لو عرفتموه♥

16💜

✅🌅 لو عرفتموه 🌅✅🌱

🔅الحلقة 16 🔅

يلا صلو على النبى 🙂

سيدنا محمد ﷺ دلوقتي عنده 38 سنة ، خلال الفتره اللي فاتت  شفنا ربنا كان بيجهز سيدنا محمد ﷺسياسيآ واجتماعيآ  وأخلاقيآ.. و مر بإبتلاءات من وفاه امه و تعلقه بجده و وفاته وغيره .. كل دى ظروف هيئها رب العالمين له صلى الله عليه و سلم ..
الوحي هينزل كمان سنتين .. هينزل وسيدنا محمد ﷺ عنده 40 سنة ..والسنتين اللي فاضلين دول ربنا هيجهز النبي ﷺ روحيآ ، أصل الوحي ده مش حاجة سهلة ربنا بيقول :
" لَوْ أَنزَلْنَا هَٰذَا الْقُرْآنَ عَلَىٰ جَبَلٍ لَّرَأَيْتَهُ خَاشِعًا مُّتَصَدِّعًا مِّنْ خَشْيَةِ اللَّهِ "
و قال كمان : " إِنَّا سَنُلْقِي عَلَيْكَ قَوْلًا ثَقِيلًا "

إيه اللي هيحصل في السنتين دول ؟ هيبدأ يحصل  لسيدنا محمدﷺ حاجات عجيبة و إلى حد ما مخيفه..
أول حاجه : الرؤية الصادقة.. حلم يشوفه في المنام   وبعدين يتحقق تانى يوم الصبح.. انتو متخيلين ، ده بيحصل يوميآ لمحمد ﷺ ..ويصحى يحكي لخديجة ويحكي لفاطمة والسيده خديجة متبقاش عارفة إيه اللي بيحصل..

تانى حاجه حصلت له : لما كان بيمشى  في طرقات مكة.. ومكة صحرا.. فيمشي والدنيا فاضية..فجأة يسمع : السلام عليك يا رسول الله !! يلتفت محمد ﷺ: فمش يلاقى حد.. يجى يمشي في طريق تاني فيسمع  : السلام عليك يا نبي الله ، فيلتفت و يبص.. برده مش يلاقى حد ..فيخاف صلى الله عليه وسلم ..و بعد النبوه  هيحكى صلى الله عليه و سلم ويقول :" والله إني لأعرف حجرا بمكة كان يُسلم عليّ ، إني لأعرف مكانه الآن " (عارف الحجر اللى كان بيسلم عليه)

تالت حاجه : حُبب إليه الخلوة  ، يعنى بقى مش بيحب يقعد مع الناس ، بيحب يخلو بربه ويقعد لوحده ..بقى بيروح غار حِراء كتير،  جبل صعب جدا عشان تطلعه عايز حوالى 3 ساعات تقريبا.. و يوصل لتجويف  او كهف صغير كده..يقدر منه يشوف الكعبة من فوق ويقعد فى الغار يتفكر في خلق الله ...في خلق السماوات والأرض .. تعاقب الليل والنهار .. في الشمس والقمر والنجوم .. يتفكر في اللي بيحصله.. انا مخلوق ليه و إيه المطلوب منى ؟..  وساعات كان بيقعد شهر فى الغار ...وكانت السيده خديجة حبيبته ♡ تطلع له كل 4 أيام بأكل و مايه (متخيلين التعب اللى بتتعبه دى كان عندها 55 سنة وقتها)..

و مش بس كده دى كمان  بتشاركه ..بتقعد جنبه ، تحط الأكل قدامه ومتتكلمش معاه ..لأن مدام هو طالع هناك لوحده  يبقى  اكيد مش عايز يتكلم مع حد (شوفتوا الزوجه الصالحه والزكيه كمان💓) ..

(و على فكره كان بيعمل كده شهر من كل سنة ..ويقال إن ده كان شهر رمضان)

وفضل محمد عليه الصلاه و السلام على الحال ده لغايه ما جت اللحظة الحاسمه ..هينزل جبريل عليه السلام في ليله من الليالي على محمد ﷺ و هو قاعد فى الغار ..

لحظه إلتقاء الأرض بالسماء الحلقة القادمة ان شاء الله..

صلوا عليه وسلموا تسليما 💓
🔅🔅🔅🔅
#لو_عرفتموه
#حياتي_دعوة