﻤﺎﻫﺎ ﻳﺮﻳﺪ ﻣﺮﺓ ﻝ ﺍﺑﻨﻪ ﻭﻫﻲ ﮔﺎﻳﻠﺘﻠﻪ ﺍﻟﻤﺮﺓ ﻳﻤﻲ ﺍﻟﻲ ﻫﻲ ﺍﻧﻪ
ﻫﻨﺪ،،ﺗﺤﺠﻲ ﻭﺗﻮﺯﻉ ﺍﺑﺘﺴﺎﻣﺎﺕ ﻣﺜﻞ ﺍﻟﺨﺒﻠﻪ ﺳﻠﻮﺉ ﺍﻛﺒﺮ ﻣﻨﻲ ﺏ ﺳﻨﺘﻴﻦ ﻃﻮﻳﻠﻪ ﻭﺿﺨﻤﻪ
ﺗﺨﺎﻑ ﻻﻣﺤﺪ ﻳﺘﻐﺪﻡ ﺍﻟﻬﺎ ﻻﻥ ﺑﻨﺎﺕ ﻋﺮﺑﻨﻪ ﻛﻠﻬﻦ ﺍﺗﺰﻭﺟﻦ ﻭﻫﻨﻪ ﺍﺻﻐﺮ ﻣﻨﻬﺎ ﺑﻬﻮﺍﻱ ﻭﺩﻭﻡ ﻳﺴﺎﻟﻨﻬﺎ ﻟﻴﺶ ﻣﺤﺪ ﺩﮒ ﺑﺎﺑﺞ ﻭﺧﻄﺒﺞ ﻟﺬﺍﻟﻚ ﻓﺮﺣﺎﻧﻪ ﺍﺗﺮﻳﺪ ﺑﺲ ﺍﺗﺨﻠﺺ ﻣﻦ ﺍﻟﻘﺎﻝ ﻭﺍﻟﻘﻴﻞ
ﺳﻠﻮﺉ،،ﺑﺎﺟﺮ ﻳﺠﻲ ﻟﻬﻨﺎ ﻭﻳﻪ ﺭﺟﻞ ﺧﺎﻟﺘﻲ ﻳﻄﻠﺒﻮﻧﻲ ﻣﻦ ﻋﻤﺎﻣﻲ ﺍﺍﺍﺥ ﻭﺍﺧﻴﺮﺍ ﺍﺟﻪ ﻓﺎﺭﺱ ﺍﺣﻼﻣﻲ ﻋﻞ ﺍﺣﺼﺎﻥ ﺍﻻﺑﻴﺾ ﻳﺎﺧﺬﻧﻲ ﻭﻳﻄﻴﺮ
ﻫﻨﺪ،،ﺧﺎﻳﺒﻪ ﺍﺭﺳﻴﻠﺞ ﻋﻠﺊ ﺑﺮ ﺍﺣﺼﺎﻥ ﻟﻮ ﺣﻤﺎﻣﻪ ?
ﺳﻠﻮﺉ،،ﺩﻧﭽﺒﻲ ﻓﻐﺼﺘﻲ ﺣﻠﻤﻲ ﻓﻐﺺ ﺍﻟﻤﻬﻢ ﻳﺠﻲ ﺣﺘﺊ ﻟﻮ ﺭﺍﻛﺐ ﻋﮕﺮﻭﮒ
ﻫﻨﺪ،،،ﻫﻬﻬﻬﻬﻬﻪ ﺍﻟﻠﻪ ﻳﻨﻮﻟﺞ ﺍﻟﻲ ﺍﺑﺎﻟﺞ ﻳﺎﺭﺏ
ﺳﻠﻮﺉ،،ﺍﺍﺍﺍﻣﻤﻤﻴﻦ
ﻫﻨﺪ،،ﺑﻘﻴﻨﻪ ﺍﻧﻲ ﻭﻳﺎﻫﺎ ﻧﺴﻮﻟﻒ ﻭﻫﻲ ﺍﻟﺤﻤﺎﺱ ﻋﺪﻫﺎ ﻓﻮﻝ ﻛﻞ ﺍﺷﻮﻳﻪ ﺗﺬﻛﺮ ﻋﺮﻳﺲ ﺍﻟﻐﻔﻠﻪ ﺍﺧﺮ ﺷﻲ ﺍﻣﻬﺎ ﺻﺎﺣﺘﻠﻬﺎ ﻭﺭﺍﺣﺖ ﻭﺍﻧﻲ ﺩﺧﻠﺖ ﺍﺳﺎﻋﺪ ﺍﻣﻲ ﺑﺎﻟﻄﺒﺦ
ﻫﺎﻟﻪ،،ﺍﻧﺘﻲ ﻣﮕﻀﻴﺘﻬﺎ ﺑﺲ ﺳﻮﺍﻟﻒ ﻭﻳﻪ ﺳﻠﻮﺉ ﺍﻟﺒﺎﻳﺮﺓ
ﻫﻨﺪ،،ﺍﺣﺘﺮﻣﻲ ﻧﻔﺴﺞ ﻻﺍﺧﻠﻲ ﺍﺑﻮﻱ ﻳﻜﺴﺮ ﺭﺍﺳﺞبيج قصص عراقيه حقيقيه من واقعنا.روعه الطائي
ﺍﻡ ﻫﻨﺪ،،ﺑﻌﺪ ﻭﺑﻌﺪ ﺍﺗﻤﺎﻟﺨﻦ ﺟﺪﺍﻣﻲ ﮔﻠﻴﻼﺕ ﺍﻻﺩﺏ
ﻫﻨﺪ،،ﻳﻤﻪ ﺍﺗﻌﻴﺮ ﺳﻠﻮﺉ ﺍﻟﺒﺎﻳﺮﺓ
ﻫﺎﻟﻪ،،ﻛﻔﺮﻧﻪ ﺧﻮ ﻣﺎﻛﻔﺮﻧﻪ
ﺍﻡ ﻫﻨﺪ،،ﻛﺎﻓﻲ ﺍﺳﻜﺘﻦ ﻭﺍﻧﺘﻲ ﻻﺗﺘﺸﻤﺘﻴﻦ ﺑﺎﻟﻌﺎﻟﻢ ﺗﺮﺓ ﻳﺠﻲ ﻳﻮﻡ ﻳﺘﺸﻤﺘﻮﻥ ﺑﻴﺞ ﺗﺮﺓ ﺍﻟﻠﻪ ﺑﺎﻟﻤﺮﺻﺎﺩ ﻳﻀﻤﻬﺎ ﺍﻟﺞ ﺍﻟﺒﻌﺪ ﺣﻴﻦ ﻓﻬﻤﺘﻲ ﻳﻬﺎﻟﻪ ?
ﻫﺎﻟﻪ،،ﻓﻬﻤﺖ ﻳﻤﻪ ﻳﺎﺣﺠﺎﻳﻪ ﺭﺩﻱ ﺍﻟﻤﺠﺎﻧﺞ
ﻫﻨﺪ،،ﺭﺍﺣﺖ ﻫﺎﻟﻪ ﻭﻫﻲ ﺍﺩﺭﺩﻡ ﻃﺒﻌﻬﺎ ﺻﻌﺐ ﻭﻣﺎﻳﻌﺠﺒﻬﺎ ﺷﻲ ﻧﻔﺲ ﻃﺒﻊ ﺣﺒﻮﺑﺘﻲ
ﺛﺎﻧﻲ ﻳﻮﻡ ﺍﻟﻌﺼﺮ ﮔﻌﺪﻧﻪ ﺍﻧﻪ ﻭﺳﻠﻮﺉ ﻭﺭﺓ ﺑﻴﺘﻬﻢ ﺍﻟﻔﻀﻮﻝ ﻛﺘﻠﻨﻪ ﺍﻧﺮﻳﺪ ﺍﻧﺸﻮﻑ ﺍﻟﻌﺮﻳﺲ ﻫﻤﻪ ﻣﺘﻔﻘﻴﻦ ﻭﻳﻪ ﺍﻣﻬﺎ ﻭﻋﻤﺎﻣﻬﺎ ﻳﺠﻮﻥ ﺍﻟﻌﺼﺮ
ﻭﺻﺪﮒ ﺷﻮﻳﻪ ﻭﺍﺟﺖ ﺳﻴﺎﺭﺓ ﻭﻛﻔﺖ ﻳﻢ ﺑﺎﺑﻬﻢ ﻧﺰﻟﻮ ﺛﻼﺛﻪ ﻭﺍﺣﺪ ﺷﻴﺦ ﻣﻌﻤﻢ ﻭﺍﻟﺜﺎﻧﻲ ﺭﺟﺎﻝ ﻣﺒﻴﻦ ﺟﺒﻴﺮ ﺑﺎﻟﻌﻤﺮ ﻭﺍﻟﺜﺎﻟﺚ ﻛﺴﺮﺓ ﺍﻟﻮﺟﻪ ﻃﺎﻳﺤﺔ ﺑﻲ ﺍﻟﻲ ﻫﻮ ﺍﻟﻌﺮﻳﺲ ﮔﺼﻴﺮ ﻭﻣﺪﺣﺪﺡ ﺳﻤﻴﻦ ﻛﻠﺶ ﻛﺮﺷﻪ ﮔﺪﺍﻣﻪ ﻭﮔﻮﺓ ﻳﻤﺸﻲ ﻫﺴﻪ ﻟﻮ ﻃﻮﻳﻞ ﻭﺳﻤﻴﻦ ﺑﻴﻬﺎ ﻣﺠﺎﻝ ﺍﻧﮕﻮﻝ ﺿﺨﻢ ﺑﺲ ﻫﺬﺍ ﻣﺎﻳﺘﻮﺻﻒ
ﺍﻟﺘﻔﺘﺖ ﺍﺑﺎﻭﻉ ﺍﻟﺴﻠﻮﺉ ﺍﻟﺠﺎﻧﺖ ﻓﺎﺗﺤﻪ ﺣﻠﻜﻬﺎ ﺍﺫﺭﺍﻉ ﻭﺍﻟﺪﻣﻌﻪ ﺑﻄﺮﻑ ﻋﻴﻨﻬﺎ ﻭﺍﻧﻪ ﮔﻮﺓ ﻛﺎﺗﻤﻪ ﺿﺤﻜﺘﻲ
ﻫﺎﺍ ﺍﺳﻠﻴﻮﺍﻥ ﺍﺷﺒﻴﺞ ﺍﺗﺨﺮﺳﺘﻲ ??
ﺳﻠﻮﺉ،،ﺑﺲ ﻻﻫﺬﺍ ﻫﻮ ﺍﻟﻌﺮﻳﺲ ?
ﻫﻨﺪ،،ﺍﻱ ﻭﺍﻟﻠﻪ ﺍﺿﻨﻪ ﻫﻮ ﻳﺨﻴﻴﻪ
ﺳﻠﻮﺉ،،ﭼﺎ ﺍﻧﻪ ﺍﺻﻮﻣﻦ ﺍﺻﻮﻣﻦ ﻭﺍﻓﻄﺮ ﺍﺑﺼﻠﻪ
ﻫﻨﺪ،،ﻻ ﻭﻟﺞ ﻟﻴﺶ ﺍﺗﻀﻠﻤﻴﻦ ﺍﻟﺒﺼﻠﻪ ﻫﺬﺍ ﻓﻔﻠﻔﻪ ﻣﺎﻝ ﺷﻴﺦ ﻣﺤﺸﻲ
ﺳﻠﻮﺉ،،ﺍﻧﺠﺒﻴﻴﻲ ﻋﺎﺩ ﻭﻛﻌﺖ ﺑﺎﻟﺴﺎﻧﺞ ﻭﻋﻠﻲ ﻟﻮ ﺍﺑﻘﺊ ﺑﺎﻳﺮﺓ ﻃﻮﻝ ﻋﻤﺮﻱ ﻣﺎﺍﺧﺬ ﻫﺬﺍ
ﻫﻨﺪ،،ﻳﺎﺍﺍ ﻭﻟﺞ ﺍﺷﺒﻲ ﻣﺎﺍﺗﺸﻮﻓﻲ ﭼﻨﻪ ﺍﻟﻌﺎﻓﻴﻪ
ﺍﺣﺠﻲ ﺍﺭﻳﺪ ﺍﺳﻜﺘﻬﺎ ﻭﺟﻬﺎ ﺍﻧﻄﻌﻦ ﺍﺣﻤﺮﺭ ﻣﻦ ﺍﻟﻘﻬﺮ
ﺑﻌﺪ ﻧﺺ ﺳﺎﻋﻪ ﺍﻧﺘﻀﺎﺭ ﻋﻠﺊ ﻧﺎﺭ ﺭﺍﺣﻮ ﺍﻟﺰﻟﻢ ﻭﺩﺧﻠﻨﻪ ﺍﻟﺒﻴﺘﻬﻢ ﺍﻣﻬﺎ ﻣﻮﺍﻓﻘﻪ ﻻﻥ ﺍﻟﻮﻟﺪ ﺷﺎﻏﻮﻝ ﻭﻋﻨﺪﺓ ﺳﻮﺑﺮ ﻣﺎﺭﻛﺖ ﻭﺑﻨﻀﺮﻫﻢ ﻫﻠﺸﻲ ﻣﺎﻳﺘﻔﻮﺕ
ﺳﻠﻮﺉ،،ﻳﻤﻤﻪ ﺗﺪﺭﻳﻦ ﺍﺫﺍﺍ ﺍﻧﻄﻴﺘﻮﻧﻲ ﺍﻟﻬﺬﺍ ﺍﻟﻤﺪﻋﺒﻞ ﺍﺣﺮﺭﮒ ﺭﻭﺣﻴﻲ
ﺍﻡ ﺍﺑﺮﺍﻫﻴﻢ،،ﻭﻟﺞ ﻳﻤﻪ ﺍﺳﺘﻬﺪﻱ ﺑﺎﻟﺮﺣﻤﻦ ﺍﻟﺰﻟﻤﻪ ﻣﺎﻳﺘﻌﻴﺐ ﻗﺎﺑﻞ ﻣﺎﺧﺬﺗﻪ ﻣﻨﻀﺪ ﻭﺍﺗﻨﻀﺪﻳﻦ ﻋﻠﻲ ﺍﻓﺮﺍﺷﺞ ﺍﻧﺘﻲ
ﺍﻟﺰﻟﻤﻪ ﻣﺎﻳﻌﻴﺒﻪ ﻏﻴﺮ ﺟﻴﺒﻪ
ﻫﻨﺪ،،ﺳﻠﻮﺉ ﮔﺎﻋﺪﺓ ﺑﺼﻔﻲ ﻭﺗﺘﻜﺮﺿﻢ ﻣﺎﻗﺎﺑﻠﻪ
ﺣﺒﻴﺖ ﺍﻟﻄﻒ ﺍﻟﺠﻮ ﻣﺎﺍﺩﺭﻱ ﺑﺎﻟﻜﻔﺨﻪ ﺍﻟﺮﺍﺡ ﺗﺠﻴﻨﻲ
ﻭﻟﺞ ﺳﻠﻮﺉ ﺭﺟﻠﺞ ﺍﻟﻤﺴﺘﻘﺒﻠﻲ ﻳﻔﻴﺪ ﺑﻜﻞ ﺣﺎﻻﺗﻪ
ﻣﺜﻼ ﻳﻔﻴﺪﺝ ﺗﺴﻮﻱ ﺑﺮﻣﻴﻞ ﻣﺎﻝ ﻧﻔﻂ ﻟﻮ ﺳﻄﻞ ﻣﺎﻝ ﻃﺮﺷﻲ
ﺑﺲ ﺍﻧﻪ ﺍﺷﻮﻑ ﺍﺣﺴﻦ ﺷﻲ ﺑﺲ ﮔﺼﻲ ﺭﺍﺳﻪ ﻳﺼﻴﺮ ﺗﺮﻣﺰ ﻣﺎﻝ ﻣﺎﻱ ﻫﻬﻬﻬﻬﻬﻪ
ﺳﻠﻮﺉ،،ﻭﻣﺮﺭﺭﺽ ﺍﺗﻌﻴﺒﻴﻦ ﺣﻘﻴﺮﺭﺓ
ﻫﻨﺪ،،ﻫﻬﻬﻬﻬﻬﻬﻬﻪ ﻻ ﻭﺍﻟﻠﻪ ﺑﺲ ﺟﺎﻱ ﺍﺗﺨﻴﻞ ﺷﻜﻠﻪ ﻭﻫﻮ ﺗﺮﻣﺰ
ﺳﻠﻮﺉ،،ﺍﻧﻲ ﺍﻋﻠﻤﺞ ﻏﺒﺮﺓ
ﻫﻨﺪ،،ﺍﻻﻋﺐ ﺑﺤﻮﺍﺟﺒﻲ ﻭﺍﺿﺤﻚ ﻭﺳﻠﻮﺉ ﺍﺗﺮﻳﺪ ﺗﻨﻔﺠﺮ ﺗﺎﻟﻲ ﺍﻣﻬﺎ ﻣﻦ ﺷﺎﻓﺘﻬﺎ ﻫﻴﺞ ﺭﺍﻓﻀﻪ ﺭﺩﺗﻠﻬﻢ ﺍﻟﺨﺒﺮ ﺑﺎﻟﺮﻓﺾ ﻭﺳﻠﻮﺉ ﺍﺩﮒ ﻭﺗﺮﮔﺺ ﻣﻦ ﺍﻟﻔﺮﺣﻪبيج قصص عراقيه حقيقيه من واقعنا.روعه الطائي
ﺑﻌﺪ ﻳﻮﻣﻴﻦ ﺭﺟﻊ ﺣﻮﻳﺪﺭ ﻣﻦ ﺑﻐﺪﺍﺩ ﻭﺣﺒﻮﺑﺘﻲ ﻭﺍﺑﻮﻱ ﻧﺎﻭﻳﻦ ﻳﻔﺎﺗﺤﻮ ﻭﻳﺤﺪﺩﻭﻥ ﻣﻮﻋﺪ ﺍﻟﻌﺮﺱ
ﺑﻠﻴﻞ ﺍﺑﻮﻱ ﮔﺎﻝ ﺣﻀﺮﻱ ﭼﺎﻱ ﻋﻤﺞ ﺭﺍﺡ ﻳﺠﻲ ﻟﻬﻨﺎ ﻫﻮ ﻭﺍﺑﻨﻪ
ﺭﺣﺖ ﺣﻀﺮﺕ ﺍﻟﺠﺎﻱ ﻭﺷﻮﻳﻪ ﻭﺳﻤﻌﺖ ﺻﻮﺕ ﺩﮔﺖ ﺍﻟﺒﺎﺏ ﻋﺮﻓﺘﻬﻢ ﻫﻤﻪ ﺍﻻﺟﻮ ﺩﺷﺸﻬﻢ ﺍﺑﻮﻱ ﺍﻟﺤﺠﺮﺓ ﺣﺒﻮﺑﺘﻲ ﻭﺍﻧﻪ ﺣﻀﺮﺕ ﺍﻟﺠﺎﻱ ﻭﺍﺗﺴﻨﻂ ﻟﻠﺤﺠﻲ
ﺍﺑﻮ ﻫﻨﺪ،،ﺧﻮﻳﻪ ﺣﻤﻴﺪ ﺍﻧﻪ ﺩﺯﻳﺖ ﻋﻠﻴﻚ ﺍﻧﺘﻪ ﻭﺍﺑﻨﻚ ﺣﺘﺊ ﺍﻓﺘﺢ ﻭﻳﺎﻛﻢ ﻣﻮﺿﻮﻉ ﺣﻮﻳﺪﺭ ﻭﻫﻨﺪ ﺍﻟﺴﺎﻟﻔﻪ ﺻﺎﺭﺕ ﻃﻮﻳﻠﻪ ﻭﺍﻟﺒﺖ ﻣﺤﺠﻮﺯﺓ ﻣﻦ ﺯﻏﺮﻫﺎ ﻝ ﺍﺑﻨﻚ ﺍﻧﻪ ﺍﺷﻮﻑ ﺍﻧﻔﺾ ﺍﻟﺴﺎﻟﻔﻪ ﻭﺍﻧﺤﺪﺩ ﻣﻮﻋﺪ ﺍﻟﻌﺮﺱ
ﺍﺑﻮ ﺣﻴﺪﺭ،،ﻭﺍﻟﻠﻪ ﻳﺎﺧﻮﻳﻪ ﻳﺎﺭﻳﺖ ﺍﻧﻪ ﻫﻢ ﺭﺍﻳﻲ ﻣﻦ ﺭﺍﻳﻚ
ﺣﻴﺪﺭ،،ﭼﺎﺍﺍ ﺍﻧﻪ ﺷﻨﻮﻭ ﺧﺮﺍﺍﻋﻪ ﺧﻀﺮﺓ ﺍﻫﻨﺎﺍ
ﻣﻦ ﺭﺧﺼﺘﻚ ﻋﻤﻲ ﺗﺮﺓ ﺍﻟﺰﻭﺍﺝ ﻣﻮ ﺍﺟﺒﺎﺭﻱ ﻭﻻ ﺣﺠﺰ ﻭﻛﻠﻤﻦ ﺍﻟﻪ ﺍﻧﻪ ﺑﻨﺘﻚ ﻣﻦ ﺯﻣﺎﻥ ﺣﺎﺳﺒﻬﺎ ﺣﺴﺒﺔ ﺭﻭﺉ ﺍﺧﺘﻲ ﻭﻣﺎﻟﻲ ﻧﻔﺲ ﺑﻴﻬﺎ
ﻻﻥ ﺍﻧﻪ ﻫﺎﻭﻱ ﺑﻨﺖ ﺧﺎﻟﻲ ﻭﺭﺍﻳﺪﻫﺎ ﻭﺍﺫﺍ ﻋﻠﺊ ﻗﺮﺍﺭﻛﻢ ﻑ ﺍﻧﺘﻮ ﺗﺘﺤﻤﻠﻮﻥ ﻧﺘﻴﺠﺘﻪ ﻻﻥ ﻗﺮﺭﺗﻮ ﻣﻦ ﻛﻴﻔﻜﻢ
ﻫﻨﺪ،،ﺍﻟﺪﻧﻴﺔ ﺍﻓﺘﺮﺕ ﺑﻴﺔ ﺍﺭﻳﺪ ﺍﻭﻭﮔﻒ ﻣﺎﺍﮔﺪﺭ
ﺍﻡ ﺣﻤﻴﺪ،،ﺍﻧﻨﺠﺐ ﻭﻟﻚ ﺍﺍﺍﻏﻢ ﺍﻟﺒﺖ ﻣﺤﺠﻮﺯﺗﻠﻚ ﻣﻦ ﺯﻏﺮﻫﺎ ﺗﺎﺍﺍﻟﻲ ﻋﻤﺮﻧﻪ ﺗﺮﻳﺪ ﺍﻧﺘﻪ ﺍﺗﻔﺸﻠﻨﻪ ﺟﺪﺍﻡ ﺍﻟﺨﻠﮓ
ﺣﻴﺪﺭ،،ﺣﺒﻮﺑﻪ ﻫﺬﺍ ﺍﺧﺮ ﻛﻼﻡ ﻋﻨﺪﻱ ﻭﺍﻟﺒﺖ ﺍﻧﻪ ﻣﺎﺭﺍﻳﺪﻫﺎ ﮔﻮﺓ ﻫﻲ ﺧﻮ ﻣﻮ ﮔﻮﺓ
ﻫﻨﺪ،،ﺍﻧﻪ ﻣﺜﻞ ﻭﺍﺣﺪ ﺟﺎﻥ ﺑﺤﻠﻢ ﻭﺫﺑﻮ ﺑﻮﺟﻬﺎ ﻣﺎﻱ ﺣﺒﻴﺖ ﺍﺳﻮﻱ ﺍﻋﺘﺒﺎﺭ ﺍﻟﺮﻭﺣﻲ ﻭﺍﻟﻜﺮﺍﻣﺘﻲ ﻣﺎﻟﮕﻴﺖ ﻧﻔﺴﻲ ﻏﻴﺮ ﺩﺷﻴﺖ ﻋﻠﻴﻬﻢ ﻟﻠﺤﺠﺮﺓ ﺍﻧﻘﺬ ﻣﺎﺗﺒﻘﺊ ﻣﻦ ﻛﺮﺍﻣﻪ
ﺍﻳﺪﺩﺕ ﻛﻼﻡ ﺣﻴﺪﺭ
ﺍﻱ ﺣﺒﻮﺑﻪ ﺍﻧﻪ ﻫﻢ ﻣﺎﺭﺍﻳﺪﺗﻪ ﺑﺲ ﺍﻧﺘﻮ ﺟﺒﺮﺗﻮﻧﻪ ﻭﻣﺸﻴﺘﻮ ﻋﻠﺊ ﻛﻼﻡ ﺻﺎﺭﻟﻪ ﺍﺳﻨﻴﻦ
ﻭﺍﻧﻪ ﻫﻢ ﺍﮔﻠﻜﻢ ﻣﺎﺍﺷﻮﻑ ﺣﻴﺪﺭ ﻏﻴﺮ ﺣﺎﻟﻪ ﺣﺎﻝ ﻋﺒﺪﺍﻟﻠﻪ ﺍﺧﻮﻱ
ﻛﻤﻠﺖ ﻛﻼﻣﻲ ﻭﺍﻟﺘﻔﺘﺖ ﺍﻟﺤﻴﺪﺭ ﺍﻟﻲ ﻛﺎﻥ ﻣﺘﻔﺎﺟﺊ ﺑﻴﻪ
ﺍﺑﻮ ﻫﻨﺪ،،ﻭﻟﻠﻠﻜﻢ ﺷﻨﻮﻭ ﻫﻴﻲ ﻟﻌﺐ ﺧﻮﻣﺎ ﻟﻌﺐ ﻭﺍﻟﻨﺎﺱ ﻭﺍﻟﻌﺎﻟﻢ ?
ﻣﺎﻛﻮﻭ ﻭﺍﺣﺪ ﻣﺎﻳﺪﺭﻱ ﺑﻨﺘﻲ ﻣﺤﺠﻮﺯﺓ ﻟﺒﻦ ﻋﻤﻬﺎﺍﺍﺍ
ﺍﺑﻮ ﺣﻴﺪﺭ،،ﻻ ﺗﻐﻬﺮ ﺭﻭﺣﻚ ﻳﺨﻮﻱ ﻳﺎﺧﺬﻫﺎ ﻭﻏﺼﺒﺎ ﻋﻠﺊ،ﺷﺎﺭﺑﻪ
ﺣﻴﺪﺭ،،ﻭﺍﻟﻠﻪ ﻳﺎﺑﻮﻳﻪ ﻫﺬﺍ ﺍﻟﺤﺠﻲ ﻣﺎﻳﺼﺮﻑ ﻋﻨﺪﻱ ﺍﻧﻪ . ﻛﺘﻠﻜﻢ ﺍﺭﻳﺪ ﺑﻨﺖ ﺧﺎﻟﻲ ﻭﻣﺎﺍﺧﺬ ﻏﻴﺮﻫﺎ
ﺍﻡ ﺣﻤﻴﺪ،،ﺷﻮﻑ ﻭﻟﻚ ﺣﻮﻳﺪﺭ ﻋﺒﺎﻟﻚ ﻣﻦ ﺧﻄﻦ ﺷﻮﺍﺭﺑﻚ ﺻﺮﺕ ﺭﺟﺎﻝ ﺑﺲ ﻣﻊ ﺍﻻﺳﻒ ﻃﻠﻌﺖ ﻓﻠﺴﻴﻦ ﻣﺎﺗﺴﻮﺉ ﺑﺴﻮﮒ ﺍﻟﺰﻟﻢ
ﺣﻴﺪﺭ،،ﺣﺒﻮﻭﻭﺑﻪ
ﺍﻡ ﺣﻤﻴﺪ،،ﺍﻧﺠﺒﺒﺐ ﻭﻟﻚ ﺍﻏﻢ ﻋﺒﺎﻟﻲ ﺑﻴﻚ ﺧﻴﺮ ﻭﺍﻧﻄﻴﻚ ﺯﻳﻨﻪ ﺑﻨﺎﺕ ﺍﻟﺪﻳﺮﺓ ﺑﺲ ﻃﻠﻌﺖ ﻣﺎﺗﺴﺘﺎﻫﻞ ﺍﺿﻔﺮﻫﺎ ﻭﻫﻠﻤﺮﺓ ﺍﻧﻪ ﺍﻟﻤﺎﻏﺎﺑﻠﻪ ﺍﻧﻄﻴﻬﺎ ﺍﻟﻮﺍﺣﺪ ﺯﻋﻄﻮﻁ ﻣﺜﻠﻚ ﻣﺎﻳﻌﺮﻑ ﺷﻨﻬﻲ ﺍﻟﻤﺴﻌﻮﻟﻴﻪ ﺍﻣﺶ ﻭﻟﻲ ﻣﻦ ﺟﺪﺍﻣﻲ ﻻﺑﺎﺭﻙ ﺍﻟﻠﻪ ﺑﻴﻚ
ﻫﻨﺪ،،ﺣﻴﺪﺭ ﻃﻠﻊ ﻣﻦ ﻳﻤﻨﻪ ﻭﺍﻟﻮﺟﻪ ﺍﺳﻮﺩ ﺍﻧﮕﻠﺐ ﻣﻦ ﺭﺯﺍﻟﻪ ﺣﺒﻮﺑﺘﻲ
ﻭﻋﻤﻲ ﺍﻟﺮﺟﺎﻝ ﻣﺎﻳﻌﺮﻑ ﺷﻴﺤﺠﻲ ﺧﺠﻼﻥ ﻣﻦ ﻣﻮﻗﻒ ﺍﺑﻨﻪ
ﺍﺑﻮ ﺣﻴﺪﺭ،،ﻭﺍﻟﻠﻪ ﺧﺠﻼﻥ ﻣﻨﻚ ﻳﺨﻮﻳﻪ ﻭﻋﻠﺊ ﻋﻤﻠﺘﻪ ﻫﺎﻱ ﻭﺍﺟﺐ ﺍﺗﺒﺮﺓ ﻣﻨﻪ ﻻﻥ ﻓﺸﻠﻨﻲ ﺟﺪﺍﻣﻚ
ﺍﺑﻮ ﻫﻨﺪ،،ﻫﺬﺍ ﻫﻮ ﻳﺨﻮﻱ ﻻﺗﺸﻴﻞ ﻫﻢ ﺑﺎﻟﻌﺒﺎﺱ ﺍﺯﻭﺟﻬﺎ ﺗﺎﺝ ﺭﺍﺳﻪ ﺑﺎﻟﻌﻜﺲ ﻣﺎﺿﺎﻳﺞ ﺍﻧﻪ ﻓﺮﺣﺎﻥ ﻻﻥ ﺍﻟﻤﺜﻞ ﺍﺑﻨﻚ ﻣﺎﻳﺘﺎﻣﻦ ﺑﻲ ﺍﺳﻠﻤﻪ ﺑﻨﺘﻲ ﻭﻳﺼﻮﻧﻬﺎبيج قصص عراقيه حقيقيه من واقعنا.روعه الطائي
ﻫﻨﺪ،،ﻋﻤﻲ ﺭﺍﺡ ﻭﺍﻟﻔﺸﻠﻪ ﺭﺍﻛﺒﺘﻪ ﻣﻦ ﺳﺎﺳﻪ ﺍﻟﺮﺍﺳﻪ
ﺍﻣﻲ ﺗﺒﺠﻲ ﻭﺗﻠﻄﻢ ﻻﻥ ﻫﻠﺸﻲ ﻳﻌﺘﺒﺮ ﺟﺒﻴﺮ ﺑﺪﻳﺮﺗﻨﻪ ﻟﻴﺶ ﺍﺑﻦ ﻋﻤﻬﺎ ﻣﺎﺭﺍﺩﻫﺎ ﻭﻫﻲ ﻣﺤﺠﻮﺯﺗﻠﻪ
ﻭﺍﺑﻮﻱ ﺷﻴﺦ ﻋﺸﻴﺮﺗﻨﻪ ﻭﺍﻛﻴﺪ ﻫﺴﻪ ﺍﻟﺨﺒﺮ ﺑﺴﺮﻋﻪ ﻳﻄﺶ . ﻭﺗﺒﺪﻱ ﺍﻟﺴﻮﺍﻟﻒ ﺍﻟﻤﺎﻟﻬﺎ ﻃﻌﻢ
ﺍﺑﻮ ﻫﻨﺪ،،ﺍﻋﻠﻴﻤﻦ ﮔﻠﺒﺘﻴﻬﺎ ﻣﻨﺎﺣﺔ ﻳﻄﺒﻪ ﻣﺮﺽ
ﺍﻡ ﻫﻨﺪ،،ﺟﺎﺍﺍ ﻭﺣﺠﻲ ﺍﻟﻮﺍﺩﻡ ﻫﻢ ﻳﻄﺒﻬﺎﺍﺍ ﻣﺮﺿﻀﺾ ??
ﻫﻨﺪ،،ﺍﻟﺠﻮ ﺑﺎﻟﺒﻴﺖ ﺑﻘﺔ ﺍﺳﺒﻮﻉ ﻣﺘﻮﺗﺮ ﺍﺑﻮﻱ ﺩﻭﻡ ﻋﺼﺒﻲ ﻭﺍﻣﻲ ﺿﻐﻄﻬﺎ ﻣﺮﺗﻔﻊ ﻻﻥ ﻛﻞ ﻭﺣﺪﺓ ﻣﻦ ﺟﻴﺮﺍﻧﻪ ﻭﮔﺮﺍﻳﺒﻨﻪ ﺳﻤﻌﺖ ﺑﺎﻟﺨﺒﺮ ﺍﺟﺖ ﺗﺮﻳﺪ ﺗﻌﺮﻑ ﻫﻠﺨﺒﺮ ﺻﺪﮒ ﻟﻮ ﺟﺬﺏ ﻭﺣﺒﻮﺑﺘﻲ ﺍﺑﺪ ﻣﺎﺍﻧﻄﺖ ﺑﻴﻪ ﺍﺗﮕﻮﻝ ﻟﻠﻌﺎﻟﻢ ﺑﺘﻨﻪ ﻣﺎﺭﺍﺩﺗﻪ ﻋﺒﻨﻬﺎ ﺗﻌﺘﺒﺮﺓ ﻣﺜﻞ ﺍﺧﻮﻫﺎ ﻭﺭﺍﺑﻴﻦ ﺳﻮﺓ ﻣﻦ ﺯﻏﺮﻫﻢ
ﺣﺘﺊ ﺍﻟﻴﺴﻤﻊ ﺑﺎﻟﺨﺒﺮ ﻣﺎﻳﺤﻂ ﺑﺎﻟﺴﺎﻟﻔﻪ ﺃﻧﻪ ﻭﻳﺤﻮﺭﻫﺎ ﻣﻦ ﻳﻤﻪ
ﺍﺑﻮ ﻫﻨﺪ،،ﺑﻮﻳﻪ ﻫﺎﻟﻪ ﺣﻀﺮﻱ ﺍﻟﺒﺸﺖ ( ﺍﻟﻌﺒﺎﻳﺔ ) ﻣﺎﻟﺘﻲ ﺍﺭﻳﺪ ﺍﺗﻮﻛﻞ
ﻫﺎﻟﻪ ،،ﺻﺎﺭ ﺑﻮﻳﻪ ﺗﺪﻟﻞ
ﺍﺑﻮ ﻫﻨﺪ،،ﻭﺍﻧﺘﻲ ﺑﻨﻴﺘﻲ ﻫﻨﻮﺩﺓ ﺳﻮﻳﻠﻲ ﺍﺳﺘﻜﻴﻦ ﺟﺎﻱ ﻋﺒﻦ ﺭﺍﺳﻲ ﻳﻮﺟﻌﻨﻲ
ﻫﻨﺪ،،ﺗﺪﻟﻞ ﻳﺎﺑﻪ
ﺭﺣﺖ ﻟﻠﻤﻄﺒﺦ ﻟﮕﻴﺖ ﺍﻣﻲ ﺗﻠﻒ ﺟﺪﺭ ﺩﻭﻟﻤﻪ
ﺳﻮﻳﺖ ﺍﺳﺘﻜﺎﻥ ﺟﺎﻱ ﻟﺒﻮﻱ ﻭﺻﺒﻴﺘﻠﻪ ﺷﺮﺑﻪ ﺑﺴﺮﻋﻪ ﻻﻥ ﻣﺴﺘﻌﺠﻞ ﺧﻠﻪ ﻭﻃﻠﻊ ﻋﻨﺪﺓ ﺍﻃﻼﺑﻪ ﺍﺳﻤﻌﻪ ﻳﺤﺠﻲ ﺑﻴﻬﺎ ﺻﺎﺭ ﻳﻮﻣﻴﻦ ﻭﻫﻠﻤﺮﺓ ﺍﻟﻄﻼﺑﻪ ﺟﺒﻴﺮﺓ ﺑﻴﻦ ﻋﺸﻴﺮﺗﻴﻦ ﻭﻛﺎﺗﻞ ﻭﻣﭽﺘﻮﻝ ﺑﻴﻬﺎ
ﺭﺟﻌﺖ ﻳﻢ ﺍﻣﻲ ﺍﺳﺎﻋﺪﻫﺎ
ﺍﻡ ﻫﻨﺪ،،ﮔﻮﻣﻲ ﺑﻨﻴﺘﻲ ﺻﺒﻲ ﺍﻟﺤﺒﻮﺑﺘﺞ ﺟﺎﻱ
ﻫﻨﺪ، ﺭﺟﻌﺖ ﺻﺒﻴﺖ ﺍﻟﺤﺒﻮﺑﺘﻲ ﺟﺎﻱ ﻭﺍﻧﻄﻴﺘﻬﺎ
ﺍﻡ ﺣﻤﻴﺪ،،ﻋﻔﻴﻪ ﺍﺑﻨﻴﺘﻲ ﺍﮔﻠﺞ ﻫﺎﺝ ﻫﺬﺍ ﺍﻟﻤﻔﺘﺎﺡ ﻣﺎﻝ ﺑﻮﻓﻴﺘﻲ ﺍﻓﺘﺤﻲ ﺍﻟﺪﻭﻻﺏ ﻭﺍﻧﻄﻴﻨﻲ ﺩﻭﺍﻱ
ﻫﻨﺪ،،ﺍﺧﺬﺕ ﺍﻟﻤﻔﺘﺎﺡ ﻓﺘﺤﺖ ﺩﻭﻻﺑﻬﺎ ﻭﺟﺎﻥ ﻳﻮﮔﻊ ﺑﺤﻀﻨﻲ ﺍﻟﻔﭻ ﻣﺎﻟﺘﻬﺎ ﻓﺰﻳﺖ ﻣﻦ ﺍﻟﺨﺮﻋﻪ ﻭﻫﻮ ﻣﻜﺸﺮ ﺑﺤﻀﻨﻲ
ﺍﻡ ﺣﻤﻴﺪ،،ﻭﺻﮕﻊ ﺍﺷﺎﻳﻔﻪ ﻭﺣﺶ ?
ﻫﻨﺪ،،ﺣﺒﻮﺑﻪ ﻣﺎﻟﺞ ﺿﻤﻪ ﻏﻴﺮ ﺍﻫﻨﺎ ??
ﺍﻡ ﺣﻤﻴﺪ،،ﻻ ﻣﻮ ﺍﻧﻪ ﺭﺩﺕ ﺍﺣﻄﻨﻪ ﺑﻜﻨﺘﻮﺭﺝ
ﻫﻨﺪ،،ﻏﻴﺮ ﺍﺣﺮﮒ ﺍﻫﺪﻭﻣﻲ ﻛﻠﻬﻦ ﺍﺫﺍ ﺻﺪﮒ
ﺍﻡ ﺣﻤﻴﺪ،،ﻣﺎﻝ ﺍﻟﺒﻼﺑﻮﺵ ﺍﻱ ﻭﺍﻟﻠﻪ ﺗﻌﻴﺒﻴﻦ ﺍﻋﻠﻴﻪ ﻭﺍﻋﻠﻪ ﺍﺳﻨﻴﻨﺎﺗﻲ ﺍﻧﻪ ﺑﺸﺒﺎﺑﻲ ﺟﻨﺖ ﺍﺣﻠﺊ ﺑﻨﺎﺕ ﺍﻟﺪﻳﺮﺓ ﻛﻠﻬﻦ
ﻫﻨﺪ،،ﺍﺩﺭﻱ ﺣﺒﻮﺑﻪ ﺍﺩﺭﻱ ﺩﻭﻡ ﺍﺗﮕﻮﻟﻴﻦ ﻫﺎﻱ ﺍﻟﺴﺎﻟﻔﻪ ﺑﺲ ﺗﺮﺓ ﺧﻞ ﺍﮔﻠﺞ ﺷﻐﻠﻪ ﻋﻤﻲ ﺣﻤﻴﺪ ﺫﻳﺞ ﺍﻟﻤﺮﺓ ﻃﻠﻌﻠﻲ ﺻﻮﺭﺗﺞ ﺍﻧﺘﻲ ﻭﺟﺪﻱ ﺟﺎﻋﺪﻳﻦ ﺟﺪﺍﻡ ﺣﻮﺷﻜﻢ ﻣﻦ ﻃﻴﻦ ﺟﺎﻥ
ﻣﻦ ﺷﻔﺘﺞ ﺿﺤﻜﺖ ﻋﺒﺎﻟﻲ ﺻﺪﮒ ﺟﻨﺘﻲ ﺍﺣﻠﺊ ﺑﻨﺎﺕ ﺩﻳﺮﺗﺞ
ﺍﻡ ﺣﻤﻴﺪ،،ﻭﻟﺞ ﻳﺎﻟﺰﺭﮔﻪ ﺍﺗﭽﺬﺑﻴﻨﻲ ??
ﻫﻨﺪ،،ﻫﻬﻬﻬﻬﻬﻪ ﻭﺍﻟﻠﻪ ﻳﺎﺣﺒﻮﺑﻪ ﻣﻦ ﺷﻔﺘﺞ ﻟﺒﺎﻟﻲ ﻏﻨﺎﻣﻴﻪ
ﺍﻡ ﺣﻤﻴﺪ،،ﻫﺴﻪ ﺍﻋﻠﻤﺞ ﺍﻟﻐﻨﺎﻣﻴﻪ ﻣﻨﻮبيج قصص عراقيه حقيقيه من واقعنا.روعه الطائي
ﻫﻨﺪ،،ﮔﻮﺓ ﻧﻬﻀﺘﻠﻲ ﻭﺑﺎﻟﻌﺼﺊ ﻣﺎﻟﺘﻬﺎ ﻃﺎﺣﺘﻠﻲ ﻛﺘﻞ ﻭﺍﻧﻪ ﺧﺮﺑﺎﻧﻪ ﺿﺤﻚ ﺍﺧﺮ ﺷﻲ ﻋﻔﺘﻬﺎ ﻭﺷﺮﺩﺕ ﻭﻫﻲ ﺍﺗﺼﻴﺢ ﺍﻟﺰﺭﻳﮕﺔ ﺍﺗﻌﻴﺐ
أنت تقرأ
جبروت الشيخ هذال
Romantizm#جبروت_الشيخ_هذال عاد معنا الكاتب علي الفتلاوي وقصه جديده ان شاء الله تعجبكم كقصصه السابقات القصة حقيقية وباللهجة الريفية
