الهاربة والضابط

بارت ٢٩

مفاجئة قبل الفطور
محمد: شفت شمس وية زيد معقولة هاي شدسوي ويا ومنين تعرفة بعدين شفت ياسر جاي من بعيد خفيت نفسي لان ياسر لو شافني راح يكول دتراقب
زين هذولة شلمهم هيج معقولة ياسر مديرضة برافد علمود زيد
مادري بس يمكن راحت عليك رافد
اخذت الطلب و ديته البيت رافد
رافد :ها ابو جاسم وديته
محمد :اي هايهي تم
رافد: انت شبيك شو مو علة بعضك
محمد: لا مبية شي
احجي محمد شبيك
شوف هو مااعرف هذا الشي لازم احجي او لا بس انت لازم تعرف حتى متروح عليك وانت مثل أخوية وتستاهل الخير
احجي شكو
شفت شمس وياسر بالمطعم
اي وشنو يعني
وياهم رائد زيد
الرائد زيد هذا مو صديقكم انت وياسر تعرفتو على بالدورة
اي
وشيسوي كاعد وياهم
ماادري بس اني من شفتهم كاعدين سوية حسيت انت لازم تعرف دتفهمني ليش كلتلك
اي اي اي دافهم بس شلون
شنو شلون
مااعرف ماعرف محمد وشريد اسويلة لو انطاهه وهي وافقت
شوف صديقي اني ابد ماافكر بهل أمور او اشغل عقلي لان شيكول لاتفكر فلها مدبر  والي الك مايصير الغيرك
رافد: ماادري شتصرف عقلي وراسي نخبط
شوف رافد هو ياسر ليش ميريدهه ترجعلك لان يعرف اخته على هاي حالتهه والي تعرضتله وراح الف من يتمناهه مو مثل الي تفكر بي انت وشمس على أنه انت اغتصبتهه وتزوجتهه فبعد محد راح يباوع عليهه راح تبقى ملكك وهي هم هيج مفتهمة انه انت الرجل الوحيد الي ممكن يتقبل شمس على وضعهه بس الحقيقة انه شمس هواي ناس مراح يهتمون للصايرلهه جمال وأخلاق وعائلة والي صارلهه مو بيدهه
رافد: اريد تقرير كامل عن زيد من الصغيرة للجبيرة
علة كيفك رافد اصلا احتمال هو متزوج لان اخر شي جان خاطب هو
رافد: اي لعد روح اجمعلي كلشي عنه
زيد:انتي بأي صف
بالسادس علمي
ها اي زين ادرسي زين
اي داادرس
بل ١٧ سنة اني عشت امر ايام بسبب السادس
اني بل ٢٥ سنة اني اكبر من ياسر
لعد شو هستوج دتكملين
ظروف هسة يالله سمحت
يا واني عبالي بعدج صغيرة شكلج يوحي ١٥ سنة مو ٢٥
ياسر: ها نزلت تحقيق عوفهه
لك ياسر هاي اختك بكدي واني داتعامل وياهه معاملة المراهقين عليك الله مو مبين عليهه ١٥ سنة
هاي شمسي الغاليه لتضل تتحرش بيهه
من هي شمسك ليش ممخليهه تكمل هسة يالله
زيد مو كلشي لازم تعرفه
خوش فشلة
😂😂😂😂😂😂
يلة يابة خلي نتوكل
زيد: اسمع ياسر انت مو عزمتني واني اريد اردلك العزيمة الجمعه منتضرك انت وشمس خلي الحجية تسويلنة مندي معدل
ياسر:لا هي قابل بلبدلة
زيد: ماتفاهم الجمعة انتظركم واحنة ماعدنة احد بس اني والوالدة
ياسر : هاي هي تدلل منردك
حبيبي تسلم يلة مع السلامه
الله وياك
يلة شموسة خلي ننطلق
هذا شكد عشري
هههههههه زيد البعقلة والبكلبه علة السانه ميضم حجايه
شمس: بس بكلشي يسئل ويتدخل
ياسر: لج مو هو داخ هو يدري بيسري بس ميدري بيج لذلك ضل دايخ
شمس: راح نروح عليهم الجمعه
ياسر: انتي عاجبج تروحين
شمس : اي اريد اشوف ناس ويصير عندي معارف
ياسر: هاي لعد نروح
الله لايحرمني منك
ولا يحرمني منج يااميرة اخوج
ولج كليلي وين اضمج من عيون الناس ياهو اليشوفج يضل فاك حلكة
هههههه حبيبي وانت بعد احلى شوكت ازوجك
ولج ضلي لاحة عله هل سالفة
صدك دجيب تليفونك خلي ادك على يسرى اشتاقيتلهه وللجهال وال لما
هاج خابري
الو لج هلو كلبي اي مو وكع ونكسر شلونج شلون الجهال احنة زينين اي الحمد لله
اكلج وين لماوي انطينياهه خلي احجي وياهه
هلو كلبي شلونج شخبارج اكلج نزلتي البرنامج مال الترجمة الي كلتلج عليه
ها معرفتي اني هم مااعرف شلون راح انطيجوياسر يفهمج شلون
ياسر: لج شمس
الو هلة خيتي شوفي تفوتسن متجر بلي وكتبي ترجمة كوكل ويطلعلج وسويلة تثبيت وهاي هي
لما : سمعت صوته بعد غياب يومين صوته يجنن شكرا شمس خليتيني اسمع صوته يكلي خيتي خرب حضي
يسرى: ولج لما شبيج وين صفنتي شحجة وياج ياسر
ها علمني شلون انزل البرنامج هذا
ياسر :لج شمس تضلين بهاي سوالفج
ياسوالف وانت شبيك تخربطت أحوالك
ولج شو متستحين انتي
يمة خدودة حمرن 😂😂😂😂😂😂😂😂
خوش يولي بس ضلت ام عطوب تنصب علية
نور : يوم
ها يمة
محمد هذا الولد الخطبني تتذكري
اي
اليوم حاجاني ويكول كمل المعامله مالت الراتب وباجر جاي ياخذج علمود البصمة
وانتي كلتيله انتي رافضة
اي كلتله وكلي اذا انتي جنتي قابلة علمود المعاملة فااني مجنت اريد اسويهه علمود اتزوجج
وكلي انتي مايحتاج تجين
والله ياامي مااعرف شكلج معقولة اكو هيج ناس بعد
فباجر لازم الصبح نحظر نفسنة حتى نروح
ماشي بنيتي
محمد: كعدت كمت سبحت ولبست بدلتي العسكرية ورتبت شعري وطلعت على نور
نور :يلة ميسم انتي علمدرسة ووصلي الاء ودعاء هم  يلة يوم اجة محمد
يلة طلعت طلعت
ام نور :السلام عليكم
محمد: وعليكم السلام هلو خالة
هلة بيك امي
نور:السلام عليكم
وعليكم السلام
شلونك يمة
والله خالة من الله زينين
احنة راح نتعبك
والله خاله احتمال انتي هسة تشكين بيه وخايفة على بنات مني وحقج بس اني جنت من اشوف نور تطلع من المعهد للمول وترجع لنص اليل انعصر عصر يعني بنية بهيج عمر تتمتع تلعب مو تشتغل فمن عرفت قصة ابوهه مباشرتا مشيت باجرائات المعامله وعرفت كل الشروط
وهسة مبقة غير بصمتج حجية انتي راح تكونين الوصية على الراتب والتعويض لان اعتبروهم كلهم قاصرات
ماشي ابني والله راح نتعبك الله يحفظك ويخليك الاهلك
لا خالة مابيهه تعب انشالله
نور:نزلنة بالدائرة ومتاخرنه ساعة كبل مشونه مع العلم الازدحام جان قوي بس هو بمعارفه مشاهه بربع ساعة وكل الدائرة تهيبة ويعرفو ويحبو
محمد: هسة خالتي كملت معاملتكم بس تجيج رساله علموبايل نور تروحين تستلمين والاحد الجاي تروحين للمصرف تستلمين التعويض بهذا الصك واذا وكفوج بمكان لو كلولج منكدر ننطي المبلغ دفعة وحدة خابروني حتى أكدر اسويلكم اياه دفعة وحدة
انشا الله يمة تسلم وماقصرت
العفو خالتي
اني اريد أهديك هديه على الي سويته وياي وية بناتي
والله خالة ماكو داعي
لا والنبي قبل الهدية
اني راح أهديك بنتي نور انت تستاهل اعز شي على كلبي وهي اعز بناتي نور.
.
.
.
. الكاتبة بنين الجبوري