-" بيت السلواني تهذيب وتطوير وإصلاح ..هو دا الإصلاح !"
-" إنت محتاج الي يصلح نفوخك على الي إنت بتعمله دا إنت بتهبب إيه"
صرخ سالم غير مستوعب تصرفات سيف على الإطلاق بهذا الشكل الغريب وجلباب الكستور الأغرب وهذا المنديل ذو الكور الملونة التي يعقد بها رأسه ..ومن خلفه سليم يحتضن " الزعافة الشفافة " و" الشرشوبة اللهلوبة " منهمكين معا في تنظيف المنزل وترتيبه !
ليهمس سيف وهو يحيط كتف أخيه سالم بحنان أمومي وبراءة مطلقة :
-" مانت عارف رقرق خطشيبة أخوك جاية ...يرضيك تلاقي البيت مترب !"
-" أومال فين أم محمد الي بتنضف دايما !"
سؤال بديهي من شخص لا زال غير متعمق في علاقة الثأر بين سلوى وسيف عامة ...ليبرر سيف بوضوح:
-" ماما إدتها أجازة !"
-" ليه ؟"
-" عشان تسحلني ..بتسأل أسئلة غير منطقية الصراحة إيه دا ...تفتكر يعني دا تطوع مني !"
-" وأمك عاملة في كدا ليه ؟"
-" سوء إستماع وسخرية بتحاول تصحي الكائن المؤدب الي جوايا ...وتخليني أراجع نفسي ..مش لما أراجع المنهج الأول أبقى أراجع نفسي !"
تجاوز سالم ببصره سيف وهو يتأمل سليم في حال أخر يتأمل سقف البناية وكأنه يبحث عن ذرات التراب الغادرة ليغدر بها !
لينتشله سالم من هذا التردد صارخا :
-" طيب هو وبيتعاقب إنت بتعمل إيه ؟"
-" بدعمه نفسيا ...وبعدين كله عشان رقرق !"
رفع سالم حاجبه وهو يهمس :
-" رقرق ...إيه موضوع رقرق دا ؟"
تقدم سليم عدة خطوات ليقترب من سيف يضع يده خلف ظهره وهو يهسم بفخر :
-" سيف يا سيدي ..قرر يعملها سيم عشان محدش يعرف اننا بنتكلم عنها !"
هز سالم رأسه بتفهم وهو يهمس بسخرية :
-" رقرق ..سيم لرقية ....إنضميت لرأفت الهجان إمتى ؟"
-" يابني أنا الي مدربه ..."
-" دا رأفت ؟"
-" طبعا أومال ..."
تجاهل سالم سيف وهو يعلم أنه لو أكمل الحديث معه سيرتكب جناية حتما لا مفر ...
فوجه نظره لسليم وهو يهمس متسائلا ينظر لساعة يده :
-" إنت يابني مش وراك إجتماع مجلس إدراة كمان ساعة !"
أنت تقرأ
عيلة سين
Humorعيلة سين 🤓 سالم -سليم -سيف_سلمى ! قد تبدو عيلة مرحة مجنونة تميل لخفة الدم وتحويل كل ما هو واقع إلى ساخر ولكن بشكل أو بآخر يجمعهم روح قوية مترابطة في مواجهة خطة الوالدة سلوى فتزويج كل منهم حسب وصية محددة وبدون ادنى اعتبار لرغبتهم ! فيقع سالم في موا...
