لو عرفتموه♥

13💜

✅🌅 لو عرفتموه 🌅✅

🔆الحلقة 13🔆

يلا صلوا على النبى 🙂
هنكمل النهارده حب خديجه و محمد ﷺ♡

بعد ما نفيسه لقت السيده خديجه مشغوله بمحمد ﷺ وفهمت نفيسه مشاعر صحبتها قالت : يا خديجة هل تأذني لي أن أخبره ♡ ؟
ردت خديجة و قالت : في أي شئ؟
قالتلها : في الزواج 😊
فردت خديجه : الزواج !
قالتلها : نعم الزواج منك 😊
فخديجة قالت : نعم ☺:') ♡

و راحت نفيسة للنبي عليه الصلاة والسلام فقالت : يا محمد مش بتفكر فى الزواج
قال : ومين تفكر تتجوزنى وأنا لسه فى بدايه حياتى
فقالت : خديجة 😊
فالنبي قال : هيا ترضى؟! ♡
قالت نفيسة : طيب هكلمهالك و اشوف. وبسرعه تجرى نفيسة وهيه طايره من الفرحه لحد ما وصلت لخديجه وقالت: أبشري يا خديجة قَبِلَ محمد .. قَبِلَ محمد ..
ففرحت خديجة حتى بكت :') ♡

وغابت نفيسة يومين و راحت نفيسه لمحمد و قالت بفرح : يا محمد ..قبلت خديجة ..قبلت خديجة ..ولما قلت لخديجه عليك قالت: وهل مثل محمد من أحد ♡ ! ( يعنى هوه فيه فى الدنيا زى محمد )

فرح النبي صلى الله عليه وسلم وتم الزواج ، كان بيحبها لدرجه ان النبي ﷺ
كان لما يجي يتكلم عنها كان يقول " إنى رُزِقت حبها "

نحكى شويه مواقف عن حب
خديجه ومحمد ♡

مره كان النبى عليه الصلاة و السلام قاعد في البيت بعد وفاه خديجه وكان اتجوز عائشة رضي الله عنها ..فالباب خبط ، فالنبي ﷺ قال : ايه دا .. كأنه صوت خديجة "صوت خبطتها "فيقول اللهم اجعلها هالة أخت خديجة" فيفتح ..ففعلا تطلع هالة أخت خديجة (عارفين اى حاجه تيجى من ريحه الحبايب .. ❤ )
وفرح النبي ﷺ جدا بزيارة اخت خديجة رضي الله عنها

ومره يوم فتح مكة يعني بعد وفاة السيده خديجة ب 15 سنة يدخل النبيﷺ مكه منتصر ..قائد لجيش عظيم معاه 10 الاف جندي..فيقف عند قبر خديجه و يبكى :') ♡

ولما كانت كل القبائل جاية تبايعه على الإسلام ، النبي ﷺ يلاقي ست عجوزة جاية تتعكز على عصاية ..فالنبي ﷺ وشه فرح اوى بعد ماشافها وراح خالع العبايه اللى على ضهره وفرشها على الأرض وقعدت الست عليها وقعدوا يتكلموا سوا شويه ،

و أول ما الست مشيت ..تيجي السيده عائشة و تقول: يا رسول الله من هذه العجوز ؟ فيقول : يا عائشة هذه صاحبه خديجة ، كانت تأتينا أيام خديجة..
قالت : وفيم كنتم تتكلمون؟
قال ﷺ : كنا نتذكر الأيام الخوالي ♡ ، أيام خديجة ...

فغضبت السيده عائشة ( غارت 😊 ) وقالت : أوَلم يخلق الرب غيرُ خديجة ، والله قد أبدلك الله خير منها" قصدها على نفسها "..
فالنبى عليه الصلاه والسلام رد عليها وقال :
يا عائشة.. لا والله ليس في الدنيا مثل خديجة ، لقد آوتني حين طردني الناس ، وصدقتني حين كذبني الناس و واستني حين حرمني الناس ،
أوَ في الدنيا مثل خديجة !
" يعنى هوه فيه فى الدنيا زى خديجه :') "

مرة الصحابة دبحوا غنم فالنبيﷺ راح وأخد حته منها ولفها ..وقالهم : أرسلوا به إلى صاحبات خديجة ،

النبي ﷺ عنده 25 سنة والسيده خديجة عندها 40 سنة و اتوفت خديجه لما النبىﷺ كان عمره 50 سنه ..يعنى عاشوا سوا 25 سنة وده اكبر رد على اى واحد بيقول ان الرسول ﷺ بيحب الزواج كتير .لانه عاش شبابه كله لم يفكر ان يتزوج بغير السيدة خديجة .

على فكره الزوجه اللي النبيﷺ
اختارها بنفسه هي خديجة بنت خويلد وباقي الزوجات كان زواجهم بأسباب وفى منهم زواجهم كان بأمر من الله عز وجل.. وهنرد ونوضح سوا اسباب زواجه من كل زوجه من زوجاته وإيه اللى حصل..وده هيبقى رد على أي حد بيخوض في رسول الله 😠

وتعيش السيده خديجه مع محمد ﷺ
في حب وسكينة وموده ، قصة حب لم يشهد التاريخ مثلها.. لغايه ما تحصل حادثة جميلة أوي ..ابن أخو السيده خديجة اسمه حكيم ابن حزام ..ده كان كافر.. مرة حكيم كان ماشى فى السوق.. فلقي ولد صغير شكله جميل بيتباع في سوق الرقيق ، وده طبعا قبل نزول الوحى على محمد . المهم حكيم ابن حزام دخل سوق الرقيق واختار ولد صغير يخدمه في البيت اسمه .........

هنعرف الحلقه الجايه ان شاء الله <3

صلوا عليه وسلموا تسليما ❤
🌱🌸🌱🌸🌱🌸🌱🌸🌱🌸
#لو_عرفتموه
#حياتي_دعوة