#جبروت_الشيخ_هذال_2
علي الفتلاوي
#البارت١٥
منو جازانه بتعبنه ?
ومنو بيهم ماجرحنه ?
اهواي حبينه ونسونه
من الجذب والله شبعنه
،،،،،،،،،،،،،،
غلسوو ع السحگ بدون مراجعه
ومشكوررين ع السبعه الف صوت 😂😂
،،،،،،،،،،،،،،،،،،،،
هند،،ثاني يوم المشيه مال عمامي واهلي علئ شيخ مگصد
ام هذال گالت راح اخلي ماجد يجيبج البيت الشيخ بالسيارة لان ماتگدرين تمشين بعدهن زراراتج
وشغله ثانيه رادتني اطلع من البيت لان صارلي اليوم عاشر يوم ماطالعه
الخيوط وگعن وصرت شويه احسن بس مو كلش
الله ينطي ام هذال من يوم الاخذتني للدكتورة لليوم ماخلتني اگوم من الفراش وكل شويه شاويتلي كبد لو ثارمه كرفس وروبه وتوكلني شمااوصفها مااگدر
داررتني اكثر من امي
الساعه ب 3 العصر اجه ماجد وداني البيت جدي الشيخ
لگيت ضاري نايم بالصاله حاطيله جربايه حديد ام نفر ونايم عليها سلمت اعلي وگعدت جوة ع الزوليه وامه هم اجت
كلها ملتمه لان مشيه وناس اهواي ف عمتي ونسوان احمويها يلتهن بالچاي والماي
قصة جبروت الشيخ هذال
لزمت گلبي خاف هذال يطردهم وتصير اطلابه وابداخلي حلفت اذا سوة هيج وفشل ابوي جدام العالم مااخلي ابوي يطلع اذا مااطلع وياه وماارد الهذال بعد لان هذا ابوي مو ياهو الجان
اباوع ل امه هم وجها مامرتاح خايفه من ابنها يطرد الوادم
دخلو شبابنه سالم وماجد وضرار والبقيه اخذو صواني بيهن جاي
احس گاعدة علئ نار شوكت تفض وتنتهي السالفه ويتراضون
بعد ربع ساعه رجعو الولد شايلين الصواني والچاي مامشروب
وگع گلبي بالگاع لان هاي سانيه معروفه بالعشاير اذا ماانشرب الجاي معناها انرفضت المشيه وماتوصلو الحل بين الطرفين
برد گلبي من گال سالم جددن الچايات
ام سالم،،اذا ماشربو ليش انجدد??
سالم، ،يمه صبي وبعدين افهمج الوادم گاعدة
هند،،رجعو اخذو چاي جديد بس اني الفرحه ماسايعتني
عبنهم تراضو وراح الزعل مااحب الزعل لانه ينچل الگلب ويثخن الدم بين الگرابه
احب الوادم تلتم علئ تاچلة الله وتگعد سوة وتضحك سوة مااريد زعل وهذا مايحجي ويه ذاك
متناسين كلام الرسول عن صلة الرحم
أنت تقرأ
جبروت الشيخ هذال
Romance#جبروت_الشيخ_هذال عاد معنا الكاتب علي الفتلاوي وقصه جديده ان شاء الله تعجبكم كقصصه السابقات القصة حقيقية وباللهجة الريفية
