من كل بيت حكايه

سادس

#من_كل_بيت_حكايه
تكمله جزء الخامس
بقلمي : فردوس عبد اللطيف
من المؤسف حقاً أن تبحث عن الصدق في عصر الخيانة وتبحث عن الحب في قلوب جبانة.
شاكر :
إنني أؤمن عن يقین أن سعادتنا تبدأ داخلنا، وأن السعادة في العطاء ربما تفوق السعادة فیما يعطیه لنا الآخرون، وأن الإخلاص أكبر بكثیر من إبھار جرح الخیانة.
لما سمعت كلامها جلست عالكرسي الي يم باب الغرفه لان مكدرت اوكف على رجلي
وكعت الشنطه من ايدي وبقيت افكر شسوي شلون انتقم منهه
****
نور : كنت اتكلم مع عزام وماخذه راحتي سمعت صوت شي وكع سكتت لحظه
خل افتح الباب واشوف شكو بره
فتحت الباب وشفت شاكر جالس عالكرسي الي يم الباب
تيبست جسمي كوله يرجف باوعت لوجهه ينطي الوان
نظرته الي غريبه غلقت التلفون
ووضعته بالارض
شاكر حبيبي الحمد لله عالسلامه من شوكت انت هنا ؟
شاكر : استجمعت كل قواي ولازم انطيها درس قبل ما اطردهه
وكفت يمهه ولزمت شعرهه وهزيت راسهه ولج منو عزام ؟
عندج حبيب ؟ خاينه ...نذله
جريتها من شعرهه وركعت راسها بالحايط مره وبالباب مره
وهي تتوسل
فلتت من ايدي وكعت عالارض
رفستهه برجلي كنت لابس حذاء العمل يشبه البسطال
بي حديده من الامام نستلمه من شركه النفط
واني اضرب باي مكان بجسمها
نور : كافي شاكر كافي والله ماخنتك عزام مو بالعراق بالخارج
هذا ابن عمي وكنت احبه قبل مانتزوج
شاكر : وره ماتزوجتي رجع الوداد لو شنو ؟
دنك عليها وضربها بوكس ولزم رقبتها وخنكها
شاكر : من دنكت واني ماحاسس بنفسي اخنك نور وهي وجهه صار ازرك
سمعت صوت طيبه تبجي وتصيح ماما
عبالك منوم مغناطيس وفزيت
حسيت على نفسي
امي واختي جوي يركضون على صوتنا وصياحنا
ام شاكر : يا يمه هذا شاكر شجابك ابني شنو السالفه
شاكر : وخرت ايدي من نور
نور تصرخ لحكوني شاكر تخبل يريد يموتني
شاكر : وسط ذهول الكل
دفعتني نور ودخلت للغرفه وقفلت الباب عليها وطيبه تصرخ
تنرفزت ادك عالباب وماتقبل تفتحه
وامي تهديني
اخذوني لبيت اهلي جوه ورجعت امي صعدت يمها
جابت طيبه وجتي
ام شاكر : يمه اهدأ واحجيلي شصار ترى اني مثل اطرش بالزفه شنو الي وصلكم لهالحاله
نور منهاره وتلطم وتبجي
وانت تريد تقتلهه !!!!
وين هدوئك وين حنيتك
شاكر : يمه ماريدهه طرديها من البيت وبنتي بعد ماتشوفها
تحرم عليها شوفة طيبه
ام شاكر : الصبح نتصرف بالليل ميصير نوديها لاهلهه
شاكر : اوكفي قبل ماتروح لاهلهه اريدهه تتنازل عن بنتي
ومستعد اطلكها وما احجي لاهلهه
روحي تفاوضي وياها
تكتبلي تنازل عن بنتي وماتداعيني بشوفتها بيوم من الايام
وتتنازل عن كل حقوقها بالغايب وتطلع من بيتي بهدومها
اسمحلهه تاخذ ملابسها فقط
اما الذهب يبقى لطيبه تتنازل عنه لبنتها
بالمقابل مراح افضحها واحجي لاهلهه على علاقتها بابن عمها وخيانتها
*****
نور وافقت على شروط شاكر والسبب
هي ماعدهه اي مشاعر تجاه بنتها لهذا ماهتمت وتنازلت عن بنتها
وكالت ممكن اتزوج عزام واجيب منه اطفال
اما الفلوس والذهب ماهمتهه كد ما همهه تجتمع بعزام وتسافر
وتتزوجه
اهل نور تفاجئوا من تصرف شاكر لما طلكها وبدون اي مقدمات واحتاروا وحاولو معرفة السبب من بنتهم ومن شاكر لكن الاثنين التزمو الصمت والجواب كان ممتفاهمين
وتنازل بنتهم عن حق الغايب وحقها بحضانه بنتها هم اثار تساؤلات لكن نور بررت انها ماتريد تصرف عالبنيه لان ابوهه هو مسؤل عليها
*****
عزام يتصل بنور ورجعت علاقتهم اكثر من قبل
طيبه تبجي تبحث عن امها لكن ام شاكر ماقصرت بتربيتها
وتعويضها خسارتها لوجود امها بحياتها
*****
عزام : حبيبتي بعد ماكملتي عدة الطلاق حجزت وراح اجي
اخطبج من عمي ماريد اخسرج مره ثانيه
نور: معقوله عزام حاتجي وأملي عيوني بشوفتك يابعد عمري يا احلى حبيب
*****
بعد وصول عزام
طلب من اهله يخطبوله نور
بالبدايه اعترضوا
مع اصرار عزام اضطروا يوافقون ويتقدمون لخطبه نور لعزام
وتم عقد القران بحضور الاهل والاقارب
نور مرت عليها لحظات السعاده مثل الحلم
عزام : حبيبتي نور شحايصبرني على فراكج لما اروح وأقدم اوراقج
نور : اني شكول عالاقل انت حاتلتهي بشغلك وبلد حلووو الا اني ابقى مكابله الحياطين واحسب الايام
عزام : بس هالمره تحسبيها لجيتج يمي
****
سافر عزام وسط حزن ودموع نور
مرت الاشهر والإجراءات متأخره
بس عزام عنده علاقات ومحامي شاطر كدر يقلل المده واستعجل بالإجراءات
وخلال سنه ونص كملت الموافقه ونور تسافر لحبيبها عزام
ودعت اهلها واهل عزام وغادرت الوطن بدون ماتشوف بنتها كل هالفتره وهي متكدر تلتقي بنتها
استقرت نور بالسويد مع زوجها وحبيبها عزام وبدت مرحله جديده بحياتها
تحاول تنسى الي مرت بي وتنسى بنتها الي عافتها وهي بالاشهر
وكل هذا هي تحاول تنسى طيبه
نور : حبيبي عزام باجر اداوم بالمدرسه علمود اللغه
اريدك انت توديني اول يوم وتدليني الطريق
عزام : اتفقت مع زوجة صديقي ام رانيه راح تجي عليج
ترحون سويه
نور : ياحياتي بكولشي تفكر تريحني شكرا ياعمري
عزام : اعرف بيج مثل الطفل خايفة من اول يوم ومحتاجتني وياج بس تدرين ماكدر اعوف شغلي لو يوم واحد
لازم اروح للعمل من الفجر اطلع
نور : حقك حبيبي ومادام ام رانيه وياي مراح اخاف
****
داومت نور بكورس اللغه
وسعيده انها تتعلم وتدرس
بعد مرور شهر
ام رانيه : الوووو ابو رانيه الحكني صارت حادث ونور تاذت حيل وحاليا بغرفة العمليات
ابو رانيه : لاحول الله خطيه شبيها خو مو وظعها خطر ؟
ام رانيه : هي دعمتها سياره وصار عدهه نزيف اعتقد جانت حامل وخسرت الطفل
ابو رانيه : اوك راح ابلغ عزام ونجي اني وياه
*****
في المستشفى
الطبيب : منو زوج نور ؟
عزام : تفضل دكتور اني
الطبيب : مع الاسف خسرنا الطفل وزوجتك وظعها خطر
واضطررنا لرفع الرحم
عزام : مافهمت دكتور
الطبيب : الرحم تضخم وكان ممكن يحدث انفجار بسبب الحادثه مما اضطرينا نرفعه وهذا معناه ان زوجتك بعد مراح يصير عدهه حمل
عزام : يعني خسرت ابني وبعد مراح يصير عندي اطفال
المهم نور وظعها الصحي ؟
الطبيب : حاليا بغرفة العنايه المشددة
باجر تتحسن ويستقر وظعها
*****
انها إرادة الله
نور خسرت رحمها وخسرت طفلها
دخلت بحالة حزن وكآبه
نور : كلما الزم بطني اكول يعني مراح احمل بعد
شكد كرهت حملي بطيبه شكد كرهت وجود طيبه بحياتي
لانها من شاكر
وشكد تبطرت على نعمه ربي وتالي خسرت كل آمالي
وعزام ياترى راح يبقى بدون طفل طول عمره
مراح يتمنى يصير عنده طفل بيوم من الايام
معقوله نور ممكن يجي اليوم الي تتفاجئين بعزام متزوج
ويكولج من حقي يصير عندي طفل
لا لا لا مستحيل اني ضحيت بحياة سعيده من اجلك عزام
معقوله انت مراح تضحي من اجلي
****
مرت السنين وطيبه دخلت بالمدرسه بس شاكر رفض يتزوج اي امرأة بعد الي شافه
وكال حياتي لبنتي
باعوا بيتهم وتحولوا لمنطقه اخرى
ام صبا تتمنى تشوف طيبه لكن ماتكدر شاكر يرفض اي شخص من اهل امها يجي يشوفها
وام شاكر هي الي تحملت سهر الليالي وتربيه طيبه
سميه تزوجت وبقت طيبه وجدتها وابوهه وحدهم
وعماتها يجون يساعدون امهم بتنظيف البيت
مرت السنين وطيبه دخلت المتوسطه
*****
نور : كملت دراستها واشتغلت معلمه بالسويد
حبيبي عزام اريد اروح للعراق
عزام اوك روحي شوفي اهلج
نور : مو بس اهلي مشتاقه لطيبه مشتاقه لبنتي
عزام : انت تنازلتي عنها شحاتسوين
نور : اكيد اكو الف طريقه انت احجزلي ومعليك
****سافرت نور للبصره
ام صبا : يمه من كل عقلج تكدرين تلتقين بطيبه مو انت تنازلتي
نور : باجر اروح لمدرستها واشوف وين نتقلت باي مدرسه
ومنهه راح اعرف هي وين
هو شاكر عباله من غير سكنه مراح الكي بنتي
****
بعد مراجعات لمدرسه طيبه الابتدائيه
نور عرفت اسم مدرستها المتوسطه
****
نور : صباح الخير حضره المديره
المديره : تفضلي
نور : ست اني معلمه بالسويد وهذا جوازي
انحرمت من بنتي طول عمرهه من هي بالاشهر زوجي طلكني وحرمني منهه
نزلت دموعها وهي تبجي بحرقه وحجتلها شلون خسرت طفلها ورحمها ومابقالهه بالدنيا الا تشوف طيبه وبدون علم ابوهه لان اذا عرف راح يمنعها تشوفها
اقتنعت المديره بدموع نور ووافقت تخليها تشوفها
المديره : بنتي طيبه وين امج ؟
طيبه : دنكت وطفرت دمعتها
ست ماما متوفيه
نور ماتحملت الموقف
حبيبتي اني ماما
طيبه : مامستوعبه الموقف شنو اني ماما
نور : باعي طيبه هذه صورتج بحظني
شوفي صورتج من كنتي صغيره هذه انت
حضنتها بوستها لكن طيبه لسه بارده ما مصدكه ان هذه امها
نور : ست ممكن اخذهه بالساحه نتمشى
حبيبتي طيبه ابوج طلكني وخلاني اتنازل عنج وانحرمت منج طول هالسنين منعني اشوفج
ومالكيت غير هالطريقه اقنع مديرتج والتقي بيج هنا
حضنتها والاثنين يبجون
نور : باعي طيبه راح اكولج شي
الي صار اليوم ماريدج دكولين لبابا او بيبي عليه
اليوم ترجعين للبيت كانما ماكو شي مثل كل يوم واني جايبتلج
هدايا لا تراويهم
باعي شجبتلج حبيتي وحبيبة كلبي
****
نور نجحت بخطتها ولازم تكملهه للنهايه لان اكو براسها خطه تريد تنفذها
استمرت لقاءات نور وبنتها بدون مايحسون شاكر وامه
بس شعروا اكو تغيرات على طيبه لكن ماخطر براسهم
ان ممكن نور تلتقي بنتها بالمدرسه
نور : بنتي طيوبه اريد اسويلج جواز واخذج للسويد
هناك الحياة تختلف
هناك المستقبل بالدراسه
كولشي مختلف هناك
اريدج باجر تجيبين صور وجنسيتج وشهادة الجنسيه وبطاقة السكن
كوليلهم طالبينه بالمدرسه
طيبه : اوك ماما
كدرت نور تقنع طيبه بإصدار جواز
وفعلا من خلال المحاميه صدرت الجواز خلال يومين
*****
نور : حبيبتي طيبه اني باجر راح اسافر وهناك راح اقدملج
طلب فيزه ومراح تطول خلال شهرين وارجعلج
مرت الشهرين على نور بقلق وتوتر
اما طيبه عزلت نفسها عن ابوهه وجدتها تحاول تخفي عنهم
علاقتهه بامها لان اذا عرفوا راح تنحرم منها
كملت الاجراءات ورجعت نور وجايبه الطلب لبنتها طيبه
بالمدرسه
نور : هلا حبيبتي مشتاقتلج كومه
راح ابقى اسبوع ارتاح واحجز واخبرج بموعد سفرنا
انت خليج طبيعيه لا يحسون بيج ترى يخرب كل شغلنا
طيبه : لا ماما محد عرف
بعد مرور اسبوع
حجزت نور وبلغت طيبه باجر تجي تاخذهه من المدرسه
طيبه خافت لكن وجود امها مقويها
ام شاكر : اليوم ما اكلتي طيوبه لا بالغده ولا بالعشا
طيبه : بيبي مو جوعانه
****
طيبه : اباوع عالبيت وعلى غرفة بابا وغرفة بيبي
راح اعوفكم واروح لعالم اخر
اروح لامي الي حرمتوني منها طول عمري
انحرمت من كلمه ماما
انحرمت من حضن ماما
راح اروح باجر وبعد ماتشوفوني
يعز علي فراكم لكن السفر مستقبل الي
*****
اليوم الثاني
في نهاية الدوام جتي نور اخر درس
وكفت باب المدرسه واشرت لطيبه
اخذت شنطتها وطلعت مع امها
صعدت بالسياره واخذتها لبغداد لان سفرتهم من مطار بغداد
*****
ام شاكر : الو يمه شاكر بنتك تاخرت مو عوايدهه ظل بالي يمها الطالبات كلهن رجعن الا هي
شاكر : شنو مارجعت وين تروح تاكدي من الجوارين
ام شاكر : يمه سالت البنات كالن ماشافوهه
شاكر : يمه وين راحت بنتي اني جاي
رجع شاكر للبيت وبنته بعدهه ماكو
طلعوا هو وامه وخواته يدورون بكل بيوت الجوارين وصديقاتها محد يعرف وين طيبه
شاكر : ماكو فايده راح ابلغ الشرطه البنيه اختفت لو مخطوفه لو انهزمت وماعتقد بنتي تنهزم
وراها حروح ادور بالمستشفيات
*****
الساعه 12ليلا
ام شاكر : ها يمه شو رجعت وحدك وين بنتي
وين طيبه ربيتها وتعبت وين تروح مني
ام شاكر تلطم وتبجي
شاكر انهار يبجي ويلطم لان معتقد بنته انخطفت
اليوم الثاني
شاكر وضابط التحقيق بالمدرسه
الضابط : حضرة المديره تعرفين الطالبه طيبه شاكر
المديره : اي اعرفها اشبيها
الضابط : اختفت البارحه من المدرسه
اريد توضيح من حضرتج
المديره : هذه الطالبه جتي امها قبل فتره وتبجي دكول انحرمت من بنتي وطلبت مني تشوفها داخل المدرسه
وبقت تتردد كل فتره ويلتقون سويه
حتى البنيه كايليلهه امج متوفيه
شاكر : قصدج بنتي طيبه كانت تلتقي بامها طول هالفتره واحنا منعرف
****
بعد التحقيق ومساعده زوج عمتها الي يشتغل بالمخابرات
تبين ان طيبه سافرت مع امها من مطار بغداد الى السويد
****
شاكر : قدم اوراقه للقاضي وتنازل نور عن بنتها واعتبرت
القضيه خطف لان طيبه قاصر
وبعد المراسلات وتدخل الانتربول بمساعده الواسطات
تم استرجاع طيبه لحضن ابوها وجدتها
اما نور صدر بحقها قرار بالسجن لذلك بقت فتره ماتكدر تجي للعراق
طيبه تندمت عالي سوته ورجعت تداوم بمدرستها
وشاكر وجدتها سامحوها لان عمرها زغير وحرمانها من امها جعلها لقمه سهله لمخطط نور
الي خسرت حتى عزام لان تزوج بحجه يريد اطفال وفعلا
زوجته جابت طفلين بنت وولد
وبقت نور وحيده مع حسرات الندم
شاكر ماتزوج وهب حياته لبنته وامه
القصة حقيقية
ترقبوني بحكايه اخرى
***** فردوس عبد اللطيف *****