الهاربة والضابط

بارت ٢٨

ياسر :فتت للبيت البيت سنطة وماكو صوت فتت الغرفة شمس لكيتهه نايمة ووجهه احمر من البجي
اويلي عليج يااختي كسرتي ظهري شسوي وشنو الي بصالحج الي داسوي صح غلط لو اني اناني بتصرفاتي ودافكر بس بنفسي 😢😢😢😢😢😢
نزلتي دموعي العزيزة يعزيزة اخوج 😢😢
اني افكر انتقم من كل واحد اذاج وانتي كاعده تسامحين متدرين كلبج الأبيض بهذا الزمن يدوسو
شمس :مممم ياسر هاي انت هنا شوكت اجيت
ليش دتبجي يبعد اختك ليش
ياسر : شمس ماريدج تكونين ضعيفة وسهله وتحبين الكل والي ينطيج براشدي تكليلة اخذ الثاني
لج شمس اني يمج سندج لتخافين من شي
شمس :😢😢😢😢😢والله اعرف واني غلطانة بس لتزعل مني واوعدك ميتكرر هل شي ابد
ياسر : اني اريد افهمج شي لتجبرين نفسج على شي بسبب ماعندج خيار غيره حطي ابالج احنة نصنع الخيارات اذا الدنيا كالت كدامك بس هذا الإختيار احنة شنسوي لازم نلوي ذراع الدنيا ونصنع اختيار غيرة وبعدين اختار اليريدة كلبي والي عقلي يشوفة احسن الي
ماريدج تكونين سهلة وعلى متناول اليد شوكت ميريدج يلكاج ويتأكد انتي مستحيل تقبلين بغيرة
لا خلي يغار خلي يراقبج من بعيد بس مو معنة كلامي داكلج روحي كعدي وية ولد واحجي وياهم وصادقيهم حتى تحركين دمة لا اريد يحترك دمة ويصير يخاف من نجاحج من يشوفج نجحتي وطلعتي معدل وراح تفوتين جامعة وراح تكونين فد مركز بالمجتمع راح يخاف هو مو مراح يفرحلج لا راح يفرح بس انتي راح توسعين بالمجتمع مراح يكدر يلزمج مراح يكدر يراقبج لان انتي مراح تكونين فاضية حتى تنتبهين عليه انه هو ديراقبج
وهسة الاختيار الغير رافد شلون راح نبني
شمس: شلون
بنجاح من راح ننجح ونتوكل على الله ونحب نفسنة ونعيش حياتنا ونكون النه مركز بالمجتمع راح نشوف الاختيارات كثرت وراح يجي الي يريد جمال والي يريد مال والي يريد اخلاق والي يريد شهادة والي يجي رايدج لانه انتي علمود نفسج وميهمة شنو الماضي
اما رافد فهذا ينركن اي لتصفنين عليه ينركن إلى أن تبنين خيار ثاني واذا انتضر هذا يعني يريدج واذا منتضر يعني كلشي وهم جان
شمس :بس رافد
اعرف رافد يحبج واني اعرف قبلج وجان يجي يحجيلي عن كل تصرف تتصرفي ابيتهم ومتاثر بيج كلش بس جان يكذب علة نفسة وهسة اكتشف كذبة على نفسة
شوفي شمس اني متأكد من رافد بس ممتاكد منج
شمس :اني.
اي انتي انتي هسة لحد الان بفترة صدمة طلعتي من وضع السجن البيت غريب اغتصاب وبعدين لكيتي اهلج
هذا الشي مو شي هين وقراراتج كلهه ممدروسة
اجلي كلشي فكري بالجامعة وبلقسم الي راح تختاري
شمس: ياسر ام رافد جايبتلي شغل
شغليش
شغل بمعمل خياطة مال وحدة من صديقاتهه تريد بنات موهوبات بالتفصيل والخياطة
اذا هذا الشي مياثر على دراستج روحي
صدك وافقت
طبعا أوافق اني اريدج تطلعين تشوفين  المجتمع روحي واثبتي نفسج
شمس :😢😢😢😢
شبيج ليش تبجين
الله لايحرمني منك
ولا يحرمني منج ويقدرني ارفعج بعد وبعد
😭😭😭😭😭
كافي بجي شموسة اني مدااحجي هيج حتى تبجين اني اريدج تكونين قوية ووتقودين رافد مو رافد يقودج وبعدين من اليوم بعد ممنوع ينضم عليه أي شي حلو هيج من كشفتج واني من الاول كاشفج دتجذبين
شمس:😢
كليلي كلشي حتى لو ولد صجمج عادي تعالي احجيلي كلشي اعتبريني صديقج اخوج صديقتج
اي شي بس احجيلي لان محد راح يحبلج الخير غيري ومحد راح ينصحج غيري
شمس: اوعدك بعد خلص مراح ينضم اي شي بعد
يلة عفية بأختي الحلوة لج هو وين اكو هيج جمال عمي دخلي الكي وحدة بجمالج غير اجلب بيهه تجلب
شمس: 😂😂يمعود البجمالي تلكاهه بلضيم مو تاخذ واحد مثلك صدك من كال كل حلو حضة مو حلو
ياسر: شمس لتكولين هيج هاي أمور من ربج وبعدين ليش ننتضر الحظ يرفعنه خوب احنة نرفع نفسنة
لوكل بنية متزوجة وزوجهه معيشهه عيشة مئساوية تاخذ قرار وتتركة وتبدي من جديد
ولو كل بنية اهلهه يردون يبزعوهه من حياتهه ويكرهون البنات تحط راسهه بكتبهه وترفع من نفسهه وتثبت انه هي أبنية وصارت ومتاخذ الطريق الثاني وتنجرف وية العلاقات والولد
ولو كل بنية مثلج تعرضتي الشغلات لو اي بنية غيرج تعرضتلهه جان اختارت الطريق الثاني مختارت طريق السجن وبعدين كدرتي باخلاقج تكسبين بيت رافد ومن لكيتج لكيتج مسوية شي دتشتغلين و تدرسين ومتزوجة من إنسان الف بنية تتمناه
لو غير بنية مستحيل أتصور جان كدرت تسوي كل هذا
شمس: هنيالي عليك.
ياسر : وهنيالي عليج
لو انت مو أخوية جان من زمان اني ميته
لتحجين هيج
تدري فكرت بالانتحار
شمس صدك تحجين
اي صدك من شفتك درتلي ضهرك حسيت الدنيا خلصت ونسدت بوجهي
ياسر: مستحيل اديرلج ضهري بس اني لو محاجيج بهذاك الوقت جان جرحتج لذلك طلعت ارتاحيت ورجعت
شمس :الله يحفظك الي
يلة نامي مضل وقت ساعة بل ١ صارت
ماشي شنو راح تنام اهنا
اي ليش عندج مانع
لا واصلا احلى نومة خلي انام بحضنك
فديت بنيتي
رافد: ليش هيج ديصير وياي شلون كدرت هاي البنية هيج تسوي بية
ابو رافد: رافد رافد
هلة يابة تفضل
جاي دااحجي وياك
كول يابة
ابني حالتك معاجبتني
والله يابة منين مداجيبهه مدترهم
ومراح ترهم  مراح ترهم كل ماانت راح تضل تسوي هيج
شمسوي اني
دتزيد الغلط غلطين
شلون
من دتخلي البنية تجذب وتسوي شغلات من ورة اخوهه
خوب انت هيج ميت عليهه كلي واني اعرف شلون اجيبه الك
ياسر مراح ينطيهه
ينطيهه من أخذ شيوخ وكدام الكل نطلبهه من اخوهه ومن تصير بيهه شيوخ وعشاير ياسر مراح يكدر يحجي ولأن هو ولد خلوق ومراح يردنه
رافد: والله يابة مااعرف بس اني ايست من ياسر مراح ينطيني شمس
شوف رافد ماريد ألومك بس انت اذا هيج تحبهه ليش هيج عذبتهه وخليتهه من شافت اخوهه اختارته بدون ماتباوع عليك
رافد: ماادري ماادري يابة
يلة يابة علة كيفك وية نفسك والي الك مايصير الغيرك.
تسلم يابة
سمية: ها شكالت ست الحسن
محمد: يمة كولي البنتج خلي تسد حلكهه
الوهلة محمد ادري وينك شو ماكو
اي اي سمية دتريد تخابرك بس ماعدهه رصيد اي تكول خلي يجيني باجر
ماشي حبيبي مع السلامة
سمية :يمة شفتي ابنج شسوة يعني ديطردني شوف اني كاعدة بيت ابوية من اكعد بيت البرنسيسة مالتك عود اطردني
محمد: يمة كولي البنتج تسد حلكهه لا اهينهه
روح يمة روح الغرفتك ارتاح ونام ومعليك بهاي
تصبحين على خير يمة
عزة يمة شفتي حتى تصبحين على خير مكلي
يعني مايصير تفوتين شوية وتسكتين
محمد: وبعدين محمد شديصير خلص خلي انام لا تفكر فلها مدبر
نور : كعدت الصبح لبست ملابسي
ميسم يلة بسرعة راح نتأخر
اي اي جاية
يلة دمشي
هلة هلة هذا منو الواكف هناك
منو
اهوو هسة شجابة هذا لح خوما لح
محمذ: نور بس عندي حجايتين وياج
ترة مايصير هيج منا الجوارين والله عيب
داكول حجايتين
يله نور اني سابقتج للمدرسة
يلة بسرعة لان راح اتأخر
اول شي اني اعتذر منج عن السوته سمية
وثاني شي
ثاني شي الأحد تاخذين امج وانتي وتروحين للتقاعد العامة وتنطون بصماتكم لان امج راح تكون هي الوكيلة عنكم
دقيقة دقيقة فهمني وحده وحدة
باجر اجيكم هيج وكت واني اخذكم احسن شي
بس اني مموافقة علزواج
ليش انتي وافقتي علمود المعاملة
ها
خلص نور فهمت مثل مكتلج باجر اني جايكم واذا هاي انتي لتجين لان منحتاجج لان امج راح تكون هي الوصية وعدهه وكاله عنكم لان انتو بعدكم قاصرين
يلة اودعناكم.
نور: هذا شبي واني شسويت بروحي بعدين اني منطيته حظر يعني اكيد عرف اني مموافقه
محمد: بعد متقدمت النور جانت افكاري مخربطة بس اني جنت رايد تكمل الخطبة بس خفت خفت نور توافق بس حتى اساعدهم
بعد ماامي رجعت من عدهم وسمعت الي صاير عرفت نور راح تنهي كلشي لذلك قررت اكمل المعامله واساعدهم واعينهم إلى أن يوكفون على حيلهم والي الك مايصير الغيرك
نور:معقولة راح يساعدني بدون مقابل زين ليش ديسوي هيج وياي
شمس: ياسر ياسر يلة كوم تريك حبيبي
ياسر: صباح الخير هاي شوكت كعدتي
قبل شوية سويتلك ريوك يجنن
عاشت ايدج بنيتي يلة راح ابدل واجي
يلة ماشي
هاي شمسويتلنه
بورك جبن بسرعة لفيته
عاشت ايدج
شنو رئيك اخابر على ام رافد تنطيني عنوان المعمل حتى اروح ابدي بلشغل
هم خوش حجي اخذي كتبج وياج حتى كبل اخذج من المعمل للمعهد وبعدين ترجعين للبيت
عزة هذا اليوم خلص
هههههه احسن التهي لتبقين بس بالبيت
ماشي
هاج التليفون
الو
هلو يوم
هلووحبيبتي
اكلج يوم بس اريد عنوان المعمل
ها هسة ادزلجيا برساله
ماشي تسلمين يوم
تدللين حبيبتي
رافد : هاي شمس
اي
شتريد
راح تبدي شغل بمعمل مال خياطة ودتريد العنوان
مو عدهه معهد شلون راح تكدر تقرة
شمس شاطرة وتدبرهه
يلة اني رايح للشغل
الله وياك يمة
شمس: وهذا العنوان دزته راح اكوم ابدل.
طلعنة وياسر ديدور علمكان
ياسر: يمكن هذا المعمل
يلة انزلي
يلة
السلام عليكم وين مديرة المعمل
جوه بالمعمل هسة انطيهه خبر وتجيكم بس منو اكللهه
شمس :كليلهه البنية الجديدة من طرف ام رافد
ام معاذ: السلام عليكم اني مديرة المعمل ام معاذ انتو الي دزتكم ام رافد
اي اني
انتي شنو تعرفين
كلشي اعرف
بلاول راح احطج Biginar مستوى ابتدائي وراح ابدي اشوف شغلج كل مراح تبدعين كل مراح يزيد مستواج وتصيرين مستوى عالي ويزيد راتبج كذالك
شمس :انشالله اكون عند حسن ضنج
انشالله وهسة راح اخذج بجوله تدريبيه بالمعمل
ياسر: لعد اني اروح وانشالله ب ١ اني هنا
منو هذا زوجج
لا هذا أخوية
ها يلة خلي اشوفج المعمل راح تحبي
يلة
شمس: شفت المعمل يجنن معقولة بيوم من الايام افتح هيج معمل
يلة هسة راح تبدين بلاول على هاي المكينة راح يجيج التصميم وعليه تسويلي كوبي منه
تمام
بديت بلشغل وحبيته كلش
ياسر: ها شلون الشغل
يجنننننن كلش حبيته
ديلة لعد هسة عوفي الشغل وركزي بدراستج
ماشي
شمس: لج نور نور
نور: ها هلو
ها شسويتي اجوي لا
اي اجوي بس موافقت
ليييش
اخته اجتي وصارت تتفيك بلحجي ومن سمعت اني اشتغل جنت كامت تشمر
وهسة
رفضت
يبوووو
بس محمد تصرف تصرف غريب وماعرف شنو يقصد بي
شنو
كمل معاملة الراتب
هاي شنو وهو يدري انتي رفضتي
اي لان نطيته حظر علبرامج
اي
الصبح اجة وانتضرني يم البيت وكل ومن كلتله بس اني رفضت تدرين شكال
شنو شكال
كال ليش انتي وافقتي علمود المعامله كلش فشلت
يبو وووو شبيج يحضي
شمدريني اني هذا الإنسان من يصير كدامي اكوم مااعرف اتصرف واضل اجفص
يلة مايخالف
شمس: اكلج
ها
انتي تعرفين تخيطين
لا يعني عادي
شنو رئيج تشتغلين بمعمل خياطة
بس امي مااعرف
اي هو هذا المعمل يبدون وياج من الصفر
والله مااعرف
دخلي بس اكمل شغلت هاي المعاملة
ماشي يلة كومي خلي نفوت راح تبدي المحاضرة
يلة
.
.
.
شمس :يلة نور اجة ياسر
اي روحي
لا تعالي انوصلج
لا حبيبتي ماريد اني اروح
شداكلج يلة
يلة.
ياسر بس خلي نذب نور بلاول
ماشي
يلة شكرا تعبتكم.
لا عادي يمعودة
شمس :لوتدري شصاير
شصاير
نور رافضة محمد بسبب اختة حاجية عليهه والله لان تشتغل جانت وهي رافضة  كبل
وهو شعلي حتى هي ترفضة
والله مااعرف بس هي محاجيتهه بطريقة مو زينة بحيث محمد جاي معتذر منهه ومكمللهه معاملة الراتب مال ابوهه والله دااستغرب منه شلون هيج يتصرف
ياسر: هههههه هو هذا محمد انتو متعرفو واحتمال تشكون بي بس هو هذا بعد خلة اباله يساعد هاي العائلة وينقذ هاي البنية من الشغل وطلعت اليل فخلص راح يكمل كلشي وبدون مقابل
شمس: هي كايلتله كايلتله اني مموافقة علزواج كايللهه ليش انتي من وافقتي وافقتي علمود المعامله
ياسر: مو خوش فوته فاتت وية محمد
ليش
محمد يقفش من احد بعدهاي هي
يعني شنو
يعني صديقتج راح تنشتل شتلة من هاي الزينه
بس هو اذا فعلا شاريهه المفروض يتمسك
شوفي شمس الحب شي والكرامة شي
ليش اني كلتلج اتعززي ولتكونين سهله حتى هيج مثل الي سوى محمد سوة الي علي وخطبهه ومدللهه ايد العون بس هي تعززت عليه هسة هو اجة دورة يتعزز من حس كرامته بخطر لو رايح يتوسل بيهه وقنعهه انه اخته موقصدهه جان هي أصرت على رفضهه ومسوة شي غير انه ذل نفسه
شمس: يعني هو وكع نور ولفت نظرهه وهسة راح يسحب روحه
لا هاي مو شخصية محمد محمد شخص جدي لدرجة
ولذلك اول محس بنور عاجبته مباشرتا خطب بس هي ستعجلت بس راح يكونون البعض اني حاس بهل
شي
شمس: امين خطية الله يسعدهه والله تستاهل
هاي وين رايحين احنة
اعشيج برة
صدك
اي
اي والله كلش واحد محتاج يغير جو
يلة انزلي وصلنه
يلة
.
.
.
شتاكلين
بيتزا
من رخصتك واحد بيتزا واحد كباب
كلش حلو المكان
اي هذا المطعم دائما نجي بي عزايم مال ضباط وهلسوالف كلش مرتب
زيد: السلام عليكم شلونك يسوري
ياسر: ياهلا وسهلا رائد زيد شهل صدفة
زيد: والله صدك من كال يامحاسن الصدف يعني مجنت متوقع الاكي الضابط ياسر المجتهد ابو الوكفات الحلوة
حبيبي تسلم زيودي والله انت الذهب
معرفتنه علمدام شوكت تزوجت
لا هاي مو زوجتي هاي اختي شمس
عندك اخت ليش مو بس اختك بلناصرية
لا هاي اختي الأصغر
اهلا وسهلا انسة شمس تشرفنه
شكرا
تفضل اكعد ويانه خلي نشوفك
خاف اضيق عليكم
لا تعال اكعد
بس من رخصتك
شتاكل زيود
مثلك اكل
جيبلنه بعد نفر كباب وية الطلب مالتنة
زيد: اي شخبارك شخبار محمد الولد
زينين الحمدلله
ياسر: انت متزوجت
لا والله متزوجت فصخت مصارت قسمة
يلله الحمدلله على كل حال
وانت متزوجت
ياسر :هههههه اني اتزوج ليش
هذا اخوج فد واحد بس هو اليفتهم ومفتهم الزواج شنو
شمس: هههههه لا اني مادام موجودة لازم ازوجة
زيد :اكلك يسور هاي وين ضام هاي اختك بحيث حتى عيونهه بعدهن خضر ماناشفات
ياسر: ولك شو متستحي انت والله عرفتك راح تذبلك حجاية 😂انجب لتسمعك وحتى الهيبة تروح ودننفخ بيك والرائد والرائد
زيد: 😂😂😂😂والله وخليتني ازحف الاختك
ياسر : يعني متبطل هاي سوالفك
لا و يعني من ابطل ابطل كدام اخت ياسر
ياسر:😂😂😂😂😂مو اكوم اشوفك ياسر شيسوي
زيد: لا لا سكتنة
ياسر :يلة مدو ايدكم
زيد :ترة انت كاعد عزول بينه دكوم وفضهه
رافد :حمودي بس روحلي للمطعم..... وجيب من عندة صينية كباب ووديهه للبيت
محمد : هاي هي رايح
.
.
.
.
محمد: فتت للمطعم وكعدت انتضر بلطلب  وشفت شمس كاعده وية زيد هاي منين تعرف الرائد زيد
.
.
.
.
الكاتبة بنين الجبوري