الهاربة والضابط

٢٣

ياسر :اني اسف كلش اسف ماادري انتي اهنا
لما: لا عادي
ياسر :اخذي راحتك اني عندي أوراق أخذهم واطلع
لما :مرحبا اني لما عمري ١٧سنة احب ادرس بس الظروف مسمحتلي
اني ماعندي اخوات بس يسرى كانت اختي كلش حنينة علية واخوية هم عوضوني عن اهلي الي ماتو واني صغيرة
يسرى كل ما تروح تشوف اخوهه اني ابقى ين أخوية بس هل مرة جان اخوية طالع بشغل محافظات اضطريت اروح وية يسرى
اول ماشفته شفت رجولته بعيونه
عيونه الي متنرفع عليه مباوعلي لو بنضرة
ياسر هو حلم بعيد لان مراح يترك كل البنات الي متمنينه ويباوع على بنت الريف الجاهله
من اجيت عدهم لحد الان هو مكهد وية خواته اكل حتى ميحرجني شخص رجولي لدرجة بس البارحة من خليتهم ورحت نمت ردته يكعد يتونس وية خواته جان شخص ثاني يتشاقة ويضحك حبيت الشخصيته كلش
نور : بعد شغلت ميسم انهزيت شكول الأمي اذا اكللهه تنجلط طلعت كبل للمول وكلت من ارجع احجي وية ميسم
شسوي بروحي شهل عقاب معقولة هي هاي طفولتي  وشبابي لعد شراح يصير بعد 
شلون راح افهم بنية مراهقة واني مراهقة مثلهه يعني شنو فرقي عنهه غير ٣ سنوات بس احسهه عمر
محمد: السلام عليكم
خالوووو
هلة حبايبي
هلو عيني هاي وينك
هلة بسندس
لتكلي سندس 🤬🤬🤬
يلة يلة اكل كلش جوعان
والله اليوم ماكو اكل
لا بربج ولج ميت جوع
اليوم انريد عزيمة برة وأريد اقطك بين قوسين
ولج مايخالف عود علعشة بس هسة جوعان كلش
والله معلية حتى الجهال لبستهم
ولج يمة خلي اخوج يرتاح
ماكوو هسة اطلع
محمد: الله يساعدك يلبالي يرادلك راتب شهري علهل مصيبة
ولك محمد شدتحجي
لا عيني سندس تفضلي بدلي دااخذكم
عبالي 😁😁
ها ييمة اصبلك شي بين ميكملون حتى تسد جوعتك
لا يمة تسلمين وانتي هم بدلي تجين ويانه
لا يمة شيجيبني اني راح ابقى اهنا لان ابوك هستوة فات نام وماعوفة وحده
هاي النسوان المعدلة خوما أمهات المولات
يلة حمودي خلصنه
يلة يابه مع السلامة يمة.
مع السلامة
نور اكو بضاعة بالمخزن طلعيهه وعرضيهه بالعارضة
نور نور انتي وين بالج
ها ها اي ماشي استاذ اسفة بس شنو ردت
لا انتي مو طبيعيه وين بالج
اسفة كلش بس لان اكو مشكلة عائلية
هذا الشي ملازم يأثر عليج بلشغل قبل متفوتين المحل لازم تذبين كلشي وراج وتركزيين بشغلج
انشالله استاذ
دنشوف
محمد: يلة فوتي اشتري ملابس من هذا واني راح انتضر اهنا
جنت واكف انتضر جان كدامي محل كوزمتك مكياج وهل سوالف شفت نور دتطلع بعارضة وتسقط بيهه مكياج وولد يوجه بيهه معقولة تشتغل بهذا المحل زين هي مو طالبه شلون والله هاي البنية قصة
يلة محمد خلصت
صدك يول اريد اشتري مكياج تعال
لا لا مو من هذا
ليش
هذا مكياجة مو زين
ها حميد شمدريك مكياجة مو زين لازم تنكل للحبيبات
شنكل
مكياج
اي اي بس امشي منانه
دحجيلي
شحجيلج
احجيلي منية
منية
الي تحبهه
ياحب هذا هو اني مال هالسوالف شتعرفين اخوج
ليش يابه شبيك وشناقصك ولك شو انت طول وهيبة وجمال وشخصية
خلصتي
اي
دسكتي تعالي اوكلج
لا صدك محمد مشفتلك بنية بنت حلال حتى نزوجك
هاي شبيج يمعودة لحيتي اني هاي الفكر لاغيهه هسة
وليش
لان شغلي ممثبت بعدني
ليش مو صارلك كومة
حتى لو اريد أشد رتبة ياله افكر وكون واحد يلكة مو مرة بس شريكة حياه
نشفت ريكي والله انت مابيك امل يله اطلبلنه
شتاكلون
خالو اني اريد صاج
واني بيتزا
حبيبي جيب صاج وبيتزا
ششربون
بيبسي
تمام هسة جاي
يلة تفضلو
يلة مد ايدك انت
لا ممشتهي
مو كلت جوعان وجوعان
لا مو راحت الجوعة
معقولة نور تشتغل اهنا وشغلت اختهه الصبح وجذبتهه مال البيت ووفوك كل هذا وهي تدرس هاي شنو معقولة اكو بنية تكدر تسوي كل هذا بهل عمر وبدون تنازلات فضولي راح يموتني لازم اعرف قصة هلبنية
يمعود محمد محمد
ها ها دتحجين وياي
هاي شبيك ياخوية وين بالك
لا ماكو شي بس اكو قضية أبالي شاغلتني شوية
يلة حبيبي احنة خلصنه
ديلة كومو
وصلتهم ورجعت وكفت يم المول ضليت انتضر
للساعة بل ١٢ شفتهه طلعت أشرت للكية وصعدت
مستحيل أبنية تصعد كية بهل وكت
مشيت وراهه نزلت وراحت مشي بطريق بيتهم
ضليت متابعهه إلى أن وصلت بيتهم
معقولة بنية بل ١٢ بليل تكدر تمشي بالشارع وتركب سيارة شنو اليجبر على هل شي ماعدهه اخوان او اب
مداافهم بس الي كاعد بهيج منطقة معقولة ماعندة
لا محمد اصحة شبيك انت مو شفتهه اليوم شلون انكسرت من شافت اختهه بالمركز وكانهه امهه الي تعبانة عليهه اي اكيد لا طبعا اكيد هاي البنية هي الي دتصرف على هذا البيت واحتمال اكو اب مريض او ماكو اب بس عدهم ام وامهم تعبانه
انت شدسوي محمد اهنا وشلون وصلت وليش دتدور وره هاي البنية وعلة شنو كل هل الاهتمام
مو على شي بس فضول
اي فضول يخلي واحد بل ١٢ بليل يتابع بنية واكف كدام بيتهم
هاي شبية اني خلي ارجع انام احسن الي
محمد : السلام عليكم هاي بعدج كاعدة يمة
اي يمة كاعدة صدك جذب اول تالي هيج تتأخر والله كلبي راح واني حسبة تجيبني وحسبة توديني
لا يمة لتخافين بس تعرفين شغلنة باي وقت فجنت يم رافد عندي شغلات
خوش يمة دصعد نام تأخر الوكت
يلة يمة تصبحين ع خير
وانت من اهل الخير
ياربي احفظة بحفظك ماعندي غيرة ياربي
محمد: ها محمد مكدر نكول وكعت
لا مستحيل اوكع وبعدين اني ليش متعجب على نفسي داراقبهه هسة مو يومية اراقب بشمس هم يعني احبهه بس هذا وسواس شغلنه
يلة خلي انااام احسن الي من هلافكار
نور: وصلت للبيت لكيت ميسم كاعدة علتليفون
السلام عليكم
هلة يمة شو هم متأخرة
والله يوم هذا المدير الجديد ديتحرف علية ويريد يب عني ميدري اني نور الي وكعت على راسي انواع السوالف
اوف حسبي الله ونعم الوكيل
يلة اني صاعدة انام
متاكلين لكمة
لا ماما ماشتهي
ميسم
نعم
تعالي اريدج
شكو شمسوية
ممسوية شي بس اريد اشوفهه هاي الخلطة جبتهه الهه مال حب الشباب
يلة جاية
ها
تعالي اكعدي يمي
كعدت
ميسم اني اكبر منج بكم سنة
٣ سنوات
لا غلط اني اكبر منج ب ٢٠ سنة
لج ميسم اني الدنيا شوفتني مرار حتى اخليج تلبسين مثل صديقاتج وتدرسين وتاكلين وتبقين بنفس المستوى الي عافنة عليه بابا لج ميسم اني يومية أتعرض للتحرش وللمضايقات الخاطر منو حتى تروحين للمدرسة حتى تكونين مثل باقي البنات اذا انتي راح تعوفين مدرستج وتطلعين وية هيج ولد ماكو داعي اني ابهذل نفسي هلبهذلة
والله نور هو كلي ايحبني ويريدني
الي يحبج ويريدج ميخليج تسوين غلط وتعوفين مدرستج وتروحين بمكان قذر مثلة
لوما هذا الضابط شايفكم جان شصار
كليلي جان شصار جان هسة صخمج وعافج او صورج واستبزج او نشرج او حتى باعج
شفتي حجم الخطر الي جنتي بي
اي لتفكين حلكج هيجي جان صار وأكثر بس لوما رب العالمين يحبنه وعدنة تالي بخت جان الله العلم شصار بحالنه
اسفة والله بعد ماسوي هيج
انتبهي الدراستج وكافي اختج الدنيا تلطش بيهه
😭😭😭😭😢
كافي لتبجين ويلك نامي باجر عندج مدرسة
ماشي