البارت 17
روان ببكاء حاد وهى تضرب قلبها:ده هو السبب ده اختار الشخص الغلط ، انا كبرت وانا عارفة ان كل ولد فى الشلة بيحب بنت من الشلة فطبيعى عملت زيكو لأن افتكرت ان تامر بيحـ بيحبنى بس طلع مبيحـ مبيحبنيش..ش يا منة مبيحبنيش ، "ثم جلست على الارض و ضمت ركبتيها الى صدرها" انا تعبت يا منة تعبت بجد ومحدش حاسس ، ليه يا رب كدة ليييييه !
جلست منة بجانبها و احتضنتها بقوة و دموعها تنهمر كالشلال
منة بدموع:قولى الحمدلله يا حبيبتى و متعترضيش يمكن ربنا شايلك الاحسن ، الحمدلله الحمدلله
تشبثت روان بها بقوة و اخذت تبكى بقوة و لكن فجأة دخل عليهم كريم و اقترب منهم
كريم بقلق:مالكو فى ايه
منة وهى تمسح دموعها:مفيش ، انت رجعت ليه
كريم بمرح:فى واحدة تقول لجوزها رجعت ليه
منة بأبتسامة: مش قصدى كدة
روان بهدوء:انا ماشية رايحة البيت عندى تيجى معايا يا منة
منة وهى تحتضنها:هروح اسلم على ماما و اجيلك
روان ببرود:طيب
ثم غادرت فوقف كريم يراقبها بحيرة ، نقل نظراته الى منة التى تنظر فى اثر روان بحزن عميق
كريم وهو يمسك يدها:مالك يا حبيبتى
منة بتنهيدة:واحنا ماشيين هحكيلك ، صحيح امال فين تامر ؟
كريم:قالى انه عايز يتمشى لوحده فرجعتلك تانى
ابتسمت له منة بخجل ثم سارت امامه و خرجت من الغرفة فلحقها كريم
.......................................................
فى الاسفل
مدحت بغضب وهو يقف:اكيد الورقة دى مزورة
سليم بغرور:مش سليم منصور اللى يزور حاجة
مدحت بحدة وهو يشد على شعره:انا ضعت هدخل السجن ، "ثم فكر قليلا فهدأ و اقترب منهم ثم نظرت الى كارمن بإستحقار و عاد بأنظاره الى سليم" انا هوافق بس بشرط
سليم بتساؤل ساخر:شرط ايه !
مدحت بثقة:هتدينى 4 مليون ، 3 مليون هديهم لأحمد اللى عايز يتجوز كارمن و مليون ليا ، و بعد كدة اشبع بكارمن
كارمن بصدمة و جرح غائر فى قلبها: ايــه!!! ، آآ انت بتهزر صح ! ، بتبيعنى يا بابا
مدحت بأبتسامة مستفزة:مسمهاش ببيعك يا كوكى ، ده business "شغل"
سلسم ببرود:تمام هجيب دفتر الشيكات من المكتب
و كاد ان يغادر ولكن اوقفته بأمساك ذراعه فألتفت لها وجدها تنظر له بدموع و تهز رأسها بمعنى لا فأبعد يده بصعوبة و غادر
كارمن بألم:بابا متعملش كدة ارجوك ، انت كدة هتخلينى اكرهك وانا مش عايزة كدة
