ﺑﺪﻳﺖ ﺍﻧﺤﻞ
ﺍﺭﻳﺪﻥ ﺣﻞ
ﺍﻟﺠﺮﻉ ﻛﺎﺱ ﺍﻟﻬﺠﺮ ﻳﻨﺴﻞ
ﺩﻻﻝ ﺍﻟﻌﺸﮓ ﻃﺒﻌﻪ ﻳﺼﻴﺮ
ﻣﻮ ﻃﺒﻊ ﺍﻟﻴﺤﺐ ﻳﻨﺬﻝ 💔
،،، ، ،،، ، ،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،
ﻫﻨﺪ،،ﻣﺎﮔﺪﺭﺕ ﺍﻛﻞ ﮔﺪﺍﻣﻪ ﺍﻟﻠﮕﻤﻪ ﺗﺒﻘﻪ ﻭﺍﮔﻔﻪ ﺍﺑﻠﻌﻮﻣﻲ ﮔﻤﺖ ﻭﻋﻔﺘﻬﻢ ﮔﻠﺖ ﺑﺲ ﻳﻄﻠﻊ ﺍﺭﺟﻊ ﺍﻛﻞ ﻗﺒﻞ ﻻﻳﻄﮕﻨﻲ ﺍﻟﺠﻮﻉ
ﻫﺬﺍﻝ،ﺍﻣﻲ ﻭﺟﻬﺎ ﺛﻜﻴﻞ
ﺳﺎﻟﺘﻬﺎ ﺧﻴﺮ ﺣﺠﻴﻪ ﺍﺷﺒﻴﺞ ﺍﻟﻴﻮﻡ ?
ﺍﻡ ﻫﺬﺍﻝ،،ﺍﺷﺒﻴﻪ ?
ﻟﻴﺶ ﻫﻴﺞ ﻳﻤﻪ ﻣﻮ ﻓﺸﻠﻪ ﻣﻦ ﺍﻟﻮﺍﺩﻡ ﻣﺎﺍﺳﺘﺤﻴﺖ ﻣﻦ ﺍﻟﺒﺖ ﻣﺎﺧﻔﺖ ﺍﺗﻔﻀﺤﻚ ﻭﺍﺗﮕﻮﻝ ﺍﻟﺸﻴﺦ ﻣﺎﺍﺩﻧﺎﻟﻲ ﻭﺍﺗﺼﻴﺮ ﺳﺎﻟﻔﻪ ﺷﻜﺒﺮﻫﺎ
ﻫﺬﺍﻝ،،ﺻﺪﮒ ﺿﺠﺖ
ﻳﻤﻤﻪ ﺭﺣﻤﻪ ﺍﻟﮕﺒﺮ ﺍﺑﻮﻱ ﺳﺪﻱ ﺍﻟﺴﺎﺍﺍﻟﻔﻪ ﻻﻥ ﻣﻮ ﺍﺑﺎﻟﻲ ﻫﺴﻪ ﮔﺘﻠﻜﻢ ﻋﻮﻓﻮﻧﻲ ﺷﻮﻛﺖ ﻣﺎﺍﻗﺮﺭ ﺑﺲ ﺍﻧﺘﻮ ﺍﻟﺤﻴﺘﻮ ﻭﺧﺒﺼﺘﻮﻭ ﺍﺭﻭﺍﺣﻜﻢ ﻓﺘﺴﺘﺎﻫﻠﻮﻥ ﻻﻥ ﻣﻦ ﺍﻳﺪﻛﻢ ﺍﻧﺘﻲ ﻭﺟﺪﻱ
ﻳﻮﻭﻡ ﻧﻔﺴﻴﺘﻲ ﻣﺎﺗﻘﺒﻠﻬﺎ ﻣﻮﻭ ﺑﻴﺪﻱ
ﺍﻡ ﻫﺬﺍﻝ،،ﻟﻴﺶ ﺍﻧﺘﻪ ﻣﻨﻄﻲ ﻧﻔﺴﻚ ﻓﺮﺻﻪ ?
ﻭﻟﻚ ﻳﻤﻪ ﺍﺷﻔﺖ ﺍﻧﺘﻪ ﻣﻦ ﺍﻟﻤﺮﺣﻮﻣﻪ ﻫﻲ ﻟﻴﻠﻪ ﻭﺣﺪﺓ
ﻟﻮ ﻋﺎﻳﺶ ﻭﻳﺎﻫﺎ ﻋﻤﺮ ﻭﺗﻤﻮﺕ ﺷﻴﺼﻴﺮ ﺑﻴﻚ ?
ﺍﻧﺘﻪ ﻣﻮ ﻧﻔﺴﻴﺘﻚ ﻣﺎﺗﺘﻘﺒﻠﻬﺎ ﺑﺲ ﺍﻧﺘﻪ ﺧﺎﻳﻒ ﺍﺗﺎﺫﻳﻬﺎ
ﻫﺬﺍﻝ،،ﻳﻤﻤﻪ ﻛﺎﻓﻲ ﺍﺭﺣﻤﻴﻨﻲ
ﻭﺷﻐﻠﻪ ﺛﺎﻧﻴﻪ ﺣﺘﺊ ﺍﺫﺍ ﺭﺩﺕ ﺍﻧﺴﺊ ﺍﻟﻮﺍﺩﻡ ﻣﺎﺗﻨﺴﺊ
ﺗﺪﺭﻳﻦ ﺍﻟﺒﺖ ﺍﻣﺲ ﺧﺎﻳﻔﻪ ﻭﺷﺎﺭﺩﺓ ﻣﻨﻲ ﺍﺗﮕﻠﻲ ﺍﻧﺘﻪ ﻛﺘﻠﺖ ﻣﺮﺗﻚ
ﺗﺪﺭﻳﻦ ﺣﺠﻴﻬﺎ ﺧﻨﺠﺮ ﻧﺎﻡ ﺑﮕﻠﺒﻲ ﺍﻟﻨﺎﺱ ﻃﻠﻌﺘﻨﻲ ﻛﺎﺗﻞ ﻣﺮﺗﻲ
ﺍﻡ ﻫﺬﺍﻝ،،ﺑﻜﻴﻔﻚ ﻳﻤﻪ ﺑﺲ ﺍﻧﻪ ﺧﺎﻳﻔﻪ ﺍﻋﻠﻴﻚ ﻣﻨﺎ ﻟﻤﻦ ﺗﺼﺤﺊ ﺍﻟﺰﻣﺎﻧﻚ ﻟﻨﻚ ﺧﺎﺳﺮ ﺍﻻﻭﻝ ﻭﺍﻟﺘﺎﻟﻲ ﻭﻣﺮﻳﺘﻚ ﺣﺒﺎﺑﻪ ﻭﺑﺖ ﻧﺎﺱ ﻻﺗﺨﺴﺮﻫﺎ ﻳﻤﻪ ﻭﺍﺗﺠﺎﻭﺯ ﺍﻟﺼﺎﺭ ﺗﺮﺓ ﺑﺖ ﺧﺎﻟﻚ ﻫﻲ ﻣﺮﻳﻀﻪ ﺍﻟﺼﻮﺝ ﻣﻮﺑﻴﻚ ﺍﻧﻪ ﻭﻟﻴﺪﻱ ﻣﻌﺪﻝ ﻭﻣﺜﻘﻒ ﻭﺷﻴﺦ ﻣﻮ ﻫﻤﺠﻲ
ﻫﺬﺍﻝ،،ﺗﺮﻛﺘﻬﺎ ﻭﮔﻤﺖ ﺻﻌﺪﺕ ﻟﻠﻐﺮﻓﻪ ﻓﺘﺤﺖ ﺍﻟﺒﺎﺏ ﻭﺩﺧﻠﺖ ﺍﻟﻬﺎﻱ ﺍﻟﻤﺎﺗﮕﺪﺭ ﻟﻠﺴﺎﻧﻬﺎ ﺑﺴﺮﻋﻪ ﻛﺘﺘﻬﻦ ﻛﻠﻬﻦ
ﻫﻨﺪ،،ﻧﺰﻋﺖ ﺍﻟﺪﺷﺪﺍﺷﻪ ﻭﺑﻘﻴﺖ ﺑﺴﻴﺖ ﺍﻟﻨﻮﻡ ﺍﺭﻳﺪ ﺍﻧﺰﻋﻪ ﻭﺍﻟﺒﺲ ﺍﺗﮓ . ﻭﺍﻏﻴﺮ ﻣﻼﺑﺴﻲ ﺧﺎﻑ ﻳﺠﻮﻥ ﺍﻫﻠﻲ ﻟﻮ ﺧﻄﺎﺭ ﻳﺒﺎﺭﻛﻮﻥ ﻣﺎﺍﺷﻮﻓﻠﻚ ﻏﻴﺮ ﺍﻟﺒﺎﺏ ﺍﻧﻔﺘﺢ ﻭﺩﺧﻞ ﻫﺬﺍﻝ ﻣﺜﻞ ﺍﻻﻋﺼﺎﺭ ﺭﺩﺕ ﺍﻓﻮﺕ ﺑﺎﻟﻜﻨﺘﻮﺭ ﺑﺲ ﻫﻮ ﺍﺳﺮﻉ ﻣﻨﻲ
ﻟﺰﻣﻨﻲ ﻣﻦ ﺯﻧﺪﻱ ﻭﺟﺮﻧﻲ ﻋﻠﻲ ﻟﺰﮔﺖ ﺑﺼﺪﺭﺓ ﺭﺍﻓﻌﻪ ﺭﺍﺳﻲ ﺍﺑﺎﻭﻋﻠﻪ ﻭﮔﻠﺒﻲ ﻳﺮﺟﻒ
ﻫﺬﺍﻝ،،ﻣﻮﻭﻭ ﮔﺘﻠﺞ ﻻﺗﺤﺠﻴﻦ ?
ﻫﻨﺪ،،ﺑﻘﻴﺖ ﺟﺎﻣﺪﺓ ﮔﺘﻠﻪ ﺷﺤﺠﻴﺖ ??
ﻫﺬﺍﻝ،،ﻻﺗﻐﺸﻤﻴﻦ ﺭﻭﺣﺞ
ﺍﺳﻤﻌﻴﻨﻲ ﺯﻳﻦ ﻭﻛﻼﻣﻲ ﻣﺎﺍﻋﻴﺪﺓ ﻣﺮﺗﻴﻦ ﺍﻱ ﺷﻲ ﻳﺼﻴﺮ ﺑﻴﻨﺎﺗﻨﻪ ﺑﻬﺎﻱ ﺍﻟﻐﺮﻓﻪ ﻳﺒﻘﺊ ﺑﺪﺍﺧﻠﻬﺎ ﻣﻤﻨﻮﻉ ﻛﻠﻤﻪ ﺗﻄﻠﻊ ﺑﺮﺓ ﻓﻬﻤﺘﻲ ??
ﻫﻨﺪ،،ﻫﺰﻳﺖ ﺭﺍﺳﻲ ﺑﺎﻟﻤﻮﺍﻓﻘﻪ ﺗﺮﻛﻨﻲ ﻭﺭﺍﺡ ﻫﺴﻪ ﻫﺬﺍ ﺷﺤﺠﻲ ﻭﻳﺎﻩ ﺑﻠﻠﻠﻪ
ﺍﻧﺘﺒﻬﺖ ﻋﻠﺊ ﺭﻭﺣﻲ ﻳﺒﻮﻭﻭ ﺳﻮﺩﺓ ﺑﻮﺷﻲ ( ﺑﻮﺟﻬﻲ )
ﺍﻱ ﻭﺍﻟﻠﻪ ﺟﻨﺖ ﻭﺍﮔﻔﻪ ﺟﺪﺍﻣﻪ ﻫﻴﺞ ?
ﻋﺰﺍﺍ ﺍﻟﻌﺰﺍﺍﻧﻲ ﺍﺷﺒﻴﻪ ﻣﻜﺴﻮﺭﺓ ﺍﻳﺪﻱ ﻣﺎﻗﻔﻠﺖ ﺍﻟﺒﺎﺏ ﻭﺭﺍﻱ
ﺑﺲ ﻳﻤﻜﻦ ﻫﺎﺫﺍ ﺳﻴﺖ ﺍﻟﻨﻮﻡ ﺑﻲ ﺟﻨﻲ ﻟﻮ ﻃﻨﻄﻞ ﻛﻞ ﻣﺎﺍﻟﺒﺴﻪ ﺗﺼﻴﺮ ﻣﺸﻜﻠﻪ ﻭﺍﻟﻠﻪ ﺑﻌﺪ ﺷﻮﻱ ﺍﻟﻪ ﺍﺣﺮﮔﻪ ﻭﺍﻧﻌﻞ ﺍﺑﻠﻴﺴﻪبيج قصص عراقيه حقيقيه من واقعنا.روعه الطائي
ﻣﺪﺭﻱ ﺍﺷﻠﻮﻥ ﻟﺒﺴﺖ ﻓﺴﺘﺎﻥ ﻃﻮﻳﻞ ﻭﻳﺎﻩ ﺣﺠﺎﺏ ﺑﻠﻮﻧﻪ ﻣﺎﺍﻋﺮﻑ ﺍﺧﻠﻲ ﺯﻭﺍﮔﻪ ﺍﻛﺘﻔﻴﺖ ﺑﻜﺤﻠﻪ ﻭﺣﻤﺮﺓ ﺳﺤﺮﻳﻪ ﻭﺑﺲ
ﻧﺰﻟﺖ ﻟﮕﻴﺖ ﻧﺴﻮﺍﻥ ﻋﻤﺎﻣﻪ ﻣﻮﺟﻮﺩﺍﺕ ﺑﺎﺭﻛﻠﻲ ﻭﺭﺓ ﺷﻮﻳﻪ ﺍﺟﺖ ﻧﻮﺭﺱ ﻫﻲ ﻭﺍﻣﻬﺎ ﻫﻲ ﻧﻀﺮﺍﺗﻬﺎ ﻣﺪﺭﻱ ﺷﺒﻴﻬﺎ ﻣﺎﻣﺮﺗﺎﺣﺘﻠﻬﺎ ﺑﺲ ﺍﻣﻬﺎ ﺧﻮﺵ ﻣﺮﺓ ﻭﺣﺠﻴﻬﺎ ﻛﻠﻪ ﺍﻗﻮﺍﻝ ﺍﻟﻨﺒﻲ ﻭﺍﻫﻞ ﺑﻴﺘﻪ ﻣﺒﻴﻨﻪ ﻣﺘﺪﻳﻨﻪ ﻛﻠﺶ
ﻋﻤﺘﻲ ﺍﻡ ﻫﺬﺍﻝ ﻣﺎﻋﺪﻫﺎ ﺟﻨﻪ ﻏﻴﺮﻱ ﻣﺎﺧﻠﻴﺘﻬﺎ ﺍﺗﮕﻮﻡ ﺻﺮﺕ ﺍﻧﻪ ﺍﺿﻴﻒ ﺍﻟﺨﻄﺎﺭ
ﻋﺮﻓﺖ ﺍﻟﺴﺎﻳﻖ ﻣﺎﻝ ﺳﻴﺎﺭﺓ ﺍﻟﺰﻓﻪ ﻃﻠﻊ ﺍﺧﻮ ﻫﺬﺍﻝ ﺍﺳﻤﻪ ﻣﺎﺟﺪ ﺑﺲ ﻳﺨﺘﻠﻒ ﻋﻨﻪ ﻣﺎﺟﺪ ﺍﺿﺤﻮﻛﻲ ﻭﻳﺘﻐﺸﻤﺮ ﺍﻫﻮﺍﻱ ﻭﻳﺎﻱ ﺑﺲ ﺭﺟﻠﻲ ﺍﻟﻌﻜﺮﺓ ﻋﺒﺎﻟﻚ ﺍﻧﻪ ﻛﺎﺗﻠﻪ ﻋﺸﻴﺮﺗﻪ ﻣﻐﻨﺪﺏ ﺑﻮﺟﻬﻲ
ﺻﺎﺭ ﻭﻗﺖ ﺍﻟﻐﺪﺓ ﺍﻡ ﻫﺬﺍﻝ ﮔﺎﻟﺖ ﻧﺮﻭﺡ ﻧﺘﻐﺪﺓ ﺍﺑﻴﺖ ﺍﻟﺸﻴﺦ ﺍﻟﺠﺒﻴﺮ ﺟﺪﻫﻢ ﻭﻫﺬﺍ ﺍﺣﺪ ﻗﻮﺍﻧﻴﻨﻪ ﻣﻤﻨﻮﻉ ﻭﺍﺣﺪ ﻣﻦ ﺍﺣﻔﺎﺩﺓ ﻳﺎﻛﻞ ﺍﺑﻴﺘﻪ ﻣﺎﻋﺪﺍ ﺍﻟﺮﻳﻮﮒ ﺑﺲ ﺍﻟﻐﺪﺓ ﻭﺍﻟﻌﺸﻪ ﻳﻢ ﺟﺪﻫﻢ
ﺻﻌﺪﺕ ﻟﻠﻐﺮﻓﻪ ﺍﺧﺬﺕ ﻋﺒﺎﺗﻲ ﻟﺒﺴﺘﻬﺎ ﻭﻧﺰﻟﺖ ﻫﺬﺍﻝ ﻭﻣﺎﺟﺪ ﺭﺍﺣﻮ ﺟﺪﺍﻣﻨﻪ ﻭﺍﻧﻪ ﻭﻋﻤﺘﻲ ﻃﻠﻌﻨﻪ ﻭﺭﺍﻫﻢ
ﻭﻫﺎﻱ ﺍﻭﻝ ﺷﻮﻓﺘﻲ ﻟﻠﻤﻨﻀﺮ ﺧﺎﺭﺝ ﺍﻟﺒﻴﺖ ﻭﺗﻔﺎﺟﺌﺖ ﺑﻮﺟﻮﺩ ﻋﺸﺮ ﺑﻴﻮﺕ ﺑﻨﻔﺲ ﺍﻟﺒﻨﺎﺀ ﺑﻴﺖ ﺑﺼﻒ ﺑﻴﺖ ﻭﻛﻠﻬﻦ ﻧﻔﺲ ﺍﻟﺨﺮﻳﻄﻪ ﻣﺎﻛﻮ ﺍﻱ ﻓﺮﻕ ﺑﻴﻨﺎﺗﻬﻦ
ﻭﻳﺤﻴﻂ ﺑﻴﻬﻦ ﺳﻴﺎﺝ ﺣﺪﻳﺪ ﻭﺑﺎﺏ ﻛﻠﺶ ﺟﺒﻴﺮﺓ
ﺑﮕﻠﺒﻲ ﺍﮔﻮﻝ ﺫﻭﻟﻪ ﺍﻟﻮﺍﺩﻡ ﺍﺷﺒﻴﻬﻢ ﻭﺍﺷﻠﻮﻥ ﻳﻨﺪﻟﻮﻥ ﺑﻴﻮﺗﻬﻢ ﺷﻮ ﺍﻧﻪ ﺗﻮﻧﻲ ﻃﻠﻌﺖ ﻭﺍﺫﺍ ﻳﮕﻠﻠﻮﻟﻲ ﺍﺭﺟﻌﻲ ﺍﺗﻴﻪ ﻣﺎﺍﻧﺪﻝ
ﺑﺲ ﻻ ﻻ ﻋﺮﻓﺖ ﻟﻴﺶ ﺑﺎﻧﻴﻦ ﻧﻔﺲ ﺍﻟﺒﻨﺎﺀ ﺧﺎﻑ ﻭﺍﺣﺪ ﻳﮕﻮﻝ ﺑﻴﺖ ﺍﻓﻼﻥ ﺍﺣﻠﺊ ﻣﻦ ﺑﻴﺘﻲ ﻑ ﻏﺮﺭﻭ ( ﻗﺮﺭﻭ )
ﻳﺒﻨﻮﻥ ﻧﻔﺲ ﺍﻟﺨﺮﻳﻄﻪ
ﺍﻧﻪ ﺫﻛﻴﻪ ﺑﺴﺮﻋﻪ ﺍﻟﮕﻔﻬﺎ
ﺍﻣﺸﻲ ﻭﺍﻓﻜﺮ ﻭﺑﺎﻟﻲ ﻳﻢ ﺫﻧﻲ ﺍﻟﺒﻴﻮﺕ
ﺍﻟﺒﻴﺖ ﺍﻟﻮﺣﻴﺪ ﺍﻟﺒﻲ ﺍﻻﺧﺘﻼﻑ ﻫﻮ ﺑﻴﺖ ﺟﺪﻫﻢ ﻣﺒﻴﻦ ﻗﺪﻳﻢ ﺑﺲ ﺑﻲ ﺗﻌﺪﻳﻼﺕ ﺟﺪﻳﺪﺓ
ﺩﺧﻠﺖ ﺍﺳﺘﻘﺒﻠﻨﻲ ﻧﻔﺴﻬﻦ ﻧﺴﻮﺍﻥ ﺍﻟﻌﻤﺎﻡ ﺍﻡ ﻫﺬﺍﻝ ﻛﺎﻟﺖ ﺭﺍﺡ ﻳﺠﻲ ﺍﻟﺸﻴﺦ ﻣﻦ ﺍﻟﺪﻳﻮﺍﻥ ﺣﺘﺊ ﻧﺘﻐﺪﺉ ﻛﻠﻨﻪ ﺳﻮﺓ
ﻭﺻﺪﮒ ﺑﻌﺪ ﺭﺑﻊ ﺳﺎﻋﻪ ﺩﺵ ﻋﻠﻴﻨﻪ ﺍﻟﺸﻴﺦ ﺍﻟﺠﺒﻴﺮ ﻋﻤﺘﻲ ﻃﻠﺒﺖ ﺍﺭﻭﺡ ﺍﺣﺒﻨﻪ ﻭﺍﺣﺐ ﺍﻳﺪﺓ
ﺭﺣﺖ ﺍﺗﻐﺮﺑﺖ ﻣﻨﻪ ﻭﻫﻮ ﺍﺑﺘﺴﻤﻠﻲ ﻭﺳﻠﻢ ﺭﺩﺕ ﺍﺣﺐ ﺍﻳﺪﺓ ﺳﺤﺒﻬﺎ ﻭﺍﺳﺘﻐﻔﺮ ﺍﻟﻠﻪ
ﺷﻴﺦ ﻣﮕﺼﺪ،،ﻳﺎﺍﻫﻼ ﺑﻌﺮﻭﺳﺘﻨﻪ ﺍﻟﺤﻠﻮﺓ ﻧﻮﺭﺗﻴﻨﻪ ﺑﻨﻴﺘﻲ
ﻫﻨﺪ،،ﺍﺣﺘﺎﺭﻳﺖ ﺷﮕﻠﻪ ﻟﺬﺍﻟﻚ ﮔﺘﻠﻪ ﺷﻜﺮﺍ ﺟﺪﻱ
ﺭﻓﻌﺖ ﺭﺍﺳﻲ ﺍﺟﺖ ﻋﻴﻨﻲ ﺑﻌﻴﻦ ﻫﺬﺍﻝ ﺭﻓﻊ ﺣﺎﺟﺒﻪ ﻳﻤﻜﻦ ﻣﺎﻋﺎﺟﺒﻪ ﺍﮔﻞ ﻟﻠﺸﻴﺦ ﺟﺪﻱ ﻭﻃﻠﻊ ﻛﻼﻣﻲ ﺻﺤﻴﺢ
ﻫﺬﺍﻝ،،ﺻﻴﺤﻴﻠﻪ ﺍﺑﻮﻱ ﺍﻟﺸﻴﺦ
ﺷﻴﺦ ﻣﮕﺼﺪ، ،ﺍﺑﻮ ﺍﻻﻛﺒﺮ ﺑﻮﻳﻪ ﻋﻮﻑ ﺑﻨﻴﺘﻲ ﺗﺼﻴﺤﻠﻲ ﺟﺪﻱ ﻣﺎﻟﻚ ﻏﺮﺽ ﺑﻴﻬﺎ ﺷﺘﺴﻤﻴﻨﻲ ﺧﻞ ﺍﺗﺴﻤﻴﻨﻲ
ﻫﻨﺪ،،ﻓﺸﻠﻨﻲ ﺟﺪﺍﻣﻬﻢ ﺍﻟﻤﻌﻘﺪ ﺑﺲ ﺍﻟﺸﻴﺦ ﺧﻮﺵ ﺟﺎﻭﺑﻪ
ﺻﺎﺣﻠﻲ ﺭﺣﺖ ﻛﻌﺪﺕ ﻳﻤﻪ ﺍﺷﺮ ﺍﻟﻮﺣﺪﺓ ﻣﻦ ﺍﻟﺠﻨﺎﻳﻦ ﻭﻫﻲ ﺭﺍﺣﺖ ﺟﺎﺑﺖ ﺗﺨﻢ ﺫﻫﺐ ﻗﺪﻣﻪ ﺍﻟﻲ ﺟﺪﺍﻡ ﺍﻟﻜﻞ
ﻭﮔﺎﻝ ﻫﺎﻱ ﻫﺪﻳﺘﻲ ﺍﻟﻜﻞ ﺟﻨﻪ ﺗﺪﺧﻞ ﺑﻴﺖ ﺣﻔﻴﺪ ﻣﻦ ﺍﺣﻔﺎﺩﻱ
ﺑﺲ ﻃﻮﻝ ﻣﺎﺍﻧﻪ ﮔﺎﻋﺪﻩ ﺍﻛﻮ ﺣﺴﺒﻪ ﺍﺑﺎﻟﻲ
ﺍﻭﻻﺩ ﺍﻟﺸﻴﺦ ﻭﻳﻦ ?
ﻟﻴﺶ ﺑﺲ ﻧﺴﻮﺍﻧﻬﻢ ﻣﻮﺟﻮﺩﺍﺕ ?
ﻓﺰﻳﺖ ﻣﻦ ﺻﻔﻨﺘﻲ ﻋﻠﺊ ﺻﻮﺕ ﻋﻤﺘﻲ ﺗﺼﻴﺤﻠﻲ
ﺭﺣﺖ ﻳﻤﻬﻦ ﻟﻠﻤﻄﺒﺦ ﻣﺎﺧﻠﻨﻲ ﺍﺷﺘﻐﻞ ﺷﻲ
ﺍﻧﺘﻀﺮﺗﻬﻦ ﻳﻜﻤﻠﻦ ﻭﺍﺭﻭﺡ ﺍﮔﻌﺪ ﻭﻳﺎﻫﻦ ﻻﻥ ﮔﺎﻟﻦ ﻛﻠﻨﻪ ﻧﻤﺪ ﺳﻔﺮﺓ ﻭﺣﺪﺓ
ﻛﻤﻠﻦ ﺗﺤﻀﻴﺮ ﺍﻟﻐﺪﺓ ﻭﻛﻞ ﺷﻮﻳﻪ ﺍﺷﻮﻑ ﺷﺎﺏ ﻳﺠﻲ ﻋﻤﺮﺓ ﺑﻌﻤﺮ ﻫﺬﺍﻝ ﻳﺸﻴﻞ ﺻﻴﻨﻴﻪ ﺍﻻﻛﻞ ﻭﻳﺴﻠﻢ ﻋﻠﻴﻪ ﻭﻳﻄﻠﻊ
ﺍﺧﺮ ﺷﻲ ﺭﺣﻨﻪ ﻧﺘﻐﺪﺓ ﺍﻧﺼﺪﻣﺖ ﺑﻮﺟﻮﺩ ﻋﺸﺮ ﺷﺒﺎﺏ ﺗﻘﺮﻳﺒﺎ ﻛﻠﻬﻢ ﺑﻨﻔﺲ ﺍﻟﻌﻤﺮ ﮔﺎﻋﺪﻳﻦ
ﻛﻞ ﻭﺍﺣﺪ ﻣﻨﻬﻢ ﻃﻠﻊ ﻣﺒﻠﻎ ﻭﺍﻧﻄﺎﻧﻲ ﻫﻮ ﻭﺯﻭﺟﺘﻪ
ﺑﮕﻠﺒﻲ ﺍﮔﻮﻝ ﺍﺣﻠﺊ ﺷﻲ ﺳﺎﻟﻔﺔ ﺍﻟﻔﻠﻮﺱ ﻛﻮﻥ ﻳﻮﻣﻴﻪ ﺍﻋﺮﺱ
ﻃﺒﻌﺎ ﺍﺣﻔﺎﺩ ﺍﻟﺸﻴﺦ ﻣﻮ ﻛﻠﻬﻢ ﻣﺘﺰﻭﺟﻴﻦ ﻓﻘﻂ ﺍﺛﻨﻴﻦ ﻭﻫﺬﺍﻝ ﺍﻟﺜﺎﻟﺚ
ﮔﻌﺪﺕ ﺑﺼﻒ ﻋﻤﺘﻲ ﻭﻫﺬﺍﻝ ﺑﺼﻒ ﺟﺪﺓ ﺍﻟﺸﺒﺎﺏ ﺍﺑﺪﺍﻳﻪ ﺍﻟﺴﻔﺮﺓ ﻭﺍﻟﻨﺴﻮﺍﻥ ﺑﻨﻬﺎﻳﺘﻬﺎ
ﻣﺎﺍﻋﺮﻑ ﺍﻛﻞ ﻭﻛﻞ ﺷﻮﻳﻪ ﻭﺍﺣﺪ ﺍﻳﮕﻠﻲ ﺍﻛﻠﻲ ﻻﺗﺴﺘﺤﻴﻦ ﻭﺍﻧﻪ ﻣﻦ ﻳﺤﺠﻮﻥ ﻫﻴﺞ ﺗﻨﺴﺪ ﻧﻔﺴﻲ ﺍﻛﺜﺮ ﺣﺎﻭﻟﺖ ﺍﻛﻞ ﻟﮕﻤﻪ ﺑﺲ ﻣﺎﮔﺪﺭﺕ ﺍﺣﺴﻬﻢ ﻛﻠﻬﻢ ﻳﺴﻤﻌﻮﻥ ﺻﻮﺗﻬﺎ ﻣﻦ ﺍﺑﻠﻌﻬﺎ ﻣﻦ ﺍﻟﻤﺴﺘﺤﻪ
ﻛﻤﻠﻨﻪ ﻏﺪﺓ ﻭﻫﻢ ﺍﻟﺸﺒﺎﺏ ﻧﻘﻠﻮ ﺍﻟﻤﻮﺍﻋﻴﻦ ﻭﺍﻧﻪ ﺳﺎﻋﺪﺗﻬﻦ ﺑﻐﺴﻠﻬﻦ ﺑﻌﺪ ﺍﻟﻐﺪﺓ ﺑﺪﺕ ﺍﻟﻌﺎﻟﻢ ﺗﺠﻲ ﺍﺗﺒﺎﺭﻙ
ﺍﻫﻠﻲ ﻣﺎﺍﺟﻮ ﺍﻟﺼﺒﺢ ﻋﺮﻓﺘﻬﻢ ﺑﻠﻴﻞ ﻳﺠﻮﻥ
ﺑﻘﻴﻨﻪ ﺍﺑﻴﺖ ﺍﻟﺸﻴﺦ ﻟﻠﻴﻞ ﻻﻥ ﺍﻟﺨﻄﺎﺭ ﻳﺠﻮﻥ ﻳﺒﺎﺭﻛﻮﻥ ﺑﺪﻳﻮﺍﻧﻪ ﻣﺎﻛﻮ ﻭﺍﺣﺪ ﻏﺮﻳﺐ ﻳﺪﺵ ﻟﺒﻴﻮﺕ ﺍﺣﻔﺎﺩﺓ ﻋﺪﻫﻢ ﻣﻀﻴﻒ ﻭﺍﺣﺪ ﻣﻔﺘﻮﺡ ﻟﻠﺨﻄﺎﺭ ﻭﻫﻮ ﻣﻀﻴﻒ ﺟﺪﻫﻢبيج قصص عراقيه حقيقيه من واقعنا.روعه الطائي
ﺑﻠﻴﻞ ﺍﺟﻮ ﺍﻫﻠﻲ ﻭﺟﺎﺑﻮ ﻭﻳﺎﻫﻢ ﻫﺪﺍﻳﻪ ﻭﺣﺒﻮﺑﺘﻲ ﻣﺎﮔﺎﺩﺭﺓ ﺗﺠﻲ ﺩﺍﺯﺗﻠﻲ ﻭﺍﺣﺪ ﻣﻦ ﻣﺤﺎﺑﺴﻬﺎ
ﺑﻌﺪ ﺳﺎﻋﻪ ﺭﺍﺣﻮ ﻭﺍﻟﺨﻄﺎﺭ ﻫﻢ ﺷﻮﻳﻪ ﺧﻒ ﻭﺍﻧﻪ ﺗﻌﺒﺖ ﻭﺍﮔﻔﻪ ﻣﻦ ﺍﻟﺼﺒﺢ ﺍﺳﺎﻋﺪﻫﻦ ﻋﺪﻫﻢ ﺍﺛﻨﻴﻦ ﺟﻨﺎﻳﻦ ﻏﻴﺮﻱ ﻭﺣﺪﺓ ﺣﺎﻣﻞ ﻭﺍﻟﺜﺎﻧﻴﻪ ﻋﺪﻫﺎ ﺍﺑﻨﻴﻪ ﻋﻤﺮﻫﺎ ﺧﻤﺲ ﺳﻨﻮﺍﺕ ﻋﺮﻓﺘﻬﺎ ﻧﻔﺴﻬﺎ ﺍﻡ ﺭﺻﻌﺎﺕ ﻻﻥ ﻫﺬﺍﻝ ﻛﻞ ﻣﺎﻳﺸﻮﻓﻬﺎ ﻳﻜﻤﺸﻬﺎ ﻭﻳﻌﻀﻬﺎ ﻳﺨﻠﻴﻬﺎ ﺗﺒﺠﻲ
ﻭﻋﺪﻫﺎ ﻃﻔﻞ ﻳﺮﺿﻊ ﺑﺎﻟﻜﻤﺎﻁ ﻣﺎﺧﻠﻴﺘﻬﻦ ﻳﮕﻮﻣﻦ
ﺍﻟﻜﻞ ﺭﺍﺡ ﻭﺑﻘﻴﻨﻪ ﺑﺲ ﺍﺣﻨﻪ
ﺍﻡ ﻫﺬﺍﻝ ﺻﺎﺣﺘﻠﻲ ﻧﺮﺩ ﺍﻟﺒﻴﺘﻨﻪ ﻫﺬﺍﻝ ﺿﻞ ﻳﻢ ﺟﺪﺉ ﮔﺎﻟﻬﺎ ﺷﻮﻳﻪ ﻭﺍﻟﺤﮕﻢ ﻭﻣﺎﺟﺪ ﺻﺎﺭ ﻳﻤﺸﻲ ﺟﺪﺍﻣﻨﻪ ﻭﺍﻧﻲ ﻭﺍﻣﻪ ﻭﺭﺍﻩ
ﺍﻡ ﻫﺬﺍﻝ،،ﻳﻤﻪ ﺗﻌﺎﻝ ﺍﻟﻴﻮﻡ ﻧﺎﻡ ﻳﻤﻨﻪ ﻟﻴﺶ ﺍﺗﻨﺎﻡ ﺍﺑﻴﺘﻚ ﻭﺣﺪﻙ
ﻣﺎﺟﺪ،،ﺣﺠﻴﻪ ﻭﺩﺍﻋﺘﺞ ﺑﺲ ﻫﺬﺍ ﺍﻻﺳﺒﻮﻉ ﻻﻥ ﺣﺎﺳﺐ ﺍﺣﺴﺎﺏ ﻋﺮﺳﺎﻥ ﻭﻛﺬﺍ ﺑﺲ ﻳﺨﻠﺺ ﺍﻟﺴﺒﻌﻪ ﺍﺭﺟﻊ ﺍﻧﺎﻡ ﻋﻠﺊ ﮔﻠﻮﺑﻜﻢ
ﻫﻨﺪ،،ﺍﻧﻪ ﻣﺘﻌﺠﺒﻪ ﺍﺷﻠﻮﻥ ﻛﻞ ﻭﺍﺣﺪ ﺑﺎﺍﺣﻔﺎﺩ ﺍﻟﺸﻴﺦ ﻋﻨﺪﺓ ﺑﻴﺖ ﻭﺣﺪﺓ ﺭﻏﻢ ﺑﻌﺪﺓ ﻣﺎﻣﺘﺰﻭﺝ
ﻭﺍﻧﻪ ﻭﺍﺧﻮﺍﺗﻲ ﻭﺍﺧﻮﺗﻲ ﺍﻟﺼﻐﺎﺭ ﻛﻠﻨﻪ ﻣﭽﺒﻮﺳﻴﻦ ﺑﻐﺮﻓﻪ ﻣﺎﺗﻌﺮﻑ ﺭﺍﺳﻨﻪ ﻣﻦ ﺭﺟﻠﻴﻨﻪ ﺑﺎﻟﺼﻴﻒ
ﻭﺑﺎﻟﺸﺘﺎ ﻣﻦ ﺍﻟﺒﺮﺩ ﺗﻠﮕﺎﻧﻪ ﻛﻠﻨﻪ ﺑﺪﻭﺷﮓ ﻭﺍﺣﺪ ﻣﻜﺮﻓﺼﻴﻦ ﻭﺍﻟﻠﻪ ﺑﺨﺖ ﻋﺪ ﺍﺣﻔﺎﺩ ﺍﻟﺸﻴﺦ ﺍﻧﻪ ﻟﻮ ﻣﻨﻬﻢ ﻳﻮﻣﻴﻪ ﺍﺭﻭﺡ ﺍﺑﻮﺱ ﺟﺪﻱ ﺑﺮﺍﺳﻪ ﻭﺍﺟﻲ
ﻗﺎﺑﻞ ﺟﺪﻫﻢ ﻣﺜﻞ ﺟﺪﻱ ﻣﺎﺕ ﻭﻋﺎﻓﻠﻨﻪ ﻧﺨﻠﺘﻴﻦ ﻳﻌﺎﻟﺞ ﻭﻳﻮﺻﻲ ﺑﻴﻬﻦ ﺗﺎﻟﻲ ﻭﮔﻌﻦ ﻭﺣﺪﻫﻦ
ﻭﺻﻠﻨﻪ ﻟﻠﺒﻴﺖ ﻣﺎﺟﺪ ﺭﺍﺡ ﺍﻟﺒﻴﺘﻪ ﻭﺍﻧﻪ ﻭﻋﻤﺘﻲ ﺩﺧﻠﻨﻪ ﺍﻟﺒﻴﺘﻨﻪ
ﺳﺎﻟﺘﻬﺎ
ﻋﻤﻪ ﻣﺎﺟﺪ ﺍﺫﺍ ﺑﻌﺪﺓ ﻣﺎﻣﺘﺰﻭﺝ ﻟﻴﺶ ﻋﺎﻳﺶ ﺍﺑﻴﺖ ﻭﺣﺪﺓ ?
ﺍﻡ ﻫﺬﺍﻝ،،ﻫﺎﻱ ﺳﺎﻟﻔﻪ ﻃﻮﻳﻠﻪ ﺑﻨﻴﺘﻲ ﻳﺠﻲ ﻳﻮﻡ ﻭﺗﻌﺮﻓﻴﻬﺎ ﺑﺲ ﺟﺪﻫﻢ ﺍﻟﻠﻪ ﺍﻣﻜﻨﻪ ﻭﺭﺍﺯﻗﻪ ﻑ ﺑﻨﻪ ﻟﻜﻞ ﻭﺍﺣﺪ ﻣﻦ ﺍﺣﻔﺎﺩﺓ ﺑﻴﺖ ﻭﺣﺪﺓ
ﻫﻨﺪ،،ﺩﺧﻠﻨﻪ ﻟﻠﺒﻴﺖ ﻭﺍﺣﻨﻪ ﻧﺤﺠﻲ ﺑﺎﻟﻤﻮﺿﻮﻉ ﺳﻤﻌﻨﻪ ﺍﻟﺒﺎﺏ ﺍﻧﻔﺘﺢ ﻋﻤﺘﻲ ﮔﺎﻟﺖ ﺍﺟﻪ ﺭﺟﻠﺞ
ﺑﺎﻭﻋﺘﻠﻬﺎ ﺍﺷﻮﻓﻬﺎ ﺗﺎﺷﺮﻟﻲ ﻋﻠﺊ ﻣﻼﺑﺴﻲ ﺑﻤﻌﻨﺊ ﺍﻟﺒﺴﻴﻠﻪ ﺷﻲ
ﻫﺰﻳﺖ ﺭﺍﺳﻲ ﺑﻤﻌﻨﺊ ﺗﺪﻟﻠﻴﻦ ﻭﺑﮕﻠﺒﻲ ﺍﻛﻮﻝ ﺯﻭﺝ ﺍﻟﻴﻨﻄﻲ ﻟﺰﻣﻪ ﻋﻠﺊ ﺭﻭﺣﻪ ﺗﺮﻳﺪ ﺍﻟﺒﺴﻠﻪ ﺷﻲ ﻭﺍﻧﻪ ﺍﺗﻤﻨﺊ ﺍﺷﺮﺩ ﻣﻨﻪ ﺍﻧﺎﻡ ﺑﺎﻟﻐﺮﻓﻪ ﺍﻟﺜﺎﻧﻴﻪ
ﺻﻌﺪﺕ ﻟﮕﻴﺘﻪ ﺍﻣﺪﺩ ﻉ ﺍﻟﺠﺮﺑﺎﻳﻪ ﻭﻋﻴﻨﻪ ﺑﻤﻮﺑﺎﻳﻠﻪ ﮔﻠﺒﻲ ﺩﮔﺎﺗﻪ ﺗﻘﺮﺓ ﺍﻟﻒ ﻣﻦ ﻧﻨﺠﻤﻊ ﺑﻐﺮﻓﻪ ﻭﺣﺪﺓ ﺧﻮﻭﻭﻭﻑ ﻣﻮﻃﺒﻴﻌﻲ
ﻋﻠﮕﺖ ﻋﺒﺎﺗﻲ ﺑﺎﻟﺰﺍﻭﻳﻪ ﻭﺭﺣﺖ ﻟﻠﻜﻨﺘﻮﺭ ﻃﻠﻌﺖ ﺩﺷﺪﺍﺷﻪ ﻧﻴﻠﻲ ﺍﺧﺬﺗﻬﺎ ﻟﻠﺤﻤﺎﻡ ﻟﺒﺴﺘﻬﺎ ﺑﺎﻟﺤﻤﺎﻡ ﻭﺍﻓﻜﺮ ﺍﺷﻠﻮﻥ ﺍﻧﺎﻡ ﻳﻤﻪ ?
ﻭﺍﻧﻪ ﺍﺷﻠﻮﻥ ﺍﻣﺲ ﺍﻭﻝ ﻟﻴﻠﻪ ﺍﻟﻨﻪ ﺳﻮﺓ ﻭﮔﺪﺭﺓ ﺍﻧﺎﻡ ?
ﺷﻮ ﺍﻟﻴﻮﻡ ﺷﺎﻳﻠﻪ ﻫﻢ ﻭﺍﺳﺘﺤﻲ ﺍﺭﻓﻊ ﺍﻟﻐﻄﻪ ﻭﺍﻧﺎﻡ ﺑﺼﻔﻪ
ﺍﺟﺘﻨﻲ ﻓﻜﺮﺓ
ﻃﻠﻌﺖ ﻣﻦ ﺍﻟﺤﻤﺎﻡ ﺭﺣﺖ ﻟﻠﻐﺮﻓﻪ ﺍﺧﺬﺕ ﺑﻄﺎﻧﻴﻪ ﻭﻣﺨﺪﺓ ﻣﻦ ﺍﻟﻜﻨﺘﻮﺭ ﺍﻟﺘﻔﺘﺖ ﻟﮕﻴﺖ ﻋﻴﻨﻪ ﻣﻨﻲ ﻣﺎﺍﻫﺘﻢ ﻭﺭﺟﻊ ﻳﺒﺎﻭﻉ ﺑﺠﻬﺎﺯﺓ
ﺍﺧﺬﺗﻬﻦ ﻭﻃﻠﻌﺖ ﻟﻠﻐﺮﻓﻪ ﺍﻟﺜﺎﻧﻴﻪ ﺷﻐﻠﺖ ﺗﻠﻔﺰﻳﻮﻥ ﻭﻛﻌﺪﺕ ﺻﺮﺕ ﺍﮔﻠﺐ ﺑﺎﻟﻘﻨﻮﺍﺕ ﺍﻟﻔﻜﺮﺓ ﺍﻧﻮ ﺑﺲ ﻳﻨﺎﻡ ﺍﺭﺟﻊ ﺍﻧﺎﻡ ﺍﻧﺘﻀﺮﺗﻪ ﺑﻴﻦ ﻣﺎﻳﻐﻔﺊ ﺑﻌﺪ ﺳﺎﻋﻪ ﻃﻔﻴﺖ ﺍﻟﺘﻠﻔﺰﻳﻮﻥ ﻭﺭﺟﻌﺖ ﻟﮕﻴﺘﻪ ﻧﺎﻳﻢ
ﻫﻤﺰﻳﻦ ﺻﺮﺕ ﺍﻣﺸﻲ ﻋﻠﺊ ﻛﻴﻒ ﺣﺘﺊ ﻣﺎﻳﮕﻌﺪ ﻭﺍﻟﻠﻪ ﺍﺗﻤﻨﺊ ﺍﺷﺮﺑﻪ ﻣﻨﻮﻡ ﺣﺘﺊ ﺍﻧﺎﻡ ﺑﺮﺍﺣﺘﻲ
ﺍﺗﻤﺪﺩﺕ ﻋﻠﺊ ﻛﻴﻒ ﻭﺍﺗﻐﻄﻴﺖ
ﻫﺬﺍﻝ،،ﻃﻔﻴﺘﻲ ﺍﻟﺘﻠﻔﺰﻳﻮﻡ ??
ﻫﻨﺪ،،ﻳﺒﻮﻭﻭ ﺑﻌﺪﺓ ﻛﺎﻋﺪ ﺑﻠﻌﺖ ﺭﻳﮕﻲ ﻭﺟﺎﻭﺑﺘﻪ ﺍﻱ
ﻫﺬﺍ ﺍﻟﺤﺠﻲ ﻭﺍﺣﺪ ﻣﻨﻄﻲ ﺿﻬﺮﻩ ﻟﻠﺜﺎﻧﻲبيج قصص عراقيه حقيقيه من واقعنا.روعه الطائي
ﻣﺎﺍﺟﺎﻧﻲ ﻧﻮﻡ ﻭﺍﺣﺲ ﺍﻟﺼﻔﺤﻪ ﺍﻟﻨﺎﻳﻤﻪ ﻋﻠﻴﻬﺎ ﺧﺪﺭﺕ ﻣﺎﺍﮔﺪﺭ ﺍﻟﺘﻔﺘﺖ ﻟﻠﺠﻬﺎ ﺍﻟﺜﺎﻧﻴﻪ
ﻣﺎﺍﺩﺭﻱ ﺷﮕﺪ ﻣﺮ ﻭﻛﺖ ﺣﺴﻴﺖ ﺛﮕﻞ ﻋﻠﺊ ﺧﺎﺻﺮﺗﻲ
ﮔﻠﺒﻲ ﻭﮔﻒ ﺭﺩﺕ ﺍﻃﻔﺮ
ﻣﺪﻳﺖ ﺍﻳﺪﻱ ﺍﺗﻠﻤﺲ ﻟﮕﻴﺘﻪ ﺣﺎﺿﻨﻲ ﻣﻦ ﺧﺼﺮﻱ
ﺭﻓﻌﺖ ﺍﻳﺪﺓ ﻋﻠﺊ ﻛﻴﻒ ﻭﺧﻠﻴﺘﻬﺎ ﻭﺭﺍﻱ ﺣﺘﺊ ﻣﺎﻳﮕﻌﺪ
ﺭﺟﻊ ﻣﺮﺓ ﺛﺎﻧﻴﻪ ﺣﻄﻬﺎ ﻋﻠﺊ ﺧﺼﺮﻱ ﻭﻋﺼﺮ ﺍﻟﻤﻜﺎﻥ ﺑﻴﺪﺓ
ﻫﺬﺍﻝ،،ﺍﺭﻛﺪﻱ
ﻫﻨﺪ،،ﻣﻌﺪﺗﻲ ﺧﺒﻄﺖ ﮔﻠﺖ ﻫﺬﺍ ﻫﻮ ﻫﺬﺍ ﻗﺮﺭ ﺍﻟﻴﻮﻡ ﻳﺸﻮﻑ ﺷﻐﻠﻪ ﻭﻳﺎﻱ
ﺑﺴﺮﻋﻪ ﺍﺟﻪ ﻋﻠﺊ ﺑﺎﻟﻲ ﺍﺷﻠﻮﻥ ﺍﻣﻮﺕ ﻭﺍﻫﻠﻲ ﻳﺪﻓﻨﻮﻧﻲ
ﺩﺧﺎﻥ ﺣﺎﺭ ﻳﻄﻠﻊ ﻣﻦ ﺍﺫﻧﻲ ﻏﺎﺑﻞ ( ﻗﺎﺑﻞ )
ﺍﻧﻪ ﺯﺍﻳﺪﺓ ﻋﺪ ﺍﻫﻠﻲ ﻟﻮ ﻣﺎﺭﺍﻳﺪﺓ ﺭﻭﺣﻲ
ﺭﺟﻌﺖ ﺩﻓﻌﺖ ﺍﻳﺪﺓ ﻋﻨﻲ ﺣﻴﻞ
ﻣﺎﺣﺴﻴﺖ ﻏﻴﺮ ﺍﻧﺴﺤﺒﺖ ﻣﻦ ﻣﺘﻨﻲ ﻧﻮﻣﻨﻲ ﻋﻠﺊ ﺿﻬﺮﻱ ﻭﺻﺎﺭ ﻓﻮﮔﻲ ﺑﺲ ﺟﺴﻤﻪ ﻣﺎﻃﺨﻨﻲ ﺭﺍﻓﻊ ﻧﻔﺴﻪ ﻣﺜﺒﺖ ﺍﺩﻱ ﻋﻠﺊ ﺍﻟﺠﺮﺑﺎﻳﻪ ﻣﻦ ﺟﻮﺍﻧﺒﻲ
ﻫﺬﺍﻝ،،ﻟﻴﺶ ﺧﺎﻳﻔﻪ ?
ﻣﻮ ﻫﺬﺍ ﺍﻟﺘﺮﺩﻱ ﺍﻧﺘﻲ ﻭﺍﻣﻲ ??
ﻫﻨﺪ،،ﺩﺭﺕ ﻭﺟﻬﻲ ﻋﻨﻪ ﺑﺲ ﺍﺩﻳﻪ ﺍﺣﺎﻭﻝ ﺍﺩﻓﻌﻪ ﻋﻨﻲ
ﮔﺘﻠﻪ ﺍﻧﻪ ﻣﺎﺭﺍﻳﺪﺓ ﺷﻲ ﺍﻣﻚ ﺍﻟﺮﺍﺩﺕ ﻭﻟﻮ ﺍﻻﻣﺮ ﺑﻴﺪﻱ ﺍﺭﺩ ﻟﻬﻠﻲ ﻋﺒﻦ ﺍﻧﻪ ﻣﺎﺑﻴﻌﻪ ﻧﻔﺴﻲ
ﻫﺬﺍﻝ،،ﺍﺷﻠﻮﻥ ﻳﻌﻨﻲ ﺷﺘﻘﺼﺪﻳﻦ ??
ﻫﻨﺪ،،ﺍﻧﻪ ﺍﻋﺮﻑ ﻛﻠﺸﻲ ﻭﻟﻮ ﺍﺩﺭﻱ ﻣﺮﺗﻚ ﺍﻟﻐﺒﻠﻲ ( ﺍﻟﻘﺒﻠﻲ )
ﻣﻴﺘﻪ ﺑﻴﻮﻡ ﺍﻟﻌﺮﺱ ﺟﺎﻥ ﺍﻧﻪ ﻣﺎﻭﺍﻓﻐﺖ ( ﻣﺎﻭﺍﻓﻘﺖ )
ﺍﻋﻠﻴﻚ ﺍﺑﺪ
ﻫﺬﺍﻝ،،ﻳﻌﻨﻲ ﻣﺎﺗﺮﺩﻳﻨﻲ ??
ﻫﻨﺪ،،ﺍﻧﻔﺎﺳﻲ ﺗﺼﻌﺪ ﻭﺗﻨﺰﻝ ﺍﺭﻳﺪ ﺑﺲ ﺍﺧﻠﺺ ﻧﻔﺴﻲ ﻣﻨﻪ
ﮔﺘﻠﻪ ﺍﻱ ﻣﺎﺍﺭﻳﺪﻙ
ﻫﺬﺍﻝ،،ﻻﻥ ﺑﻨﻀﺮﺝ ﺍﻧﻪ ﺍﻟﺴﺒﺐ ﺑﻤﻮﺗﻬﺎ ?
ﻫﻨﺪ، ،ﺍﻱ
ﻫﺬﺍﻝ،،ﻫﻮ ﻫﺬﺍ ﺍﻻﺭﻳﺪﺓ ﺍﺑﺘﻌﺪﺕ ﻋﻨﻬﺎ ﻭﺍﻧﻪ ﻣﺘﺨﺬ ﻗﺮﺍﺭﻱ ﺍﻟﻨﻬﺎﺋﻲ ﻻﺍﻧﻪ ﺭﺍﻳﺪﻫﺎ ﻭﻻ ﻫﻲ ﺭﺍﻳﺪﺗﻨﻲ ﻛﻢ ﺷﻬﺮ ﻭﺍﺭﺩﻫﺎ ﻟﺒﻮﻫﺎ
ﻫﻲ ﻣﻘﺘﻨﻌﻪ ﺍﻧﻪ ﺍﻟﺴﺒﺐ ﺑﻤﻮﺕ ﻧﻀﺎﻝ ﻭﻣﺎﺍﺩﺭﻱ ﻣﻨﻴﻦ ﺳﺎﻣﻌﻪ ﻫﻠﺤﺠﻲ
ﺗﺮﻛﺘﻬﺎ ﺩﺭﺕ ﻭﺟﻬﻲ ﻋﻨﻬﺎ ﺍﺭﻳﺪ ﺍﻧﺎﻡ ﻣﺎﺍﮔﺪﺭ
ﻟﻠﺼﺒﺢ ﺍﻧﻪ ﮔﺎﻋﺪ ﻣﺎﻳﺠﻴﻨﻲ ﻧﻮﻡ
ﺍﺗﻨﺪﻣﺖ ﻻﻥ ﺭﺩﺕ ﺍﺗﻘﺮﺏ ﻣﻨﻬﺎ ﻟﻮ ﻣﺎﻣﻠﺤﺔ ﺍﻣﻲ ﺍﻧﻪ ﻧﺎﺳﻲ ﺍﻟﺴﺎﻟﻔﻪ
ﻫﻨﺪ،،ﻣﺎﺻﺪﻛﺖ ﻳﺒﺘﻌﺪ ﻋﻨﻲ ﺟﺮﻳﺖ ﻧﻔﺲ ﺑﺮﺍﺣﻪ ﻋﺒﺎﻟﻚ ﻗﺒﺎﺽ ﺍﻻﺭﻭﺍﺡ ﻧﺎﻡ ﻋﻠﺊ ﮔﻠﺒﻲ
ﻟﻠﺼﺒﺢ ﺍﻧﻪ ﺧﺎﻳﻔﻪ ﻻﻳﺮﺩﻟﻲ ﻣﺮﺓ ﺍﻟﺜﺎﻧﻴﻪ
ﺻﺎﺡ ﺍﻻﺫﺍﻥ ﺍﻟﺼﺒﺢ ﺍﺛﻨﻴﻨﻪ ﻛﻤﻨﻪ ﺍﻧﻪ ﻧﺰﻟﺖ ﺟﻮﺓ ﺍﺗﻮﺿﻴﺖ ﻭﺻﻠﻴﺖ ﻭﻫﻮ ﺿﻞ ﻓﻮﮒ ﻣﺎﻧﺰﻝ
ﻛﻤﻠﺖ ﺍﻟﺼﻼﺓ ﻭﺩﺧﻠﺖ ﻟﻠﻤﻄﺒﺦ ﻣﺘﻌﻮﺩﺓ ﻳﻢ ﺍﻫﻠﻲ ﺍﻛﻞ ﺭﻭﺑﻪ ﻭﮔﻴﻤﺮ ﺍﻧﺨﺜﺮ ﻣﻦ ﻫﻮﺍﻳﺸﻨﻪ ( ﺍﻟﺒﻘﺮ )
ﺍﻟﺒﻴﺾ ﻣﺎﺍﺣﺒﻨﻪ ﺍﻟﺼﺒﺢ ﻭﺟﺒﻦ ﻭﺍﻟﻘﺸﻄﻪ ﺍﻟﻤﻌﻠﺒﺎﺕ ﻣﺎﺍﺣﺒﻨﻬﻦ
ﻓﺘﺤﺖ ﺍﻟﻜﺎﻭﻧﺘﺮ ﻟﮕﻴﺖ ﺟﻴﺲ ﺣﻠﻴﺐ
ﺑﺲ ﺍﺷﻠﻮﻥ ﺍﺧﺜﺮﺓ ?
ﺭﺟﻌﺖ ﻓﺘﺤﺖ ﺍﻟﺜﻼﺟﻪ ﻟﮕﻴﺖ ﻛﺎﺳﻪ ﺭﻭﺑﻪ
ﺍﺧﺬﺕ ﻧﺺ ﻛﻤﻴﻪ ﻣﻦ ﺍﻟﺤﻠﻴﺐ ﻭﺧﻠﻴﺖ ﻓﻮﮔﺎﻫﺎ ﻣﺎﻱ ﻭﺣﻄﻴﺘﻬﺎ ﻉ ﺍﻟﻨﺎﺭ ﻗﺒﻞ ﻻﺍﺗﻔﻮﺭ ﻧﺰﻟﺘﻬﺎ ﺍﻧﺘﻀﺮﺗﻬﺎ ﺗﺪﻓﻪ
ﺣﻄﻴﺖ ﻋﻠﻴﻬﺎ ﺧﺎﺷﻮﮔﺘﻴﻦ ﺍﻛﻞ ﺭﻭﺑﻪ ﺣﻠﻮﺓ ﻣﻮﺣﺎﻣﻀﻪ
ﺩﺛﺮﺗﻬﺎ ﺍﺑﻄﺎﻧﻴﻪ ﻭﻋﻔﺘﻬﺎ ﺍﻟﺮﻭﺑﻪ ﺗﺘﺎﺧﺮ ﺣﺘﺊ ﺗﺠﻤﺪ ﺍﻏﻞ ( ﺍﻗﻞ ) ﺷﻲ ﻳﺮﺍﺩﻟﻬﺎ ﺍﺛﻤﻦ ﺳﺎﻋﺎﺕ
ﻋﻔﺘﻬﺎ ﻣﺎﻣﺘﻮﺍﺯﻳﻪ ﺍﻋﻠﻴﻬﺎ ﺍﻛﻠﺖ ﺧﺒﺰﺓ ﻭﺟﺎﻱ
ﺧﻠﻴﺖ ﺍﻟﻐﻮﺭﻱ ﻋﻠﺊ ﻃﺮﻑ ﻧﺎﺭ ﻫﺎﺩﻳﻪ
ﻭﺭﺣﺖ ﻧﻀﻔﺖ ﺍﻟﺒﻴﺖ ﮔﻠﺒﺘﻪ ﻉ ﺍﻻﺑﻄﺎﻧﻪ
ﻫﻮ ﻧﻀﻴﻒ ﺑﺲ ﺷﻮﻳﻪ ﺍﺗﺮﺍﺏ ﻉ ﺍﻻﺛﺎﺙ
ﺻﺎﺭﺕ ﺍﻟﺴﺎﻋﻪ 7 ﻭﻧﺺ ﻛﻌﺪﺕ ﺍﻡ ﻫﺬﺍﻝ ﻓﺮﺣﺖ ﻣﻦ ﺷﺎﻓﺘﻨﻲ ﻣﺨﻠﺼﻪ ﻛﻠﺸﻲ
ﻭﺑﻨﻔﺲ ﺍﻟﻮﻛﺖ ﻣﺎﻗﺒﻠﺖ ﮔﺎﻟﺖ ﺍﻧﺘﻲ ﻋﺮﻭﺱ ﺧﻞ ﺗﻄﻠﻊ ﺍﻟﺴﺒﻌﻪ ﻭﺍﺑﺪﻱ ﺑﺎﻟﺸﻐﻞ
ﻛﺘﻠﻬﺎ ﻣﺎﺍﻋﺮﻑ ﺍﮔﻌﺪ ﻭﺍﺫﺍ ﻣﺎﻋﻨﺪﺝ ﻣﺎﻧﻊ ﺍﺷﺘﺮﻳﻠﻲ ﻫﺎﺷﻪ ﺍﺣﻄﻬﺎ ﺑﺎﻟﺤﺪﻳﻘﻪ ﺍﺷﺒﻌﺞ ﺭﻭﺑﻪ ﻭﺣﻠﻴﺐ
ﺍﻟﻤﺮﺓ ﺧﺮﺑﺖ ﺿﺤﻚ ﮔﺎﻟﺖ ﺍﺫﺍ ﺗﺮﺩﻳﻦ ﺣﻠﻴﺐ ﻫﻮﺵ ﺍﻭﺻﻲ ﻣﺎﺟﺪ ﻳﺠﻴﺒﻠﺞ
ﺳﻜﺘﺖ ﺧﺮﺏ ﻫﻮ ﺍﻟﻤﻄﻔﻲ ﻳﺒﻘﻪ ﻣﻄﻔﻲ ﻫﺴﻪ ﺍﻧﻪ ﻋﺮﻓﺖ ﺣﺒﻮﺑﺘﻲ ﻣﻦ ﺟﺎﻧﺖ ﺍﻃﺒﻖ ﻋﻠﻴﻪ ﻣﺜﻞ ﺍﺑﻮ ﺯﻧﻴﻬﺮ ( ﺍﻟﺤﻤﺎﺭ )
ﺍﺗﮕﻮﻝ ﺍﻛﻮ ﻭﺍﺣﺪ . ﺟﺎﻥ ﻋﻨﺪﺓ ﺍﺣﻤﺎﺭ ﺍﺟﻠﻜﻢ ﺍﻟﻠﻪ ﻳﺼﻴﺤﻮﻥ ﻟﻠﺤﻤﺎﺭ ﺍﺑﻮ ﺯﻧﻴﻬﺮ
ﻫﺬﺍ ﺻﺎﺣﺐ ﺍﻟﺤﻤﺎﺭ ﻣﺨﻠﻴﻠﻪ ﻋﺮﺑﺎﻧﻪ ﺭﺍﺑﻂ ﺍﺑﻮ ﺯﻧﻴﻬﺮ ﺑﻴﻬﺎ ﻭﻳﻠﻢ ﻗﻮﺍﻃﻲ
ﻑ ﻳﻮﻡ ﻣﻦ ﺍﻻﻳﺎﻡ ﻣﺮ ﻣﻦ ﻳﻢ ﻣﺪﺭﺳﻪ ﻭﻫﺎﻱ ﺍﻭﻝ ﻣﺮﺓ ﻳﺸﻮﻑ ﻣﺪﺭﺳﻪ ﺍﺗﻌﺠﺐ ﻭﺑﻘﻪ ﺣﺎﻳﺮ ﻣﻦ ﺷﺎﻑ ﻭﺍﺩﻡ ﻃﺎﺑﻪ ﺍﻭﺍﺩﻡ ﻃﺎﻟﻌﻪ
ﻓﺸﺎﻑ ﻭﺍﺣﺪ ﮔﺎﻋﺪ ﺍﺑﺎﺏ ﺍﻟﻤﺪﺭﺳﻪ ﻭﻫﻮ ﺍﻟﻔﻀﻮﻝ ﻛﺘﻠﻪ ﺭﺍﺡ ﺳﺄﻝ ﺍﻟﺮﺟﺎﻝ ﮔﺎﻟﻪ ﺍﮔﻠﻚ ﺧﻮﻳﻪ ﻋﻮﺩ ﺷﻨﻮ ﻫﺎﻱ ??
ﺍﻟﺮﺟﺎﻝ ﮔﺎﻟﻪ ﻫﺎﻱ ﻣﺪﺭﺳﻪ
ﺻﺎﺣﺒﻨﻪ ﮔﺎﻟﻪ ﺷﻨﻮ ﻳﻌﻨﻲ ﻣﺪﺭﺳﻪ ﻭﺷﻨﻮ ﻫﺎﻱ ﺍﻟﻮﺍﺩﻡ ﺍﻟﻄﺐ ﻭﺗﻄﻠﻊ
ﺍﻟﺮﺟﺎﻝ،،ﮔﺎﻟﻪ ﺍﻟﻤﺪﺭﺳﻪ ﺍﺗﻌﻠﻢ ﻳﻌﻨﻲ ﺍﻟﻴﺪﺧﻠﻬﺎ ﻣﻄﻲ ﻳﻄﻠﻊ ﻣﺘﻌﻠﻢ ﻣﻨﻬﻢ ﻳﺼﻴﺮﻭﻥ ﺩﻛﺎﺗﺮﺓ ﻭﻣﻌﻠﻤﻴﻦ
ﺻﺎﺣﺒﻨﻪ ﻓﺘﺢ ﺣﻠﮕﻪ ﻋﺒﺎﻟﻪ ﻳﻘﺼﺪ ﻉ ﺍﻟﻤﻄﻲ ﻣﺎﻟﺘﻪ
ﮔﺎﻟﻪ ﺯﻳﻦ ﺍﺫﺍ ﺩﺧﻠﺖ ﺍﺑﻮ ﺍﺯﻧﻴﻬﺮ ﺑﻴﻬﺎ ﻳﻄﻠﻌﻠﻲ ﻣﻌﻠﻢ
ﺍﻟﺮﺟﺎﻝ ﻃﻠﻊ ﻧﺼﺎﺏ ﻭﺷﺎﻑ ﺻﺎﺣﺒﻨﻪ ﻣﻄﻔﻲ ﻣﻦ ﺍﻟﺮﻳﺴﻲ ﮔﺎﻟﻚ ﺍﺿﺤﻚ ﺍﻋﻠﻲ ﻭﺍﺧﺬ ﺍﻟﻤﻄﻲ ﻣﺎﻟﺘﻪ
ﻓﮕﺎﻟﻪ ﺍﻱ ﺍﻧﻄﻴﻨﻲ ﺍﻟﺤﻤﺎﺭ ﻭﺍﻧﻪ ﺍﺩﺧﻠﻪ ﻟﻠﻤﺪﺭﺳﻪ ﻭﺗﻌﺎﻝ ﺑﻌﺪ ﺷﻬﺮﻳﻦ ﺭﺍﺡ ﺗﻠﮕﺎﻩ ﻣﺘﻌﻠﻢ
ﺻﺎﺣﺒﻨﻪ ﻣﺎﺻﺪﮒ ﺷﺎﻝ ﺍﻟﻤﻄﻲ ﻭﺍﻧﻄﺎﻩ ﻟﻠﻨﺼﺎﺏ
ﺭﺟﻊ ﻟﻠﺒﻴﺖ ﻭﺿﻞ ﻳﺤﺴﺐ ﻳﻮﻡ ﻳﻮﻡ ﺷﻮﻛﺖ ﻳﺨﻠﺼﻦ ﺍﻟﺸﻬﺮﻳﻦ ﻭﻳﺮﻭﺡ ﻳﺸﻮﻑ ﺍﺑﻮ ﺍﺯﻧﻴﻬﺮ ﺷﺼﺎﺭ ﺑﺤﺎﻟﻪبيج قصص عراقيه حقيقيه من واقعنا.روعه الطائي
ﺍﻧﺘﻬﻦ ﺍﻟﺸﻬﺮﻳﻦ ﻭﺭﺍﺡ ﺣﺘﺊ ﻳﺸﻮﻑ ﺍﻟﺤﻤﺎﺭ ﻣﺎﻟﺘﻪ ﻭﻳﻦ ﻭﺻﻞ
ﺩﺧﻞ ﻟﻠﻤﺪﺭﺳﻪ ﻣﺎﺷﺎﻑ ﺍﻟﺮﺟﺎﻝ ﻭﻻ ﺍﻟﻤﻄﻲ ﻣﺎﻟﺘﻪ
ﻓﮕﺎﻝ ﻳﻤﻜﻦ ﺍﻟﮕﺎﻩ ﻣﺘﻐﻴﺮ ﺧﻞ ﺍﺳﺄﻝ ﻋﻨﻪ
ﻟﺰﻣﻠﻪ ﻭﺍﺣﺪ ﻣﻦ ﺍﻟﻄﻼﺏ ﻭﺳﺄﻟﻪ ﮔﺎﻟﻪ ﻣﺎﺗﻌﺮﻑ ﺍﺑﻮ ﺍﺯﻧﻴﻬﺮ ﻭﻳﻦ ﺻﺎﺭ
ﺻﺎﺩﻑ ﻣﺪﻳﺮ ﺍﻟﻤﺪﺭﺳﻪ ﺍﺑﻨﻪ ﺍﺳﻤﻪ ﺯﻧﻴﻬﺮ ﻓﺎﻟﻄﺎﻟﺐ ﺍﺷﺮﻟﻪ ﻋﻠﺊ ﻏﺮﻓﺔ ﺍﻟﻤﺪﻳﺮ ﮔﺎﻟﻪ ﺍﻫﻨﺎﻙ ﺗﻠﮕﻪ ﺍﻻﺳﺘﺎﺫ ﺍﺑﻮ ﺍﺯﻧﻴﻬﺮ
ﺻﺎﺣﺒﻨﻪ ﻛﻴﻴﻒ ﺭﺍﺡ ﻓﺘﺢ ﺍﻟﺒﺎﺏ ﻉ ﺍﻟﻤﺪﻳﺮ ﻟﮕﺎﻩ ﻛﺎﻋﺪ ﻛﺪﺍﻡ ﺍﻟﻤﻜﺘﺐ ﻭﻻﺑﺲ ﻏﺎﻁ ( ﻗﺎﻁ )
ﮔﺎﻟﻪ ﻭﺍﻟﻠﻪ ﻭﺻﺎﻳﺮ ﺍﺣﻮﺍﻝ ﻳﺒﻮ ﺍﺯﻧﻴﻬﺮ ﻣﺎﻋﺮﻓﺘﻚ
ﺍﻟﻤﺪﻳﺮ ﻃﻔﺮ ﻣﻦ ﻣﻜﺎﻧﻪ ﮔﺎﻟﻪ ﺍﻃﻠﻊ ﺑﺮﺓ ﻭﺍﺷﻠﻮﻥ ﺩﺧﻠﺖ ﻟﻬﻨﺎ
ﺻﺎﺣﺒﻨﻪ ﮔﺎﻟﻪ ﻭﻟﻚ ﺍﺑﻮ ﺍﺯﻧﻴﻬﺮ ﻣﺎﻋﺮﻓﺘﻨﻲ ﺍﻧﻪ ﻣﻨﻮ
ﻭﻟﻚ ﻳﺎﻣﻪ ﺿﺮﺑﺘﻚ ﺻﻮﻧﺪﺍﺕ ﻋﻠﺊ ﺿﻬﺮﻙ
ﺑﺲ ﻳﻤﻜﻦ ﺍﻧﺘﻪ ﻧﺎﺳﻴﻨﻲ ﻫﺴﻪ ﺍﻧﻪ ﺍﺫﻛﺮﻙ
ﺟﺮ ﺍﻟﻤﺪﻳﺮ ﻣﻦ ﻳﺎﺧﺘﻪ ﻳﺮﻳﺪ ﻳﻤﻄﻠﻪ ﺑﺎﻟﮕﺎﻉ ﺣﺘﺊ ﻳﺼﻌﺪ ﻋﻠﺊ ﺿﻬﺮﺓ
ﺍﻟﻤﺪﻳﺮ ﻳﺮﻳﺪ ﻳﺨﻠﺺ ﻧﻔﺴﻪ ﻣﻦ ﻫﺬﺍ ﺍﻟﺨﺒﻞ ﮔﺎﻡ ﺿﺮﺑﻪ ﺟﻼﻕ
ﺻﺎﺣﺒﻨﻪ ﮔﺎﻟﻪ ﻭﻟﻚ ﺍﺑﻮ ﺍﺯﻧﻴﻬﺮ ﻻﺑﺲ ﻏﺎﻁ ﻭﺍﺭﺑﺎﻁ ﻭﺻﺎﻳﺮ ﺍﺣﻮﺍﻝ ﻭﻛﻠﺸﻲ ﺍﺗﻐﻴﺮ ﺑﻴﻚ
ﺑﺲ ﻫﺎﻱ ﺍﻟﺰﮔﻄﻪ ﻣﺎﺍﺗﻐﻴﺮﺕ
ﻗﺼﺪﺓ ﻉ ﺍﻟﭽﻼﻕ 😂😂😂
ﺷﺎﻫﺪﻧﻪ ﺍﻧﻪ ﺍﻏﺼﺪ ( ﺍﻗﺼﺪ ﻋﻠﺊ ﺭﻭﺣﻲ ﺍﺗﺰﻭﺟﺖ ﺑﻐﻴﺮ ﻣﺤﺎﻓﻀﻪ ﻭﺑﻌﻴﺪ ﻋﻦ ﺍﻟﺮﻳﻒ ﻭﺍﺭﻳﺪ ﺍﺟﻴﺐ ﻫﺎﺷﻪ ﺣﺘﺊ ﺍﺣﻠﺒﻬﺎ 😂
ﺍﺑﻮ ﻃﺒﻊ ﻣﺎﻳﻐﻴﺮ ﻃﺒﻌﻪ ﺍﺑﺪ ﻫﻬﻬﻬﻬﻬﻪ
ﻳﺘﺘﺘﺘﺘﺘﺘﺘﺒﻊ
أنت تقرأ
جبروت الشيخ هذال
عاطفية#جبروت_الشيخ_هذال عاد معنا الكاتب علي الفتلاوي وقصه جديده ان شاء الله تعجبكم كقصصه السابقات القصة حقيقية وباللهجة الريفية
