الهاربة والضابط

٣٠

ام نور :اني اهديلك اعز شي عندي وعلى كلبي بنتي نور أغلى بناتي
محمد: خاله اني مااكدر افشلج او اردج بس لو هاديتني اي شي جان قبلته بس هيج هدية مااقبلهه
شوفي خاله لا عبالج اني مااقبلهه للن ماريد بنتج لو لان بنتج رفضتني لا مو علمود هيج شي بس اني ماارضة اعيش وية انسانه اني متمنيهه وهي ممتمنيتني وبعدين هسة شنو فرقج عنهه نفس الشي هي طلعت موافقه بلاول علمود المعامله وهسة انتي هديتيهه علمود كملتلكم المعامله لو من الاول انتي كايلتلهه وكلتيلي تعال أخذهه يمكن جان اني قبلت بس هسة لا
ام نور : بس اني مجنت اعرفك ولا بنتي تعرفك بهل اخلاق
نور :يوم شكو راح اتوسلين بي
محمد: من الكبار يحجون الصغار يسكتون وبعدين اني داسوي الي انتي تريدي اني أكدر اقبل هدية امج واخذج بدون زفه واسوي اليعجبني
بس هذا مو اني الي اسوي هيج ولا أخلاقي ومستحيل بيوم من الايام افكر اغصب بنية علية واعيش وية وحدة مغصوبة على عيشتهه وياية اني أكدر اخلي اهلي يرجعون يجون ويعتذرون واقنعج
بس لا مو محمد الي يحس ببنية هي مجبور عليه ويجبرهه هاي مو الي تربيت عليه ومو من شيم الزلم ومراح اموت وراج شريتج وردتج على سنة الله ورسوله بس انتي بعتي من اول مشكلة ومبين جنتي منضرة حجة حتى تكولين لا فااني احبيت اريحج واني اكول لا ابدالج
ام نور: يمة حتى لو انت ونور مصارت قسمة بينكم بس اني حبيتك وهجستك وليدي لتكطع بيه وأريد دوم اشوفك
طبعا اكيد مراح اكطع ورقمي يمكم اي شي تحتاجو بس دكو
انشالله يلة يمة مع السلامة
الله وياج خالتي
نور: يوم صدك تحجين شلون هيج تسوين
وشسويت اني لج نور ضيعتي من ايدج شاب مثل الوردة
نور: وشفنه منه احنة وندري هو شيريد من عدنة حتى ديسوي كل هذا ويانه
شوفي نور مراح احجي شي بعد بس خسرتي شخص جان عوضج عن كلشي فاتج بس مدترضين
تعترفين بهذا الشي
اني رايحة ارتاح شوية
نور: استغربت الي ديصير معقولة اكو هيج ناس معقولة اكو هيج زلم مجرد ماانعجب بية خطبني ورغم رفضي اله ساعدني
راح ادزلة رساله شكر اي يستاهلهه
لا نور هاي شدسوين اي عادي هو داشكرة قابل شنو
ففففففف ماادري خلي انزل اسوي عشة
ميسم :بيش صافن الحلو صفنتج مال عاشك
وطلع عاشك طلع ولهان هههههههه
نور: ميسم تكدرين تسدين حلكج وتسكتين
ميسم :سكتنة
دعاء :نور ترة ميسم اليوم اخرتنة لل٢ ضليت انتضر بيهه ياله اجتي
الاء:نور ترة اني بعد معلية بيههن اني ارجع وية صديقاتي
نور: اول شي نصو صوتكم امي نايمة ثاني شي ست ميسم شعندج لل٢
ميسم : شعندي رحت للحمامات وتأخرت كلبن الدنيا
نور: ياحمامات هاي وبعدين المحصور راح يروح البيته شعندة يفوت بحمامات المدرسة اشايفتني كدامج ماافتهم.
دعاء: لا حبيبتي مالهه علاقة الحمامات بس الحايط مال المدرسة المهدوم
نور: سدو الموضوع وماريد يوصل الحجي الأمي وهو الحمد لله اليوم غبت عن الدوام كبل صار كل هذا  ترة حرام عليكم هيج
ميسم لحكيني للغرفة رايدتج بشغلة
نور: ها ميسم رجعنه من جديد رجعنه مكافي الي صار هذاك اليوم ولو ما محمد جان هسة احنة باتعس احوالنه ويمكن جان امج ماتت من صدمتهه وجان دحتن عاد فد ديحة لج ميسم لج ردت اذب نفسي بزواجة ماريدهه بس الخاطر يصير عدكم وتعيشون ولج سواني مو اجاني لعندي واكدر هسة كلشي اسوي ويا وهو مشتريني وميدور غلط
بس اني محترمة نفسي ومحترمة بيتي وسمعت اهلي شوكت تحسين بلمسؤلية ميسم بس كليلي 😢😢والله تعبت اريد احد يعيني مو يزيد الهم عليه 😭
ميسم : هاي شبيج نور هو اني شسويت هذني جذا....
نور: ميسم ولا حرف لتجذبين لان خواتج ميكرهنج وديتبلن عليج حتى ام الخامس ابتدائي حجت
ميسم: الحب مو حرام وميحقلج تمنعيني واني مو صغيرة واعرف الي يفيدني والميفيدني
نور: انتي لو صغيرة جان كفختج كدام خواتج ومكايلتلج الحب حرام لا مو حرام بس من تون مختار صح بوقت صح وبعمرك الصح انتي هسة لازم اولياتج قرايتج ومدرستج ونفسج وعائلتج ومن تفوتين الجامعة والقسم الي تريدي بهذا الوقت راح تعرفين تختارين وتحسين الإعجاب من الحب ترة ميسم لتشوفين اختج تركض هيج وهيج يعني متعرف شنو حب الحب كلمة جبيرة وشي جبير مااكدر اوصفلجيا شوفي الحب الي يخلة روميو ينتحر ورة حبيبته شوفي امي وابوية مو عاشو سوة وخلفو واحد يحب الثاني بس هم من مات ابوية موصلت امي المرحلة تنهي حياتهه علمود ابوية
الحب شي أكبر مما نتصورة الحب عطاء وتسامح وانه تشوف الي تحبة يسويلك اكثر مما يضل يحجي
وشباب الي دتشوفيهم ذولة بس حجي ماكو فعل
ميسم :اييي مثل محمد الشخصية اويلي منتبادل نور
نور: ولج ولا تستحين
تدرين لو اني هسة بمكانج جان شسويت جان مخليته يروح من ايدي جان جلبت بي تجلب
نور: ميسم اني وين جنت احجي وانتي وين طفرتي
ميسم : لحي نور لحي اني طلعت من المدرسة اي طلعت بس حتى اكشف هذا الجذاب جان مواعد بنية ويانه وهي مسوية روحهه اخذت مدري منو مني فرحت كشفته الهه ورجعت
نور: لااااا راح انجلط اني وامي تريد تزوجني انتي اتديحين ورايه ولج انتي مخبلة اذا انتي تسوين هيج دعاء شتسوي كليلي انتي اريد اعتمد عليج من اطلع من البيت انوب هيج تطلع من عندج ولج انتي متخافين شنو هلجرئة
ميسم : والله شتردين تحجين احجي المهم كشفته
ماشي ميسم ماشي بعد خلي تجي شكوة وحدة عليج راح تشوفين غير تصرف مني
وشراح تسوين
شراح اسوي شايفة رجل عمامي الي كطعتهه من هلبيت والله اسلمج الهم واخليهم همة يتصرفون وياج فخليني محترمتكم ومعتبرتكم صديقاتي ومواضيعكم مداوصلهه الأمي  فخلينه حبايب لتوصلينه الهل مرحلة والحمد لله هسة احوالنة راح تتغير وتتحسن فحبابة ميسم عوفي طريق العلاقات والولد والبنات الساقطات ترة هاي الي تكولين كشفته كدامهه هاي متهتم عادي ساقطة وشلون صارت ساقطة بسبب واحد مثله مثل ماراد يصورج ويضل يهددبيج هي تلكين صار بيهه الاتعس
ترة الأخلاق بهل الزمن تنشري بفلوس ومحمد لوما شاف أخلاقي جان ملتفت وراية وبداية لقائنا اني ومحمد هو ولد تحرش بية ومن شافني شلون متجاوبت ويا ومن هو حاول يفتح موضوع وياي متجاوبت ويا خليته بأخلاقي يندار عليه
ميسم :انشالله
يلة حبيبتي روحي نامي
ماشي تصبحين على خير
وانتي من اهلة
نور: شبيهم كلهم على محمد هذا مسويلهم سحر
مااعرف ترة هو عادي يعني صح شخصية وحلو بس يعني مابي شي يجذب
فففففففف وليش دتفكرين بي.
راح ادزلة الرساله هاي هي
اي هاي هي
محمد: جنت مدد بغرفتي ووصلت رساله علفايبر
مممم ست نور شتريدين
هلو شلونك اني راسلتك بس حتى اشكرك على موقفك ويانه اليوم كلش كبرت بعينة مراح ننسة موقفك ويانه للأبد وراح تشارك امي الأجر
اسفة علازعاج بس حبيت اشكرك
محمد : لا عادي تدللون ماسويت غير الواجب واذا حتاجيتو اي شي بس خلي الوالدة دكلي تليفون سلامي للوالدة
نور :دااقرة بالرساله ومحسيت غير الحظر بوجهي
محمد: هيج الحظر ينطي ست نور مو مثل ماانتي تنطي
اي حظرتهه لان ماريدهه ترضة بيه بس حتى اكملهه شغلاتهه يعني زواج مصلحة وبين قوسين استغلال عند استعداد اكمللهم كل شغلاتهم الي يريدوهه بدون مقابل بس تقرب ال الله ولا اتزوج وحده علمود مصلحة
نور: هذا ليش حضرني عمة بعيني اني صوجي نزلت نفسي هيج
وشكو ليش ضجت اصلا عادي وخلي يحظر وطبة مرض
فففففففف امداية امداية كلة من ورة ميسم دفعتتي وخلتني احاجي
شمس : بديت اشتغل بل معمل وكلش حبيت الشغل
ام معاذ : الو هلو زيودي هلو حبيبي اي بالمعمل اني اي دمر عليه
ديلة ديلة ماشي اي علمود العزيمة مال باجر كلشي محضرة اي لتخاف يلله ماشي مع السلامة
رافد : محمممممد
ها رافد
شنو اخبار شمس
ماكو بس بدت تشتغل بالمعمل التابع الزيد
رافد: شنووو ووووووو هذا الشغل امي جابته الهه
.
.
.
الكاتبة بنين الجبوري