الهاربة والضابط

٦_١٠

رافد :فتت لكيت شمس واكعة بلكاع
شمس شمس تسمعيني
شلتهه ونزلت
يمة شموسة شبيهه البنية عزة بعيني شبيهه البنت
مابيهه شي يمة هسة راح اخذهه للمستشفى
شمس شمس شبيج
السلام عليكم بس عفية الطوارئ منين
اول صالة
شكرا
شلتهه وفوتتهه للطوارئ دكتور عفية هاي مدري شبيهه شو تخربطت غفل
ضل الدكتور يفحص بيهه
عيني ضغطهه مصفر منخفض كلش لدرجة لو متأخر عليهه جان ضربتهه سكتة
وشنو السبب
هي متزوجة
اي اني زوجهه
اي احتمال عدهه حمل
حمل 😮
اي ليش مستغرب
عالعموم هسة راح نسويلهه تحاليل عامة ونفهم شنو سبب الهبوط الحاد هذا بس هسة علكتلهه مغذي وانشالله ماكو شي
تسلم
تدلل
معقولة حبلت بيوم واحد
لا مستحيل
معقولة هذا السبب😮😮😮
خلي اخابر امي واتأكد
هلة يمة
اكلج يمة شوكت اكلت شمس اخر مرة
شنووووو البارحة الصبح
هاي هي يمة عرفت فهمت فهمت
لا اله الا الله هسة شسوي
بس من رخصتج
تفضل
بس من يخلص المغذي كليلي اريد اطلعهه
بعد مسوينالهه تحاليل
لا مايحتاج
مايصير تطلعهه لازم نسويلهه تحاليل
لا اطلعهه على مسؤوليتي
شمس:ياسر حبيبي وينك
شمس شمس صحيتي
ياسر
منو ياسر شمس اني رافد
رافد 😥😥
كومي هسة وبعدين نتفاهم
اخذتهه بلعربانة للسيارة واني بالي يم شي واحد منو ياسر
اصعدي خانم اصعدي
مشيت بلسيارة اي وهسة سولفي منو ياسر
شمس :.........
لتسكتييييييين
كافي كافي كااااااافي لتعيط لتعيط دمرتني كااااااافي 😭😭😭😭😭😭😭
منو هذا الكوا...... مالتج
معليك بيه معليك اني بتليت بيك 😭😭😭😭
لججججج منو المعليه ادبسز 👋👋👋👋
اضرب اضرب بعد موتني وخلصني من حياتي
انتي منين طلعتيلي منيييييين
وصلت للبيت فوتت السيارة للبيت نزلت شمس محسيت عليهه غير وكعت بلكاع شلتهه وفوتتهه للبيت
ام رافد :يمة عزة شبيهه البنية 😢😢😢😢😢
مابيهه شي يمة بس خليلي من سوب الحم ومن التمن ويا لحم كثري وزلاطة وعصير حلو
ماشي يمة
صعدتهه واني داصعدهه انفتح شعرهه عمري مشايف هيج شعر من لون ومن طول فدشي خيالي نيمتهه علجرباية وجبت مي حتى اغسللهه
بديت ارش عليهه مي وبدت تصحة
ام رافد :هاك يمة هذا الاكل
ليش مماكلة من البارحة 😡😡
شمس:...
اني كلتلج لتاكلين ويانة بس مكلتلج موتي نفسج
شمس:اني مو علمود حضرتك مااكلت
احجي عدل لا اعدلج حلكج
دااحجي الصدك
يلة بسرعة اريد هذا الاكل كلة ينااكل هسة
انطيني شالي بلاول
وليش
اريدة
شسوين بي اني رجلج وحلال متغطين شعرج كدامي
هذا الشي بيني وبين ربي وانت لتدخل بي
راح اشوفج الوجه الثاني وماطول هذا حجيج اذا اشوف الشال على راسج اسحلج سحل
شمس :حسبي الله ونعم الوكيل عليك 😭😭😭😭
ام رافد :يمة علة كيفك وية البنية فدوة العينك
يمةةةةةةةة لتدخلين
يلة اكلي بسرعة لا هسة اكسرج والله
😭😭😭😭
بديت اكل شوي شوي
كعدت تاكل مثل الطير شوية شوية
شنو قصتج شمس وشصاير وياج وشنو الي ضامتة
كملي
خلصت
ااااكلي
شبعت بعد مااكدر
ميخالف اشربي كلاص العصير
وين رايحة
انزل الصينية
لا نامي انتي واني راح اخذ الصينية
ماشي
نمت وشفت ياسر بلحلم يكلي تسلمين علبرياني كلش حبيته
والجلي
والجاي يجنن والله جنت مشتاقلج
كعدت مفزوعة معقولة معقولة ياسر ميت وعرف اني مسوية برياني هو جان يحب البرياني مالتي
لا ياربي لاا 😭😭😭😭😭ليشششششششششش
رافد: شكو شبيج شمس
لا لا مميت كلي كلي مميت مو
ام رافد: شبيج يمة اسم الله
يمة الحكيلي يمكن ياسر ميت 😭😭😭😭
منووووووو ياسر
هذا اخوهه يمة
منين عرفتي ميت
اخوهه....
شفته بلحلم كلي شكرا علبرياني وصلني يعني شنو يمة يعني ميت وعرف 😢😢😢😭😭😭ولج يمة شسوي بحالي
يمة لتفاولين علي اجوز مبي شي
احج لي القصة شنو حتى اكدر اساعدكم مو خبلتوووني
عوفوني وحدي الله يخليكم كافي 😭😭😭😭
امشي يمة خليهه خطية
شمس: 😢😢😢😢😭😭😭
يمة تحجزيلي لو شلون شنو قصتهه
انت معليك مكافي الي سويتة بيهه
اني رايح للمركز
رافد :شنو قصتهه معقولة اني ظلمتهه
لا مستحيل لو مظلومة جان حجت وكالت مظلت ساكتة
شكو رافد نسيت منين اصلهه هاي اصلهه ملاهي
بس طلعت بنية
حتى لو بس يعني لو عدهه اخو زين جان مخلاهه بالملاهي
فففففف ماادري مادري مستحيل اني غلطان
شمس : شنو وليش شنو الغلط الي سويته حتى هيج اتعاقب 😭😭😭ياربي رحمتك
ام رافد :والله ياابو رافد راح اتخبل
شلون صارت البنية
شلونهه والله مو زينة ونفسيتهه زفت وكلة من رافد
والله راح ابتلى بي يعني شكبرة شكدة حتى عيب واحد يحاجي
لازم واحد يحاجي
اصبري ام رافد خلي اشوفة وين يريد يوصل وبعدين
اني اعرف شلون اتصرف ويا
رافد : الو هلو يسور خلصت شغلك
ياسر: والله خلصت بس خلي اشوف انلغة الاجتماع الي وية مدير المركز ونتلاكة بلكهوة
لعد طالع قبلك يلة انتضرك
شمس : السلام عليكم
هلة ابنتي هسة نور بيتنة
هلو يابة البيت منور بصحابة
وانتي الصحابة واحنة الأخطار تعالي اكعدي بصفي
اسمعي بنتي اني مراضي على الي ابني سوى والي ديسوي بس رافد بسبب شغلة مديكدر يصدك اي واحد يحجي اي شي مو عاد انتي قضيتج ومو اي واحد يصدك حجيج لذلك نصيحتي الج سكتي ولتحجين قصتج ال اي احد لان مو كل واحد يصدكج مثلنة
صحيح عمو
اريد متعاتبين رب العالمين علة الي ديصير وياج لان احتمال الي سوى رافد بيج حتى تبقين بهذا البيت وبشرع الله والناس ميحجون عليج واذا رافد طلب منج تخدمي ترة مو عيب المرة تخدم رجلهه
ورافد يحب المرة النضيف المرتبة الي ترتبلة حياته
صحيح ميبين انه هو حب ترتيبج بس هو منتبهه ترة
لو تشوفين فرحت كدام اصدقائة لان انتي مرتبتله كل الأمور وهو جان قبل يتبهذل بلعزايم مالته يظل رايح جاي
اريدج تكسبي الج بترتيب وذكائج وتاخذين عقلة وكلبة لان بعد صار هذا قدرج ولازم نتي تكافحين الاخر نفس قبل ميروح من ايدج
شوفي اجوز هاي الشغلة كلهه صارت انه اني لكيت وابني سوة هيج وياج اجوز كل هاي مو هيج صارت هاي الأشياء صارت اجوز ربج رادلج عائلة يصيرون اهلج من بعد اهلج الله يرحمهم احسن متصيرين بلشارع وتنهش بيج الذيابة
كولي الحمد لله لكيت واحد عقد عليه
واني راح اخلي رافد يعقد عليج محكمة حتى كدام الناس انتي مرتة شرع وقانون مجرد عرس منسوب لان ادري مراح يقبل رافد انكول للناس صار عدنة فاتحة ومسوينة بنيتي راح احاول بكد مااكدر انصفج
😭😭😭😭الله يحفظك الي يابة 😢😢😢😢
خلص لتبجين والله هاي العيون ميلوكلهه اله الفرح حرام تبجين هلعيون بنيتي
😭😭😭😭ليش انخلقت حلوة وايامي سودة
لا بابا انتي مؤمنة وملازم هيج تكولين المفروض تكونين راضية بلي كتبة الله الج
والله بابا ريحتني بكلامك شايف الي غركان ويجلب بكشة
بنيتي اني وامج منعوفج وحتى اذا عافج رافد احنة منعوفج بس تدرين شريد منج
شنو يابة
فد ستكان جاي مهيل
من عيوني تامر امر
ميامر عليج عدو
ياسر :الو هلة رافد وينك
بلكهوة
يلة شفتك
هلة يل حبيب شصايرلك اليوم هم عازمني وهم تخابرني شكو 😂لو صاحبتك مو هيج
شكو يلة احجيلي
والله ياسر شحجيلك بس تدري شريد
شنو
أريد اسافر اريد اطلع من الاني بي
يلة نسافر
ياسر
كول شبيك
انت متدري بهاي اليومين شصار بية
شصار
تزوجت
شنوووووووو رافد شدتحجي
اعتديت على بنية
شنووووووووووووو
مثل ماسمعت
احجي رحمة الهلك احجي كل شي بسرعة ترة داافور
مااا ادري ماادري مادري شلون هيج سويتتتت
شنو متدري شنووووو
هو الي صار.....................................................................
شنوو معقولةةةةة شلون هيج تسوي
ماادري ماادري ياسر مادري شديصير وياي
شوف رافد هاي البنية انت غلطان وياهه من السما للكاع
ياسر اني مكلتلك حتى انت تلومني
انت تريد الحق لو لا
اي
انت ظالم
واهاي البنية اذا انت مترحمها اني اخذهه
شدتحجي انت
مثل متسمع
اي اتزوجهه واخليه معززة مكرمة لان اني هم عندي خوات وعندي اخت ضايعة مااعرف ميته لو عايشة ومااتمنى شخص مثلك توكع بيدة
حتى لوهي ساقط... مو من حقك تعتدي عليهه انطيهه فرصة تحجي محجت اطردهه اوسلمهه للدار وخلص
لو انت حطمت حياتهه
ياسر
لا ياسر ولا صخام كافي رافد كافي اني مدااعرفك انت شدسوي
😒😒
والله فورت دمي
ياسر اني مداعرف نفسي شريد وشداسوي
راح اسافر لازم اسافر فد شهر شهرين بس اخلص من الجو الي اني بي
اي سافر اني أكلك سافر اخلص من الأفكار الي بعقلك شوية
تجي وياي
لا مااكدر اني عندي هذا مدير جديد وديفيك علينة
لعد راح اروح اني التركيا يم بيت عمي شوية يونسون
اي هم خوش
اي
يلة اني رايح للبيت
واني هم راح اروح للبيت
الله وياك
رافد: السلام عليكم
ابو رافد : عليكم السلام هلة
شدسسون
والله هاي شموسة بنيتي سوتلي جاي يجنن وسوتلي بورك جبن
ام رافد :تعال يمة اكعد أكلك لكمة
رافد: هسة راح اصب جاي واجي
شمس: اكعد اني راح اصبلك جاي
ماشي
تفضل
تسلمين
معقولة كال تسلمين شنو خطأ
نعم كلتي شي
لا كلشي مكلت
عبالي
اي يابة اريد أكلك شي
كول ابني
عكب باجر اني مسافر
وين وشكد
التركيا عندي كم شغلة وشكد ماادري حسب شغلي
شمس : اييييييي دروح خفف شوية اي ياربي فرجك
ام رافد: وين راح تروح يم عمك
والله بعد ممحددد
اي خوش
شمس وهاي كدام ابوية وامي حجايت ابوية وامي من بعدي عليج سيف
مايحتاج توصيني اني بنت أصول واعرف الصح من الغلط
تحجين عدل وتحترمين نفسج لااكوم اعدل حلكج
هاي شبيك يمة هي البنية شحجت قابل هي شموسة صدك بنت أصول وتعرف شلون تحترم وتسمع الكلمة
دنشوف
يلة اني صاعد انام
متريد عشة
لا ماريد
رافد قبل متسافر باجر تاخذ شموسة تشتريلهه ملابس ولي يعجبهه
يمة والله ماله داعي
شنو ماله داعي هو انتي عندج هدوم ودنفيك انتي اي ملابس ماعندج
اي ماشي باجر من ارجع اخذهه
شوفي بنيتي ماوصيج لتخلين شي بنفسج ولو اكلج اجي وياج احسن حتى اعرف ششتريلج
يمة مالهه داعي
انجبي واسكتي خليني اشتغلج
هههههه شتشتغليلي
كل مانتي حاطة الشال ولابسة الدشداشة مالتي مراح يباوعلج
شيباوعلي يمة رافد عقيد والف وحدة تتمناه يباوعلي اني
وليش تستخفين بنفسج لج انتي اكو وحده احلى منج
اي اكو اكو وحدة اصلهه واهلهه احسن من اهلي اكو وحدة ابوهه مباعهه اكو وحدة محد اعتدة عليهه اكووو اكو اكو 😭😭😭😭😭😭😭😭😭
يمة سودة علية بنيتي تعالي بحضني والله لسويج ست البنات يكلبي 😭😭😭😭😭😭
ابو رافد: شبيجن شو كلبتنهه بجي
وانت شكو اني وبنتي ليش تدخل بسوالف النسوان ساعة نبجي وساعة نضحك بكيفنة
خوش والله يلعجوز وصاير الج السان وتحجين
هههههه انت كلتهه العجوز يعني سكتت العمر كله فهسة لازم تحجي 😂😂
يمة فدوة لهل ضحكة اي اضحي ميلوكلج الزعل
😄😄😄😄
صعدت نمت واني مرتاحة لان حسيتهم فعلا اهلي
حطيت راسي ونمت
كعدت على صوت الأذان تجددت وصليت ونزلت بديت اسوي بلريوك نزل ورايه رافد حطيت الشال على راسي
توخرين الشال لاااخنكج بي
وخرتة لان مابيه حيل كتل
حطيتله الريوك سويت مخلمة مشكل ومن بورك الجبن كليت وحطيتلة وياهم جاي
حطتلي مخلمة بس هيجي طعم مضايك عدهه نفس بلاكل قاااتل اكلتهه كلهه
عافتني وصعدت
صعدت فتت الغرفتهه عزلتهه وحضرت الحمام وملابس اله حطيتلة بنطرون جينز نيلي وقميص سمائي
وحطيتلة ساعة ومحبس
صعدت دابدل لكيتهه كدامي بلغرفة
هاي شدسوين هنا 😡😡😡
حضرت ملابسك والحمام وعزلت الغرفة
ها ماشي لعد اطلعي
بس الهدوم الوصخة حطهم بهاي السلة
ماشي
طلعت من الغرفة وعفته هذا شبي مخبل خوما مخبل
نزلت عزلت الريوك ونضفت المطبخ وفتت علصاله كعدت المع بيهه صالتهم جبيرة كلش وبيهه تحفيات هواي كلش
شمس
معقولة ديناديني باسمي
نعم
تريكتي
لا بعدني
وشمنتضرة
ماكو شي بس من يتريكون ابوية وامي اني اتريك وياهم
خوش يلة اني رايح
بالسلامة
مو معقول هلانسان ساعة هيج وساعة هيج عجيييييب
رافد: السلام عليكم
اهلا سيدي
محمد وين ناديلي يا
جاي سيدي
السلام عليكم سيدي
محمد اني راح أقدم اجازة مسافر اريد كل التحركات توصلني انت عيني الثانية هنانة ماشي ماريد ذبانه تفوت للسجن ماشي
تامر امر شنو الجديد نفس كل مرة
واكو شي ثاني اهلي اي شي يحتاجو توصللهميا.
لازم مطول
ماادري بعد ممبين
الأوراق المهمة تندلهه والامانات الي عندي هم تندلهه
اي سيدي هاي هي مو اول مرة الزم بمكانك
ماريد احد يحس بغيابي
هاي هي سيدي
ماشي
اني هسة رايح اودي الاجازة مالتي اذا صار شي خابرني
تمام
الو هلة يمة يمة اني نص ساعة أو ساعة اني يمكم فكولي الشمس تتحضر يلة مع السلامة
شموسة يمة عوفي البيدج وروحي تحضري راح يمر عليج رافد حتى ياخذج تتسوكين لا صدك اني اجي وياكم خلي ابدل اني هم
ابو رافد: ها عيني وين تردين تروحين
للمول
هلة هلة
😂😂😂😂😂يابا امي وضعهه خطر
هههههه اي مو داشوف
ولكم لعد شنو تريدوني ماهتم بشبابي
لا يبوي اهتمي اهتمي
😂😂😂😂
يلة شموسة روحي بدلي
ماشي يمة
رحت لبست عبايتي نفسهه وشالي ونزلت
الله يمة هاي شطالعة
لعد شعبالج مثلج نااهتم بنفسي
😂😂😂😂خوش والله
السلام عليكم
هلة يمة رفودي يلة احنة مخلصين
رافد :انتبهت على شمس لابسة عباية قديمة ومشكوكة بالجانب
يمة انتي رايحة ويانة
اي يمة
ليش
لان اعرف هاي تستحي ومراح تشتري شي.
تعالي اكلج يمة
كول يمة شكو
اكلج ماعندج عباية غير هاي انطيهيا لان مشكوكة بالجانب
شمس :حسيت على رافد من شافني انتقص من شكلي وهو كاشخ اخر كشخة انوب من نادة أمة
خالة اني تعبانة مراح اروح وياكم
شنو ليش
لان اني دايخة واحتمال اتخربط
لعد شوكت تشترين ملابس ييمة ميخالف او روحي انتي جيبيلي كم قطعة
اي بس ليش مو هسة جنتي كلشي مابيج
😢ميخالف خالة ماريد اني تعبانة
شبيج يمة
اني شكلي مو مال مولات خاله
شنو ليش انتي منو بجمالج
صعدت ركض وقفلت الغرفة علية
ارتاحييت حست عليك اني ليش مااكدر انطيهه عباية مني بس اعرفهه راح تتحسس
هسة يلة امشي
شمس :😭😭😭😭😭يالهي ليش هيج انذليت 😭😭😭
......

..........
هلو متابعيني اعذروني مااكدر انزل بارتات مفاجئة لان اني موظفة بوزارة الصحة وعدنا هسة استنفار بسبب كورانا
اتمنى البارت يعجبكم واعذروني علتاخير وماعندي وقت محدد للبارتات لان ظرفي مو بيدي
الكاتبة بنين الجبوري
#Baneen