#عوضني_بيك
الحلقة15 والاخيرة
رهف: وصلنا للمستشفي ودخلوني طول حالة ولادة وخالد يبرم جاي وغادي
خالد: كلمت منير قتله خبرهم كل مرة ايجي حد صالة الانتظار تعبت نشبح في الدكتورة طالعةجيتها نجري
الدكتورة: مبروك المدام جابت وليد وصحته تمام
خالد: ورههف شنو كيف حالها
الدكتورة: ماتخاف كويسة شوي وانطلعوها لغرفتها
خالد: قعداً يحضنن فيا وايباركاً واني مش امصدق صرت بات الله ع هالشعور نشكر في ربي ع كل شي
رهف: بعد ريت ولدي نسيت كل شي ولدي هذا مش امنقصه عليه حاجة مش حندير يلي داراته فيا امي لوحتني وخلت العرب اتنهش فيا ربي يعطيني عمر ونسعده😍😍😍طلعوني لي غرفتي جت ع سالمة وع احلام والبنات وخالد ماخلوشي ايخش مكان لنساء بس ع سالمة طلعت لوليد لي خالد والبنات روحن وقعدت في المستشفي لعند المغرب ودارولي خروج روحت لي حوش ع سالمة لقيت ع سالم دابح والبنات دايرات العشي وسميناه سالم ع جده وفات الجو عادي كانو فرحانين بيه كأنه اول حفيد ليهم بعد اسبوع روحت لي الشقة..
خالد: مش امصدق صرت بات وقعدت مسؤول ع عيلة واحلى عيلة ربي ايخليهم ليا وبديت نبني في حوشي يلي بنعيش فيه اني ومرتي وولدي كنت كاذب عليهم قلتلهم بنسكن في الشقة وبعد وقت نبدا نبني مانسحابش روحي ايجي يوم ونبني حقا عمرك ماتقرر قرار وانت مش عارف شن بيصير معاك ربي قادر ايغير كل شي...
~~~~
بعد اربع شهور
رهف: خيرك يامجنونة تبكي المفروض تفرحي من تبكي
رانيا: 😭😭😭كيف بنسيب حوشنا وامي
رهف: حبيبتي هذا منير يلي بيعوضك ع هلك وحوشكم حيييي مكياجك خرب
رانيا: هيييي حقا
رهف: ههههههههههه انبصر عليك نبيك تسكتي خلاص هيا نوضي البسي الفيلو قريب ايجيك خوك حس تلفوني يرن ايووه
خالد: ها ياقلبي كملتي
رهف: اي حبيبي كملت وين سلومة شن صار فيه
خالد: قولي اني شن صار فيا نشفني قريب نبكي😂😂😂😂😂
رهف: ههههههههههه خليه ياخد تاري
خالد: باهي ياشريرة شكلك انتي اموصيتيه ههههههههه
رهف: 😂😂😂😂😂
خالد: ها شنو انجيك
رهف: اي تعال خلاص
خالد: ماشي
~~~~
منير: خيرك ياقلبي
رانيا: انت تحبني😭😭
منير: انمووت فيك واليوم نتبتلك 😂😂😂
رانيا: ياصامط 😭😭😭مانيش جايا غيرت رايي
منير: ههههههههه انوريك بعدين
رانيا: باهي قول مش داير شي
منير: مجنووووونة وحق ربي😂😂😂
~~~~
رهف: جيت لي رانيا لقيتها اتكلم بالتلفون اشرتلها بيدي اني طالعه وهيا هزت براسها وطلعت ايراجي برا ماشية لصالة دايرين الحفلة مشتركة في الصالة
خالد: خيرك طولتي ياماما شاد يد اسلومة وانأشر بيها
رهف: ياقلبي استاحشتك تعال تعال
خالد: واني مافيش استاحشتك😢😢😢
رهف: انت مش توا انقولهلك😍😍😍😍
خالد: هههههههه قصدك توا انروحو لشقة😉😉😉😉
رهف: لاااااااااااا مش توا
خالد: 😂😂😂😂😂باهي ارفعي خمارك شوي خلي انشوفك
رهف: اني كنت ساخنه رفعت لخمار بكل خالد عيط في وجهي رعشني
خالد: نزززلي النم الناس اتشووف فيك😠😠😠
رهف: ها نزلته خلاص لا توا لا بعدين 😏😏😏😏
خالد: ضحكتني المجنونة كيف الاطفال تصرفها اكيد امطرمة شواربها تحت لخمار😂😂😂😂 تو نعرف كيف انرضيها بعدين وصلتها لصالة ومشيت...
رهف: فاتت ليلة اتهببببل رقصنا وغنينا وشفت اعز صديقة واخت بالفيلو وزفيتها لي عريسها فرحتلها بجد وخالد عرف كيف ايرضيني هو الوحيد يلي يفهم فيا بدون مانتكلم وامريحني من ناحية اسلومة ايطلع فيه معاه وايلعب فيه ربي يحفظه ليا😘😘😘 وكان حلمي انكمل قرايتي والحمدلله خالد حققلي حلمي وقدم اوراقي وبديت كان امساعدني وااااجد في اسلومة وفي قرايتي واني كنت الحمدلله شاطره.....
~~~~
بعد مرور سنتين
رهف: كملنا حوشنا واليوم بنخشوله دايرين لمة للعيلة اسبوع يلي فات كله واني وخالد مشغولين في الاتات تعبنا معانا رانيا ومنير والحمدلله كملنا كل شي اسلومة ليه سنتين ونص وتوا حامل في السابع قاتلي الدكتورة بنوته🙈🙈🙈🙈 ورانيا عندها بنوته...
خالد: رهف شنو كل شي واتي الناس قريب ايجو
رهف: اي كل شي واتي البنات وتن كل شي
خالد: ردي بالك اتعبي روحك شدي مكانك وقعمزي البنات واجدات كان تبي حاجة قوليلهن
رهف: سلمه ياربي يلي خايف عليا😍😍😍
خالد: كان ماخفت عليك ع من انخاف😘😘😘😘
رهف: خااالد عيب تو ايجي حد خلاص عدي
خالد: هههههههههه ماشي ماشي
رهف: كملنا حوستنا وروحو الناس ضمينا حوسة الحوش وكل واحد روح لي حوشه والحمدلله صبرت ونلت كل السنين الشينة يلي عشتها ربي عوضني بأحسن منها ومع شخص يلي غير حياتي للاحسن كل مانوض في الصبح انقول اكيد نحلم لين انشوف خالد راقد جنبي هذا وين انتريح حاولت امي اتواصل معاي بس اني رفضت بعد مالقيتهاش في اصعب اوقاتي ماتلزمنيش في اسعد ايامي هيا بعد استحقتلي سألت عليا بعد راجلها طلقها وجت قعدت مع خوتها ماتفاهمت هيا ونسوانهم خطرت عليها😏😏😏😏 ربي ماينسى حد احمد ولد عمي طلع من الحبس والحمدلله حسن من روحه قعد احسن من قبل ورندة زوجوها هلها لي راجل كبير في العمل تحملت وسكتت عارفه روحها كان ردت لي حوش هلها شن بيصير فيها ......
~~~~
خالد: رقد اسلومة
رهف: اني امقعمزة ع كرسي الزيانه وندهن في ايديه اي حبيبي
خالد: باهي تعالي هنا ايأشرلي ع صدره
رهف: جيت ورقدت ع صدره اااااااه هذي راحتي النفسية😍😍😍
خالد: اكيد تعبتي اليوم
رهف: عادي البنات الحق ماخلني اندير شي
خالد: كم ليك توا حبيبي
رهف: اسبوع الجاي انخش التامن
خالد: خلااااص قربت غير راك اتديريلي كيف المرة الاولى😂😂😂😂
رهف: 🙈🙈🙈🙈راك تنساها انت ديما دكرني بيها
خالد: ههههههههههه قعدت انقلد في صوتها.. ككله منك كله منك ماعاد نبي انجيب 😂😂😂😂😂😂😂
رهف: خاااالد خلاص اسكت قعدت نضرب فيه بالمخدة اسكت اسكت كرني وحضني
خالد: ههههههه خلاص حبيبي سكتت غير راك اتجيبي توا😂😂😂
رهف: هههههههههه
خالد: خليك ديما هكي ماتحولي من حضني
رهف: وانت خليك ديما هكي😘😘😘😘
اسلومة: ماماااا جي يجري رقد بينا
خالد: هذا كيف الراي معاه
رهف: هههههههههههههههه
~~~~
فات شهر وجبت بنوته اتهبببل خالد قالي سميها انتي واني سميتها سالمة ع عمتي لانها بجد تستاهل كانت احن من امي كانت تعتبرني بنتها كانت اتعارك في خالد كان زعلني واتدافع عليا وهيا فرحت بالاسم لان ماحد سماها من ضناها من قبل....
الحياة تستحق التضحية والصبر مافيش حاجة اتجي بالساهل وهذي حياتي في البداية كنت نتمنى الموت لاني مافيش حاجة كانت تستحق انعيش ع شانها واتخليني انتمسك بالحياة وماكنتش متوقعه ايصير معاي هكي كنت نرقد واني نبكي وانوض واني نبكي فجأة ضحكتلي الدنيا صار عندي راجل ايخاف عليا من نسمة الهواء ودرت عيلة ربي يحفظهم ليا ان شاءالله❤❤❤❤❤
*****
#النهاية
#الكاتبة_جيجي_جيجي
ان شاءالله عجبتكم الى القاء في رواية تانية شكرا ع تعليقاتكم الحلوه😘😘😘😘😘😘
#تعديل
انكمل في خط الروايات والا انوقف😁😁
