الحلقةة الثآلثةة عشر والآخيرةةة
#الحلم_يتحقق
( في الجامعة )
لوجين مقمعزه في القاعة وساكنه الصفاء رنات عشان طولت ...وفي رنه من الرنان فتحت عليها صفاء وحلت المايك
لوجين : تي وينك يا حمارة
صفاء : في الطريق كنك سكنتي انتي
لوجين : قاعده بروحي ماده وجي نبي نحكيلك حاجة مهمه بكلللل
صفاء : حاجة شنو
لوجين : بعد تجي
صفاء : تي احكي شوقتيني
لوجين : مانيش حاكيه هههه
صفاء : باه يادبه
لوجين : دبه في عينك
صفاء : توه انقول لصهيب بالي سيبتها وافتكيت منها الكلوطه هذي
لوجين بدلع : في عينك هوبا ميقدرش يتسغني عنك
صهيب وصفاء : ههههههههه
لوجين : صفاء متقوليش حالة المايك يا بهيمة
صفاء : شاطره عرفيها بروحك حالة المايك وكلامك كله سمعه صهيب
لوجين : طاح سعدك نهارك بس انشوفك
صفاء بخوف : والله سكرته ها معاش يسمع فيك
لوجين : ضيعتلي رصيدي بعد انشوفك نتفاهمو بعدين ....(وسكرت)
صفاء بخوف : حي عليا
صهيب : تستاهلي
صفاء : كله منك انت الي قتلي افتحي المايك
صهيب : مش شوري تفاهمي مع صحبتك ههههههه
وصلت صفاء للجامعة وحضرت محاضراتها وكملت باقي وقتها تهدرز مع لوجين وفرحانه لانهم ردو لبعضهم
( في المعهد )
مبروكة من اول ماوصلت قعدت تسال ع فطومة قالولها مازال ماجت
واول ماوصلت خدتها مبروكة في تركينه وحدها وقعدت تسال فيها ع الموضوع
فاطمة باستغراب : شن فيه احكي
مبروكة : نبي نسالك انتي امس بعد حكيتيلي ... قلتي عبدو اتصل بيك ومارديتش صاح
فاطمة : اها
مبروكة : بس امس كنت نكلم في عبدو قال ع اساس انتي كلمتيه وتبي تعرفي وهكي
فاطمة بارتباك : لا طبعا مستحيل
مبروكة : يعني شنو
فاطمة : يعني خطيبك كذاب كيف باقي الرجاله
مبروكة : فاطمة احترمي نفسك
فاطمة : توه انتي من جدك مكذبتيني ومصدقة عبدو ابتاعك
مبروكة : فطومة عبدو مايدسش عليا في شي وعمره ماكذب يعني عليش يبي يديرها توه
أنت تقرأ
الحلم يتحقق ( روايات ليبية )
Romanceقصة كفاح بنت ليبية بدينة للوصول الي الرشاقة و أيضا الوصول الي حلمها الذي انتظرته طيلة حياتها ؟ فما هو حلمها ؟ و كيف كانت قصة كفاحها ؟ للكاتبة : تهاني إدريس
