جبروت الشيخ هذال

الحلقة 8

#ﺟﺒﺮﻭﺕ_ﺍﻟﺸﻴﺦ_ﻫﺬﺍﻝ

ﻟﻠﻜﺎﺗﺐ ﻋﻠﻲ ﺍﻟﻔﺘﻼﻭﻱ

#بارت٩

ﺍﺷﻠﻮﻥ ﺣﻴﺮﺓ ?
ﻣﻦ ﺷﻔﺖ ﺯﻳﺠﻚ ﻫﺪﻝ
ﻻﺑﻴﻪ ﺍﮔﻠﻚ ﻉ ﺍﻟﻄﻠﻊ
ﻭﻻﺑﻴﻪ ﺍﺳﺪﻥ ﻋﻴﻨﻲ
ﻭﺍﺍﺍﺥ ﻳﮕﻼﺩﺓ ﺭﮔﺒﺘﻚ
ﺧﺎﻑ ﺍﻛﻀﻬﺎ ﻭﺗﻨﮕﻄﻊ
ﻭﺗﺼﻴﺮ ﺑﻴﻬﺎ ﻣﻄﺸﺮﺍﺕ
ﺍﺳﻨﻴﻨﻲ
،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،
ﻫﻨﺪ،،ﻗﺒﻞ ﺻﻼﺓ ﺍﻟﻀﻬﺮ ﺻﺎﺭ ﻻﺯﻡ ﻧﺮﻭﺡ ﻧﺘﻐﺪﺓ ﺍﺑﻴﺖ ﺟﺪﻫﻢ ﺭﺣﺖ ﺷﻔﺖ ﺍﻟﺮﻭﺑﻪ ﻟﮕﻴﺘﻬﺎ ﺟﺎﻣﺪﺓ ﺍﺧﺬﺕ ﺍﻟﺠﺪﺭ ﺑﻴﺪﻱ ﻭﻃﻠﻌﺖ
ﺍﻡ ﻫﺬﺍﻝ،،ﺷﻨﻮ ﻫﺎﺫﺍ
ﻫﻨﺪ،،ﺭﻭﺑﻪ ﻋﻤﻪ ﺳﻮﻳﺘﻬﺎ ﺍﻟﻔﺠﺮ ﻭﮔﻠﺖ ﻧﺘﻐﺪﺓ ﺑﻴﻬﺎ
ﻣﺎﺟﺪ،،ﺷﻴﺮﻳﺪ ﺍﻟﺸﻴﺦ ﺑﻌﺪ ﻣﺮﺗﻪ ﺗﻌﺮﻑ ﻛﻠﺸﻲ
ﺑﺸﺮﻓﻲ ﺍﺫﺍ ﺷﻔﺖ ﺭﻭﺑﺘﺞ ﻃﻴﺒﻪ ﺍﺟﻴﺒﻠﺞ ﻫﻮﺍﻳﺶ ﻭﻧﺒﻴﻊ ﺭﻭﺑﻪ ﺍﻧﻪ ﻭﻳﺎﺝ
ﻫﻨﺪ،،ﺻﺪﮒ ?
ﻣﺎﺟﺪ،،ﻭﺩﺍﻋﺖ ﺣﻤﻴﺪ ﺍﻟﻤﺨﺒﻞ ﺍﺑﻦ ﺟﻴﺮﺍﻧﻪ ﻏﺎﺑﻞ ﺍﻧﻪ ﻣﺠﺬﺏ ﻋﻠﻴﺞ
ﻫﻨﺪ،،ﻳﻘﻠﺪﻧﻲ ﻳﮕﻮﻝ ﻏﺎﺑﻞ ﻋﺮﻓﺘﻪ ﻧﺎﺻﺐ ﻋﻠﻴﻪ
ﻭﺻﻠﻨﻪ ﺍﻟﺒﻴﺖ ﺟﺪﻫﻢ ﺍﻡ ﺿﺎﺭﻱ ﺍﺧﺬﺕ ﻣﻨﻲ ﺍﻟﺠﺪﺭ ﻭﺯﻋﺖ ﺍﻟﺮﻭﺑﻪ ﺑﻄﻮﺱ ﺿﺎﻛﺘﻬﺎ
ﺍﻡ ﺿﺎﺭﻱ، ،ﺍﻧﺘﻲ ﻣﺴﻮﻳﺘﻬﺎ ??
ﻫﻨﺪ،،ﺍﻱ ﻋﻤﻪ
ﺍﻡ ﺿﺎﺭﻱ ،،ﻭﺍﻟﻠﻪ ﻋﺎﺷﺖ ﺍﻳﺪﺝ ﻛﻠﺶ ﻃﻴﺒﻪ
ﻫﻨﺪ،،ﺍﻟﻒ ﻋﺎﻓﻴﻪ ﻋﻤﻪ
ﺻﺒﻴﻨﻪ ﺍﻟﻐﺪﺓ ﺍﺗﻐﺪﻳﻨﻪ ﻭﻛﻞ ﺷﻮﻳﻪ ﻋﻴﻨﻲ ﺗﺠﻲ ﻋﻠﺊ ﻫﺬﺍﻝ ﻭﺟﻬﺎ ﻣﻐﻨﺪﺏ ﻭﻣﺒﻴﻦ ﺿﺎﻳﺞ ﺍﻟﻤﺸﻜﻠﻪ ﻣﺒﻴﻨﻴﻦ ﻣﻮ ﻋﺮﺳﺎﻥ ﻻﺿﺤﻜﻪ ﻻﺳﺎﻟﻔﻪ ﻻﻧﻀﺮﺓ ﺑﻴﻨﺎﺗﻨﻪ ﻋﺒﺎﻟﻚ ﺍﻋﺪﺍﺀ
ﻛﻞ ﻫﺬﺍ ﻭﺍﻧﻲ ﻣﺎﻣﻨﺘﺒﻬﺎ ﻋﻠﺊ ﻧﻀﺮﺍﺕ ﺍﻟﺠﺪ ﻣﻨﺘﺒﻪ ﻟﺤﻔﻴﺪﺓ
ﻛﻤﻠﻨﻪ ﺍﻟﻐﺪﺓ ﻭﺷﺮﺑﻨﻪ ﺟﺎﻱ ﺍﻟﺸﺒﺎﺏ ﻃﻠﻌﻮ ﻭﻫﺬﺍﻝ ﺭﺍﺡ ﻟﻠﺪﻳﻮﺍﻥ ﻭﺟﺪﻫﻢ ﮔﺎﻝ ﺭﺍﺡ ﺍﺑﻘﻪ ﻛﺎﻋﺪ ﺑﺎﻟﺼﺎﻟﻪ ﺷﻮﻳﻪ
ﻋﺪﻫﻢ ﺻﺎﻟﻪ ﻳﻨﺠﻤﻊ ﺑﻴﻬﺎ ﺍﻟﻜﻞ ﻭﻣﻌﺰﻭﻟﻪ ﻋﻦ ﺗﻔﺎﺻﻴﻞ ﺍﻟﺒﻴﺖ ﺍﻟﺒﺎﻗﻴﻪ ﻣﺜﻞ ﺍﻟﻤﻀﻴﻒ ﺑﺲ ﻣﺴﻮﻳﻬﺎ ﺍﻟﻜﻌﺪﺗﻬﻢ ﺑﺎﻟﺪﺍﺧﻞ
ﺻﺎﺣﻠﻲ ﺍﻟﺸﻴﺦ ﺭﺣﺖ ﻳﻤﻪ
ﺍﻟﺸﻴﺦ ﻣﮕﺼﺪ، ،ﻫﻠﻪ ﺑﻮﻳﻪ ﺍﮔﻌﺪﻱ ﻳﻤﻲ
ﻫﻨﺪ،،ﮔﻌﺪﺕ ﻳﻤﻪ ﻭﻣﺮﺗﺒﻜﻪ ﺍﺳﺘﺤﻲ ﻣﻨﻪ ﺭﺟﺎﻝ ﺭﻏﻢ ﻛﺒﺮ ﺳﻨﻪ ﻋﻨﺪﺓ ﻫﻴﺒﻪ ﺗﻔﺮﺽ ﻉ ﺍﻟﺸﺨﺺ ﺍﺣﺘﺮﺍﻣﻪ
ﻛﻌﺪﺕ ﻳﻤﻪ ﻭﺩﻧﻜﺖ
ﺍﻟﺸﻴﺦ، ،ﺍﻱ ﺑﻮﻳﻪ ﺍﺣﺠﻴﻠﻲ ﺍﺷﻠﻮﻧﻪ ﺣﻔﻴﺪﻱ ﻭﻳﺎﺝ ?
ﻫﻨﺪ،،ﺗﻔﺎﺟﺌﺖ ﺑﺴﻮﺍﻟﻪ ﺭﺟﻌﺖ ﺩﻧﮕﺖ ﻛﺘﻠﻪ ﺯﻳﻦ ﺟﺪﻱ
ﺍﻟﺸﻴﺦ،،ﻣﺘﺎﻛﺪﺓ ?
ﻫﻨﺪ،،ﺍ ﺍﻱ ﺟﺪﻱ
ﺍﻟﺸﻴﺦ،،ﺷﻮﻓﻲ ﺑﻮﻳﻪ ﺍﻛﺜﺮ ﻭﺍﺣﺪ ﺑﺎﺍﺣﻔﺎﺩﻱ ﺍﻗﺮﺓ ﻭﺟﻬﺎ ﻭﺍﻋﺮﻑ ﺷﺒﻲ ﻫﻮ ﻫﺬﺍﻝ ﻻﻥ ﺍﺑﻦ ﺍﺑﻨﻲ ﺍﻟﺠﺒﻴﺮ
ﻭﻫﺬﺍﻝ ﻳﺸﺒﻪ ﺍﺑﻮ ﺑﻜﻠﺸﻲ ﻟﺬﺍﻟﻚ ﺍﻧﻪ ﺍﺳﻤﻲ ﺍﺑﻮ ﺍﻻﻛﺒﺮ ﻋﻠﺊ ﺍﺳﻢ ﺍﺑﻮ ﻋﻠﻲ ﺍﻻﻛﺒﺮبيج قصص عراقيه حقيقيه من واقعنا.روعه الطائي
ﺍﺗﻤﻨﺊ ﻳﻄﻠﻊ ﺍﻟﺒﺎﻟﻲ ﻏﻠﻂ ﺑﺲ ﻳﺒﻮﻳﻪ ﺍﻧﺘﻲ ﻫﻢ ﺍﺳﻌﻲ ﺍﻟﻠﻪ ﻳﮕﻮﻝ ﺍﺳﻌﻪ ﻳﺎﻋﺒﺪﻱ ﻭﺍﻧﻪ ﺍﻋﻴﻨﻚ
ﻫﺬﺍﻝ ﺧﻮﺵ ﻫﺬﺍﻝ ﺑﺲ ﺍﻟﺰﻣﻦ ﺗﻌﺒﻪ ﻭﺳﻠﻂ ﻋﻠﻲ ﺍﻟﺴﺎﻥ ﺍﻟﻌﺎﻟﻢ
ﻭﺍﻟﻌﺎﻟﻢ ﻣﺎﻋﺪﻫﺎ ﻏﻴﺮ ﺍﻟﻘﺎﻝ ﻭﺍﻟﻘﻴﻞ
ﻫﻨﺪ،،ﺑﻘﻴﻨﻪ ﻧﺤﺠﻲ ﻭﺍﻟﺸﻴﺦ ﺍﺭﻳﺤﻲ ﻭﺳﻮﺍﻟﻔﻪ ﻣﺎﺗﻤﻨﻞ ﺍﻟﻴﻜﻌﺪ ﻳﻤﻪ ﻳﺘﻤﻨﺊ ﻣﺎﻳﻌﻮﻓﻪ
ﻣﺎﺍﻋﺮﻑ ﺍﺷﻠﻮﻥ ﻓﻠﺘﺖ ﻣﻦ ﺍﻟﺴﺎﻧﻲ ﻭﺳﺄﻟﺘﻪ ﺍﺑﻮ ﻫﺬﺍﻝ ﻭﻳﻦ ??
ﺍﻟﺸﻴﺦ،،ﺍﺍﺍﺥ ﺑﻮﻳﻪ ﺳﺆﺍﻟﺞ ﻳﻠﭽﻢ ﺍﻟﮕﻠﺐ
ﻫﻨﺪ،،ﺍﻟﺮﺟﺎﻝ ﺍﺗﻐﻴﺮ ﻟﻮﻥ ﻭﺟﻬﺎ ﻭﺑﻴﻦ ﻋﻠﺊ ﻣﻼﻣﺤﻪ ﺍﻟﺘﻌﺐ
ﻏﻤﺾ ﻋﻴﻮﻧﻪ ﻭﺩﻧﮓ ﻣﺜﻞ ﺍﻟﺠﺎﻱ ﻳﺘﺨﻴﻞ ﻭﺑﺪﺓ ﻳﺤﺠﻴﻠﻲ ﻗﺼﺔ ﺍﻭﻻﺩﺓ ﺍﻟﺨﻤﺴﻪ
ﺍﻟﺸﻴﺦ،،ﺟﺎﻥ ﻋﻨﺪﻱ ﺧﻤﺲ ﺍﻭﻻﺩ . ﺍﺑﻨﻲ ﺍﻟﺠﺒﻴﺮ ﻭﻓﺘﺸﻪ ﻋﻴﻨﻲ ﻋﻠﻲ ﺍﻻﻛﺒﺮ . ﺍﺑﻮ ﻫﺬﺍﻝ ﻭﺍﻻﺻﻐﺮ ﻣﻨﻪ ﻛﺮﻳﻢ ﺍﺑﻮ ﺿﺎﺭﻱ ﻭﺍﻻﺻﻐﺮ ﻣﻨﻪ ﺳﻌﺪ ﻭﺭﻋﺪ ﻭﺍﺧﺮ ﻭﺍﺣﺪ ﺍﺑﻨﻲ ﺍﻟﺰﻏﻴﺮ ﺣﻴﺪﺭ
ﻛﻠﻬﻢ ﺟﺎﻧﻮ ﻭﺍﺻﻠﻴﻦ ﺑﺎﻟﺪﺭﺍﺳﻪ ﻋﻠﻲ ﺍﻻﻛﺒﺮ ﺟﺎﻥ ﻟﻮﺍﺀ ﺑﺎﻟﻨﻀﺎﻡ ﺍﻟﺴﺎﺑﻖ ﻭﻛﺮﻳﻢ ﻣﻬﻨﺪﺱ ﻭﺳﻌﺪ ﻣﻮﺿﻒ ﺑﺎﻟﻜﻬﺮﺑﺎﺀ ﻭﺭﻋﺪ ﺧﺮﻳﺞ ﺗﺠﺎﺭﺓ
ﻭﺣﻴﺪﺭ ﻛﻠﻴﺔ ﻃﺐ
ﻛﻠﻬﻢ ﺗﻌﺒﺖ ﻋﻠﻴﻬﻢ ﻭﺟﻨﺖ ﻣﻨﺘﻀﺮ ﻳﺠﻲ ﺍﻟﻮﻛﺖ ﻭﺍﺭﺗﺎﺡ ﻣﻦ ﺍﺷﻮﻓﻬﻢ ﻛﻠﻬﻢ ﻣﺘﺰﻭﺟﻴﻦ
ﻛﻞ ﻣﺎﺍﻃﻠﺐ ﻣﻦ ﻭﺍﺣﺪ ﻣﻨﻬﻢ ﺍﺷﻮﻓﻠﻪ ﻣﺮﺓ ﻭﺍﻋﺮﺳﻪ ﻣﺎﻳﻘﺒﻞ ﻭﺍﻳﮕﻮﻝ ﻋﺮﺱ ﺍﺧﻮﻱ ﺍﻻﺯﻏﺮ ﻣﻨﻲ
ﺍﺑﻮ ﺍﻻﻛﺒﺮ ﺟﺎﻥ ﺟﺒﻴﺮ ﻭﺍﻟﺸﻴﺐ ﺗﺎﺭﺱ ﺭﺍﺳﻪ ﻭﻣﺎﻳﻘﺒﻞ ﻳﻌﺮﺱ
ﻣﻦ ﺍﻳﺴﺖ ﻣﻨﻪ ﺷﺎﻳﻞ ﺍﻟﻔﻜﺮﺓ ﻣﻦ ﺭﺍﺳﻪ ﮔﻠﺖ ﺧﻞ ﺍﻋﺮﺱ ﺍﺑﻨﻲ ﺍﻻﺻﻐﺮ ﻣﻨﻪ ﺧﻮ ﻣﺎﺍﺑﻘﺊ ﺍﻧﺘﻀﺮ ﻋﻠﻲ ﺷﻮﻛﺖ ﻳﻘﺒﻞ ﻳﻠﻪ ﺍﻋﺮﺱ ﺍﺧﻮﺗﻪ
ﺭﺣﺖ ﺍﻟﻜﺮﻳﻢ ﻭﻫﻢ ﺭﻓﺾ ﺭﻓﺾ ﻗﺎﻃﻊ ﻭﺍﺧﻮﺗﻪ ﺍﻟﺒﺎﻗﻴﻦ ﻛﺬﺍﻟﻚ ﻣﺤﺪ ﻳﻘﺒﻞ ﻳﺘﺰﻭﺝ
ﺍﺧﺮ ﺷﻲ ﺗﻌﺒﺖ ﻭﻃﮕﺖ ﺭﻭﺣﻲ ﺍﺯﻻﻡ ﺍﺷﻜﺒﺮ ﺍﻟﻮﺍﺣﺪ ﺍﻟﻤﺜﻠﻬﻢ ﻋﻨﺪﺓ ﺍﺣﻔﺎﺩ ﻭﻫﻤﻪ ﺑﻌﺪﻫﻢ ﺑﺪﻭﻥ ﺯﻭﺍﺝ
ﻟﺬﺍﻟﻚ ﻗﺮﺭﺕ ﺍﺧﻠﻲ ﺍﻣﻬﻢ ﺗﺮﻭﺡ ﺗﺨﻄﺒﻠﻬﻢ ﻫﻤﻪ ﺍﻟﺨﻤﺴﻪ ﺑﻨﺎﺕ ﻣﻦ ﺍﻟﺪﻳﺮﺓ ﻳﻜﻮﻧﻦ ﺑﻨﺎﺕ ﺍﻭﺍﺩﻡ ﻭﺣﺒﺎﺑﺎﺕ
ﻋﺮﺿﺖ ﻋﻠﻴﻬﻢ ﺍﻟﻤﻮﺿﻮﻉ ﻭﻣﻦ ﺷﺎﻓﻮﻧﻲ ﻗﺎﻓﻞ ﻭﻣﻌﺎﻧﺪ ﻗﺒﻠﻮ
ﺭﺍﺣﺖ ﺍﻡ ﻋﻠﻲ ﺧﻄﺒﺖ ﺧﻤﺲ ﺑﻨﺎﺕ ﻣﻦ ﮔﺮﺍﺑﺘﻨﻪ ﻭﻣﻌﺎﺭﻓﻨﻪ ﻭﺍﺗﺤﺪﺩ ﻣﻮﻋﺪ ﺍﻟﻌﻘﺪ ﻭﻋﻘﺪﺗﻠﻬﻢ ﻗﺮﺍﻥ ﺧﻤﺴﺘﻬﻢ ﺑﻴﻮﻡ ﻭﺍﺣﺪ
ﻭﮔﺘﻠﻬﻢ ﺍﻟﻌﺮﺱ ﻫﻢ ﺭﺍﺡ ﺍﺳﻮﻱ ﺯﻓﺘﻜﻢ ﻛﻠﻜﻢ ﺑﻨﻔﺲ ﺍﻟﻴﻮﻡ ﺍﺭﻳﺪ ﺍﻓﺮﺡ ﺑﻴﻜﻢ
ﺍﻧﻪ ﺍﻫﻠﻲ ﺯﻭﺟﻮﻧﻲ ﻋﻤﺮﻱ 16 ﺳﻨﻪ ﻭﺍﻡ ﻋﻠﻲ ﻣﻦ ﻳﻮﻡ ﺍﻟﻌﺮﺱ ﺣﺒﻠﺖ ﺑﻌﻠﻲ ﻭﺍﻟﻴﺸﻮﻑ ﺍﻭﻻﺩﻱ ﻋﺒﺎﻟﻬﻢ ﺍﻧﻪ ﺍﺧﻮﻫﻢ ﺍﻟﺠﺒﻴﺮ
ﻭﻓﻌﻼ ﺑﻌﺪ ﺛﻼﺛﻪ ﺍﺷﻬﺮ ﻛﻤﻠﺖ ﻛﻞ ﺍﻟﺘﺮﺗﻴﺒﺎﺕ ﻭﻟﺪﻱ ﻛﻞ ﻭﺍﺣﺪ ﻋﻨﺪﺓ ﻏﺮﻓﻪ ﺧﻠﻴﺘﻬﻢ ﻳﺼﺒﻐﻮﻥ ﻏﺮﻓﻬﻢ ﻭﻳﺮﺗﺒﻮﻫﻦ ﺟﺒﺘﻠﻬﻢ ﻏﺮﻑ ﺍﺧﺸﺎﺏ ﺟﻬﺰﻧﻪ ﺗﺮﺗﻴﺒﺎﺕ ﺍﻟﻌﺮﺱ ﻣﻦ ﻛﻠﺸﻲ
ﺟﻨﺖ ﺍﺳﻌﺪ ﻭﺍﺣﺪ ﺑﺎﻟﻜﻮﻥ ﻭﺍﻧﻪ ﺍﺷﻮﻑ ﺍﻭﻻﺩﻱ ﻛﻠﻬﻢ ﻋﺮﺳﺎﻥ ﺍﻟﻀﺤﻜﻪ ﺗﺮﺳﺖ ﺍﻟﺒﻴﺖ ﺍﻧﻪ ﺍﻟﻠﻪ ﻣﺎﺭﺯﻗﻨﻲ ﺑﻨﺎﺕ ﻋﻨﺪﻱ ﺑﺲ ﻭﻟﺪ
ﻋﺰﻣﺖ ﻛﻞ ﺷﺨﺺ ﺍﻋﺮﻓﻪ ﺍﻟﻌﺮﺳﻬﻢ ﻫﺬﺍ ﻳﮕﻠﻲ ﺯﻳﻦ ﺳﻮﻳﺖ ﻭﺫﺍﻙ ﻳﮕﻠﻲ ﺷﻨﻮ ﺍﺍﺳﺎﻟﻔﻪ ﺍﺗﻌﺮﺳﻬﻢ ﻛﻠﻬﻢ ﺳﻮﺓ
ﻛﺘﻠﻬﻢ ﻃﺨﺖ ﺍﺑﺎﻟﻲ ﺍﺳﻮﻱ ﺑﻴﻬﻢ ﻫﻴﺞ ﻻﻥ ﺟﺰﻋﺖ ﻭﻫﻤﻪ ﻣﺎﻳﻘﺒﻠﻮﻥ ﻳﺘﺰﻭﺟﻮﻥ
ﻛﻤﻠﺖ ﺍﻟﺰﻓﻪ ﻭﻛﻞ ﻭﺍﺣﺪ ﻣﻦ ﻭﻟﺪﻱ ﺩﺧﻠﺘﻪ ﺍﻟﻐﺮﻓﺘﻪ ﻋﻠﺊ ﻣﺮﺗﻪ
ﻭﺑﻌﺎﺩﺍﺗﻨﻪ ﻭﺗﻘﺎﻟﻴﺪﻧﻪ ﻧﻨﺘﻀﺮ ﺍﻟﻌﺮﻳﺲ ﻳﻄﻠﻊ ﻭﻳﺒﺸﺮﻧﻪ
ﺍﻧﺘﻀﺮﺕ ﺍﻭﻻﺩﻱ ﻳﻔﺮﺣﻮﻧﻲ ﺍﻟﺴﺎﻋﻪ ﺏ 12 ﮔﺎﻋﺪ ﺑﻬﺬﺍ ﺍﻟﻤﭽﺎﻥ ﻧﻔﺴﻪ ﻭﻫﺴﻪ ﻳﺸﻬﺪ ﻋﻠﻴﻪ
ﺍﺟﺘﻨﻲ ﻣﺮﺕ ﺍﺑﻨﻲ ﺍﻟﺠﺒﻴﺮ ﻋﻠﻲ ﺍﻻﻛﺒﺮ ﻭﻟﻮﻧﻬﺎ ﻣﺨﻄﻮﻑ ﺗﺮﺟﻒ
ﺑﺎﻟﮕﻮﺓ ﺍﻓﺘﻬﻤﺖ ﻣﻨﻬﺎ ﺍﺣﺠﺎﻳﻪ ﮔﺎﻟﺖ ﻋﻤﻲ ﺍﻟﺤﮓ ﺍﺑﻨﻚ ﻣﺪﺭﻱ ﺷﻤﺎﻟﻪ
ﺭﻛﻀﺖ ﺍﻧﻪ ﻭﻫﻲ ﻭﺍﻣﻪ ﻟﻠﻐﺮﻓﻪ ﻟﮕﻴﺖ ﺍﺑﻨﻲ
ﻫﻨﺪ،،ﺳﻜﺖ ﻣﺎﮔﺪﺭ ﻳﻜﻤﻞ ﮔﺘﻠﻪ ﺟﺪﻱ ﺍﺫﺍ ﺍﻟﺴﺎﻟﻔﻪ ﺗﻐﻬﺮﻙ ‏( ﺗﻘﻬﺮﻙ ‏) ﻻﺗﻜﻤﻞ
ﺍﻟﺸﻴﺦ،،ﺩﺷﻴﺖ ﻋﻠﺊ ﺍﺑﻨﻲ ﻟﮕﻴﺘﻪ ﺍﻣﺪﺩ ﻉ ﺍﻟﺠﺮﺑﺎﻳﻪ ﻣﻐﻤﺾ ﻋﻴﻮﻧﻪ ﻭﻣﺒﺘﺴﻢ
ﮔﻌﺪﺕ ﻳﻤﻪ ﺣﺮﻛﺘﻪ ﺑﻮﻳﻪ ﻋﻠﻲ ﺍﻛﻌﺪ ﺗﺴﻤﻌﻨﻲ ﺣﺎﻭﻟﺖ ﺭﺩﺕ ﻣﺎﻛﻮ
ﺟﺴﺖ ﻧﺒﻀﻪ ﻣﺎﻛﻮ ﻧﺒﺾ ﺑﻠﺤﻀﺘﻬﺎ ﻋﺮﻓﺖ ﺍﺑﻨﻲ ﺳﻠﻢ ﺍﻟﺮﻭﺡ ﻟﻠﻪ ﻋﺰ ﻭﺟﻞ ﺍﻟﺘﻔﺘﺖ ﻟﻢ ﻋﻠﻲ ﻭﮔﺘﻠﻬﺎ ﺍﺑﻨﺞ ﻣﺎﺕ ﻭﻣﺎﺍﺭﻳﺪ ﺍﺳﻤﻊ ﺻﻮﺕ ﺍﻱ ﻭﺣﺪﺓ ﻣﻨﺠﻦ ﻫﺬﺍ ﻗﻀﺎﺀ ﺍﻟﻠﻪ ﻭﻗﺪﺭﺓ
ﻣﺎﺭﻳﺪ ﺍﺗﺼﻴﺤﻦ ﻭﺗﺨﺮﻋﻦ ﺍﺧﻮﻭﺗﻪ ﺧﻄﻴﻪ ﻫﻢ ﻋﺮﺳﺎﻥ ﻋﻮﺩ ﺍﻟﺼﺒﺢ ﺍﻧﮕﻠﻬﻢ ﺍﺧﻮﻛﻢ ﻣﺎﺕ
ﻏﻄﻴﺘﻪ ﻭﺍﺧﺬﺗﻬﻦ ﻭﻃﻠﻌﺖ ﺩﺷﺸﺘﺘﻬﻦ ﺍﻟﺤﺠﺮﺓ ﺍﻡ ﻋﻠﻲ ﻭﻛﺘﻠﻬﻦ ﻣﺜﻞ ﻣﺎﻭﺻﻴﺘﺠﻦ ﺻﻮﺕ ﻣﺎﺍﺭﻳﺪ
ﺍﻡ ﻋﻠﻲ ﺧﻴﺮﺓ ﻭﻣﺘﺪﻳﻨﻪ ﻣﺎﺟﺎﻧﺖ ﺍﺗﺮﺩﺩ ﻏﻴﺮ ﻛﻠﻤﺔ ﺍﻧﺎ ﻟﻠﻪ ﻭﺍﻧﺎ ﺍﻟﻴﻪ ﺭﺍﺟﻌﻮﻥ ﺍﺗﺮﺩﺩﻫﺎ ﻭﺍﻟﺪﻣﻌﻪ ﺑﻌﻴﻨﻬﺎ ﻣﺎﺣﺠﺖ
ﻋﻔﺘﻬﻦ ﻭﺭﺟﻌﺖ ﮔﻌﺪﺕ ﺑﻨﻔﺲ ﻣﺠﺎﻧﻲ ﻭﺍﻟﻨﺎﺭ ﺗﻠﻬﺐ ﺑﺼﺪﺭﻱ ﻋﻠﺊ ﺍﻭﻝ ﻓﺮﺣﺘﻲ ﺍﻭﻟﻴﺪﻱ
ﺑﻌﺪ ﺳﺎﻋﻪ ﻭﺍﺟﺖ ﻣﺮﺕ ﺍﺧﻮ ﺍﻻﺻﻐﺮ ﻣﻨﻪ ﻛﺮﻳﻢ ﻭﻫﻢ ﻧﻔﺲ ﺍﻟﺤﺎﻟﻪ ﺭﺣﺖ ﻟﮕﻴﺖ ﺍﺑﻨﻲ ﻣﻴﺖ ﺍﺧﺬﺕ ﺍﻟﭽﻨﻪ ﻭﺭﺣﺖ ﻳﻢ ﺍﻡ ﻋﻠﻲ ﻭﻣﺮﺕ ﻋﻠﻲ ﻭﻧﺒﻬﺖ ﻋﻠﻴﻬﻦ ﻣﺎﻳﺼﻴﺤﻦ
ﻭﻫﻢ ﺭﺟﻌﺖ ﺍﻟﻨﻔﺲ ﻣﭽﺎﻧﻲ ﻭﺑﻠﺴﺎﻧﻲ ﻛﻠﻤﺔ ﻭﺣﺪﺓ ﺍﺭﺩﺩﻫﺎ ﻭﺭﺩﺩﻫﺎ ﺳﻴﺪ ﺍﻻﺣﺮﺍﺭ ﺍﻻﻣﺎﻡ ﺍﻟﺤﺴﻴﻦ ﻋﻠﻴﻪ ﺍﻟﺴﻼﻡ
ﺍﻥ ﻛﺎﻥ ﻫﺬﺍ ﻳﺮﺿﻴﻚ ﻓﺨﺬ ﺣﺘﺊ ﺗﺮﺿﺊبيج قصص عراقيه حقيقيه من واقعنا.روعه الطائي
ﺑﻌﺪﻫﺎ ﺍﺟﺖ ﻣﺮﺕ ﺍﺑﻨﻲ ﺍﻟﺜﺎﻟﺚ ﺍﻟﻲ ﺗﺒﻊ ﺍﺧﻮﺗﻪ ﻭﺳﻠﻢ ﺍﻟﺮﻭﺡ ﻟﻠﻪ
ﻭﺗﺒﻌﻪ ﺍﺧﻮ ﺍﻟﺮﺍﺑﻊ ﻭﻛﻞ ﻫﺬﺍ ﻭﺍﻧﻪ ﻣﺎﻣﻦ ﺑﻘﻀﺎﺀ ﺍﻟﻠﻪ ﻭﻗﺪﺭﺓ
ﺩﺧﻠﺖ ﻳﻢ ﺍﻡ ﻋﻠﻲ ﻭﺟﻨﺎﻳﻨﻬﺎ ﺍﻻﺭﺑﻌﻪ ﻃﻠﺒﺖ ﻣﻨﻬﻦ ﻳﺼﺒﺮﻥ ﻭﻣﺎﻳﺼﻴﺤﻦ ﻭﻻﻳﻄﻠﻊ ﺻﻮﺗﻬﻦ ﻻﻥ ﺿﻞ ﻭﺍﺣﺪ ﻣﻦ ﺍﻭﻻﺩﻱ ﻋﺎﻳﺶ ﺍﻟﻲ ﻫﻮ ﺍﻟﺼﻐﻴﺮ ﺧﺎﻳﻒ ﺍﺫﺍ ﺳﻤﻊ ﺑﻤﻮﺕ ﺍﺧﻮﺗﻪ ﻳﺼﻴﺮ ﺑﻲ ﺷﻲ
ﺍﺫﻥ ﺍﺫﺍﻥ ﺍﻟﻔﺠﺮ ﻣﺪﻳﺖ ﺳﺠﺎﺩﺗﻲ ﻭﻛﻌﺪﺕ ﺍﺻﻠﻲ
ﺍﺟﺖ ﻣﺮﺕ ﺣﻴﺪﺭ ﺗﺮﻛﺾ ﻭﺗﺒﺠﻲ ﻭﻟﻤﻦ ﺭﺣﺖ ﺷﻔﺘﻪ ﻟﮕﻴﺘﻪ ﻣﺘﻮﻓﻲ ﺑﻤﻜﺎﻧﻪ
ﻫﻨﺪ،،ﻣﺼﻴﺒﻪ ﻣﺎﻳﺴﺘﻘﺒﻠﻬﺎ ﻋﻘﻞ ﻭﻻﻳﺘﺤﻤﻠﻬﺎ ﺍﺣﺪ ﺑﻘﻴﺖ ﻋﻴﻮﻧﻲ ﺗﺠﺮﻱ ﻭﺍﻧﻪ ﺍﺳﻤﻊ ﻛﻼﻣﻪ ﺍﻟﺪﻣﻮﻉ ﺍﻧﺠﻤﻌﺖ ﺑﻌﻴﻦ ﺍﻟﺸﻴﺦ ﻭﻛﻤﻞ ﻛﻼﻣﻪ
ﺍﻟﺸﻴﺦ ﻣﮕﺼﺪ،،ﺍﻭﻻﺩﻱ ﻛﻠﻬﻢ ﻣﺎﺗﻮ ﺑﻴﻮﻡ ﻋﺮﺳﻬﻢ
ﺭﺣﺖ ﮔﻌﺪﺕ ﺍﻟﮕﻬﻮﭼﻲ ﻭﮔﺘﻠﻪ ﻧﺮﻭﺡ ﺍﻧﻪ ﻭﻳﺎﻙ ﻟﻠﺠﺎﻣﻊ
ﺍﺧﺬﺕ ﺳﻴﺎﺭﺓ ﺣﻤﻞ ﺟﺒﺖ ﺧﻤﺲ ﺗﻮﺍﺑﻴﺖ ﻭﺭﺩﻳﺖ
ﺣﻄﻴﺖ ﺍﻟﺘﻮﺍﺑﻴﺖ ﺑﻨﺺ ﺍﻟﺪﻳﻮﺍﻥ ﻭﺭﺣﺖ ﺍﻧﻪ ﻭﺍﻟﮕﻬﻮﺟﻲ
ﺍﻟﻐﺮﻓﺔ ﻋﻠﻲ ﻟﺒﺴﺘﻪ ﺩﺷﺪﺍﺷﺘﻪ ﺍﻟﺒﻴﻀﻪ ﺍﻟﻤﻔﺮﻭﺽ ﻳﻠﺒﺴﻬﺎ ﺍﻟﺼﺒﺢ ﻣﻦ ﺗﺠﻲ ﺍﺗﺒﺎﺭﻛﻠﻪ ﺍﻟﻮﺍﺩﻡ
ﺑﺲ ﺍﻧﻪ ﻟﺒﺴﺘﻬﺎ ﺍﻟﻪ ﺣﺘﺊ ﺍﺣﻄﻪ ﺑﺎﻟﻨﻌﺶ ﻣﺎﻟﺘﻪ
ﻛﻠﻬﻢ ﻟﺒﺴﺘﻬﻢ ﺩﺷﺎﺩﻳﺸﻬﻢ ﺍﻟﺒﻴﺾ ﻭﺣﻄﻴﺘﻬﻢ ﻛﻞ ﻭﺍﺣﺪ ﺑﺘﺎﺑﻮﺗﻪ
ﻛﻞ ﻫﺬﺍ ﻭﻣﺤﺪ ﻳﺪﺭﻱ ﻏﻴﺮ ﺍﻫﻞ ﺑﻴﺘﻲ
ﺣﻄﻴﺖ ﻭﻳﻼﺩﻱ ﺧﻤﺴﺘﻬﻢ ﺑﻨﺺ ﺍﻟﺪﻳﻮﺍﻥ ﻭﻛﻌﺪﺕ ﻳﻢ ﺭﻭﺳﻬﻢ ﻟﻤﻦ ﺻﺎﺭ ﺍﻟﺼﺒﺢ
ﺍﺟﺖ ﺍﻟﻮﺍﺩﻡ ﺗﺮﻳﺪ ﺍﺗﺒﺎﺭﻙ ﻋﺒﺎﻟﻬﻢ ﺭﺍﺡ ﻳﺘﻠﮕﻮﻫﻢ ﺍﻟﻌﺮﺳﺎﻥ ﻟﻠﺒﺎﺏ
ﺑﺲ ﺍﻟﻌﺮﺳﺎﻥ ﻣﻦ ﺍﻟﻠﻴﻞ ﻭﺍﻓﺎﻫﻢ ﺍﻻﺟﻞ ﻭﺍﻟﺘﺤﻘﻮ ﺍﻟﺮﺏ ﺍﻟﻜﺮﻳﻢ
ﻋﺮﻓﺖ ﺍﻟﻌﺎﻟﻢ ﺑﻤﺼﻴﺒﺘﻲ ﻭﺩﻓﻨﺖ ﻭﻳﻼﺩﻱ
ﺍﺳﺘﻤﺮﺕ ﺍﻟﻔﺎﺗﺤﺔ ﺛﻼﺙ ﺍﻳﺎﻡ ﻭﺑﻴﻮﻡ ﺍﻟﺜﺎﻟﺚ
ﻭﺩﻳﺖ ﻋﻠﺊ ﻧﺴﻮﺍﻧﻬﻢ ﻭﺣﺪﺓ ﻭﺣﺪﺓ ﮔﻌﺪﺗﻬﻦ ﺍﮔﺒﺎﻟﻲ
ﺑﺎﻟﺒﺪﺍﻳﻪ ﺣﺠﻴﺖ ﻭﻳﻪ ﻣﺮﺕ ﻋﻠﻲ ﺍﻻﻛﺒﺮ
ﮔﺘﻠﻬﺎ ﺍﻟﺼﺎﺭ ﻗﻀﺎﺀ ﺍﻟﻠﻪ ﻭﻗﺪﺭﺓ ﻭﺍﻧﺘﻲ ﺑﻌﺪﺝ ﺻﻐﻴﺮﺓ
ﺯﻟﻤﺘﺞ ﻭﺭﺍﺡ ﺑﻌﺪ ﻋﻠﻴﻤﻦ ﺗﺒﻘﻴﻦ ﺍﻫﻨﺎ ﻭﺗﺤﻄﻤﻴﻦ ﺷﺒﺎﺑﺞ ﺭﻭﺣﻲ ﻳﺒﻮﻳﻪ ﺍﺫﺍ ﺍﺟﻮ ﺍﻫﻠﺞ ﺭﻭﺣﻲ ﻭﻳﺎﻫﻢ
ﺑﺲ ﺍﻟﻔﺎﺟﺌﻨﻲ ﺭﻓﻀﻬﺎ ﺍﻟﻘﺎﻃﻊ ﻭﮔﺎﻟﺖ ﻣﺴﺘﺤﻴﻞ ﺍﻋﻮﻑ ﺩﺍﺭ ﺭﺟﻠﻲ ﺍﻧﻪ ﺻﺮﺕ ﺟﻨﻪ ﻫﺬﺍ ﺍﻟﺒﻴﺖ ﻭﺍﻟﺰﻟﻤﻪ ﺍﻟﻲ ﺍﻧﻜﺸﻔﺖ ﺍﻋﻠﻲ ﻳﺤﺮﻡ ﻋﻠﻴﻪ ﺍﻧﻜﺸﻒ ﺍﻋﻠﻪ ﻏﻴﺮﺓ
ﺗﺮﻛﺘﻬﺎ ﻭﺣﺠﻴﺖ ﻭﻳﻪ ﻣﺮﺕ ﺍﻻﺻﻐﺮ ﻣﻨﻪ ﻭﻫﻢ ﺭﻓﻀﺖ ﻣﺎﻗﺒﻠﺖ ﺍﻟﺊ ﺍﻥ ﻭﺻﻠﺖ ﺍﻻﺧﺮ ﺟﻨﻪ ﺑﻴﻬﻦ ﻣﺎﻗﺒﻠﺖ ﻭﺧﻤﺴﺘﻬﻦ ﺑﻘﻦ ﻋﻨﺪﻱ ﻣﺎﻗﺒﻠﻦ ﻳﺮﺩﺓ ﻟﻬﻠﻬﻦ ﻋﺒﻨﻬﻦ ﺑﻨﺎﺕ ﺍﺻﻮﻝ ﻭﺑﻨﺎﺕ ﺍﺟﻮﺍﺩبيج قصص عراقيه حقيقيه من واقعنا.روعه الطائي
ﺑﻌﺪ ﺷﻬﺮ ﻛﺎﻣﻞ ﺍﻛﺘﺸﻔﻦ ﺍﺭﻭﺍﺣﻬﻦ ﻛﻠﻬﻦ ﺣﺒﻞ ‏( ﺣﻮﺍﻣﻞ ‏)
ﻭﻗﺒﻞ ﻣﺎﺟﺎﻥ ﺍﻛﻮ ﺳﻮﻧﺮﺍﺕ
ﺍﻟﻮﺍﺩﻡ ﻋﺎﻳﺸﻪ ﻋﻠﺊ ﺗﺎﻛﻠﻪ ﺍﻟﻠﻪ ﻛﻞ ﺍﻟﻴﺠﻲ ﺭﺯﻕ ﻭﻫﻠﻪ ﺑﻲ
ﺍﻟﻔﺮﺣﻪ ﻣﺎﺳﺎﻳﻌﺘﻨﻲ ﻻﻥ ﺍﻭﻻﺩﻱ ﻣﺎﺭﺍﺡ ﻳﻤﻮﺕ ﺫﻛﺮﻫﻢ ﻻﻥ ﺗﺮﻛﻮ ﻭﺭﺍﻫﻢ ﺍﻟﻴﺤﻤﻞ ﺍﺳﻤﻬﻢ
ﺍﻡ ﻋﻠﻲ ﻣﺎﺍﺗﺤﻤﻠﺖ ﻣﻮﺕ ﺍﻭﻻﺩﻫﺎ ﻭﺍﻧﺸﻠﺖ ﺍﻃﺮﺍﻓﻬﺎ
ﻭﺻﺤﺘﻬﺎ ﺑﺎﻟﻨﺰﻻﻥ
ﺑﻌﺪ 9 ﺍﺷﻬﺮ ﻃﻠﮕﺖ ﻣﺮﺓ ﻋﻠﻲ ﺍﺧﺬﻧﺎﻫﺎ ﻟﻠﻤﺴﺘﺸﻔﺊ ﺍﻧﻪ ﻭﺍﻫﻠﻬﺎ ﻭﻣﻦ ﺟﺎﺑﺖ ﺍﻫﻨﺎ ﺟﺎﻧﺖ ﺍﻟﻔﺮﺣﻪ ﺟﺎﺑﺖ ﺍﺛﻨﻴﻦ ﺍﻭﻻﺩ ﺗﺆﻡ ﺳﻤﻴﺘﻬﻢ ﻫﺬﺍﻝ ﻭﻣﺎﺟﺪ
ﻟﻠﻴﻞ ﻃﻠﮕﺖ ﺍﻟﺜﺎﻧﻴﻪ ﻭﻫﻢ ﺟﺎﺑﺖ ﺍﺛﻨﻴﻦ ﺍﻭﻻﺩ
ﺍﻟﺊ ﺍﻥ ﻫﻨﻪ ﺍﻟﺨﻤﺴﻪ ﻛﻞ ﻭﺣﺪﺓ ﻣﻨﻬﻦ ﺟﺎﺑﺖ ﺍﺛﻨﻴﻦ ﺍﻭﻻﺩ ﺗﺆﻡ
ﻑ ﺍﻟﻠﻪ ﻋﺰ ﻭﺟﻞ ﺑﺪﻝ ﻣﺎﺍﺧﺬ ﻣﻨﻲ ﺧﻤﺲ ﻭﻟﺪ ﻋﻮﺿﻨﻲ ﺻﺒﺮﻱ ﺧﻴﺮ ﻭﺍﻧﻄﺎﻧﻲ ﺑﺪﺍﻟﻬﻢ ﻋﺸﺮﺓ
ﻣﻦ ﻓﺮﺣﺘﻲ ﺑﻨﻴﺖ ﺍﻟﻜﻞ ﻭﺣﺪﺓ ﻣﻨﻬﻦ ﺑﻴﺖ ﻫﻲ ﻭﺍﻃﻔﺎﻟﻬﺎ
ﻭﻣﻦ ﻛﺒﺮﻭ ﺍﻻﻭﻻﺩ ﺑﻨﻴﺘﻠﻬﻢ ﻛﻞ ﻭﺍﺣﺪ ﺑﻴﺖ ﻭﻛﻞ ﺑﻴﺖ ﻣﺎﻳﺨﺘﻠﻒ ﺑﻨﺎﺋﻪ ﻋﻦ ﺍﻟﺜﺎﻧﻲ ﺣﺘﺊ ﺍﻟﻴﺸﻮﻓﻬﻦ ﻭﻳﺴﻤﻊ ﺑﻘﺼﺘﻲ ﻳﺘﺨﺬ ﺍﻟﻌﺒﺮﺓ ﻭﻳﺘﻌﻠﻢ ﺍﻟﺼﺒﺮ ﻻﻥ ﺑﺎﻻﺧﺮ ﻛﻠﻨﻪ ﺯﺭﻉ ﺍﻟﻠﻪ ﺗﻌﺎﻟﺊ ﻭﻻﺑﺪ ﻳﺠﻲ ﻳﻮﻡ ﻭﻳﺤﺼﺪ ﺯﺭﻋﻪ
ﺍﻡ ﻋﻠﻲ ﻣﺎﺍﺗﺤﻤﻠﺖ ﻭﺣﺘﺊ ﻣﺎﻟﺤﮕﺖ ﺗﺸﺒﻊ ﻣﻦ ﺍﺣﻔﺎﺩﻫﺎ ﻣﺎﺗﺖ ﺑﺪﻭﺭﺓ ﺍﻟﺴﻨﻪ ﻣﺎﻟﺘﻬﻢ
ﻫﺬﺍﻝ،،ﺍﻛﺜﺮ ﻭﺍﺣﺪ ﺑﺎﺍﺣﻔﺎﺩﻱ ﻳﺸﺒﻪ ﺍﺑﻮ ﺑﻜﻠﺸﻲ ﻟﺬﺍﻟﻚ ﺍﺻﻴﺤﻠﻪ ﺍﺑﻮ ﺍﻻﻛﺒﺮ ﺑﺎﺳﻢ ﺍﺑﻮ ﻋﻠﻲ ﺍﻻﻛﺒﺮ
ﻓﻴﺎ ﺑﻨﻴﺘﻲ ﺍﺻﺒﺮﻱ ﻭﻳﺎﻩ ﻻﻥ ﻫﺬﺍﻝ ﺣﺠﻲ ﺍﻟﻮﺍﺩﻡ ﺗﻌﺒﻪ ﻛﻠﺶ ﻭﺍﻧﻪ ﺍﺩﺭﻱ ﺑﻴﺞ ﺑﻨﺖ ﺣﻤﻮﻟﻪ ﻭﺧﻮﺵ ﻣﺮﺓ ﻭﺭﺍﺡ ﺍﺗﺼﺒﺮﻳﻦ ﻟﻤﺎ ﺍﻟﻠﻪ ﻳﻔﺮﺟﻪ ﻭﻳﻌﻮﺽ ﺻﺒﺮﺝ ﺧﻴﺮ
ﻫﻨﺪ،،ﺩﻣﻮﻋﻲ ﺗﺠﺮﻱ ﻋﻠﺊ ﻗﺼﺔ ﻣﻮﺕ ﺍﻭﻻﺩﺓ ﺍﺣﺲ ﺷﻌﺮ ﺭﺍﺳﻲ ﻭﮔﻒ ﻣﻨﻬﺎ ﺭﺟﺎﻝ ﻋﻤﺮﺓ ﺗﻘﺮﻳﺒﺎ ﻧﻬﺎﻳﺔ ﺍﻟﺴﺒﻌﻴﻦ ﺳﻨﻪ ﻭﺑﻌﺪ ﻫﺎﻱ ﺍﻟﻔﺎﺟﻌﻪ ﻳﻤﺸﻲ ﻋﻠﺊ ﺣﻴﻠﻪ
ﻧﻬﺾ ﻣﻦ ﻣﻜﺎﻧﻪ ﻋﺪﻝ ﻋﺒﺎﺗﻪ ﻭﺷﻤﺎﻏﻪ ﻭﺭﺍﺩ ﻳﻤﺸﻲ ﺍﻟﺪﻳﻮﺍﻧﻪ ﺍﻟﺘﻔﺘﻠﻲ
ﺍﻟﺸﻴﺦ،،ﻳﻮﻣﻴﻪ ﺍﺭﻳﺪﺝ ﺗﺴﻮﻳﻠﻲ ﺭﻭﺑﻪ ﻣﺜﻞ ﺍﻟﻤﺴﻮﻳﺘﻬﺎ ﺍﻟﻴﻮﻡ ﻋﺒﻨﻬﺎ ﻣﺎﻳﻨﺸﺒﻊ ﻣﻨﻬﺎ
ﻫﻨﺪ،،ﺻﺎﺭ ﺟﺪﻱ ﺗﺪﻟﻞ ﻭﺍﻧﻪ ﺍﻧﻮﺏ ﻳﻮﻣﻴﻪ ﺍﺟﻲ ﺍﺗﺮﻳﮓ ﻳﻤﻚ
ﺍﻟﺸﻴﺦ،،ﻫﻠﻪ ﺑﻴﺞ ﻳﺒﻌﺪ ﺟﺪﺝ
ﻫﻨﺪ، ،ﺗﺮﻛﻨﻲ ﻭﺭﺍﺡ ﺑﺎﻭﻋﺖ ﻟﻠﺴﺎﻋﻪ ﺣﻴﻴﻴﻴﻞ ﺍﻟﺴﺎﻋﻪ 3 ﻭﻧﺺ ﺍﻟﻌﺼﺮ
ﺭﺟﻌﺖ ﻟﻠﺒﻴﺖ ﻣﺎﻛﻮ ﺍﺣﺪ ﺩﺍﻳﺮ ﻣﺪﺍﻳﺮﻧﻪ ﺳﻴﺎﺝ ﻭﺑﺎﺏ ﻣﻘﻔﻮﻝ ﺣﺘﺊ ﻟﻮ ﻧﻄﻠﻊ ﺑﺪﻭﻥ ﻋﺒﺎﻳﻪ ﻣﺤﺪ ﻳﺸﻮﻓﻨﻪ ﺑﺲ ﺍﻧﻪ ﺍﺳﺘﺤﻲ ﺍﺫﺏ ﻋﺒﺎﺗﻲ ﺟﺪﺍﻣﻬﻢ ﻋﺒﻨﻬﻢ ﻛﻠﻬﻢ ﺑﺲ ﺯﻟﻢ
ﺍﻭﻝ ﻣﺎﺩﺧﻠﺖ ﺳﻤﻌﺖ ﺻﻮﺕ ﻫﺬﺍﻝ ﻭﺿﺎﺭﻱ ﻭﻣﺎﺟﺪ ﺍﺻﻮﺍﺗﻬﻢ ﻋﺎﻟﻴﻪ
ﺿﺎﺭﻱ،،ﺧﻮﻳﻪ ﺍﻫﺪﺩﺉ ﺯﻋﻄﻮﻁ ﺧﻴﻮﻟﻲ
ﻣﺎﺟﺪ،،ﺍﻟﻴﻮﻡ ﻫﺪﺩﻙ ﺑﺎﺟﺮ ﺍﻟﻠﻪ ﻳﻌﻠﻢ ﺷﻴﺴﻮﻱ ﻭﺍﻧﻪ ﺳﺎﻣﻊ ﺑﻲ ﺍﻟﻜﺎﻉ ﺯﺍﻳﻌﺘﻪ ﻭﺍﻟﻮﺍﺩﻡ ﺗﺼﻴﺢ ﻣﻨﻪ ﺍﻟﻐﻮﺙ
ﻫﺬﺍﻝ،،ﺍﻧﻪ ﻫﺴﻪ ﺍﺗﺼﻞ ﺑﺸﻴﺦ ﺣﺎﻛﻢ ﻭﺍﺧﻠﻲ ﻳﻄﺢ ﺣﻀﻪ
ﻋﺒﻨﻪ ﻣﻮﺧﻮﺵ ﺍﺩﻣﻲ
ﻫﻨﺪ،،ﺍﻧﻪ ﻣﻦ ﻳﻤﻲ ﺭﺟﻒ ﮔﻠﺒﻲ ﻭﺍﻟﺴﺎﻟﻔﻪ ﻣﺎﺗﺨﺼﻨﻲ ﺍﻟﻠﻪ ﻳﺴﺎﻋﺪ ﺍﻟﻴﻮﮔﻊ ﺑﻴﺪ ﻫﻮﻻﻛﻮ
ﻳﻴﻴﻴﻴﻴﻴﺘﺒﻊ
ﺣﻴﺎﻛﻢ ﺍﻟﻠﻪ ﻳﺎﻟﺮﺑﻊ ✋✋
ﻫﺬﺍ ﺍﻟﺒﺎﺭﺕ ﺣﺒﻴﺖ ﺍﻛﺸﻒ ﺑﻲ ﺳﺮ ﺍﻭﻻﺩ ﺍﻟﺸﻴﺦ
ﻳﺸﻬﺪ ﺍﻟﻠﻪ ﻭﺭﺳﻮﻟﻪ ﺍﻟﻘﺼﻪ ﺣﻘﻴﻘﻴﻪ ﻟﺤﺪ ﻳﮕﻮﻝ ﻣﺎﻛﻮ ﻫﻴﺞ ﺣﺠﻲ
ﻭﻫﺴﻪ ﺍﻗﺮﻭ ﻭﺻﻮﺗﻮ ﺗﺮﺓ ﻭﺍﻟﻠﻪ ﺍﻟﻘﺼﻪ ﺭﻭﻋﻪ ﻭﺍﻟﺘﺼﻮﻳﺖ ﻗﻠﻴﻞ ﻣﺎﻳﺴﺎﻋﺪ ﺍﻛﻤﻞ
ﻭﮔﺘﻠﻜﻢ ﺳﺎﺑﻘﺎ ﺍﺫﺍ ﺍﺷﻮﻑ ﺗﺼﻮﻳﺖ ﻗﻠﻴﻞ ﺍﻭﻗﻒ ﺍﻟﻜﺘﺎﺑﻪ
ﻟﺤﺪ ﻣﺎﺍﺷﻮﻑ ﻣﺸﺎﻫﺪﺍﺕ ﻋﺎﻟﻴﻪ
ﻭﻫﺴﻪ ﻗﺮﺍﺋﻪ ﻣﻤﺘﻌﻪ