تصويت تصويت تصويت 📣📣
~~~~^_^~~~~
اخي لا تفعل هذا بي
بقلم مها المندلاويه
بارت الواحد والثلاثون
~~~~^_^~~~~
دفعتهة وطبيت ادور عليهة مثل المخبل ماكو عقل براسي ملكيتهة طلعت واني ادور عليهة بس فكرت بعد مااشوفهة تخبلني احبهة ومااكدر اعوفهة عشقهة واصل للنخاع حته واذ جانت مرايدتني ومتحبني المهم كدام عيني ......
~~~~~~^_^~~~~~
فتحت عيوني مغوشه واني احس راسي يوجغني وجع مو طبيعي غمضت عيوني ورجعت فتحتهة باوعت واني عاكده حواجبي نايمه بلمستشفى حركت راسي باوعت مامه كاعده على صفحه اجت عليه من شافتني كاعده ....
:ها مامه اكو شي يوجعج ...
:راسي يوجعني ...
خليت ايدي على راسي وكمت ابجي وجع موطبيعي راحت صاحت السستر اجت ضربتني ابره مهدء وراحت اشوي وخف الالم انفتحت الباب وطب عامر اجه عليه باسني من راسي ....
:ها هاجر شلونج هسه ....
:الحمد الله ....
:يعني تكدرين تنطين اقوالج ....
:المن ...
:يعني المن بره النقيب يريد ياخذ اقوالج هاجر اشتكي على سهيل لا تكعدين وسكتين....
:اخاف يحرمني من ابني....
:لا ميحرمج هسه اني اشتكيت عليه بتهمت تعنيف وحجزو هسه انطي اقوالج وطلعج من المستشفى اوديج لبيتج انتي وابنج وبعدهة الله كريم ....
هزيت راسي طب النقيب اخذ اقوالي وطلع اخذت نفس واني مخنوكه طب عامر وطبت وياه السستر شالت الكانونه من ايدي ونطتنه الادويه كمت حسيت بدوخه ورجعت كعدت اجه عامر لزمني وكومني ومامه وياي همس يم اذني ....
:يالله هاجر قوي نفسج بس بهلكم ساعه بين منوصل وبعدهة نامي ...
وصلني للسياره وحركهة وصلنه للبيت نزلت وصعدت للغرفه لميت اهدومي وهدوم كيان وخذت الملف ونزلت وصلني للبيت نزلت بيت جبير وحلو طبيت وهوة طبب وراي الجنط ....
:هاجر رايح اسوكلج الي تحتاجي ليومين بين متهده الاوضاع وجيج .. .
عافني وطلع ضليت كاعده وكيان كام من حضني راح يلعب ويكتشف البيت نص ساعه واجه عامر جايب المسواك اجه يمي ونطاني مبايل اصغير ....
:هاجر ذاك سيمكارتج كسري وخابريني بس بهاذه لان اكيد سهيل راح يتعقب مكانه ....
هزيت راسي واخذته باوعت عليه....
:اكلك زين ومامه اذا طلع سهيل وكلتله...
:لتخلين ابالج وصيت مامه زين ....
كعد اشوي وطلع صعدت للغرفه مر اسبوع عامر موصلي بس يدك عليه واعرف الاخبار سهيل حارك الدنيه وليل نهار طالع يدور عليه اني بديت استرجع صحتي الي دهورهة سهيل اما ابني كيان تجي ساعات يصفن ومرات يكعد من النوم فاز يبجي ويصيح مامه وميرتاح اله انام يمه وشبكه يوم جمعه وكاعدين اني وكيان بلصاله كيان لازم ايباده ويلعب بي العاب واني كاعده اصفح كل المواقع مالتي غيرتهن وسويت حسابات جديده دك جهازي باوعت هذه عامر....
أنت تقرأ
اخي لا تفعل هذا بي ((مكتمله))
غموض / إثارةقصه حقيقيه على لسان صاحبتها 💯💯💯 راح نعيش حزنهة وفرحهة اخ يسافر وقت طويل وعندما يعود يرا اخته قد بلغت واصبحت جميله وفي سن المراهقة يستغلها من اجل غريزته ويتحكم في حياتها ومستقبلها ولم يكتفي بهذا ...... خلينه نعيش لحضات هذه القصه كاتبتكم مها...
