#عوضني_بيك
الحلقة 9
رهف: كملت مكالمتي وطلعت لقيته مش قاعد قعدت في الصالة نحضر عالتلفزيون مع خشت خالد
خالد: هذي امانتك جابها منير توا
رهف: هييييييي نطيت خديتها منه وعيوني مليانان دموع ليا ايام ماشفته وماهذرزت معاه فتحت الكيس وطلعتها😍😍😍الله وحق ربي استاحشته😘😘😘
خالد: كيف الطفلة الصغيرة لما حد ايجيبلها حلوه والا حاجة اتفرحها من فرحتها بالصورة لين عيونها دمعاً حبيت انلطف الجو شنو مافيش عشي😊😊😊
رهف: توا اندير شوية بس وخشيت للمطبخ...
خالد: قعدت انتهرب منها مانبيش نحتك بيها واجد لاني عارف روحي بنضعف مانقدرش انشد روحي اندير في روحي امعصب وانتهرب بيش مانغلطش لين ايفوتاً الشهرين😔😔😔😔
رهف: صورة باتي عطتني طاقة زيادة درت بيتزة وحطيت معاها مشروب ورفعتها لصالة واحني انتعشو كل مانرفع عيني نلقاه ايشوفلي ويرتبك واينزل عينه كل شوي نفس الشي كملنا عشانا غسلت وخشيت لداري قررت نبدا الحرب😉😉😉 وخديت دبشي وعديت للحمام حممت ولبست واني طالعة تلاقينا قدام الحمام لعيون هكي😳😳😳 واني من داخل ميته ضحك كملت طريقي وخشيت لدار.....
خالد: قعدت واقف في مكاني من المنضر يلي ريته جمدت لابسة روب وردي الباين اكتر من لمغطي🙈🙈🙈🙈🙈 شن درتي فيا ياامي بس حكيت وجهي وخشيت للحمام طوووول تحت الدوش بالك ننسى المنضر لكن عبس مرتسخ في دماغي ماباش يطلع قعدت اندور عذر بيش انخش لدار...
~~~~
منير: بكرا لما اتجي رهف نسألها عليها من هيا البنت اختها لالا هيا ماعندها خوات يمكن بنت عمها يلي عايشة معاهم بس امي ماتشكرش فيهم عيت عمها لكن والله ماني امفوت الموضوع الا مانعرف من... تلفوني يرن اوووووف اف خير امها امعششه عليه هذي من كتر التفكير لين خداني النوووم😴😴😴😴
طبعا انسيت انعرفكم ع منير شخصيته حلوه ومرح عكس خالد والشبه مش بعيد واجد عن خالد عيبه الوحيد امتاع بنات يعني امتاع علاقات لكن شكله بيتوب ع يد رانيا 😂😂😂😂😂😂
~~~~
خالد: فتحت الدار لقيتها واعية ع السرير🙄🙄🙄
رهف: خير خالد تبي شي
خالد: ااااا ظهري يوجع فيا من الكنبة وقعدت اندير في حركات ع اساس تمارين من الوجع نبي نرقد عالسرير ومشيت في الاتجاه التاني واني مش امدورها..
رهف: تمام واني نطلع نرقد ع الكنبة
خالد: نطيت خليك ماناكلش في العرب اني مش جاي لي جيهتك تغطيت تصبحي ع خير
رهف: وانت بخير رقدت واني نضحك ضحكت الانتصار مزال ماريت شي ياخالد😁😁😁😁
~~~~
صبح تاني يوم☀☀
رهف: اول مانضت لقيت روحي في حضن خالد انخلعت نضت بشوي وخشيت للحمام
خالد: ههههههه تسحابني راقد واني مارقدتش بكل الليل طول واني انتفرج عليها شن صارلك ياخالد والله شكلك طحت ع زومتك ❤❤❤ خطرت عليا امي امس ماريتها خشت رهف
رهف: صباح الخير
خالد: صباح الورد وتي روحك انتغدو عند امي اليوم اكيد بروحها
رهف: حاضر
خالد: نضت حممت وصليت وفطرنا واحني طالعين رن تلفوني اييوه
نوري: هلا وينك ياقاطع كان اني مانرنش خلاص
خالد: ههههههههههه والله ماصارت انتكلم واني انأشر لي رهف بيش تطلع ركبنا في السيارة وحركتها شن جوك انت
نوري: تمام امكسد بلاك هيا امتي بترد للعمل مكانك فاضي ياراجل
خالد: هههههههه استاحشتني خلاص مش امطول الاسبوع الجاي ان شاءالله
رهف: انسجمت معاه ومع ضحكته يلي تسحر فيا😍😍😍
نوري: ان شاءالله هيا تبي شي توا
خالد: لا سلامتك بس سلم ع الشباب
نوري: يوصل سلام
خالد: سلام... وصلنا هي انزلي
