الهاربة والضابط

البارت ١_٣

الهاربة والضابط
مرحبا اسمي شمس عمري ١٨ سنة الي شفته بحياتي اكبر من عمري عائلتي مكونة من ٢بنات وولد وامي وابوية
ياسر أخوية الصغير عمرة ١٧ سنة ويسرى الجبيرة متزوجة بلناصرية ومتجي بلسنة مرة امي عاشت عمرهه بذل بسبب ابوية ابوية شخص مدمن بطلنة من المدرسة اني واختي واحنة جنة شاطرات ونحب المدرسة
أخوية جان يحب المدرسة جنت اريدة يصير ضابط لذلك ابوية امرة يبطل من المدرسة ويطلع يشتغل
ياسر حبيبي تدري شتسوي
شسوي شمس ولج ابوية كال تبطل وتطلع تبيع كلنس بلتقاطع
انت راح تطلع تبيع كلنس بس مراح تعوف المدرسة
شلون يلفهيمة والشغل يبدي من الصبح للظهر
اي للظهر يعني تكدر تداوم مسائي
شلوون
اي المهم مدرستك متعوفهه ومستقبلك ياسر ابوية يريدنة نبقى نجدي ونباوع علناس شلون عايشة ونضل عايشين بتجاوز نضل جوعانين اليل
شسوي شمس وابوية اذا منفذت الي يريدة راح يطردني حتى من البيت
ومنو كلك ابوية راح يدري
شلون
يعني دوام المسائي ساعتين والدراسة بليل وراح تضم يومية الف من شغلك حتى من تحتاج للدراسة شي
هسة شحجي فير احمد الله واشكرة على هيج اخت
ماريد منك شي غير اشوفك ضابط وتعيش احسن من هل عيشة
اوعدج لو مهما صار راح اكمل دراستي واكون ضابط
شمس بنيتي وينج
هياتني يمة يم ياسر
شدسوون هنا
ها مدنسوي شي بس دااكول الياسر لازم يبطل من المدرسة لان ابوية محتاج شغلة
اي يمة بطل وطلع عين ابوك بلشغل
اي هاي هي يمة راح ابطل
ياسر يلة روح دورلك شغل 😉
يلة شموسة محتاجة شي
لا كلبي اريد سلامتك
حسيت براحة من طمنت علة مستقبل أخوية بس مراح اطمن اله يخلص سادس ويفوت الكلية العسكرية وبعد مايحتاج ابوية بشي😔😔
بدة ياسر يشتغل بلتقاطع ومن يرجع يظل يدرس كل اليل وجنت اكعد ادرس ويا لان كلش احب الدراسة وجنت اسويلة واهس حتى يدرس
ياسر شنو هذا الصوت
اكيد ابوج شرف من الخانة مالتة صرف كل الفلوس الي اخذهن مني الله ياخذة ونرتاح منة
ولكم شعدكم كاعدين لحد هسة
هاااا يابة انت اجيت احنة جنة منتظريك
لييييش
اسويلك عشة يابة
لا وبعدين انتي شعندج اكل حتى تسويلي
ممم ويدري ماكو اكل
شددردمين
لا يابة مكالت شي
لا كالت تعالي بنت الكلب من انعل ابوج لا بو
اخخخخخ لا يابة
حتى تعرفين شلون تحجين بعد
يابة بداعتي عندك عوفهه
ولي لا حطك وراهه
تف عليج وعلة خلقتج
😭😭😭😭😭😭😭😭😭😭
كافي حبيبتي كافي انتي ليش تحجين وتعرفي خبل وشارب
الله ياخذة 😭😭😭😭
يلة كافي هانت والله هانت كم سنة واتعين واعيشج واعيش امي احسن عيشة
واجتي امتحانات ياسر وعدت على خير بدون علم ابوية
واجتي يوم النتائج
ها ياسر بشر
لج شمس يريدون ١٠ آلاف حتى يطلعولي النتيجة شسوي
اي حلهه عندي
شنو
تعال
هاك هاي ١٥ الف روح جيب النتيجة
شمس منيلج هاي الفلوس 😠
☹️😔خيطت دشداشتين الجيرانة ونطتني هذني
ماشي حبيبي تسلمين وارجعلج اياهم من يصير عندي
ترجعلياهم من يطلع قبولك بلعسكرية
ماشي حياتي رايح اني
الله وياك
ياربي بشرني بنجاح أخوية ياربي اجبر خاطري 😢😢
ولج شمس
ها يمة
اجتي ام محمد عدهه خياط يمج تعالييي
اجيت يمة
يالله ياربي ارزقني
لج شمسسسييييي
هاااااا ياسر
تعالي وراي
اجيت
بشرني ياسر بشرني 😭😭😭
لج ٩٧ لج ٩٧
كلوووووووووووووش
ولج اسكتي فضحتينة
ولك مدااكدر اضم فرحتي وخر خلي اسجد سجدت شكر
الف الحمدالله 😭😭😭😭😭
وطلع قبول ياسر طلعتلة الكلية العسكرية بغداد وابوية درة وطرد ياسر من البيت عكس كل الابهات الي يفرحون بولدهم
ياسر راح بسكن الجامعي وصارو ينطو منحة طلابية ويشتغل ورة الدوام وبعد فترة مايحتاج شي لان راح يدخل معايشة
وضعنة صار من سيء الأسوء صرنة ناكل من اخيط ومن ماكو خياط ماكو اكل
جنت كلش احب اشتري كتب واقرة جان يجيبلي من المتنبي ياسر
كومي لج
شكو يابة
ولبة أنشأ الله كومي البسي حجابج
وين اروح
بسرعة يلة البسي بدون لغووووه
وين تريد تاخذهه
معليج انتي الله ياخذج انتي وبنتج
رحت وية ابوية اخذني مكان مثل البار ونوادي اليلية
للحظة تخيلت ابوية باعني النوادي اليلية
هاي هي يلة انطيني الوعدتني بي
انطي الفلوس
هاي هي
اي يلة برة
يابة وين عايفني 😭😭😭😭😭😭
انعل ابوج لابو ولي يلة
وهسة ياحلوة اكو كدامج شغلتين
😢😢😢😭😭😭😭انت شتريد مني
رجال جبير وضخم تقرب مني حاول ينزعني حجابي واني شعري اشكر وطويل كلش هذا اذا شافة راح ميعوفني
الله يخليك عوفني اني مو مال هالسوالف
زين عندج خيارين
يااما تصيرين بنت ليل يااما تصيرين بنت سجوون
شنو يعني
يعني قضية تشيليهه راح تنحكمين عليهه شي ٥ سنين مو اكثر
قضية قضية شنو
قضية محاولة قتل شخص
اي اي موافقة
ماشي يلة وصلهه الأقرب مركز شرطة حتى تروح تعترف
ورحت لمركز شرطة واعترفت علة نفسي ونحكمت ب ٥ سنوات واخذوني للسجن
سيدي
نعم
اكو بنية جديدة وصلت للسجن
دخلهه
ماشي سيدي
فوتي
فاتت بنية تختلف عن كل السجينات ضعيفة ولافة حجابهه ومختار هدوم مال السجن جبيرة جانت عيونه زرك
تعالي هنا
نعم سيدي
شنو تهمتج
محاولة قتل
منو
شخص ضربتة سجينة من حاول يتقرب مني
انتي
اي
متأكدة
شنوو متأكدة اني محكومة بسجن ٥ سنوات
هاا اي وشنو يعني
شنو شنو يعني
يعني اكو هواي ناس تجي هنا محكومة وهي ممسوية شي
هااا لا اني مسوية
شمسوية
كتلت
كتلتي
لا اقصد اي حاولت اكتل
انتي جاية تلعبين وياي 😠😠😠😡😡😡
انت مالك دخل اني محكومة وخلص
لج انتي منو وتحجين وياي هيج 😡😡😡😡ساقط..
مسوية علية شريفة ومغطية شعرججريت شالهه ونزل شعرهه غطة كل جسمهه
انطيني شالي الله يخليك انطيني حجابي 😢😢😭😭😭
شمرت حجابهه عليهه
السلام عليكم
اني العقيد رافد عمري ٣٣ سنة احب شغلي ومن اني للمدرسة حصلت تسريع وحتى اني بشغلي بسبب اكتب الشكر صرت اترفع بسرعة وصرت عقيد بس حولوني مأمور سجن بسبب كشفي للقضية المزيفة اغلب الناس بريئة تجي تعترف على نفسهه بمقابل فلوس لذلك نقلوني كمامور سجن بس واني بهذا مكاني اكشف هواي قضيات كذب وتلفيق
والى ان وصلتني هاي البنية إلي خليتهه هي هدفي حتى اكشف من ورة هذه الجريمة الي هاي البنية البريئة اخذتهه وركبتهه النفسهه
محممممد
نعم سيدي
اخذ هذه للسجن رقم ٣
تامر سيدي
فتت للسجن وشفت عدد جبير من النسوان وشكلهن وريحته تخزي
واكو بيهم لبسهم ضيق ومتمكيجات عبالك عرس
ياهلة جتنة بنوتة جديدة
تعالي يمة تعالي خلي نشوف وجمالة حلوة
شتريدين مني
شبيج عيني عبالك راح اكلهه كبر حتى كبر
ياربي المكان يخوف
لازم أقوى نفسي ومااظل ابجي ومابين روحي ضعيفة
شوفينة شعرج
لااا وخري عني
حلووووو بنات كانو عاطت علية تقبلون بهذا الشي يلة علموهه الحجي وياية شلون
هجمن علية وكتلني إلى أن بعد محسيت بشي
سيدي
خييير
السجينة شمس
منو هاي
السجينة الجديدة هجمن عليهه السجينات وكتلنهه وهسة هي بالمستوصف مال السجن
لا اله الا الله بدينه نفس الاسطوااانة
طبعا اني بسبب شغلي كرهت طاري النسوان من كثر ماشوفهم زايعتهم الكاع ويذبن نفسهن عل ضباط بس اني نفسي متتقبلهن مقرفات لذلك اني وحيد اهلي وممتزوج لحد الان
رحت المستوصف ولكيت البنية صاير قطعة زركة ومدماية تااكدت هي مستحيل تكتل
خلو احد يمهه
صحيت لكيت نفسي ممددة علفراش وبصفي ممرضة
مي مي
تريدين مي هاج
سيدي كعدت البنية
يلة جاي
ياربي قويني اللهم اني لا أسألك رد القضاء لكن أسألك الطف فيه 😭😢 وينك ياسر تعال شوف شصار بختك 😭
اي شلون صرتي
...............
ليش متحجين شنو كطعو لسانج
..................... 😢😢😢😢
شفتي السجن انتي راح تتحملين هيج نسوان احجي الحقيقة وارجعي الاهل وحياتج
................ 😭
منو كتلج وسوة هيج بيج
الله يخليك خليني بوحدي
الله وكامت تتشرط
الله يستر علة عرضك استر علية وخليني بسجن وحدي لو مترة بمترة بس ماريد اشوف احد
بسسس اريد شي بهذا المقابل
ماعندي شي اقدمة هو ضل بس شرفي الله يخليك ارحميني وخليني احافظ عليه 😭😭😭😭😭😭😥
يعني مناوبة تحجين
شحجي
منو الي لفق هاي القضية
اني اني اني دااكول اني 😢😢😭😭وكمت الطم علة وجهي
خلص خلص
راح احطج بسجن مفرد
انطيني ايدك ابوسهه
لا هاي هي دنشوف تاليهه
اني رايح للبيت واي شي يصير تنطوني خبر
تامر سيدي
الو
هلة يمة
هلة حجية جاي بالطريق محتاجة شي
رايدة سلامتك يبعد امك تعال
جاي يمة نص ساعة بلبيت اني
الله وياك مودع باسم الله
الله يسلمج يمة
السلام عليكم
هلا بهلطول هلة بوليدي
هلة بيج يمة وين ابوي
يمة بالمكتب مال العقار تعرفة ميجوز من هلبيع والشرة واحنة مامحتاجين
يمة شتريدين منة عوفي متونس بهل مكتب تريدي يكعد بصفج ويضل ينك
والله مااعرف شلون تفكرون
يمة احنة زلم مكانة مو بلبيت.
الله يحفظكم يمة
لو تدري شلون حلمت بيك حلم
شنو هل حلم بلله
صليت الفجر ونمت واشوفلك لن انت لابس دشداشة بيضة وطالعة مثل فلعة الكمر ولن انت تريد تفوت عتبة الباب وتجي تسلم علية مثل سلامك هذا وبنية تجي من بعيد الوجه مثل الكمر بيضة وعيونهه زرك ولابسة ثوب حلو وشعرهه طويل ولنهه تعكد شعرهه بدشداشتك وانت تباوعلهه وتضحك
ها يمة
ها يمة شبيك
مابية شي
لعد شو صفنت
لا مو يمج يمة
احجيلي يبعد امك شبيك
مابية شي يمة
حلم امي يشبه هل بنية الي بلسجن
بس لااااا اكيد هذا وهم بعدين من شوكت اصدك لأحلام
رافد يمة اصبلك اكل
.........
رافد رافد
ها ها يمة
شبيك يمة بس تتصفن
مابية شي بس شوية هوسة مال شغل
هسة تريد اصبلك لو تنتظر ابوك وتاكلون سوة
لا يمة انتظر ابوية كايم اسبح يمة
الله وياك يمة
شمس : نقلوني السجن وحدي
طلبت منهم سجادة وقران وعاهدت ربي ابدي بحفظ القرآن كل يومية ورقتين إلى أن احفظه كله
رافد:ها حسام شنو الاخبار
سيدي ماكو شي البنية طلعناه من المستوصف ونقلناهه للسجن مفرد
وبعد
طلبت شغلات غريبة
شنو
طلبت قران وسجادة
ومن اخذتهم لحد الان اشوفهه ياما ساجدة يااما تقر