🥀🥀🥀🥀🥀🥀
اخي لا تفعل هذا بي
بقلم مها المندلاوي
بارت الرابع عشر
🥀🥀🥀🥀🥀🥀
مريت من يم غرفت سهيل وسرى لان غرفتي وره غرفتهم فتحت باب الغرفه غرفه ملوكيه تخبل وتصميم الديكور بعد احله طبيت اباوع عليهن لكيت صوره لسهيل وسرى بيوم عرسهم تخبل بدلتهة مفتوحه من يم الصدر حيل وبدون لاسقات ومنفوشه تسريحتهة....
حلوه ومكياجهة بعد احله صوره الماخذيهة حلوه اخذت حسره كل ابنيه حلمهة تلبس البدله وتعيش يوم عرسهة وفترت خطوبتهة بس اني معشت اي وحده منهن ابتسمت على تفكيري واحلامي الي راحت ويه الايام نداريت حته اطلع صارت بوجهي سرى واكفه ومتخوصره .....
;شعندج اهنا ....
ابتسمت وجاوبتهة على نياتي ....
;حبيت اشوف الغرفه لا اكثر .....
;والله عرفت جيتج لهلبيت مو صافيه لازم بيهة انه احجي لج شجنتي اسوين بغرفتي ....
باوعت عليهة عرفتهة تحب المشاكل وخرت ايدهة عن اهدومي ....
;كتلج حبيت اشوف الغرفه وبس ....
;متأكده يعني مجنتي اتحطين شي بلغرفه او تاخذين ....
;مثل شنو احط او اخذ وضحي اكثر ....
;قصدي اتخلين سحر او تاخذين شي حته تسوين عليه سحر ....
;ههه ولمن اسوي السحر لسهيل اطمأني لا رايته ولا شي عندي ابني الاهم صفي نيتج وترتاحين....
عفتهة وطلعت من الغرفه طبيت لغرفتي واني اخذ الحسره كعدت العب بلمبايل ساعه وجت الخدامه الي تشتغل بلبيت .....
;الغده صار و سهيل يكول تعاي اتغدي ....
ذبيت المبايل وكمت لان جنت جوعانه نزلت جوه وطبيت للمطبخ كلهة كاعده على الطاوله وضحك وسوالف باوعت سهيل شايل كيان ويوكله .....
;سهيل انطيني كيان اني اوكله....
;لا عوفي اني اوكله.....
دغته سرى وهمست ....
;متنطي لامه اشعندك امجلب بي .....
;لا حبيبتي كيان ميروح يم احد هذه حبيبي .....
ضل بحضنه ومقبل ينطيناه عفته وكعدت وياهم اتغده الي عرفته راهب يصير خطيب منى اخت سرى بس ابد مو راحه كل ماارفع راسي الكا يباوع عليه ويغمز لو يعض شفته اغلس عليه ماريد اسوي اي مشكله لحد مخلصت غده وكمت غسلت ايدي وكعدت بلاستقبال...
ضحك وسوالف واني بس صافنه عليهم لل5 راحو منى وراهب كام سهيل وصعدت وراه سرى بقيت بس اني وكيان بلاستقبال كعدت العب بكيان وضحك وياه لحد منام شلته وكمت صعدت الدرج لحد موصلت لغرفتهم سمعت صوت سرى تتوجع ....
;اااخ سهيل دتأذيني على كيفك ....
اذكرت معاناتي وياه واذيته الي قشعر جسمي ورحت ركض للغرفه ابجي واني اذكر اشلون جان ياخذني ودعي الله يخلص سرى منه ومن المعانات الي دتعيشهة ذبيت كيان على الجربايه ونمت بصفه مسحت دموعي وحاولت انام بس مكدرت وكل اشوي الذكريات تجي ابالي لو صوتهة مرت نص ساعه يالله شوي عيوني كامت تقفل ونمت ....
أنت تقرأ
اخي لا تفعل هذا بي ((مكتمله))
Mystery / Thrillerقصه حقيقيه على لسان صاحبتها 💯💯💯 راح نعيش حزنهة وفرحهة اخ يسافر وقت طويل وعندما يعود يرا اخته قد بلغت واصبحت جميله وفي سن المراهقة يستغلها من اجل غريزته ويتحكم في حياتها ومستقبلها ولم يكتفي بهذا ...... خلينه نعيش لحضات هذه القصه كاتبتكم مها...
