رافد: انت شدتحجي هذا الشغل امي جابته الهه شجاب زيد بلنص
محمد: والله اني هم استغربت بس اذا هاي اتأكد من الحجية
رافد: دقيقة
الو
هلة حجية اكلج حجية الشغل الي جبتي الشمس.
اي معمل الخياطة هذا تابع المن
يعني هي مو صديقتج
انتي مو كلتي من طرف صديقتي ومضمون الشغل
ماكو شي بس جاوبيني
ماشي منتظر جواب منج خابريهه ورديلي خبر بسرعه
محمد: ها
طلعت مو صديقتهه من طرف صديقتهه لو ادري جان مخليتهه تكول علي
محمد: رافد الي الك ميصير الغيرك
رافد: وشمس الي وماخلي رجال يلمسهه لو لمسة غيري
محمد: رافد هاي شبيك بس هدي شوية وكول يالله لتخلي الشيطان يسيطر عليك
رافد: بوكت ما تكلب كلشي ضدي اكلب واصير اني الشيطان
محمد صارلك سنين تعرفني عرفت رافد فديوم خسر
محمد: لا ماشفتك خسرت بس شمس بضهرهه ياسر الي جان يساعد كل شخص مظلوم وانت من رادو يطيحوك وكفلهم فدور انه تكلب شيطان هذا انسى لان ياسر موجود ويطرد كل شيطان
رافد : جنت تتخيل بيوم من الايام ياسر يصير عدوي
محمد: مستحيل احد جان يتخيل الي راح يصير
رافد: اي دكت الحجية
ها حجية بشري
اي ام معاذ وهاي عدهه ولد اسمه زيد
ها هاي هي تسلمين حجية
لا ماكو شي مع السلامة
محمد: ها
نفس حجيك ام معاذ وعدهه زيد
محمد: اني صحيح زيد صديقي بس مجنت اعرف امه عدهه معمل
رافد: محمد ماعندي غيرك مااكدر أأمن بغيرك انت راح تكون عيوني على شمس
محمد: راح نرجع رافد وشراح تستفاد من مراقبتك الهه غير حركان الدم
لا تراقبهه اريد اشوف شنو طبيعة العلاقة بين زيد وشمس حتى اعرف شوكت اضهرلة
تضهر الزيد
اي
شوف رافد زيد اذا عندة شي وية شمس فهو راسة يابس ومراح يعوفهه بسهولة وبعدين انت ليش كبرت الموضوع احتمال ماكو اي شي من الي تحجي هذا واحتمال لقائهم مجرد صدفة
رافد: اني هم كلت احتمال صدفة بس طلع المعمل مال امه يعني الصدف راح تزيد
وانت شتعرف على هذا زيد شيحب البنية شلون تكون
والله من اني سئلت كالو سبب فصخته لان البنية متكبره فنوعيه مثل شمس للأسف راح تعجبة
رافد: انت دتطمني لو شنو
محمد: داحجيلك واقع
اكو احتمال زيد مراح ينتبهه على شمس وماكو شي من الحجينا واكو احتمال زيد مراح يترك شمس
وبهيج حاله الاختيار راح يبقى على شمس هي راح تختار
رافد : وبرايك منو راح تختار
منكدر نحكم علي احنة نشوفة احتمال شمس متعلقة بيك ومراح تقبل باي شخص غيرك وراح تتحمل المشاكل وية اخوهه علمودك واكو احتمال راح تختار الطريق الأمن والاهدئ الهه ولو اني ياسر اختاره الهه
رافد: شنو
محمد: ولد مركز وأخلاق وحالتهم مرتبه وراضي بكل ماضي شمس ومتقبلة فأكيد مراح اختار الي ااذة اختي راح اختار الي شاريهه
رافد: تتوقع شمس راحت من ايدي
محمد: شوف رافد رب العالمين كال أسعى يعبدي انت أسعى دائما للصلح ولي كاتبة الله يصير اذا مكتوبة يم ربك تكون الك فمراح تصير الغيرك
واذا ممكتوبة فلو مهما سويت فمراح تصير الك
رافد: هسة من باجر تبديلي تحركات شمس وين متروح أريدك تصير عيوني الثنين حتى لو شغلك اهنا اني امشي اني مااكدر اثق بغيرك
محمد: هاي هي انشالله رافد من باجر ولو اني خسرت ياسر من ورة هل شغلة
مايخالف حمودي امون عليك
اي ابو حميد سمعت البارحه انت يم ابوحسين شعندك معاملتيش دتمشيهه
يعني ماكو خبر ينضم
رافد: هههههه شلون وابو حسين يضمه اصلا كبل خابرني وكلي عيني رفودي صاحبك مشيتة
محمد : هههههه شكد نغ... لو تشوفة شلون لاكاني بس خطية صدك مشاني ومتاخرت
رافد: اي بس منو هذولة
قصة طويلة
ميخالف اريد اسمعهه احجيلي
اسمع لعد تتذكر من جنت اروح يم المعهد مال شمس
اي
اهناك شفت بنية حاول ولد يتحرش بيهه فوكفتلهه وحتى الولد جبته اهنا وقفته يوم
اي
وبعدين حاولت احجي وياهه هيج ذبيتلهه حجايات
هههههه انت محمد تذب حجي للبنات
لك رافد اني ردتهه لو تشكرني بس هي ولا يمهه لا حياة لمن تنادي ولا عبالك احد يحجي وياهه
اي
بعدين لكيت بنية بلشارع وية ولد فوذيتهم للمركز مال ياسر وطلعت البنية اختهه ومن حجت البنية وية اختهه ضلت تبجي وتكللهه اني فانية عمري على شنو
وبين وياي انه هي الازمة البيت وتشتغل طبعا اصريت عليهم اوصلهم ونور دلتني علبيت الخطأ وكالت هذا بيتنه بس تع ف احنة متعبر علينه
المهم بلنهاية خطبتهه وطلع ابوهه مقتول وهمة حالتهم مو زينه هي البنية جانت ممقتنعة بالخطبة وبس جان الشادهه الخطبة هي التعويض مال ابوهه وانه اني وعدتهه أكمله من دزيت اهلي وشافو وضع البنية واختي مستدرجتهم وعارفة انه هي تشتغل بمول جانت ذابة حجي الهم ونور كبل رفضت الزواج واني بمقابل صراحتهه كملتلهه المعامله مال التعويض
وطبعا نور هي نفسهه صديقة شمس
رافد: كل هذا صاير ومتحجي
زين وهسة شنو وليش خطبتهه انت اصلا
محمد: لان مراح الكي مثلهه تشتغل وصاينه نفسهه وتدرس وقايمة باهلهه ومن خطبتهه مذبت روحهه عليه ومو مصدكت اني باوعت عليهه
رافد: وهسة
تدري امهه شكلتلي من كملت المعاملة
شكالت
كالت اني مقدمتلك بنتي هدية
رافد: وبعد شتريد جتك هدية
محمد: وشتعرف اخوك يرضى
رافد: لا طبعا انت الي صاير كل هذا وياك ومحاجي الأحد بلله شلون تتحمل
وحجيت وشنو يعني شراح يصير راح يتغير شي
اني نفسي كاتم أسراري
رافد: اني ليش أأمن بيك وعلى اهلي وعلى كلشي يخصني
لان انت مثل البير الي يصير جوة ميعرفه احد
محمد: حبيبي واني احبك واقدرك لو ما احبك ممتحمل اعياطك وعصبيتك لك جندي ميتحملهه
رافد: هههههههه محد متحملني غيرك
شمس : ام عاذ
ها شمش
بس جيت اشوفج هذا القميص مسويته نفس التصميم الي نطيتينيا غيرت بي شنو رئيج واذا مترضين بي عادي اني اخسر فلوس القماش واخذة الي
ام معاذ: انطينيا بلاول وروحي كملي شغلج
شمس: هسة شمس اله تشغلين دماغج كملي شغلج وسكتي
ففففف شوكت ابطل سوالفي اي ضاجت مني مبين ضاجت مني
ام معاذ: زينب زينب
نعم
ناديلي شمس
شمس شمس
نعم
المديرة تريدج
ام معاذ: تعالي شمس اكعدي
شوفي هذا التصميم عجبني بس بي أخطاء ومن الأخطاء الازرار لازم تكون بغير لون
شمس: اي اعرف بس مجان عندي غيرهم
ام معاذ :حلو عجبني وراح ادزه لبعض المحلات بعد التعديلات ونشوف اذا صار بي طلب من المحلات راح نشتغلة وطبعا راح يصير حسابج غير لان من أرباح القميص راح تجي فوك راتبج
شمس : لا ست ماريد شي اني يكفي اشوف تصميمي بلمحلات
ام معاذ: يعني شنو متردين هذا حقج
اني ماريد اي حق ودزي صورته للمحلات واذا صار إقبال اريد منج غير طلب
ام معاذ :ماشي كليلي شنو الطلب
لا خليهه من يصير إقبال
هسة دحجي
اريد شغل الصديقتي اهنا هي يتيمة وكلش حبابة وتريد شغل ومحتاجة بس هي عدهه مدرسة الصبح وهي عدهه خبر بلمكياجات ومواد التجميل
اي هاي نحتاجهه علمود العارضات واني محتاجة وحده هيج اختصاص اصلا
هاي هي ست لعد راح اخليه السبت تجي وياي وتشوفيهه
تمام تكدرين تكملين شغلج
شكرا
عفوا
ام معاذ: معقوله تنازلت بكوم فلوس حتى تشغل صديقتهه معقولة ضلن هيج بنات
شمس: الو
ام نور: الو
منو نور
لا اني امهه نور بالدوام
ماشي من تجي نور بس كليلهه شمس تكول خلي تخابرني علمود الشغل
ماشي حبيبتي
شمس: الحمد لله خطية عاد هذا اهون من شغل المول تطلع بل ٤ مو لل ١٢
ام معاذ: شمس خيطيلي عشر قطع من هذا القميص وماريد احد يشوفه بس حطي هاي الدكم عليه مو من هذيج
شمس :انشالله ست راح ارتبه اكثر بس عندي ملاحظة خلي نضيف بروج للحزام يصير كلش حلو
ماشي ضيف علواحد وشوفيني
شمس :بديت اخيط واحس الدنيا بدت ترضى عليه ودتفتح أبوابه أبواب النجاح
ياسر :هلو شلون الشغل
شمس: يجنننننن
ها شبيج شو فرحانه
سويت تصميم جديد يجنن وقبلت علي ام معاذ
اي وبشنو كافئتج
اني ردت منهه تعين نور لان خطية محتاجة
هههههه والله انتي لج بابا هذا تصميم يعني فلوس فعدهه هذا أسهل طلب طلبتي
ميخالف بس خلي نور تشتغل خطية وبعدين ممحتاجين فلوس الحمد لله
الحمد الله
باجر معزومين مو
اي يم زيد
يلة اني رايحة
الساعة بيش تخلصين
بل ٢
ماشي يلة ارجع الج انشالله
ماشي بيباي
بيباي
نور: هلو شموسة
هلو كلبي تعالي رايدتج
ها شكو كلتلي امي
لكيتلج شغل خبرة تجميل ومكياج ترتبين العارضات قبل التصوير
نور:اللللله احب هل شغل اني
شمس : ايييي لج يجنن وبلتعرفي انتي
بس شلون راح ارتب الدوام
اني اكلج شلون الصبح مدرسة والضهر معهد ومن ال ٢ لل ٦ الورشة
ونلحك نقرة شي
شوفي المعهد مو دائما مضل شي ونخلص
والمدرسة هم مضل شي وينطونة الأربعين يوم
اي صح
يلة لعد هاي هي السبت نروح الصبح عليهه
ماشي
يلة خلي نفوت للمحاضرة
.
.
.
.
شمس: كعدت الصبح كمت سويت ريوك
ياسر: صباح الخير
صباح نور هلو حبيبي تعال تريك
شلون ريوك يشهي
يلة تعال اكل
يلة جيت
مرتاحة بلشغل
اي كلش مرتاحة
الحمد لله
عود فديوم اعزمي ام رافد لان عيب كل متجي يك ن ظرف مو زين
اي صح واني مشتاقتلهه كلش
ماشي خليهه علجمعة الجاية
انشالله
صدك شموسة ترة امتحاناتك بداية الشهر
التمهيدي
اي
اي واني جاهزة
يعني مخايفة
لا اني هاي الحظة منتضرتهه من سنين.
وبعدين اني حافظة المواد
اي عفية بنيتي
رافد :الو هلو حمودي صباح الخير
محمد: صباح النور شبيك حلمان بيه
حبيبي كوم غسل وجهك وتوكل على بيت ياسر
يبو يبيت ياسر راح يطلعلي بلحلم
دكوووم محمددددد
كمت كمت من خرة بية حتى الجمعة
ام محمد : شبيك يمة ياستار
شبية مبية شي بلضيم ماتخلص يعني
رافد :خلي ادكله هذا الخبل اشوفة وين صار
الو
الو
ها صحيت
رافد اسكت احسن الك ترة اليوم جمعة وشمس مو من الصبح راح تطير
لك ياصبح ساعة بل ١٢
دقيقة رافد
ها
سيارة ياسر طلعت ويا شمس
دقيقة دقيقة خليهم يروحون ياله
تلحكهم
رافد روح من وجهي احسلك ترة اعرف شنو نسيت اني ضابط
ماشي ماشي فديت الضابط والله بس الحكهم
دروح هسة يلة
محمد: امشي ورة ياسر وممصدك واخطأ بنفسي معقولة شراح اكول الرافد
طلعلهم زيد تلكاهم
يبو و مو وكتك رافد
الو
ها ابشر محمد
ها
شنو ها وين راحو
بيت زيد
شنو ووووو صدك تحجي
هسة فاتو البيت زيد
هسة جاي
رافد دقيقه رافد وين صرت رااافد
الله أليستر من الي راح يصير
زيد :حبيبي يسور نورتني
شلونج شموسة
شمس :الحمدلله تمام
ياسر: زيد احترم نفسك احسن الك
زيد :انت شعندك اجيت 😂😂😂😂
خلي انادي امي
وينج يوم اجوي
اي عيني جيت
بس ركزيلي وشوفي اختيار ابنج
هههههه دنشوف
السلام عليكم
هاي منو
شمس
ام معاذ
سبحان الله شهل صدفة
معقولة
زيد :شكو
هاي شمس تشتغل عندي بلورشة
ياسر: والله خاله اني عرفتج من شفتج اول مرة بس محبيت اكلج حتى متصير واسطات
زيد :لا ياسر غير تكللهه حتى دير بالهه عليهه
ياسر: لا مايحتاج لان شموسة ممحتاجة هي شاطرة
ام معاذ :فعلا شمس شاطرة والتصميم مالتج اني متأكدة راح يصير علي سحب
زيد :هاي عدنة مصممة ومندري
ام معاذ : اي واحتمال جبير اذا شتغلت على نفسهه راح تفتح براند خاص بيهه وطبعا تذكرني بشبابي من جنت احاول اخلق الفرص حتى افرض نفسي وهي فرضت نفسهه عليه الله يحفظهه
زيد : تعال اكلك ياسر
ها
هاي اختك ستة بواحد ادري خلاط خوما خلاط
ياسر: انت تدري دتذب تراب رجائا لتنكت
رافد :الووو وين انت
محمد :رافد الزم أعصابك
رافد :تحجي لو هسة أشعل الدنيا
محمد :اني بل.......
رافد: هسة جاي اني
محمد :رافد حبيبي لتفوت بس اسمعني
رافد :تؤخر لو افرغ المسدس براسك
ام معاذ : ماما زيد الجرس اندك شوف منو
زيد :ماشي
.
.
.
.
الكاتبة بنين الجبوري
#Baneen
أنت تقرأ
الهاربة والضابط
Romanceقصة تتكلم عن فتاه عاشت حياة ومااسي اكثر من عمرها حتى...... تابعو القصة وتعرفون الصار
