لو عرفتموه♥

30💜

🔅 الحلقه 30 🔅

يلا صلوا على النبى 😊

و تستمر قريش فى إيذائها للنبى صلى الله عليه وسلم، بس المره دى الإيذاء سخيف اوى، قريش جابت ولد جميل و متعلم  و خدوه و راحوا لأبو طالب و قالوا: يا أبا طالب إنَّا نراك تحب الأولاد..فخذ أبننا هذا لتربيه وأعطنا محمد، فقال أبوطالب: والله ما أنصفتموني (ده ظلم) تعطوني غلامكم أسمنه لكم و أربيه وأعطيكم ابني تقتلوه،أخرجوا عني ليس لكم عندي أمر..

وبعدين يحصل موقف جميل جدا (هنعرف منه ثبات النبيﷺ :')
الموقف اللى حصل 👈🏻 واحد من بره مكة، راح لكبراء قريش و بيشتكى و يقول: إن "أبا الحكم" أخذ منى مالاً ويأبى أن يرده إلى ّ ( أبا الحكم ده هوأبو جهل  على فكره 😊  ) المهم الراجل بيست نجد بيهم و يقول : فمن منكم يأتينى بمالى من أبا الحكم ؟؟ (حد يجيب لى فلوسى منه). 🙁

كفار قريش لاقو فرصة عشان يستهزءوا بالنبى ﷺ ..فعملوا ايه؟ قالوا للراجل: محدش هيعرف يجيبلك فلوسك غير الراجل اللى هناك ده .. محمد ﷺ.
(طبعا بيهرجواً ،هو محمد صلى الله عليه وسلم يقدر على أبو جهل دلوقتى!! هما بيحرجوه ..لأنهم فاكرين انه ضعيف من وجهه نظرهم) المهم الراجل صدق وقام راح للنبى ﷺ وكان بيصلى، فأول ما النبى ختم الصلاة قام الراجل قايله : يا محمد إن أبا الحكم يرفض أن يعطينى مالى و إن هؤلاء يزعمون أنه لن يأتينى بمالى من أبا الحكم إلا أنت..
فراح  النبى ﷺ باصص عليهم لاقاهم واقعين على نفسهم من الضحك ،

فالنبى بصلهم وبص للراجل وقال ﷺ: أجل يا أخى أنا آتيك بمالك 🙂 (شايفين القوة، خودوا بالكم النبى عليه الصلاة و السلام عارف انه هيتأذى بس واثق فى ربه)

و فعلا ياخد النبى ﷺالراجل من أيده ويروحوا على بيت أبو جهل ويخبط (وكفار قريش واقفين هناك هيموتوا من الضحك ومستنين يشوفوا أبو جهل هيعمل فى النبى  وهيأذيه ازاى !! ) فأبو جهل فتح الباب. فقال النبى ﷺ: يا أبا الحكم أخذت من هذا الرجل مالاً ؟ فقال ابو جهل: : نعم.. فقال النبى ﷺ:وترفض أن ترد للرجل حقه و ماله ؟ قال ابوجهل : أجل ،فقال النبى ﷺ: أعطى الرجل ماله الأن ..
العجيب أن أبو جهل سمع الكلام و قال: أجل سأفعل.😳.
ودخل بسرعه و جاب الفلوس و أداها للراجل وجرى قفل الباب و هوه بيترعش !! .. قام الراجل أخد فلوسه وشكر النبى ﷺ
ومشى و النبى كمان مشى  بعده  😊

بس كفار قريش كانوا فى حالة ذهول وغضب فجريوا على أبو جهل خبطوا عليه ففتح لهم، فقالوا : تباً لك !! والله ما فعلنا هذا إلا لنستهزئ بمحمد ..ماذا بك؟!( ايه الى جرالك ؟) ، عارفين ابو جهل قال لهم ايه ؟ قال :والله لقد رأيت خلف محمد فحل إبل ينظر الىّ لإن لم أعطى الرجل ماله أكلنى .. معجزة من معجزات النبى ﷺ 🙂
  و كأنه لو مسمعش كلام النبى ﷺ ، الوحش ده كان هيهجم عليه، سبحان الله يمكن ده ملاك او جند من جنود الله سبحانه وتعالى 🙂

وصدق الله تعالى في تثبيت  وتأييد النبي صلى الله عليه وسلم
قال تعالى( وَاللَّهُ يَعْصِمُكَ مِنَ النَّاسِ) 💡
صلوات ربي وسلامه عليه 💓

ونكمل بكره إن شاء الله.🙂.

صلوا عليه وسلموا تسليما ❤

#لو_عرفتموة
#حياتي_دعوة