اخي لا تفعل هذا بي ((مكتمله))

بارت -8-

الي ممتابع حسابي خلي يتابعه 👈maha9279

وممكن تتابعوه هذه  الحساب لا تفشلوني من صاحب الحساب كلوله من طرف مها MO__FD

ولا تنسون التصويت ⭐

🥀🥀🥀🥀🥀

اخي لا تفعل هذا بي

بقلم مها المندلاوي

بارت الثامن

🥀🥀🥀🥀🥀

خلص حيل الصبر كافي اريد ارتاح
وهدم كلبي التعب من حبك انته
كظيناهه سوالف بين العيون
وشفايفنه بخجل كضتهه سكته
قبل حالف جنت مااعيد الاشواك
وشفتك والك كل شوكي عدته
كلت اعجاب يمكن باجر يزول
ومايدك باب كلبي ولاعتبته
طبعا انته مادكيته للباب
كلبي وبابه بعيونك شلعته
سوولك سحر رادو يصيدوك
وسحرهم من وصل يمك سحرته
اني بلا سحر بس شعري وياي
ولو ماانته صدك ماكتبته ..

ادورلي حل لهلمشكله ملكيت اكبالي بس خيار واحد صح راح اصير انانيه وسوي هلشي على مود مصلحتي بس مالي اي خيار لان تعبت حيل كملت سبح وطلعت من الحمام لبست اهدوم شلت المبايل فتحت الحظر من ياسر ودزيتله رساله ....

:ياسر اشوكت تجي لبغداد اريد احاجيك بشغله ضروريه ....

عفت الجهاز واني متردده من الشي الراح اسوي كمت طلعت كتبي اشوي ودك جهازي شلته ياسر اخذت نفس وجاوبت .....

:الوو ...
:الو ياسر اشلونك....
:الحمد الله انتي اشلونج...
:اووف موتمام ....
:خيرج هاجر احجي ...
:شوكت تجي لبغداد ....
:هوة اني ابغداد رايده شي....
:باجر تعالي للمدرسه اريد احاجيك....
:احجي هسه....
:مااكدر بلجهاز...
:زين متكدرين هسه اطلعين لان مااكدر اضل الباجر ...
:وك هسه اشوف وردلك خبر...

سديته منه وخابرت مريم ....

:هلو مريم تكدرين هسه تجيلي ضروري ....
:هلاوات اي اكدر ماعندي شي ...
:وك لعد تعاي ...

دزيت رساله لياسر ونطيته مكان نلتقي بي كمت شلت الكتب وطلعتلي اهدوم طلعه بدلت تنوره ضيكه عليه وبلوز ابو الركبه وجاكيت قصير فوكاه شعري قصير لركبتي بس مشطته كعدت اتاني مريم اشوي ودكت عليه حته انزللهة شلت جنطتي ونزلت لاكاني سهيل على الدرج حاولت اتجاهله ونزل مر من يمي ووكف يباوع عليه جرني من عكسي ....

:وين رايحه...
:ونته شكو....
:جاوبي وين رايحه ....
:معليك بيه وين اروح ووين اجي بس مامه وبابه يسائلوني هلاسئله....

عفته ونزلت طلعت بره دتانيني مريم وصلت يمهة بوستهة .....

:اكلج منو ذاك الصاك الي واكف بلباب....